Ɛbal 12:3 - Mɨkan wu Fi

³ A nɨ waʼtɨ a zɨ wa a chígɨ́nɨ́ ntəm a nye kɨban tsum wa ngaŋ ngɨ mɨbvu díʼnɨ́ wəmbo, taŋ á nɨ keʼ nyɛʼtɨ nkotɨ mbáŋnɨ́ ɨtsən ntiʼ nkɨ nkyɛntɨ a nɨ́ŋ mɨntəm ɨmən a nye Ŋwi ə.

Ɛbal 12:3 Referans Kwoze

Galesha 6:9

Ma lan, á bɨgɨnə keʼ kán a ngɨ ɨnu tsɨ shiʼnɨ; mbɨ́ʼ ngə́ be bɨgɨnə tú kyɛntɨ a ngɨ ɨnu tsɨ shiʼnɨ, muŋ nkfu ghɨ yen za bɨgɨnə ghɨ fuʼ a za bɨgɨnə bínə́.

2 Korɨnto 4:16

Ma lan, ka bɨgɨ ntsɛ́gɨ́nə́ awɨgɨ ɨnye ə. Ntsi mbyi mbəmnye ɨtsɨgɨ báʼtə́ ndékə́ ngěn lá, ntsi mbyi azhwi ɨtsɨgɨ baŋnə nkwiə nɨ njwi nɨ njwi ə.

Nkyɛʼə 2:3

Nɨ tsi nɨ nchigə, nɨ kɨnə nkɨ ndze ngɨ́ʼ mbɨ́ʼ atú azan, nkeʼ kɨ ntsɔʼ mbó ɨmən ɨwu ə.

1 Korɨnto 15:58

Ma lan nə ɨbɔmbɨma ɨban, nɨ tɛm á mɨku ɨmɨŋ təntɨ, á nɨ keʼ nchíʼnə́ ghe. A faʼnə ɨfaʼ ɨwən a mbó Maʼmbyí nkfu tsum, mbáʼ nɨ zhinɨ ngə́ ka anu zə tse za nɨ ghɨnə, a mu ɨfaʼ ɨwən a mbó Maʼmbyí a chi tsa ayi adaŋədaŋə lá.

Ɛbal 12:2

ntɛgɨ ɨmɨgɨ ɨmɨgɨnə a nye Yeso, zɨ wa a biʼnɨnə abeməntəm azɨgɨnə, nkə́ nchísə́ a zɛrə a kɔʼə ntɛ́mə́ ngə́ tsáŋ lá. Zɨ wa a chígɨ́nɨ́ ntəm bɨ kwemtɨ ayi atɨ abaŋnɨ-baŋnɨ nkɨ ngwagɨnɨ adɨrətú atsum mbɨ́ʼ nɨdorɨ na nɨ kɨ́nə́ ntsiŋə ayi, a tiʼ shiʼtɨ ntsi a bagɨ abó maʼə alaŋ a nɨfɔ a Ŋwi ə.

Ɛbal 3:1

Ma lan nə ɨbɔmbɨma ɨban a ndzum Kristo, bən ba Ŋwi a kɨnɨ nkɨ ntsɔʼ awən lá, á nɨ tɛgɨ ɨmɨgɨ ɨmən ɨ shiʼnɨ a Yeso məwiŋ ə. A nɨ zɨ wa Ŋwi a tságɨ́nɨ́ ngə́ á be ntumshe wu ngwi wu anu za bɨgɨnə nɨŋnɨ mɨntəm ɨmɨgɨnə ɨwu lá.

2 Korɨnto 4:1

Ma lan, mbáʼ a nɨ mbɨ́ʼ a mɨlɨŋnɨ Ŋwi mbáʼ bɨgɨ faʼnə afaʼ məzen lá, ka bɨgɨ ntsɛ́gɨ́nə́ awɨgɨ ɨnye ə.

Yoane 5:16

Ma lan, bo tíʼ mbiʼnɨ a ndɨ́gɨ́ Yeso mbɨ́ʼ ngə́ a tsúʼ a ŋwɔn a Njwi Alaʼ Ŋwi ə.

Ɛbal 12:5

Nɨ kɨnə nkɨ ndɨgɨnɨ ngwɔŋtə za Ŋwi a wɔŋtɨnə awən nɨ zɛrə tso ɨbɔ ɨbyi le? Wɛrə a soŋ ngə́, “Mɔn ɨghan, o koʼ lɔgɨ nchisə za Maʼmbyí a chísɨ́nə́ agho ɨwu tso ɨnu adaŋədaŋə, kə nkoʼ kɨ ntsi tɨ nkotɨ mbáŋnɨ́ ɨtso a nkfu za wɛrə a shwómnə́ agho ə.

Alukasɨ 14:1

A bé a Njwi Alaʼ Ŋwi zɨ tse Yeso a ghɛn a ndzɨ́ə a ndá ŋwɔn bə Farisao wa a bénɨ́ atú ə. Ɨbɛn tɛ́gɨ́ ɨmɨgɨ a nye zɨə.

2 Tesalonaika 3:13

Lá bən, nə ɨbɔmbɨma, á nɨ zagɨ keʼ nkə̌ a ngɨ ɨbɔŋ ə.

Yoane 18:22

Mbáʼ Yeso a sóŋnɨ́ ɨnu tsiŋ ɨtsum lá, táʼ ntsiŋ ɨdiʼ wa wu mɔʼɔ a lúbɨ́ ayi, mbitɨ ngə́, “O tsa lá ɨ nə́ ngámə́ a mbó Ntumshe wu Ngwi adzaŋ wa le?”

