Ɛbal 2:9 - Mɨkan wu Fi

⁹ Lá bɨgɨnə zě a Yeso, zɨ wa bɨ ghɨ́nɨ́ a tsi a shwúrɨ́ bɨtsen bɨ ndá bɨ Ŋwi a nye məkum a nkfu; taŋ a ntsǎ a ndzum abɔŋəntəm a Ŋwi a nye ɨbɛn, á wɛrə a ze ngɨ́ʼ nkfo atú ŋwɔn tsum ə. Tɨtsɔŋnɨ, bɨgɨnə zě ayi a mu nɨfáŋ, ŋwɔn tsum a tiʼə nkɔʼsə ayi atɨ́ mbɨ́ʼ abə́ŋ a nɨvwo za wɛrə a kfónə́.

Ɛbal 2:9 Referans Kwoze

Nkyɛʼə 5:9

Bo zɔ́bɨ́ azɔbɨ a nkyi zə fi ngə́: “O tsi nɨ ɨlɨŋ a nkwárɨ́ aŋwaʼnɨ zə karɨnɨ za ɨ kɨ ŋaʼ ɨfɛnwu ɨchi ɛ. Mbɨ́ʼ ngə́ bɨ zhwítɨ́ agho, a ntsǎ a ndzum nɨvwo nɨ mɨtsuʼnɨ mɨ atú ɨno, o zón a ngá a mbó Ŋwi ɨbɛn bɨ ɨtsé tsɨ wi ɨtsum, ɨbɛn ba bɨ ghamnɨ mɨgham mɨtsum, ɨbɛn bɨ ɨlaʼ ɨtsum abɔʼnɨ ɨbɛn bɨ ngwəgɨ mɔn ŋwɔn tsum ə.

1 Yoane 2:2

Kristo nɨ mɨtsuʼnɨ mɨ atú ma Ŋwi a kyémnɨ́ mbɨ́ atú azɨgɨnə taŋ ɨ lɨgɨnɨ mɨbvu ɨmɨgɨnə, nkeʼ tsɛʼ ɨmɨgɨnə be, lá nkɨ mbe mɨbvu mɨ ŋwɔn tsum ə.

Roma 5:18

Ma lan, mbáʼ táʼ ɨbvu wa táʼ ŋwɔn a ghɨ́nɨ́ a ghɨnɨ ŋwɔn tsum a vwo ɨsáʼ lá, ndəŋndəŋ, táʼ anu wa a chinɨnɨ wa táʼ ŋwɔn a ghɨ́nɨ́ a ghɨ Ŋwi a bem ngə́ ŋwɔn tsum a chinɨ a ɨshi ɨmɨgɨ zɨ, nkɨ nga awa nɨ ntsi ntɨŋ ə.

Ɨfaʼ 2:33

Ŋwi, Ta ɨyi, a tsɔ́ʼ ayi nkɔʼ ngɛn nɨ zɨ a bagɨ abó zɨ zə maʼə ghe. Yeso a kɨnə nkɨ nkwarɨ Azhwi zə Fɛmnɨ a mbó Tarɨ, adzaŋ za wɛrə a káʼnə́. Za nɨ zɛ́nə́ tɨtsɔŋnɨ nkə́ ndzúʼə lá, a nɨ azúm zə ghanɨ zə Yeso za a ghanɨ a mbó bɨgɨ ə.

Yoane 3:16

Mbɨ́ʼ ngə́ Ŋwi a kɔ́ŋ atuəshe be tɨ́sə́n, wɛrə a tíʼ ngá a Mɔn ɨyi wu Mbáŋnɨ́ wa a núnɨ́ zɨzɨ, taŋ ŋwɔn tsum wa a nɨŋnɨ ntəm ɨyi a ɨnye zɨ, a mɨ keʼ kfo, lá ɨ tsi nɨ ntsi ntən nɨnkoŋ ə.

2 Korɨnto 5:15

A kfó lá mbɨ́ʼ atú a ŋwɔn tsum, taŋ á ba bɨ tsínə́, keʼ mbɨ́ŋə́ nchyɛ̌ be a mbó ɨtumbəm ɨtsa, lá nchyɛ̌ be a mbó zɨ wa a kfónɨ́ a nkfu bo, bɨ bə nzhwemnɨ lá.

Ɛbal 10:5

Adzaŋ məwen, Kristo a yén a mu mbyi lá ɨ soŋ ngə́, “Ka o ndǒ agho mɨtsuʼnɨ mɨ atú abɔʼnɨ ɨkáŋ Ŋwi, lá O kyaŋtɨ mbəmnye a mbó me ghe;

Roma 5:8

Lá Ŋwi a diʼnə ngə́ zɨə kɔŋ awɨgɨnə be tɨ́sə́n a nye ndómnji wɛnə ngə́ mbáʼ bɨgɨnə bvúrɨ́ mbé ngaŋ ngɨ mɨbvu, Kristo a kfó atú bɨgɨnə ghe!

