Ɛbal 2:3 - Mɨkan wu Fi

³ Nɨ kwaʼtɨ ngə́ bɨgɨnə ghɨ lɛʼ ɨnɨŋ ngɨ́ʼ məzen lá ɨ nə́ mbáʼ be bɨgɨnə tú tɛgɨ ɨtú ɨtsɨgɨnə a nye ɨloŋ wu wi məwen le? Nkən mbɨ́ʼ ɨloŋ məwen a fóm nchwítɨ́ Maʼmbyí Yeso zɨmboŋ, ɨbɛn ba bɨ zúʼnɨ́ ɨnu tsa wɛrə a sóŋnɨ́ tíʼ ndiʼ a mbó bɨgɨ ngə́ ɨ nɨ nkənu ə.

Ɛbal 2:3 Referans Kwoze

Ɛbal 12:25

A nɨ zɛn ngə́ nɨ se a zɨ wa a ghamnə lá tuŋə. Mbɨ́ʼ ngə́, be a be ngə́ bo sé lɛʼ a zɨ wa a kwántɨ́nɨ́ awa atuəshe, bɨgɨnə ghɨ keʼ byi njwəŋtɨ a ndɛ́ʼ zɨ wa a kwantɨnə awɨgɨnə a fɔməbvurə ghe.

Roma 2:3

Lá gho nə ɨson ɨghan, o ghɨ̌ ndəŋndəŋ ɨnu tsa o sáʼnɨ́ ɨbɛn bə mɔʼɔ mbɨ́ʼ a tsɛrə ghe! O wiʼtɨ ngə́ o ghɨ lɛʼ nɨsáʼ nɨ Ŋwi le?

Ɛbal 5:9

A nkfu za Ŋwi a ghɨ́nɨ́ ayi a kɔʼ ntɛm ngə́ tsáŋ lá, a tíʼ mbé adiʼ za ɨloŋ nɨnkoŋ fúnə́ ɨwu a mbó ɨbɛn ba bɨ zúʼnɨ́nə́ ayi,

Ɨfaʼ 4:12

Bɨ chi loŋ a ŋwɔn ɨ tsa lá tsɛʼ a ndzum zɨ, nkeʼ ŋwɔn adaŋ be; a mu mbyi ziŋ tsum, ka ŋwɔn adaŋ a tsi ayi ɨwu wa Ŋwi a ghanə mbáʼ a chinɨ loŋ awɨgɨnə ghe.”

Ɛbal 4:11

Ma lan, á bɨgɨnə ghɨ atsum a nchyɛ́ nɨ azhwitɨ məza, taŋ á táʼ ŋwɔn nɨ bɨgɨnə a ghɨ́ nkeʼ sam azhwitɨ məza tso bo ba bɨ sámnɨ́ a zɛrə mbɨ́ʼ ngə́ bo sé tsi nɨ abeməntəm lá.

Ɛbal 1:2

Lá a nye njwi tsen tsa tsɨ lwɨgɨnɨnɨ lá, Ŋwi a ghamnə a mbó bɨgɨnə ntsǎ a ndzum Mɔn ɨyi ɛ. Ŋwi a káʼ mbyi-mbyi tsum ntsa lá wə ndzum, zɨ wa Ŋwi a tsɔʼnɨ ngə́ á ghɨ ntsí nɨ ɨdzúm ɨtsum a ndwitə lá.

Alukasɨ 1:2

tsɛʼ adzaŋ za bo ba bɨ zɛ́nɨ́ nɨ ɨmɨgɨ ɨma a mbiʼnə nkɨ nkarɨ fɨʼtɨ a bɨ tíʼnɨ́ nkɨ́ fɨ́ʼtɨ́ a mbó bɨgɨ ə.

Nkyɛʼə 7:10

Bo tɔ́nkɨ́ nɨ nji zɨ ntən ngə́, “Ɨloŋ ɨ lǒ lá a mbó Ŋwi ɨwɨgɨnə wa a shiʼtɨnɨ ntsi atú abərɨ za nkə́ ndǒ a mbó Mɔn Mbyindzɨ wa!”

