Ɛbal 3:1 - Mɨkan wu Fi

¹ Ma lan nə ɨbɔmbɨma ɨban a ndzum Kristo, bən ba Ŋwi a kɨnɨ nkɨ ntsɔʼ awən lá, á nɨ tɛgɨ ɨmɨgɨ ɨmən ɨ shiʼnɨ a Yeso məwiŋ ə. A nɨ zɨ wa Ŋwi a tságɨ́nɨ́ ngə́ á be ntumshe wu ngwi wu anu za bɨgɨnə nɨŋnɨ mɨntəm ɨmɨgɨnə ɨwu lá.

Ɛbal 3:1 Referans Kwoze

2 Timotyo 1:9

Wɛrə a lóŋ awɨgɨnə nkɨ ntsɔʼ awɨgɨnə ngə́ á bɨgɨnə be ɨbɛn ɨbyi, nkeʼ be be mbɨ́ʼ anu za bɨgɨnə ghɨnə, lá mbe be mbɨ́ʼ adzaŋ za wɛrə a lɔnə abɔʼnɨ abɔŋəntəm azhi ɛ. Wɛrə a ghá abɔŋəntəm məzen a mbó bɨgɨnə ntsa a ndzum Kristo Yeso bɔŋ á mbyi mbíʼnə́,

Filibi 3:14

Ma lan, ma kɨə ngěn tsɛʼ adiʼ za ma mɨ yɛʼ nkaŋ taŋ ɨ tsi nɨ akyaŋə za, mbe lá adzaŋ za Ŋwi a tɔŋnɨ aghan a fɔməbvurə a mu ntsi ntən ntsa a ndzum Kristo Yeso ghe.

Ɛbal 7:26

Yeso a tiʼ mbe ntumshe wu ngwi wa a ghánə́ atsum za bɨgɨnə lɔnə a mbó bɨgɨnə ghe. Wɛrə a fɛmə; nkeʼ nɨ ɨfənu tse tsi kə ɨbvu ə; bɨ tsɔʼ ayi ntɛgɨ a tsi atú zɨ nkeʼ a tɨtərɨ ngaŋ ngɨ mɨbvu tsi, bɨ chwem ayi atú abərɨ zə wi a fɔməbvurə ghe.

Ɛfɛso 4:1

Me wa ma nɨ ngaŋ atsáŋ mbɨ́ʼ ngə́ ma faʼə a mbó Maʼmbyí, ma tiʼə mbúʼtɨ́ mbó a mbó bən ngə́ á ntsi mbyi ɨzɨŋ tsi a nye ɨfɨʼ za ɨ diʼnɨ ngə́ nɨ lá ɨbɛn ba Ŋwi a tsɔʼnə.

1 Bita 2:9

Lá nɨ nɨ ngwəgɨ ŋwɔn mɨsɔŋ za bɨ tsɔ́ʼnɨ́, bɨntumshe bə ɨfɔ, alaʼ zə fɛmnɨ, ɨbɛn bɨ Ŋwi ba bɨ tsɔʼnɨ a nchwítɨ́ nkən mbɨ́ʼ ngɨnɨ mɨnu mə shiʼnɨ be tɨ́sə́n mə Ŋwi, zɨ wa a lɔ́gɨ́nɨ́ awən a mu ndzumnɨ ɨ fu ngyen nɨ bən a mu nkaʼ ɨyi wa ɨ nɨ wu shiʼnɨ be tɨ́sə́n lá.

Ɛbal 2:17

Ma lan, nə nɨ anu za mbáʼ a tsínɨ́ nɨ mbe tso ɨbɔmbɨma ɨbyi a nye mɨndóm mɨtsum, taŋ ɨ be ntumshe wu ngwi ɨwa, wa a faʼnə tsɛʼ nɨ táʼ ntəm abɔʼnɨ akômɨlɨŋnɨ a mu afaʼ azhi a mbó Ŋwi, taŋ á Ŋwi a lɨgɨnɨ mɨbvu mɨ ɨbɛn ə.

Ɛbal 10:21

Bɨgɨnə tsi nɨ ntumshe wu ngwi wa a faʼnə a mu ndá za a nɨ zɨ Ŋwi ə.