Yoane 1:29

Njwi zɨ mɔʼɔ bənə ndan, Yoane a zɛn a Yeso a yiŋənə a mbó zɨ, ntiʼ soŋ ngə́, “Mɔn Mbyindzɨ Ŋwi a yirɨ, zɨ wa a sugɨnə atuəshe a mbó mɨbvu ɨmyi ɛ!

Yoane 12:32

Bɨ ghɨ ntsɔʼ aghan atuəshe ntsagɨ atɨ́, ma mɨ ghɨ á ŋwɔn tsum a tiʼ ngyen a mbó me ghe.”

Ɛbal 7:25

Ma lan, wɛrə a tsi nɨ mɨtən a ndoŋ ɨbɛn ba bɨ yenə a mbó Ŋwi ntsa a ndzum zɨ, tɨtsɔŋnɨ abɔʼnɨ nkfu tsum, mbɨ́ʼ ngə́ a tsi ntən nɨnkoŋ lá a mbúʼtɨ́ mbó a mbó Ŋwi a nkfu bo ghe.

1 Bita 1:21

A ntsǎ a ndzum wɛrə, nɨ tsi nɨ abeməntəm a nye Ŋwi, zɨ wa a zhwémnɨ́nɨ́ a wɛrə a mbó nɨvwo nkɨ nga nɨfáŋ wəmbo; ma lan, abeməntəm azən abɔʼnɨ ntsiŋə nɨ ntəm tsum ɨzɨŋ tiʼ ntsi lá a nye Ŋwi ə.

Ɛbal 8:3

Bɨ tsɔʼə a Ntumshe wu Ngwi tsum lá ngə́ á ngǎ akáŋ a Ŋwi abɔʼnɨ mɨtsuʼnɨ mɨ atú ma a nɨ mɨnyam a mbó Ŋwi; ma lan, Ntumshe wu Ngwi ɨwɨgɨnə mɨ kɨ zagɨ tsi nɨ azúm zə ghanə.

1 Timotyo 2:6

zɨ wa a ghánɨ́ atuəmbəm azhi a ndzúŋ atú a ŋwɔn mɨsɔŋ a ntsu tsum ə. Məza a bé alɨgɨ a nye nyom wa a kúʼnɨ́nɨ́ ngə́ Ŋwi a lǒ ngə́ á bɨ loŋ a ŋwɔn tsum,

2 Korɨnto 5:21

Kristo a sé nɨ ɨbvu tse a nye zɨ chyɛ, lá mbɨ́ʼ atú azɨgɨnə Ŋwi a ghɨ́ wɛrə a kɨ ntsi nɨ ɨbvu ɨwɨgɨnə, taŋ a nchyɛ̌ a mbúm bɨgɨnə bɨ wɛrə, bɨgɨnə chi kɨ be adzaŋ za Ŋwi a chinɨnɨ lá.

Roma 8:32

Tsɛʼ a nkənu a mɨ keʼ Ŋwi be. Zɨ wa a sé ghɨʼtɨ a Mɔn ɨyi, lá ɨ nyɛʼtɨ bɨ zhwitɨ ayi mbɨ́ʼ atú azɨgɨnə bɨtsum, njingə a mɨ keʼ ɨdzúm ɨtsum a mbó bɨgɨnə gha adaŋədaŋə le?

Galesha 4:4

Lá ngótɨ́ nkfu ghɨnə ngyén, Ŋwi a tsagɨ a Mɔn ɨyi ɛ. A jwí mangye njwi ayi, wɛrə nkɨ nkwi a shwúrɨ́ Nyɔngɔŋ bə Yuda,

Ɨfaʼ 3:13

Ŋwi, zɨ wa a nɨ wu Abraʼm, Isak nɨ Yakɔb, Ŋwi wu bɨta ɨbɨgɨnə bə kɔ́ʼɔ́nguʼ, wɛrə a ghanə nkɔʼsə atɨ́ zɨ ngwi a mbó ngaŋ afaʼ ɨzhi Yeso ghe. Lá nɨ tíntɨ́ ayi ngá a mbó bɨsáʼ bɨ alaʼ nkɨ nton awən ayi a ɨshi Branto le buŋ Branto a kwɛ́nə ntsɔʼ a mu ntəm zɨ ngə́ zɨə mɨ nyɛʼtɨ ayi ɛ.

Roma 8:3

Mbɨ́ʼ ngə́ Ŋwi a ghɨnə anu za Nyɔngɔŋ a kɨ chínɨ́ keʼ ghɨ mbɨ́ʼ ngə́ ɨnyam ɨnye ɨ ghɔ́gɨ́: wɛrə a tságɨ́ a Mɔn ɨyi tso ɨnyam ɨnye za ɨ tsinɨ nɨ ɨbvu ngə́ á tsənkɨ ɨbvu wa ɨ tsinɨ a mu ɨnyam ɨnye.

