Ɛbal 13:1 - Mɨkan wu Fi

¹ A ɨbɔmbɨma a ndzum Kristo ngěn nɨ mbyi nkɔŋnə awa bo nɨ bo ghe.

Ɛbal 13:1 Referans Kwoze

1 Yoane 4:20

Be ŋwɔn tse a soŋ ngə́ zɨə kɔŋ a Ŋwi lá mban a mɨma ɨyi, lá be ngə́ a nɨ ŋwɔn ɨchwenu ə. Mbɨ́ʼ ngə́ a chi keʼ a Ŋwi kɔŋ wa a bvurɨnɨ tɨ zɛn, mbáʼ be a tú a mɨma ɨyi kɔŋ wa a zɛ́nə́ ghe.

1 Bita 3:8

A ndwɨgɨnə: bən bɨtsum mɨ zagɨ tsi nɨ táʼ mbɔm ɨ kə́ konə a mɨlɨŋnɨ a nye ŋwɔn nɨ ŋwɔn; á nɨ kɔŋnɨ ɨtumbəm ɨtsən ŋwɔn nɨ ŋwɔn, ntsi nɨ ntəm ngɨ ɨbɔŋ a nye ŋwɔn nɨ ŋwɔn, nkə́ shíʼtə́ nɨ ɨtumbəm ɨtsən a ɨshe a ɨshi ŋwɔn nɨ ŋwɔn ə.

1 Bita 1:22

Tɨtsɔŋnɨ wa a ntsǎ a ndzum ndzuʼnɨ nkənu za, nɨ sugɨnɨ ɨtumbəm ɨtsən ɨ fɛm, nkɨ ntsi nɨ ngótɨ́ akɔŋnɨ a nye ɨbɛn ba bɨŋ bo nɨŋnɨ mɨntəm ɨmɨŋ bo a nye Kristo lá, á nɨ tiʼ nkɔŋ a ŋwɔn nɨ ŋwɔn nɨ mɨntəm ɨmən mɨtsum ə.

2 Bita 1:7

ɨ kwiʼtɨ akɔŋnɨ a nye ŋwɔn nɨ ŋwɔn a nye ngɨ ɨnu tsa Ŋwi a lɔnə; ɨ kwiʼtɨ akɔŋnɨ a nye bədaŋ a nye akɔŋnɨ a nye a ŋwɔn nɨ ŋwɔn ə.

1 Bita 2:17

A nɨ nkɔ́ʼsə́ a ŋwɔn tsum atɨ́, nkɔŋ a ŋwɔn tsum wa bɨŋ bo nɨŋnɨ mɨntəm ɨmɨŋ bo a nye Kristo, mbɔ́gɨ́tə́ a Ŋwi, nkə́ ndǐʼ mbɔm zɨ shiʼnɨ a mbó Kaisa ghe.

Ɛbal 10:24

A bɨgɨnə ndǒ mɨndómɨnji mɨtsum a ngɨə á ŋwɔn tsum a nsáŋnə́ a ndiʼ akɔŋnɨ ɨ kə́ ghɨənɨ ɨnu tsɨ shiʼnɨ ə.

2 Tesalonaika 1:3

Ɨbɔmbɨma ɨbɨgɨ, bɨgɨ mɨ zagɨ ghanə a mɨya a mbó Ŋwi nkfu tsum mbɨ́ʼ awɨŋ ə. A kuʼnɨ a mbó bɨgɨ a ngɨə mə lan, mbɨ́ʼ ngə́ abeməntəm azən a kwiə tsɛʼ a nkan, akɔŋnɨ za ŋwɔn nɨ bɨŋ tsum a tsinɨ nɨ zɛrə a nye bə mɔʼɔ a kə́ ngháʼ ɨ ghaʼnɨ ə.

1 Bita 4:8

Za a tsanɨ atsum a nɨ ngə́ á nɨ kɔŋ a ŋwɔn nɨ ŋwɔn nɨ táʼ ntəm, mbɨ́ʼ ngə́ akɔŋnɨ a kúbɨ́nɨ́ mɨbvu mə ghaʼnɨ ə.

