Ɛbal 2:10 - Mɨkan wu Fi

¹⁰ A kwɛ́ nkuʼnɨ adzaŋ za a tsinɨ nɨ mbe ngə́ á Ŋwi, zɨ wa a káʼnɨ́ nkɨ ndɛ́n azúm atsum, á lɔgɨ ngɨ́ʼ ngɨ a Yeso á kɔʼ ntɛm ngə́ tsáŋ, taŋ á wɛrə a be ntsambyi nɨfɔ a ndɔgɨ ɨbɛn ɨ kon nɨ bɛrə a mu nɨfɔ nɨ Ŋwi, taŋ á bə ghaʼnɨ tiʼ ndzɨ nɨfɔ nɨ Ŋwi ə.

Ɛbal 2:10 Referans Kwoze

Roma 11:36

Mbɨ́ʼ ngə́ ɨdzúm ɨtsum a káʼ wɛrə, ɨdzúm ɨtsum tsa tsɨ tsinɨ, tsɨ tsi ntsa lá a ndzum wɛrə, ɨdzúm ɨtsum kɨ mbe lá tsə wɛrə ghe. A nɨfáŋ tsi a mbó Ŋwi nɨnkoŋ ə! A be lá.

Ɛbal 12:2

ntɛgɨ ɨmɨgɨ ɨmɨgɨnə a nye Yeso, zɨ wa a biʼnɨnə abeməntəm azɨgɨnə, nkə́ nchísə́ a zɛrə a kɔʼə ntɛ́mə́ ngə́ tsáŋ lá. Zɨ wa a chígɨ́nɨ́ ntəm bɨ kwemtɨ ayi atɨ abaŋnɨ-baŋnɨ nkɨ ngwagɨnɨ adɨrətú atsum mbɨ́ʼ nɨdorɨ na nɨ kɨ́nə́ ntsiŋə ayi, a tiʼ shiʼtɨ ntsi a bagɨ abó maʼə alaŋ a nɨfɔ a Ŋwi ə.

Ɛbal 6:20

A nkfu bɨgɨnə, Yeso a konə ngɛn a mu adiʼ məzen a mbyi bɨgɨnə, ntiʼ mbe ntumshe wu ngwi nɨnkoŋ tso Mɛkisɛdɛkɨ ə.

Ɨfaʼ 5:31

Ŋwi a tsɔ́ʼ ayi nkɔʼ ntɛgɨ a bagɨ abó zɨ zə maʼə tso Ntsagɨnɨ abɔʼnɨ Ndoŋ, ngə́ á gha abárɨ́ a mbó bə Izrai a mbəŋ mɨntəm ɨma a nye mɨbvu ɨma, á Ŋwi a lɨgɨnɨ mɨbvu ɨma ghe.

Alukasɨ 24:46

ntiʼ soŋ a mbó bo ngə́, “Bɨ ŋwaʼnɨ lá ngə́: Wa bɨ Zɔ́ʼnɨ́ wa a tsi nɨ ɨ zagɨ ɨ ze ngɨ́ʼ, ɨ zagɨ zhwemnɨ a mbó nɨvwo a ndzum njwi tsi tárə́ ghe.

Alukasɨ 24:26

A kwɛ́ nkeʼ kuʼnɨ ngə́ á Wa bɨ Zɔ́ʼnɨ́ a ze ngɨ́ʼ a mu ɨnu tsiŋ ɨtsum ntiʼ nkon a mu nɨfáŋ ɨni le?”

1 Bita 5:10

Lá mbáʼ nɨ zɛnɨ ngɨ́ʼ a nye məkum a nkfu, Ŋwi, zɨ wa a diʼnə abɔŋəntəm azhi nkfu tsum, zɨ wa a tsɔʼnɨ awən ngə́ á nɨ kɨ ntsi a mu nɨfáŋ ɨni nə nɨnkoŋ, a mbúm bɨŋ bɨ Kristo, zɨmboŋ a mɨ ghɨ á nɨ kɔʼ ntəm ngə́ tsáŋ, ɨ kɨ ghɨ á nɨ tɛm nkeʼ nchíʼnə́, ɨ tsi nɨ adaʼ, ɨ kɨ ghɨ á mɨngaŋ ɨmɨŋ shwi a ɨshe ə.

1 Korɨnto 8:6

a mbó bɨgɨnə a tsi tsɛʼ táʼ Ŋwi, Tarɨ, zɨ wa a káʼnɨ́ ɨdzúm ɨtsum, zɨ wa ntsi mbyi ɨtsigɨnə tsinɨ a nkfu zɨ; a kɨ ntsi tsɛʼ táʼ Maʼmbyí, Yeso Kristo, zɨ wa bɨ káʼnɨ́ ɨdzúm ɨtsum ntsa a ndzum zɨ, bɨgɨnə kə́ nchyɛ̌ atuəshe wen ntsǎ lá a ndzum zɨ lá.