Ɛfɛso 4:4

A tsi táʼ mbəmnye, a kɨ ntsi táʼ Azhwi, tsɛʼ adzaŋ za a tsinɨ táʼ ntsiŋə nɨ ntəm tsum za Ŋwi a tsɔ́ʼnɨ́ awən mbɨ́ʼ a zɛrə lá.

1 Tesalonaika 2:12

Bɨgɨ wɔ́ŋtɨ́ awən, ndɛtɨ mɨntəm ɨmən nkeʼ kɨ nkyɛntɨ a nyíʼtɨ́ bən ngə́ á nɨ tsi nɨ abə́ŋ a ntsi mbyi za a ghɨnə ɨnye Ŋwi bɔŋənə, zɨ wa a tɔ́ŋnə́ awən ngə́ á nɨ yen nkɨ ntsi a mu Nɨfɔ ɨni abɔʼnɨ nɨfáŋ ɨni lá.

1 Korɨnto 9:23

Ma ghɨə a mətsiŋ ɨnu ɨtsum lá tsɛʼ taŋ ɨ soŋ Nkən wu Shiʼnɨ taŋ ɨ ghɨ kɨ́ tsi nɨ ɨfɔgə wa ɨ tsinɨ ɨwu ə.

2 Timotyo 2:7

Kwaʼtɨ ɨnu tsa ma sóŋnə́ a mbó gho lá mbɨ́ʼ ngə́ Maʼmbyí a mɨ ghɨ o zuʼ nkɨ nji a tsɛrə ɨtsum ə.

1 Timotyo 6:12

Kɨrɨ adaʼ azo atsum a mu amaŋnɨ a nɨkɨə zə abeməntəm, ntiʼ ndzɨ ntsi ntən nɨnkoŋ a mbó atuəmbəm azo; mbɨ́ʼ ngə́ Ŋwi a tsɔ́ʼ agho lá a mu ntsi mbyi məzen a njwi wa o sóŋnɨ́ abeməntəm azo nɨ ntəm ɨgho ɨtsum asaŋəsaŋ a mbyi bətɛmə-ndzě bə ghaʼnɨ lá.

Roma 15:8

Mbɨ́ʼ ngə́ ma sóŋə́ awən ngə́ a mu ntsi mbyi Kristo, wɛrə a kə́ faʼə a mbó bə Yuda, a ndiʼə ngə́ ka Ŋwi a nchwě ayi ɨnu ə. Məzen a tsi lá a ngɨə ngə́ ɨnu tsa zɨə káʼnɨ́ a mbó bɨta ɨba bə kɔ́ʼɔ́nguʼ á tsɨ fu a nye nkənu,

Ɛbal 2:11

Wɛrə a sugɨ ɨbɛn a nye mɨbvu ɨma ghe. Wɛrə abɔʼnɨ ɨbɛn ba bɨ sugɨnə awa tsi nɨ táʼ Tarɨ ə. Nə nɨ anu za a ghɨnɨ Yeso a keʼ ndɨ́rə́ atú a ntɔ́ŋ bo nɨ ɨbɔmbɨma ɨbyi,

Yoane 20:21

Yeso a kwíʼ nkwátɨ́ sóŋ a mbó bo ngə́, “A mbɔnɨ ɨ tsi a mbó bɨŋ ə. Adzaŋ za Tarɨ a tságɨ́nɨ́ aghan lá, ma kə́ ntságə́ awɨŋ ə.”

Judɨ 1:1

Aŋwaʼnɨ zen a lo a mbó me Judɨ, ngaŋ afaʼ Yeso Kristo, wa a kɨnɨ nkɨ mbe mɨma Jemsɨ ə. A ghěn a mbó ba Ŋwi a tsɔʼnə awa, bo ba bɨ tsínə́ a mu akɔŋnɨ a Ŋwingɔŋ Tarɨ, bɨ kə ndě awa a mbó Yeso Kristo:

Ɛbal 3:14

Bɨgɨnə mɨ be táʼ azúm bɨgɨnə bɨ Kristo mbáʼ be bɨgɨnə chwa ɨ shiʼnɨ ɨnɨŋ ntəm za bɨgɨnə tsínɨ́ nɨ zɛrə a mbiʼnə, ɨ kɔʼ kuʼ a ndwitə ghe.

