Ɛbal 13:4 - Mɨkan wu Fi

⁴ A mangye bo ndóm nkɔ́ʼsə́ mɨzɔ́ʼ mɨtsum atɨ́, á achwurɨ a keʼ ɨwu be, mbɨ́ʼ ngə́ Ŋwi a ghɨ sáʼ ɨbɛn ba bɨ ghɨnɨ ɨnu ntɔrɨ ɨlɛbɨ abɔʼnɨ ba bɨ chwurɨnə ghe.

Ɛbal 13:4 Referans Kwoze

Galesha 5:19

Ɨnu tsa mbəmnye ghɨnə tsɨ tsi tsɛʼ asaŋəsaŋ ə. Tsɨ dǐʼ ɨtumbəm ɨtsa a ngɨ̌ ɨnu ntɔrɨ ɨlɛbɨ, ɨ nɔnkɨnə tso ngvo tɨ adɨrətú,

Galesha 5:21

nchyɛ̌ nɨ aghɨʼnɨ, ɨ nǒ mbánə́, nchyɛ̌ a mu nɨdorɨ tə́ nchwátɨ́ ɨnye nkə́ ngɨ̌ ɨbə́ŋ ɨnu tsə mɔʼɔ tso mətsiŋ ə. Ma kwantə awən tɨtsɔŋnɨ tso mbáʼ ma kwɛ́nə nkwantɨ lá ngə́: ɨbɛn ba bɨ ghɨnɨ ɨnu mətsiŋ láʼ keʼ kon a mu Nɨfɔ nɨ Ŋwi ə.

1 Korɨnto 6:9

Nɨ se zhi ngə́ ɨbɛn ba bɨ se chinɨ a ɨshi ɨmɨgɨ Ŋwi ghɨ keʼ kon a mu Nɨfɔ nɨ Ŋwi le? A nɨ keʼ ɨtumbəm ɨtsən tamtə; ɨbɛn ba bɨ ghɨnɨ ɨnu ntɔrɨ ɨlɛbɨ, kə ba bɨ ghúʼsɨ́nɨ́ ɨbɔ bɨ abe, kə ɨbɛn ba bɨ chwurɨnə, kə mbáŋnɨ́ tsa tsɨ lɔgɨnə a tsə mɔʼɔ,

1 Korɨnto 5:13

Ŋwi a sáʼə a bə abyɛn ə. Adzaŋ za aŋwaʼnɨ a Ŋwi a soŋnɨ ngə́, “Kə́ntɨ́nə a ngaŋ abɨgəntəm a tɨtərɨ bɨŋ ə.”

Ɛfɛso 5:5

A nɨ zhi ɨ shiʼnɨ ngə́ ka Ŋwɔn tse wa a nɨ wu ntɔrɨ ɨlɛbɨ, wu ɨtɨshwe ɨnu, wa a nɨ amiɛnɨngám (mbɨ́ʼ ngə́ a mbé amiɛnɨngám a nɨ ndóm wu mɔʼɔ a ngúʼsɨ́ ɨbɔ bɨ abe) a láʼ tsi nɨ anu a mu Nɨfɔ nɨ Kristo abɔʼnɨ nə Ŋwi ə.

1 Timotyo 3:12

Ŋwɔn wa a kwátɨ́nə́ a ndáŋwi a tsi nɨ nchyɛ tsɛʼ nɨ táʼ mangye, ntsi nɨ saʼ ɨbɔ ɨbyi abɔʼnɨ ngwəgɨ ɨzhi ɨ shiʼnɨ ə.

1 Timotyo 3:4

a tsi nɨ ɨ zagɨ chi sáʼ ngwəgɨ ɨzhi ɨ shiʼnɨ, ɨ ghɨ á ɨbɔ ɨbyi ndzúʼnə́ ayi nɨ ndiʼ mbɔm zɨ shiʼnɨ a nye mɨndóm mɨtsum ə.

1 Korɨnto 7:38

Ma lan, ŋwɔn mbáŋnɨ́ wa a zɔʼnɨ lá, a ghɨ ɨ shiʼnɨ ə, lá ŋwɔn mbáŋnɨ́ wa a se zɔ́ʼ lá, a ghɨ ɨ shiʼnɨ ngɛn nɨ mbyi ɛ.

Nkyɛʼə 22:15

Lá abyɛn ntáʼmbagə wu wi wa, a tsi ɨbɛn ba bɨ ghɨnɨ ɨtumbəm ɨtsa tsɨ nyaʼnɨ, ngaŋ fuə abú, ngaŋ ntɔrɨ ɨlɛbɨ, ngaŋ njwítɨ́ ɨbɛn, ngaŋ ngúʼsɨ́ ɨbɔ bɨ abe abɔʼnɨ ngaŋ ɨchwenu tsa tsɨ chwɛ́nɨ́ ɨnu a nye mɨgham ɨma abɔʼnɨ ngɨnɨ mɨnu ɨma ghe.