Ɛbal 7:28

Tsɛʼ a nkənu, Nyɔngɔŋ Mǒse a tsɔʼə ɨbɛn tso bɨntumshe bə wi tɨgha bɨ kɔʼ ntɛm ngə́ tsáŋ ə. Lá akaʼ zə tən zə Ŋwi za a yénɨ́ a ndzum Nyɔngɔŋ, a tsɔʼ a Mɔn Mbáŋnɨ́, wa bɨ ghɨnə ayi a kɔʼ ntɛm ngə́ tsáŋ nɨnkoŋ ə.

Ɛfɛso 3:10

taŋ a nkfu tɨtsɔŋnɨ, ntsa a ndzum ndáŋwi, bɨtsen bɨ ndá bɨ Ŋwi ba bɨ sáʼnə́ abɔʼnɨ ɨzhwi tsɨ tən tsa tsɨ sáʼnə́ a fɔməbvurə chi zhi mɨndóm mɨtsum ma zóŋ Ŋwi a tsinɨ nɨ mɛrə ghe.

Nkyɛʼə 4:11

“Maʼmbyí ɨwɨgɨ nkɨ mbe Ŋwi ɨwɨgɨ! O tsi nɨ ɨlɨŋ a nkwárɨ́ nɨfáŋ, nkɔʼsə atɨ́ abɔʼnɨ mɨtən ə. Mbɨ́ʼ ngə́ o káʼ ɨdzúm ɨtsum, a ntsǎ a ndzum adzaŋ za o kɨ́nə́ ndǒ, taŋ á tsɨ tsi ɨwu nkɨ tsi nɨ ntsi ntɨŋ ə.”

2 Timotyo 2:10

Ma lan, ma chigɨ ntəm a nye ɨnu ɨtsum mbɨ́ʼ atú a ɨbɛn bɨ Ŋwi ba wɛrə a tsɔʼnɨ, taŋ á bo chi kɨ tsi nɨ ɨloŋ wa ɨ yenə ntsǎ a ndzum Kristo Yeso, wa ɨ kɨ́nə́ nkə́ ngyíŋə́ nɨ nɨfáŋ nə nɨnkoŋ lá.

Kolose 3:4

Ngótɨ́ ntsi mbyi ɨzɨŋ lá Kristo ghe. Wɛrə a ghɨ fú a ɨshe, muŋ nɨ mɨ kɨ fu a ɨshe bɨŋ bɨ wɛrə, ɨ kɨ tsi a mu nɨfáŋ ɨni ɛ!

Galesha 3:26

Nɨ nɨ ɨbɔ bɨ Ŋwi bɨtsum ba bɨ tsinɨ a mbúm bo bɨ Yeso Kristo ntsa lá a ndzum abeməntəm ə.

2 Korɨnto 3:18

Mɨshi ɨmɨgɨnə tsi tɨkə bɨ kubɨnɨ lá, bɨgɨnə bɨtsum diʼnə nɨfáŋ nɨ Maʼmbyí, bɨgɨnə kwebtɨnə taŋ ɨ tsinə nɨ nɨfáŋ ɨni ɨ lo a nye táʼ ɨfɨʼ ɨ ghɛn a nye za ɨ tsinɨ a mbyi ɛ. Nɨfáŋ məniŋ lǒ lá a mbó Maʼmbyí, zɨ wa a nɨ Azhwi ə.

Roma 9:23

Wɛrə a kɨ chyɛ nkə́ ndǒ nkyɛʼ nɨfáŋ ɨni na nɨ ghaʼnɨ be adaŋədaŋə, na bɨ chwírɨ́nɨ́ a nye bɨgɨnə ba nɨ ɨbɛn ba wɛrə a kónə́ a mɨlɨŋnɨ a nye bo lá. Bɨgɨnə lá ba wɛrə a kyaŋtɨnə a nkwárɨ́ nɨfáŋ ɨni ɛ.

Ɨfaʼ 3:15

Nɨ zhwítɨ́ a ŋwɔn wa a ghánɨ́ ntsi ntɨŋ ə. Lá Ŋwi a zhwémnɨ́ ayi a mbó nɨvwo ə. Bɨgɨ nɨ bətɛmə-ndzě a nye anu məziŋ ə.

Nkyɛʼə 7:9

Mbáʼ məzen a tsánə, ma lén ndzɛ́n ɨnɔ ɨnɔ ɨbɛn — ŋwɔn tse a kɨ chi keʼ awa bɨtsum kwaʼə. Bo ló a mu ngwəgɨ ŋwɔn mɨsɔŋ a ntsu tsum, ɨtsé tsɨ wi ɨtsum, ɨlaʼ ɨtsum nkɨ ndo a mbó ɨbɛn ba bɨ ghamnɨ mɨgham mɨtsum ə. Bo wə́gɨ́ bɨtɔgɨ bə fú, ntiʼtɨ ɨdzáŋ mbaŋ a mbó bo, ntɛm a ɨshi abərɨ za abɔʼnɨ Mɔn Mbyindzɨ wa.