1 Timotyo 6:2

Ɨbuʼ tsa bɨta bɨ ɨbuʼ ɨba nɨ ɨbɛn ba bɨ zɔŋnə a Kristo, bɨ se tsi nɨ ndiʼ atságɨ́ a mbó bo, mbɨ́ʼ ngə́ bo kɨ mbe lá ɨbɔmbɨma ɨba ghe. Bo baŋnɨ ntsi nɨ ɨ faʼə a mbó bo ɨ ghɛn nɨ mbyi, mbɨ́ʼ ngə́ ɨbɛn ba bɨ dzɨ́nə́ abi afaʼ aza a nɨ ɨbɛn ba bɨ nɨŋnɨ mɨntəm ɨma a nye Ŋwi nkɨ mbe ɨbɛn ba bo kɔŋnə. O tsi nɨ ɨ zagɨ diʼ kɨ soŋ ɨnu tsiŋ ə.

2 Tesalonaika 2:14

Ŋwi a tsɔ́ʼ awən a nye məzen ntsa lá a ndzum Nkən wu Shiʼnɨ wa bɨgɨ sóŋnɨ́ a mbó bən; wɛrə a tsɔ́ʼ awən lá ngə́ á nɨ tsi nɨ azɨŋ abagɨ a nɨfáŋ nɨ Maʼmbyí Yeso Kristo ɨwɨgɨnə ghe.

2 Tesalonaika 1:11

Nə nɨ anu za bɨgɨ tsaʼtɨnə a Ŋwi mbɨ́ʼ awən nkfu tsum lá. Bɨgɨ lɔ́ntə́ a mbó Ŋwi ɨwɨgɨnə ngə́ á wɛrə a ghɨ á ntsi mbyi ɨzɨŋ kɔʼ nkuʼ ndvuŋ wa a tsɔʼnɨ awən ngə́ á nɨ tsi nɨ wɛrə ghe. A Ŋwi a ghɨ, ntsa a ndzum mɨtən ɨmyi, ngə́ á ɨnu tsɨ shiʼnɨ ɨtsum tsa nɨ lɔnɨ ngɨə á tsɨ fu, ɨ kɨ ghɨ ngə́ á ɨfaʼ ɨwən a mu abeməntəm kɔʼ nduŋə.

1 Tesalonaika 5:27

Ma nyíʼtə́ awən nɨ mɨtən mɨ Maʼmbyí ngə́ á nɨ tɔŋ aŋwaʼnɨ zen a mbó ɨbɛn bɨtsum ba bɨ nɨŋnɨ mɨntəm ɨma a nye Ŋwi ə.

Kolose 3:12

Nɨ nɨ ɨbɛn bɨ Ŋwi ə; wɛrə a kɔ́ŋ awən, ntsɔʼ awən a nye ɨbɛn ɨbyi ɛ. Ma lan, nɨ tsi nɨ ɨ zagɨ ɨ diʼnə a mɨlɨŋnɨ, ngɨ ɨbɔŋ, ɨ shiʼtə nɨ ɨnye a ɨshe, ngɨ ɨnu nɨ mbɔnɨ abɔʼnɨ nchigə ghe.

Kolose 1:22

Lá tɨtsɔŋnɨ, a ntsǎ a ndzum nɨvwo nɨ Mɔn ɨyi, Ŋwi a ghɨnə awən a nye bɨson ɨbyi, taŋ ɨ tiʼ yen nɨ bən a ɨshi zɨ á nɨ fɛm, nkeʼ nɨ alɔʼ zə tsɛrə tsi nkɨ ntsi tɨ ɨfərɨ wu tsɛrə,

Kolose 1:12

Ɨ kə́ ghanə a mɨya a mbó Tarɨ, zɨ wa a ghɨnə nɨ chi tiʼ tsi nɨ azɨŋ azúm a mu ɨdzúm tsa Ŋwi a lɛnɨ a mbó ɨbɛn ɨbyi a mu nɨfɔ nɨ nkaʼ ə.

2 Korɨnto 1:7

Ntsiŋə ɨzɨgɨ nɨ ntəm ɨwɨgɨ ɨtsum mbɨ́ʼ awən ɨ se chiʼnɨ; mbɨ́ʼ ngə́ bɨgɨ zhi ngə́ adzaŋ za nɨ zɛ́nɨ́ ndəŋndəŋ ngɨ́ʼ tso bɨgɨ lá, nɨ kɨ ntsi nɨ alɛtɨ tso bɨgɨ ə.