Tɨ́tósɨ 2:11

Mbɨ́ʼ a məzen, Ŋwi a kyɛʼnə abɔŋəntəm taŋ á bɨ loŋ a ŋwɔn mɨsɔŋ a ntsu tsum ə.

1 Timotyo 1:15

Zen a nɨ anu za bɨ sóŋnə́ a be nkənu, anu za bɨ tsinɨ nɨ mbemə ɨ kɨ nɨŋ ntəm ɨwu tə́ njwɛrɨkə ngə́: Kristo Yeso a yén a mu mbyi a ndoŋ ngaŋ ngɨ mɨbvu ə. Ma bɨ́gɨ́ ntsa awa bɨtsum,

Matyo 23:33

Bɨŋ mɨnyo abɔʼnɨ ɨbɔ bɨ mɨnyo! Nɨ kwɛ ngwiʼtɨ ngə́ nɨ ghɨ lɛʼ ɨmugɨ nɨnkoŋ a nkfu wa bɨ ghɨnɨ sáʼ awən ɨ tsagɨ ɨwu lá ɨ nə́ le?

Ɛbal 4:1

Tɨtsɔŋnɨ, tso mbáʼ akaʼ a nkúŋə́ a mu adiʼ azhwitɨ za Ŋwi a ghánə́ a bvurɨnɨ ntsi ɨwu lá, á bɨgɨnə tiʼ ndə̌ ɨtú mbɨ́ʼ táʼ ŋwɔn nɨ bən a ghɨ ntsí tɨ kon ɨwu ə.

Ɨfaʼ 2:22

Ɨbɔmbɨma ɨban bə Izrai, á nɨ zuʼ aghə! Yeso ŋwɔn Nazarɛ a bé ŋwɔn wa Ŋwi a díʼnɨ́ mɨtən ɨmyi mə fɔməbvurə a mbó bən ntsa a ndzum ɨnu tsɨ yerɨnɨ-yerɨnɨ abɔʼnɨ ɨnu tsɨ tsanɨnɨ tsa zɨə a ghɨ́nɨ́ ntsa a ndzum wɛrə ghe. Bɨŋ mboŋ nɨ zhi a məzen mbɨ́ʼ ngə́ ɨnu tsiŋ ɨtsum fú lá ɨghan a tɨtərɨ bɨŋ ə.

Ɨfaʼ 1:22

ndɔgɨnɨ nkfu za Yoane a kɨ́nə́ sǒŋ anu a nkwarɨ nkyi, ɨ kɔʼ kuʼ nkfu za Ŋwi a lɔ́gɨ́nɨ́ a Yeso a fɔməbvurə lá. Táʼ ŋwɔn abɔʼnɨ məben a tsi nɨ ɨ zagɨ kon a tɨtərɨ bɨgɨnə ɨ tiʼ be ŋwɔn wa a númnə́ soŋə anu mbɨ́ʼ adzaŋ za Yeso a zhwémnɨ́nɨ́ a mbó nɨvwo ə.”

Yoane 15:27

Nɨ mɨ tiʼ kɨ gham mbɨ́ʼ aghan mbɨ́ʼ ngə́ nɨ tsí bɨgɨnə ndɔgɨnɨ a mbiʼnə ghe.”

Alukasɨ 24:19

Yeso a bítɨ́ ngə́, “Tsɨŋə ɨnu le?” Bo sóŋ wəmbo ngə́, “Ɨnu tsa tsɨ funɨ a nye Yeso ŋwɔn bə Nazarɛ mbáʼ a bénɨ́ ntom Ŋwi, ntən a mu nɨgham abɔʼnɨ ngɨnɨ mɨnu a ɨshi ɨmɨgɨ Ŋwi abɔʼnɨ ɨbɛn bɨtsum ə.

Marɨkusɨ 1:14

Mbáʼ bɨ fə́nɨ́ a Yoane atsáŋ lá, Yeso a ghɛ́n ntíʼə sǒŋ Nkən wu Shiʼnɨ wa ɨ lónɨ́ a mbó Ŋwi a Galili

1 Tesalonaika 5:3

A nkfu za ɨbɛn ghɨnɨ sóŋ ngə́, “Mbɔnɨ ɨ tsi, bɨgɨ keʼ nɨ nɨbɔgɨ kɨ nchyɛ,” muŋ ntsənkɨ ɨnu mɨ vwukɨ warɨ awa ghe! Ɨ mɨ vwukɨ yen tso mangye a chiʼ a mɔn, ɨbɛn chi keʼ a zɛrə lɛʼə.