Tɨ́tósɨ 1:6

atú a ndáŋwi a tsi nɨ nchyɛ tɨ ɨfərɨ; a tsi nɨ nchyɛ tsɛʼ nɨ táʼ mangye, ɨbɔ ɨbyi tsi nɨ mbe ɨbɛn ba bɨ nɨŋnɨ mɨntəm ɨma a nye Kristo, ɨ keʼ nɨ mbɔm mɨtsɛgɨ kə zɨ atɨŋətú chyɛ.

1 Timotyo 5:14

Ma mɨ baŋnɨ kɔŋtɨ ngə́ á bɨkfugɨ bɨ bəngye bə bɔrɨ zɔ́ʼ, njwi ɨbɔ, nkɨ ndə̌tú a nye njwuʼ ɨtsa, taŋ ɨ ghɨ á ngaŋ kɨban ɨtsɨgɨnə keʼ tsi nɨ abárɨ́ a ngam ɨnu tɨbɔŋ mbɨ́ʼ awɨgɨnə ghe.

1 Timotyo 4:3

Ɨbə́ŋ ɨbɛn mətsiŋ diʼə ngə́ a nɨ afənu a ndzɔ́ʼə́ abɔʼnɨ ɨ kɨ dzɨ ɨbə́ŋ mɨdzɨ tsɨ tse ghe. Lá Ŋwi a káʼ ɨbə́ŋ mɨdzɨ mətsen lá ngə́ á ɨbɛn ba bɨ nɨŋnɨ mɨntəm ɨma a nye zɨ, nkɨ nji nkənu, dzɨ mbáʼ bo mɛtɨnə atsaʼtɨ a Ŋwi zə ngǎ mɨya ghe.

2 Korɨnto 5:10

Mbɨ́ʼ ngə́, bɨgɨnə bɨtsum ghɨ zagɨ fú a ɨshe a ɨshi Kristo, á wɛrə a sáʼ awɨgɨnə ghe. Bɨgɨnə bɨtsum ɨ mɔ́ʼɔ́ mɔ́ʼɔ́ ghɨ kwárɨ́ a za bɨgɨnə tsinɨ nɨ nkwarə, ndzɔ̌ŋ anu atsum za bɨgɨnə ghɨnɨ, zə shiʼnɨ kə zə tɨbɔŋ, a mu ntsi mbyi za bɨgɨnə kɨ́nə́ nchyɛ̌ a mu mbəmnye ɨzɨgɨnə ghe.

1 Korɨnto 9:5

A se adiʼ azan be ngə́ á ma kɨ ntsi nɨ mangye ɨ númə́ karɨnə nɨ wɛrə adzaŋ za ma faʼnɨ afaʼ azan tso mbáʼ ntóm Yeso tsə mɔʼɔ nkwiʼtɨ ɨbɔmbɨma bɨ Maʼmbyí abɔʼnɨ Bita a bɨ ghɨnə lá le?

1 Timotyo 3:2

Ntsagɨnɨ a mu ndáŋwi a se tsi nɨ nchyɛ nɨ akɔmkɨ anu zə tse ghe; a tsi nɨ ɨ zagɨ tsi tsɛʼ nɨ táʼ mangye, ɨ keʼ ngɨ̌ mɨnu ɨ tsǎ fəŋnɨ ɨfɨʼ, ɨ chwátɨ́nɨ́ ɨnye ɨzhi, ɨ tsi nɨ mbɔm zɨ shiʼnɨ; ɨ zagɨ kwarɨnɨ bɨghən a ndá zɨ; ɨ zagɨ chi diʼ anu a Ŋwi;

Ɛbal 12:16

A ŋwɔn tse a tɨtərɨ bən keʼ tsi tso Esao wa a bénɨ́ ŋwɔn ntɔrɨ ɨlɛbɨ, nkɨ mbe wa a sé nɨ́ŋ ntəm ɨyi a nye Ŋwi, wa a kɨ́nɨ́ nkɨ́ fén a za a tsínɨ́ nɨ mbé azhi tso ntsambyi mɔn a mbó azɔŋəndzum azhi atú táʼ akáŋ a mɨdzɨ lá.

1 Korɨnto 6:18

A nɨ tsɔʼ mɨntəm ɨmən a nye ɨnu ntɔrɨ ɨlɛbɨ ə. Mɨbvu mə daŋ ma ŋwɔn mɨsɔŋ a ntsu a ghɨnə se anu zə tsɛrə a nye mbəmnye ɨzhi a ngɨə ghe; lá ŋwɔn wa a tɔrɨnɨ ɨlɛbɨ ɨchi, ɨbvu wa a ghɨnɨ lá, a ghɨ a wɛrə lá a nye mbəmnye ɨzhi ɛ.

1 Tesalonaika 4:6

A mu anu məzen, á ŋwɔn mbáŋnɨ́ tse a keʼ ghɨ ɨbvu a nye mɨma ɨyi wa bo zɨ zɔŋnə a Kristo kə ɨ sitɨ ayi ɛ. Bɨgɨ kwɛ́nə soŋ a məzen a mbó bən nkɨ nkwantɨ awən tsɛʼ ɨ shiʼnɨ ngə́ Maʼmbyí a mɨ nɨŋ ngɨ́ʼ a nye ŋwɔn wa a ghɨnə a zɛrə ghe.