1 Korɨnto 1:2

Ngěn a mbó bɨŋ ndáŋwi za ɨ tsinɨ a Korɨnto, nkə́ ngěn a mbó ɨbɛn bɨtsum ba bɨ tsɔʼnɨ ngə́ á bɨ be ɨbɛn bɨ Ŋwi bə fɛmnɨ ba bɨ tsinɨ a mbó zɨ mbɨ́ʼ ngə́ bɨ tsi a mbúm bo bɨ Kristo Yeso, nɨ ɨbɛn bɨtsum ba bɨ tsinɨ ɨdiʼ ɨtsum ba bɨ ghúʼsɨ́nə́ a Maʼmbyí Yeso Kristo ɨwɨgɨnə, wa a benɨ Maʼmbyí ɨwa nkɨ mbe ɨwɨgɨ lá.

Roma 15:27

A kɨ tsɔʼ bo ntsɔʼ a mu mɨntəm ɨma a ngɨə mə lá; lá tsɛʼ a nkənu, a nɨ adiʼ aza ngə́ bo mɨ zagɨ ɨ kwatɨ awa ghe. Tso mbáʼ bə Yuda yɛ́btɨ́nɨ́ ɨfɔgɨ azhwi wa bo bɨ ba a se bə Yuda be lá, ba a se bə Yuda be kɨ ntsi nɨ ndɔgɨ afuʼ aza ɨ kwatɨ bə Yuda nɨ zɛrə ghe.

Roma 11:17

Bɨ chwántɨ́ mbó mɨ atɨ a olif za bɨ binɨ mə mɔʼɔ, ntiʼ nchwuʼsɨ abó atɨ a olif wu ɨmu mɨbaʼ ɨwu ə. Bɨŋ ba a se bə Yuda be fi abó atɨ a olif zə ɨmu mɨbaʼ za, tɨtsɔŋnɨ nɨ tiʼə nchyɛ̌ nɨ nkyi a nye mɨngaŋ mɨ atɨ a olif za bɨ bínɨ́ lá.

Roma 9:24

Mbɨ́ʼ ngə́ bɨgɨnə lá ɨbɛn ba wɛrə a tsɔ́ʼnɨ́, ba bɨ se fu tsɛʼ a mbó bə Yuda, lá nkɨ ndzɔŋ fu a tɨtərɨ ba a se bə Yuda be lá.

Yoane 20:27

Wɛrə a tíʼ soŋ a mbó Tɔməshi ngə́, “Tsagɨ a shwi abó gho ɨghan, nkɨ ndyiŋ mbó ɨmə; tiʼ nkɨ nasɨ abó azo ɨ nɨŋ a mumbyɛn me ɨghə. Kyɛntɨ ɨməŋnə ɨzo za, ntiʼ nɨŋ ntəm ɨgho a nye me ghe!”

Nkyɛʼə 18:20

A ba bɨ tsinɨ a fɔməbvurə dorɨkɨ mbɨ́ʼ adzaŋ za bɨ tsənkɨnɨ a wɛrə ghe! A ɨbɛn bɨ Ŋwi, ntóm Yeso abɔʼnɨ ntóm Ŋwi dorɨkə! Mbɨ́ʼ ngə́ Ŋwi a chɛrɨnɨ ɨsáʼ ngə́ wɛrə a vwo ɨsáʼ lá mbɨ́ʼ anu za wɛrə a ghɨ́nɨ́ a nye bɨŋ ə.

Nkyɛʼə 17:14

Bo mɨ tǒkɨ a Mɔn Mbyindzɨ wa; lá Mɔn Mbyindzɨ wa abɔʼnɨ ɨbyi ba bɨ tsɔ́ʼnɨ́, ndzarɨ awa, bɨ kə́ ndzɔŋə ayi tsɛʼ nɨ táʼ ntəm lá, bo mɨ ghaʼ awa mbɨ́ʼ ngə́ wɛrə a nɨ Maʼmbyí bɨmaʼmbyí nkɨ mbe Ɨfɔ bɨfɔ ghe.”

