Ɛbal 13:2 - Mɨkan wu Fi

² A nɨ nkwárə́ bɨghən nɨ njwuʼ ɨtsən, mbɨ́ʼ ngə́ bə tse ghɨ́nə mə lá, ntaŋtɨ nɨghan nɨ bɨtsen bɨ ndá bɨ Ŋwi, tɨ zhyɛ.

Ɛbal 13:2 Referans Kwoze

Matyo 25:35

Mbɨ́ʼ ngə́ nji kə́ ndzáŋə aghan nɨ gha mɨdzɨ ɨ wən, ntɔŋ ɨghə zómnkɨ́ nɨ gha azúm ma no, ma bé ngən nɨ kwarɨ aghan ɨ shiʼnɨ nɨ njwuʼ ɨtsən,

Roma 12:13

A nɨ ngyɛ́btɨ́ ɨdzúm ɨtsən bɨŋ bɨ ɨbɔmbɨma ɨbən a ndzum Kristo ba bɨ boŋnɨ, nkə́ nkwárɨ́ bɨghən nɨ njwuʼ ɨtsɨŋ ə.

1 Bita 4:9

A nɨ nkwárə́ a ŋwɔn nɨ ŋwɔn nɨ mɨndá ɨmən tə́ nzhwúʼnə́ ghe.

Matyo 25:43

ma bé ngən nɨ keʼ aghan kwarɨ nɨ njwuʼ ɨtsən, ntsi ntyigɨnɨ, nɨ zum aghan nɨ ɨtsɛʼ, ngǒ nkɨ ntsi atsáŋ nɨ keʼ aghan ləŋtə.›

Tɨ́tósɨ 1:8

A tsi nɨ ɨ zagɨ kwarɨnɨ ɨbɛn a ndá zɨ, ɨ kɨ kɔŋ anu za a bɔŋnɨ ə. A tsi nɨ ɨ zagɨ chwátɨ́nə ɨnye ɨzhi, ɨ chinɨ a nye ngɨnɨ mɨnu ɨmyi, ɨ fɛm, ɨ kɨ be ŋwɔn nɨ akyaŋtɨ ə.

Matyo 25:40

Ɨfɔ a mɨ chwɨ́gɨ́ a mbó bo ngə́, ‹Tsɛʼ a nkənu, ma soŋə awɨŋ ə, adzaŋ za nɨ ghɨ́nɨ́ a mbó táʼ wɛnə wa a bénɨ́ wu nkɨʼnɨ ntsa bɨtsum a tɨtərɨ ɨbɔmbɨma ɨban lá, nɨ ghɨ́ lá a mbó me ghe.›

1 Timotyo 5:10

bɨ kɨ nji ayi ngə́ a ghɨ̌ ɨnu tsɨ shiʼnɨ tso: mangye wa a kúgɨ́nɨ́ ɨbɔ ɨbyi ɨ shiʼnɨ, nkwárə́ bɨghən a ndá zɨ, ngɨ̌ ɨnu a mbó ɨbɛn ba bo bo zɔŋnə a Kristo tsa tsɨ díʼnɨ́ ngə́ a shíʼtɨ́ nɨ ɨnye ɨzhi a ɨshe, nkwatɨ ɨbɛn ba bɨ tsínɨ́ a ngɨ́ʼ nkɨ ntɛgɨ atú azhi a ngɨ ɨbɔŋ ə.

1 Timotyo 3:2

Ntsagɨnɨ a mu ndáŋwi a se tsi nɨ nchyɛ nɨ akɔmkɨ anu zə tse ghe; a tsi nɨ ɨ zagɨ tsi tsɛʼ nɨ táʼ mangye, ɨ keʼ ngɨ̌ mɨnu ɨ tsǎ fəŋnɨ ɨfɨʼ, ɨ chwátɨ́nɨ́ ɨnye ɨzhi, ɨ tsi nɨ mbɔm zɨ shiʼnɨ; ɨ zagɨ kwarɨnɨ bɨghən a ndá zɨ; ɨ zagɨ chi diʼ anu a Ŋwi;

Roma 16:23

Gayɔsɨ wa ma tsinɨ ɨ wə ndá, ndáŋwi kə́ nkúŋə́ ɨwu, a tɔ́ŋtə́ awɨŋ ə. Eratosɨ ndě nkáb a ntáʼmbagə wu wi bo mɨma ɨwɨgɨnə Kwatosɨ tɔ́ŋtə́ awɨŋ ə.

Ɨfaʼ 16:15

Wɛrə abɔʼnɨ ŋwɔn tsum a mu ndá zɨ ghɨnə nkwárɨ́ nkyi, wɛrə a tiʼ ngon awɨgɨ ɨ sóŋə́ ngə́, “Yenə ngyen ntsi a mu ndá me mbáʼ be a be ngə́ nɨ zɛnə ngə́ ma nɨ nkasɨ ŋwɔn wa a nɨŋnɨ ntəm ɨyi a nye Maʼmbyí ɛ.” Wɛrə a lɛ́tɨ́ mɨntəm ɨmɨgɨ, bɨgɨ ghen.

3 Yoane 1:5

Mbɔŋ ɨson ɨghan, o lánə́ fáʼə tsɛʼ nɨ táʼ ntəm ɨfaʼ wa o faʼnə a mbó ɨbɛn ba bɨ zɔŋnə a Kristo, mbáʼ be bo kwɛ mbe be bɨngyen-yenɨ ə.