Galesha 5:22

Lá Azhwi a Ŋwi a jwiə akɔŋnɨ, nɨdorɨ, mbɔnɨ, nchigə, nchyɛ nɨ ntəm ngɨ ɨbɔŋ, ɨbɔŋ, ɨfaʼə nɨ táʼ ntəm,

Galesha 5:13

A mbó bən nə ɨbɔmbɨma ɨban, Ŋwi tsɔ́ʼ awən lá ngə́ á nɨ tiʼ mbe ɨbɛn nkeʼ ɨbuʼ bə mbe ə. Lá á nɨ keʼ nyɛʼtɨ á nchyɛ nɨ atú azən məziŋ be anu za a mɨ ghɨ á ɨnu tsa mbəmnye lɔnə tiʼə ntsɨŋnə awɨŋ ə. A nɨ baŋnɨ nyɛʼtɨ á akɔŋnɨ a be azúm za a mɨ ghɨ á nɨ faʼə a mbó ŋwɔn nɨ ŋwɔn ə.

Nkyɛʼə 2:4

Lá anu za nɨ ghɨnɨ a nye me a keʼ bɔŋ a zɛnə ghe: ka nɨ bvurɨ nkɔŋ awən aghan adzaŋ za nɨ fómnɨ́ nkɔŋə.

1 Yoane 3:23

Ntɨgə za wɛrə a ghanɨ ɨ nɨ ngə́ á bɨgɨnə nɨŋ mɨntəm ɨmɨgɨnə a nye Mɔn ɨyi Yeso Kristo nkɨ nkɔŋ a ŋwɔn nɨ ŋwɔn, tsɛʼ adzaŋ za Kristo a tɨ́gɨ́nɨ́ a mbó bɨgɨnə lá.

Galesha 5:6

Mbɨ́ʼ ngə́, mbáʼ bɨgɨ tsinɨ a mbúm bɨgɨ bɨ Kristo Yeso lá, ka líʼ a tsi ayi ɨwu mbáʼ be o tsəŋ alagɨ azo kə o koʼ tsəŋə; anu za a tsinɨ nɨ ɨlɨŋ a nɨ ngə́ á nɨ ndǐʼ abeməntəm azən ntsa a ndzum nkɔŋ ŋwɔn nɨ ŋwɔn ə.

Yoane 15:17

Ntɨgə za ma ghanɨ a mbó bən ɨ nɨ ngə́: kɔŋnɨnə awən bən nɨ bɨŋ ə.”

Ɛfɛso 5:2

Akɔŋnɨ a tsi nɨ ntsɨŋnɨ ntsi mbyi ɨzən, tso mbáʼ Kristo a kɔ́ŋnɨ́ awɨgɨnə, nga ntsi mbyi ɨzhi tso mɨtsuʼnɨ mɨ atú a nkfu bɨgɨnə tso akáŋ a Ŋwi za nyúʼtɨ́nɨ́ ɨ shiʼnɨ, ngɨə ɨnye Ŋwi bɔŋənə lá.

Ɛfɛso 4:3

A nɨ ngɨə atsum a ndé nchyɛ a mbúm za a ghánə́ Azhwi ntsǎ a ndzum mbɔnɨ za ɨ kórɨ́nə́ awən nɨ tiʼ táʼ ghe.

Ɨfaʼ 4:32

Ngǒtə ɨbɛn ba bɨ nɨ́ŋnɨ́ mɨntəm ɨma a nye Ŋwi bé lá tsɛʼ táʼ azúm a ntəm bo abɔʼnɨ akwaʼtɨ aza ghe. Ŋwɔn tse a tɨtərɨ bo a sé sóŋ ngə́ azúm zə tsɛrə za zɨə tsínɨ́ nɨ zɛrə a nɨ tsɛʼ azhi ɛ. Bo kə́ ngyɛbtɨ ɨdzúm ɨtsa tsɛʼ ɨtsum a tɨtərɨ bo ghe.

Ɨfaʼ 2:1

Njwi nɨdorɨ nɨ bə Yuda za bɨ kɨ́nə́ ntɔ́ŋə́ ngə́ Bɛntɛkɔsɨ ghɨnə nkúʼ, ɨbɛn ba bɨ nɨ́ŋnɨ́ mɨntəm ɨma a nye Ŋwi ghótɨ́ táʼ adiʼ ə.