1 Yoane 1:3

Za bɨgɨ zɛnə nkɨ ndzuʼ, bɨgɨ kə́ nchwítə́ a mbó bən, taŋ á nɨ chi bumnɨ bɨgɨnə a mu ndzɨnə za bɨgɨ tsinɨ nɨ zɛrə bɨgɨ bɨ Tarɨ bo Mɔn ɨyi Yeso Kristo lá.

1 Bita 5:10

Lá mbáʼ nɨ zɛnɨ ngɨ́ʼ a nye məkum a nkfu, Ŋwi, zɨ wa a diʼnə abɔŋəntəm azhi nkfu tsum, zɨ wa a tsɔʼnɨ awən ngə́ á nɨ kɨ ntsi a mu nɨfáŋ ɨni nə nɨnkoŋ, a mbúm bɨŋ bɨ Kristo, zɨmboŋ a mɨ ghɨ á nɨ kɔʼ ntəm ngə́ tsáŋ, ɨ kɨ ghɨ á nɨ tɛm nkeʼ nchíʼnə́, ɨ tsi nɨ adaʼ, ɨ kɨ ghɨ á mɨngaŋ ɨmɨŋ shwi a ɨshe ə.

1 Bita 5:1

Me wa ma nɨ atú a ndáŋwi me mboŋ, ma bǔʼ mbó a mbó ɨtú ndáŋwi a tɨtərɨ bɨŋ ə. Ma nɨ atɛmə-ndzě a nye ngɨ́ʼ za Kristo a zɛ́nɨ́, ma ghɨ kɨ́ tsi a mu nɨfáŋ na bɨ ghɨnɨ kyɛʼ lá. Ma bǔʼ mbó a mbó bən ngə́

1 Bita 3:5

Mbɨ́ʼ ngə́ bəngye bə kɔ́ʼɔ́nguʼ ba bɨ fɛ́mnɨ́ nkɨ nɨŋ ntsiŋə nɨ ntəm tsum ɨza a nye Ŋwi kə́ ngɨ̌ nɨbɔŋ a nye bo lá adzaŋ za bo kɨ́nə́ ndzúʼnɨ́ bɨlóm ɨba ghe.

Ɛbal 9:11

Lá Kristo a yenə tso Ntumshe wu Ngwi wu ɨnu tsɨ shiʼnɨ tsa tsɨ binə ntsi ɨghə. Ntaŋ wa wɛrə a faʼnə wə mu nɨ wu wi ngɛn nɨ mbyi nkɨ nkɔʼ ntɛm ngə́ tsáŋ ngɛn nɨ mbyi; ka a be ayi ntaŋ wa bɨ korɨnɨ nɨ mbó mɨ ŋwɔn mɨsɔŋ, lá be ngə́, ka a be ayi abagɨ atuəshe zen za bɨ káʼnɨ́ lá.

Ɛbal 6:20

A nkfu bɨgɨnə, Yeso a konə ngɛn a mu adiʼ məzen a mbyi bɨgɨnə, ntiʼ mbe ntumshe wu ngwi nɨnkoŋ tso Mɛkisɛdɛkɨ ə.

Ɛfɛso 3:6

Anu za bɨ lwɛ́ʼnɨ́ lá a nɨ ngə́, a ntsǎ a ndzum Nkən wu Shiʼnɨ, ɨbɛn ba bo se bə Yuda be chintɨ bə Yuda a nkwárɨ́ ɨfɔgə Ŋwi ə. Bo tiʼ mbe ɨlam ɨnye táʼ mbəmnye za, nkɨ ntiʼ ntsi a mu akaʼ za Ŋwi a káʼnɨ́, ntsa a ndzum Kristo Yeso ghe.

1 Korɨnto 10:17

Mbɨ́ʼ ngə́ a nɨ táʼ mbɛʼ abán, bɨgɨnə bɨtsum baʼtɨ nghaʼ ɨ ghaʼnɨ lá, mbe táʼ ɨnyam ɨnye mbɨ́ʼ ngə́ bɨgɨnə yɛbtə lá ndəŋndəŋ mbɛʼ abán nkfúrə́ ghe.

Yoane 17:3

Ɨ tiʼ tsi ntən nɨnkoŋ ɨ nɨ ngə́ á bo zhi agho, Ŋwi ɨ nu zɨzɨ tɨ wə daŋ, abɔʼnɨ nji Yeso Kristo wa o tságɨ́nə́.