1 Bita 5:1

Me wa ma nɨ atú a ndáŋwi me mboŋ, ma bǔʼ mbó a mbó ɨtú ndáŋwi a tɨtərɨ bɨŋ ə. Ma nɨ atɛmə-ndzě a nye ngɨ́ʼ za Kristo a zɛ́nɨ́, ma ghɨ kɨ́ tsi a mu nɨfáŋ na bɨ ghɨnɨ kyɛʼ lá. Ma bǔʼ mbó a mbó bən ngə́

1 Bita 1:12

Ŋwi a kyɛ́ʼ a mbó ntóm Ŋwi tsen ngə́ afaʼ aza a sé tsi ngə́ á bo sə́ŋə́ ɨwu, lá ngə́ nɨ ghɨ baŋnɨ sə́ŋ ɨwu, adzaŋ za bo ghámnɨ́ mbɨ́ʼ ɨnu tsa nɨ zuʼnə mbɨ́ʼ a tsɛrə a mbó ntóm tsa tsɨ chwítɨ́nɨ́ Nkən wu Shiʼnɨ wa lá. Bo chwítɨ́ a wɛrə ntsa lá a ndzum mɨtən mɨ Azhwi zə Fɛmnɨ ma mɨ lónɨ́ a fɔməbvurə ghe. Nə nɨ ɨnu tsa tsɛʼ bɨtsen bɨ ndá bɨ Ŋwi mɨ kɔŋ a ndzúʼə kɨ zhyɛ.

Ɛbal 7:26

Yeso a tiʼ mbe ntumshe wu ngwi wa a ghánə́ atsum za bɨgɨnə lɔnə a mbó bɨgɨnə ghe. Wɛrə a fɛmə; nkeʼ nɨ ɨfənu tse tsi kə ɨbvu ə; bɨ tsɔʼ ayi ntɛgɨ a tsi atú zɨ nkeʼ a tɨtərɨ ngaŋ ngɨ mɨbvu tsi, bɨ chwem ayi atú abərɨ zə wi a fɔməbvurə ghe.

Ɛfɛso 2:7

Wɛrə a ghɨ́ a məzen lá ngə́ a mu mbyi za ɨ lo bə yen lá, wɛrə a chi diʼ abɔŋəntəm azhi za a ghaʼnɨ tsɛʼ a nkan lá a nye adzaŋ za wɛrə a ghɨ́nɨ́ ɨbɔŋ a nye bɨgɨnə ntsa a ndzum Kristo Yeso ghe.

2 Korɨnto 6:18

ma mɨ be Tá ɨwən, á nɨ tiʼ nkɨ mbe ɨbɔ ɨban bə mbáŋnɨ́ bo bə bəngye.”

2 Korɨnto 5:18

Ziŋ atsum a lo a mbó Ŋwi, zɨ wa a ntsǎ a ndzum Kristo a kwébtɨ́nɨ́ awɨgɨnə, bɨgɨnə lo a nye ngaŋ kɨban ɨchi ntiʼ bɨson ɨbyi, nkɨ nga afaʼ a mbó bɨgɨnə a ngɨ ɨbɛn bə mɔʼɔ á bo kɨ mbe bɨson ɨbyi ɛ.

2 Korɨnto 4:17

Mbɨ́ʼ ngə́ mɨngɨ́ʼ wen wa bɨgɨ zɛ́nə́ a nye məkum a nkfu wen, a kyáŋtə́ awɨgɨ a nkwárɨ́ nɨfáŋ nə wi nə nɨnkoŋ na nɨ tsanɨ ngɨ́ʼ za tsum ə.

1 Korɨnto 2:7

Lá zóŋ wa bɨgɨ chwítɨ́nə́ a nɨ zóŋ Ŋwi wa a tsinɨ a nkubə, zóŋ wa wɛrə a kwɛ́nə ndɛn bɔŋ ɨ káʼ atuəshe a ngá nɨfáŋ ɨnɨgɨnə a mbó bɨgɨnə ghe.

Yoane 19:30

Yeso a nó mɨluʼ ma ntiʼ soŋ ngə́, “A minə ghe!” Ntiʼ ndzəŋ atú azhi a ɨshe, ntsəmə.

Yoane 11:52

ɨ keʼ tsɛʼ mbɨ́ʼ atú aza be, lá ɨ kɨ ghotɨ ɨbɛn bɨ Ŋwi adiʼ a mɔ́ʼɔ́ ba bɨ dzagɨnɨnɨ nɨ ɨdiʼ nɨ ɨdiʼ ə.

Alukasɨ 13:32

Yeso a chwɨ́gɨ́ a mbó bo ngə́, “Ghɛnə ngɛn ɨ soŋ a mbó nɨmaŋ na ngə́: ‹Ma fɨ́gɨ́ bɨdzɨŋ nkə́ ntsǔʼ ɨbɛn ɨ sɨŋə bo ɨzo, a lo mbe njwi ɨyi á ma mɛtɨ ɨfaʼ ɨghə.›

Alukasɨ 2:14

“Nɨfáŋ a mbó Ŋwi a fɔməbvurə atú a təntsánɨ́, á mbɔnɨ tiʼ ntsi atuəshe a mbó ɨbɛn ba ntəm ɨyi dórɨ́nə́ mbɨ́ʼ awa ghe!”