Alukasɨ 1:69

Wɛrə a ghanə a təkɔʼ bɨ ŋwɔn wa a ghánɨ́ ɨloŋ, wa a funɨ a mu ɨlə̌ ngaŋ afaʼ ɨzhi Devidɨ ə.

Matyo 4:17

Ɨ tiʼ biʼnɨ a nkfu məwa, Yeso a tíʼə sóŋə́ anu a Ŋwi ngə́: “Nɨ bəŋ mɨntəm ɨmən a nye mɨbvu ɨmən mbɨ́ʼ ngə́ Nɨfɔ nɨ fɔməbvurə tiʼ tsɛʼ abó ə!”

Roma 11:14

Aghagɨ a tsɛrə ma chi ghɨ á ɨbɛn ɨban (bə Yuda) tsi nɨ aghɨʼnɨ, a nye ndóm məwen, nchi tiʼ loŋ awa bə tse ghe.

1 Korɨnto 1:21

Mbɨ́ʼ ngə́ Ŋwi a tsá a ndzum zóŋ ɨyi ngɨ ngə́ á tən be tɨ́sə́n a mbó ɨbɛn a nji zɨ ɨ tsa be a ndzum zóŋ ɨwa ghe. Ŋwi a báŋnɨ́ nɨ́ŋ a mu ntəm zɨ ngə́ zɨə mɨ loŋ ɨbɛn ba bɨ nɨŋnɨ mɨntəm ɨma a ɨnye zɨ ntsa be a ndzum nkən wen wa bɨgɨ sóŋnə́, wa bə tse sě nɨ anu zə tse a ntɔ́ŋə́ lá.

Ɛbal 1:1

A bé a mbyi lá, Ŋwi a ghamnə nkfu tsɨ ghaʼnɨ a nye mɨndóm mə ghaʼnɨ a mbó bɨta ɨbɨgɨnə bə kɔ́ʼɔ́nguʼ ntsǎ lá a ndzum ntóm Ŋwi ə.

Ɛbal 1:14

Bɨtsen bɨ ndá bɨ Ŋwi tiʼ mbe lá ɨke le? Bo nɨ ɨzhwi tsa tsɨ faʼnə a mbó Ŋwi, a kə ntiʼə ntsagə awa bo kwatɨnɨ ɨbɛn ba bɨ ghɨnɨ kwárɨ́ ɨloŋ ə.

Ɛbal 9:28

ndəŋndəŋ Kristo, zɨ wa Ŋwi a nyɛ́ʼtɨ́nɨ́ táʼ nkfu tso mɨtsuʼnɨ mɨ atú a sugɨ mɨbvu mɨ ɨbɛn bə ghaʼnɨ, a ghɨ yen a nye nkfu tsa tsɨ kuʼnɨ ɨdiʼ tsi bá be a ndoŋ ɨbɛn ba bɨ tsenə ayi nɨ mɨntəm ɨma mɨtsum, nkeʼ bə mbvurɨ mbe be a sugɨ ɨbɛn a mbó mɨbvu ɨma ghe.

1 Yoane 1:1

Bɨgɨ ŋwaʼnɨ a mbó bən lá mbɨ́ʼ Nɨgham na nɨ ghánɨ́ ntsi ntən, mbáʼ nɨ tsínɨ́ nchwuʼnɨ a mbiʼnə ghe. Bɨgɨ zuʼnə a nɛrə, nkɨ ndzɛn a nɛrə nɨ ɨmɨgɨ ɨmɨgɨ; bɨgɨ zɛnə nkɨ mɔmtɨ a nɛrə nɨ mbó ɨmɨgɨ ə.

Judɨ 1:17

Lá bɨson ɨban, á nɨ waʼtɨ anu za ntóm Yeso tsɨ Maʼmbyí Yeso Kristo ɨwɨgɨnə sóŋnɨ́ a mbó bən a mbyi ɛ.