Ɛbal 2:4 - Mɨkan wu Fi

⁴ Ŋwi a kɨ́ ndiʼ ngə́ nkən məwen ɨ bé nkənu a nye adzaŋ za wɛrə a díʼnɨ́ ɨlɨgɨ abɔʼnɨ ɨnu tsɨ tsanɨnɨ nɨ ɨnu tsɨ yerɨnɨ-yerɨnɨ tsə ghaʼnɨ ə. Wɛrə a kɨ́ mbe atɛmə-ndzě a ntsǎ a ndzum ɨdzúm tsə ghanɨ tsə Azhwi zə Fɛmnɨ tsa wɛrə a ghánɨ́ a mbó bo a nkɔŋ zɨə.

Ɛbal 2:4 Referans Kwoze

Ɨfaʼ 14:3

Ntóm Yeso tsa tsí adiʼ məwen a nye nkfu zɨ sa, ngámə́ tɨ nɨbɔgɨ mbɨ́ʼ a Maʼmbyí ɛ. Maʼmbyí a díʼ ngə́ nkən ɨwa mbɨ́ʼ abɔŋəntəm azhi bé nkənu lá a nye adzaŋ za wɛrə a ghánɨ́ mɨtən a mbó bo a ngɨ ɨnu tsɨ yerɨnɨ-yerɨnɨ abɔʼnɨ tsə tsanɨnɨ ə.

Ɛfɛso 1:5

A mu akɔŋnɨ, wɛrə a kwɛ́nə ndɛn a mu ntəm zɨ ngə́ bɨgɨnə ghɨ bé ngótɨ́ ɨbɔ ɨbyi ntsa a ndzum Yeso Kristo, ndzɔŋə adzaŋ za wɛrə kyáŋtɨ́nɨ́ nkə́ ndǒ ngə́ á be ə.

Marɨkusɨ 16:20

Bɨyɛʼ ɨbyi tíʼ fú ngɛ́n ntíʼə sǒŋ anu a Ŋwi tsɛʼ ɨdiʼ ɨtsum, Maʼmbyí a tiʼə nkə́ fáʼə bo bo, ntiʼə nkə́ ndiʼə ngə́ anu a Ŋwi za bo kɨ́nə́ sóŋə́ a bé nkənu a ntsǎ a ndzum ɨnu tsɨ yerɨnɨ-yerɨnɨ tsa bɨ kɨ́nə́ ngɨə ghe. A be lá.

Yoane 4:48

Yeso a sóŋ wəmbo ngə́, “Ka ŋwɔn nɨbən wu tse a láʼ nɨŋ ayi ntəm ɨyi a nye me tɨkə a zɛn ɨnu tsɨ yerɨnɨ-yerɨnɨ abɔʼnɨ tsɨ tsanɨnɨ ə.”

Yoane 15:26

Nkwatɨ, zɨ wa a nɨ Azhwi zə nkənu lá, a ghɨ yiŋə, wa a kyɛʼnɨ nkənu mbɨ́ʼ a Ŋwi, wa a kɨnɨ ndo lá a mbó Tarɨ lá. Ma mɨ kwarɨ ayi a mbó Tarɨ ɨ tsagɨ a mbó bən, á tiʼ ngam mbɨ́ʼ aghə.

Ɛfɛso 1:9

Ŋwi a ghɨ́ a za wɛrə a kyáŋtɨ́nɨ́, nkɨ nkyɛʼ a mbó bɨgɨnə akyaŋtɨ azhi zə nkubə za wɛrə a kwɛ́nə ntsɔʼ a mu ntəm zɨ ngə́ zɨə mɨ ghɨ á ghɛn fu a ndwitə ntsa lá a ndzum Kristo ghe.

Ɨfaʼ 4:10

bən bɨtsum tiʼ ntsi nɨ njiɛ, á ŋwɔn tsum a mu Izrai a kɨ nji ngə́ ŋwɔn wen wa a tɛmnɨ ɨghan a ɨshi bən a shwetɨ ɨ shiʼnɨ ntsa lá a ndzum mɨtən ma mɨ tsinɨ a nye ɨkum Yeso Kristo ŋwɔn Nazarɛ ghe. Yeso wa nɨ kwémtɨ́nɨ́ atɨ abaŋnɨ-baŋnɨ, lá Ŋwi a zhwemnɨ ayi a mbó nɨvwo lá.

Marɨkusɨ 6:14

Ɨfɔ Ɛrɔd a zúʼ ɨnu tsiŋ ɨtsum, mbɨ́ʼ ngə́ bɨ kə́ ngamə mbɨ́ʼ a Yeso ɨdiʼ ɨtsum ə. Bə mɔʼɔ sóŋ ngə́, “Bɨ zhwemnɨ a Yoane Ngaŋ Nga Nkyi a nɨvwo; nə nɨ anu za a ghɨnɨ a tsi nɨ mɨtən men a ngɨ ɨnu tsɨ yerɨnɨ-yerɨnɨ ə.”

Ɨfaʼ 5:32

Bɨgɨ abɔʼnɨ Azhwi zə Fɛmnɨ, wa a nɨ azúm zə ghanɨ zə Ŋwi a mbó ɨbɛn ba bɨ zúʼnɨ́nə́ ayi, nɨ bətɛmə-ndzě a nye ɨnu tsiŋ ɨtsum ə.”

Ɛfɛso 4:7

Lá Kristo a díʼ abɔŋəntəm azhi a mbó ŋwɔn nɨ bɨgɨnə tsum, ɨfaŋə za azúm zə ghanɨ məzen a faŋnɨ, a diʼ adzaŋ za wɛrə a ghánə́ abó ə.

Ɛbal 6:4

Ka ndóm tse be ayi ɨwu a ngɨə á ɨbɛn bə mbəŋ mɨntəm ɨma a nye mɨbvu ɨma, ɨbɛn ba bɨ kwɛ́nə ntsi a mu nkaʼ Ŋwi, njwiʼtɨ azúm zə ghanɨ za a lonə a fɔməbvurə nkɨ nchintɨ bo bɨ ɨbɛn bə mɔʼɔ nkwarɨ Azhwi zə Fɛmnɨ ə.