Ɨfaʼ 1:15

A ndzum njwi tsɨ tse a nɨsháŋnɨ́, ɨbɛn ba bɨ nɨ́ŋnɨ́ mɨntəm ɨma a nye Yeso wɛ́m ngǒtə ghe. Ɨbɛn bɨtsum ba bɨ tsínɨ́ ɨwu bɨ bé tso 120 ghe. Bita a ló atɨ́ a ngamə ɨ soŋ ngə́,

2 Korɨnto 9:13

Ntsa a ndzum adzaŋ za afaʼ azən məzen a diʼnɨ ngə́ nɨ nɨ ɨbɛn bɨ nkənu, bə ghaʼnɨ mɨ gha nɨfáŋ a mbó Ŋwi mbɨ́ʼ adzaŋ za nɨ zúʼnɨ́nɨ́ nkən wu shiʼnɨ wu Kristo, abɔʼnɨ adzaŋ za nɨ yɛbtɨnɨ ɨdzúm ɨtsən tə́ ndə́ŋtə́ bɨŋ bɨ ɨbɛn bɨ Ŋwi a Yerosalɛm abɔʼnɨ bə mɔʼɔ lá.

Ɛbal 3:12

Ɨbɔmbɨma ɨban, á nɨ lə̌ ɨtú ɨtsən mbɨ́ʼ táʼ ŋwɔn a tɨtərɨ bən a ghɨ ntsí nɨ abɨgəntəm, nkeʼ nɨŋ ntəm ɨyi a nye Ŋwi, ɨ ghɨ ayi á furɨ ndzum ɨzhi nga a mbó Ŋwi, zɨ wa a tsinɨ ntɨŋ ə.

Ɛbal 7:28

Tsɛʼ a nkənu, Nyɔngɔŋ Mǒse a tsɔʼə ɨbɛn tso bɨntumshe bə wi tɨgha bɨ kɔʼ ntɛm ngə́ tsáŋ ə. Lá akaʼ zə tən zə Ŋwi za a yénɨ́ a ndzum Nyɔngɔŋ, a tsɔʼ a Mɔn Mbáŋnɨ́, wa bɨ ghɨnə ayi a kɔʼ ntɛm ngə́ tsáŋ nɨnkoŋ ə.

Ɛbal 9:15

Nə nɨ anu za a ghɨnɨ wɛrə a be nkyaŋtɨ akan zə fi, taŋ á ɨbɛn ba Ŋwi a tsɔʼnɨ awa tiʼ ntsi nɨ ɨfɔgə wu nɨnkoŋ wa Ŋwi a káʼnɨ́ awa nɨ wɛrə lá. A chi fu adzaŋ məwen lá mbɨ́ʼ ngə́ nɨvwo nə tse funə mbáʼ nɨ lá ndzuŋ atú a ɨbɛn a mbó mɨbvu ɨma ma mɨ tsinɨ a mu akan zə lvuŋ za lá.

Ɛbal 10:19

Ma lan nə ɨbɔmbɨma ɨban, ntsa a ndzum nɨvwo nɨ Yeso, ka azúm zə tsɛrə a chi tsuʼnɨ ayi awɨgɨnə a nkúŋə́ a mu Adiʼ zə Fɛmnɨ Ntsa Atsum za.

Ɛbal 10:23

A bɨgɨnə chwa tə nchiʼnə ntsiŋə nɨ ntəm tsum za bɨgɨnə sóŋnə́ ngə́ bɨgɨnə tsi nɨ zɛrə, mbɨ́ʼ ngə́ Ŋwi, zɨ wa a káʼnɨ́ awɨgɨnə a soŋ a mɔ́ʼɔ́ lá a nu mɔ́ʼɔ́ ghe.

Ɛbal 13:22

Ma buʼ mbó a mbó bɨŋ ə a ɨbɔmbɨma ɨban, á nɨ zhwiʼtɨ mɨgham men ma mɨ wɔŋtɨnə awən lá nɨ nchigə, mbɨ́ʼ ngə́ aŋwaʼnɨ zen za ma ŋwaʼnɨnɨ a mbó bən lá ka a sagɨ ayi ɛ.