Yoane 10:17

Tarɨ a kɔŋ aghan mbɨ́ʼ ngə́ ma bem nɨvwo, taŋ ɨ bə kwarɨ ntsi ntən ɨzan wədiʼ ə.

Yoane 8:52

Bə Yuda sóŋ ngə́, “Tɨtsɔŋnɨ bɨgɨ zhi ɨ shiʼnɨ ngə́ o tsi nɨ dzɨŋ ə! Abraʼm a kfó, ntóm Ŋwi kɨ nkfokə; lá o soŋ ngə́ ŋwɔn tsum wa a zúʼnɨ́nɨ́ ɨnu tsa o diʼnə a láʼ keʼ kfoə.

Matyo 16:28

Tsɛʼ a nkənu, ma sóŋə́ awɨŋ ə, bə tse tsi ɨwu ɨghan ba bɨ mɨ keʼ kfo tɨgha Mɔn Ŋwɔn a yen tso ɨfɔ ghe.”

Nkyɛʼə 19:12

Ɨmɨgɨ ɨmyi kə́ nkwárə́ tso ndwa ɨmugɨ, nkɨ ngwəgɨ ɨsáʼfɔ tsə ghaʼnɨ atú zɨə. Bɨ ŋwáʼnɨ́ ɨkum wu tsɛrə a nye zɨə, lá ŋwɔn tse a sé zhi anu za ɨkum məwiŋ diʼnɨ ntsatɨ a zɨmboŋ ə.

Ɛbal 2:7

O ghɨ́ ayi a tsi a shwúrɨ́ bɨtsen bɨ ndá bɨ Ŋwi tsɛʼ a nye məkum a nkfu; o chwém ayi atú alaŋ za a tsinɨ nɨ nɨfáŋ abɔʼnɨ nkɔʼsə atɨ́ ə,

Alukasɨ 9:27

Ma sóŋə́ a mbó bən tsɛʼ a nkənu ngə́ ɨbɛn bə tse tsi ɨghan mbáʼ bɨ ghɨnɨ keʼ kfo tɨgha bo zɛn nɨfɔ nɨ Ŋwi ə.”

Marɨkusɨ 9:1

Yeso a ghɛ́n nɨ mbyi ɨ soŋ ngə́, “Ma soŋ a mbó bɨŋ ə, bə tse tsi ɨwu ɨghan ba bɨ ghɨ keʼ kfo ɨ kɔʼ kuʼ nkfu za bo ghɨ zé nɨfɔ nɨ Ŋwi á nɨ ngyíŋə́ nɨ mɨtən mə wi ə.”

Matyo 6:28

Nɨ kə́ mbǔʼ ɨnye ɨtsən mbɨ́ʼ ɨtsɛʼ lá mbɨ́ʼ ake le? Nɨ ze bɨbaŋbaŋ ba bɨ kwínə́ a mu mɨbaʼ: bɨ se fáʼə kə ngɨ̌ ɨtsɛʼ ngwə́gə́ a nye bo ghe.

Yoane 8:51

Tsɛʼ a nkənu, ma soŋə awɨŋ ə, be ŋwɔn tsɛrə a ndzúʼnɨ́ ɨnu tsa ma diʼnə, a láʼ keʼ kfoə.”

Ɛbal 1:9

O kɔŋ anu zə chinɨnɨ, mban a za a se chinə. Nə nɨ anu za a ghɨnɨ Ŋwi, zɨ Ŋwi ɨgho, a tsɔʼnə agho nkɨ nga nkɔʼsə atɨ́ za ɨ tsinɨ nɨ nɨdorɨ na nɨ ghɛnɨ nɨ mbyi ntsa nə ngaŋ aku ɨtso.”

Ɛbal 11:5

A ndzum abeməntəm, bɨ lɔ́gɨ́ a Ɛnɔkɨ nkɔ́ʼ nɨ wɛrə a fɔməbvurə taŋ á keʼ nɨvwo ze. Bɨ sé ayi zɛn mbɨ́ʼ ngə́ Ŋwi a lɔ́gɨ́ ayi ɛ. Aŋwaʼnɨ a Ŋwi a soŋ ngə́ bɔŋ á bɨ ndɔgə a Ɛnɔkɨ, wɛrə a ghɨ́nə ɨnye Ŋwi bɔŋə.

Ɛbal 12:2

ntɛgɨ ɨmɨgɨ ɨmɨgɨnə a nye Yeso, zɨ wa a biʼnɨnə abeməntəm azɨgɨnə, nkə́ nchísə́ a zɛrə a kɔʼə ntɛ́mə́ ngə́ tsáŋ lá. Zɨ wa a chígɨ́nɨ́ ntəm bɨ kwemtɨ ayi atɨ abaŋnɨ-baŋnɨ nkɨ ngwagɨnɨ adɨrətú atsum mbɨ́ʼ nɨdorɨ na nɨ kɨ́nə́ ntsiŋə ayi, a tiʼ shiʼtɨ ntsi a bagɨ abó maʼə alaŋ a nɨfɔ a Ŋwi ə.