Yoane 8:52

Bə Yuda sóŋ ngə́, “Tɨtsɔŋnɨ bɨgɨ zhi ɨ shiʼnɨ ngə́ o tsi nɨ dzɨŋ ə! Abraʼm a kfó, ntóm Ŋwi kɨ nkfokə; lá o soŋ ngə́ ŋwɔn tsum wa a zúʼnɨ́nɨ́ ɨnu tsa o diʼnə a láʼ keʼ kfoə.

Yoane 8:59

Bo tíʼ sɛ́ʼ mɨngɔʼ a ntúmtɨ́ zɨ nɨ mɛrə, lá Yeso a lwɛ́ʼ atuəmbəm azhi, ntiʼ fu ayi a mu Ndáŋwi zɨ Ngwi ə.

Yoane 8:13

Bə Farisao sóŋ wəmbo ngə́, “O nɨ atɛmə-ndzě a mbó atuəmbəm azo gho mboŋ ə; anu za o sóŋnə́ lá ka a tsi ayi nɨ ɨlɨŋ tse ghe.”

Yoane 7:12

Ɨbɛn kə́ ntsumnə mbɨ́ʼ a Yeso a tɨtərɨ ɨnɔ wa be tɨsɨŋə. Bə tse kə́ sóŋə́ ngə́, “A nɨ ŋwɔn wu shiʼnɨ ə.” Bə tse soŋənə ngə́, “Ngáŋ, a tsagə ɨbɛn a mɨ́tfúŋ ə.”

Alukasɨ 16:14

Mbáʼ bə Farisao zúʼnɨ́ ɨnu tsiŋ ɨtsum lá, ntaŋsɨ mɨshi ɨma a nye Yeso, mbɨ́ʼ ngə́ bo kɔ́ŋ nkáb be tɨsɨŋə.

Alukasɨ 15:2

bə Farisao bo bɨdiʼ bɨ Nyɔngɔŋ bíʼnɨ́ nzhwúʼnə́ ɨ sóŋə́ ngə́, “Ŋwɔn wen a kwárɨ́ ngaŋ ngɨ mɨbvu nkə́ ndzɨ́ə bo bo ghe!”

Alukasɨ 5:21

Ngaŋ ndiʼ Nyɔngɔŋ bo bɨ bə Farisao tíʼə mbítə́ awa bo nɨbo ngə́, “Ŋwɔn wen a lá ɨwa mbáʼ a ghamnə mɨgham mɨ ndzɔm Ŋwi lá le! A nɨ tsɛʼ Ŋwi zɨzɨ mbáʼ be a lɨgɨnɨ mɨbvu mɨ ɨbɛn ə!”

Alukasɨ 2:34

Simiɔn a tíʼ fɔ́gɨ́ awa, ɨ soŋ a mbó Mɛrɨ nɨmi ɨyi ngə́, “Zɛn lá, Ŋwi a tsɔʼ a mɔn wen ngə́ á bə Izrai a ɨnɔ ghɨ́ nkɔgɨ ɨmugɨ ɨwa wə ɨnye, á bə mɔʼɔ kwarɨ ɨloŋ ɨwa tsɛʼ wəmbo ə. Wɛrə ghɨ bé alɨgɨ za a lonɨ a mbó Ŋwi, mbáʼ ɨbɛn bə ghaʼnɨ ghɨnɨ tón awa ɨnu tsa wɛrə sóŋnə́ ghe.

Matyo 22:15

Bə Farisao tíʼ ngɛn nkəmnɨ ngɨ akyaŋtɨ a mbentɨ Yeso nɨ ɨbítɨ ə.

Matyo 21:46

Ma lan, bo zhwə́ŋtɨ́ a nkó zɨə. Lá bo kə́ mbɔ́gɨ́ ɨmɨgɨ mɨ ɨnɔ, mbɨ́ʼ ngə́ ɨnɔ wa lɔ́gɨ́ a Yeso tso ntom Ŋwi ə.

Matyo 21:23

Yeso a bə́ ngyen nkon a mu Ndáŋwi zɨ Ngwi ə. Bɨntumshe bə wi abɔʼnɨ bɨkum bɨ alaʼ yén wəmbo mbáʼ a kɨ́nə́ ndiʼə anu a Ŋwi, mbitɨ ayi ngə́, “O lɔgɨ mɨtən lá ɨ ghé a ngɨ ɨnu tsiŋ ɨtsum ə? A gha ɨwa nga mɨtən məmen a mbó gho ghe?”

Matyo 15:2

“Bɨyɛʼ bo se ndzúʼnɨ́ ɨnu tsa bɨta ɨbɨgɨnə bə kɔ́ʼɔ́nguʼ díʼnɨ́ lá ngə́ ke le? Ka bo sugə awa mbó ɨma ndzɔ́ŋə́ adzaŋ za a tsinɨ a mu Nyɔngɔŋ bɔŋ ɨ dzɨə!”

Matyo 12:24

Mbáʼ bə Farisao zúʼnɨ́ a məzen lá, nchwɨgɨ ngə́, “A fɨ́gɨ́ bɨdzɨŋ lá tsɛʼ mbɨ́ʼ ngə́ ɨfɔ bɨdzɨŋ Bɛlzɛbu a ghǎ mɨtən wəmbo ngə́ á ngɨə mə lá.”

Matyo 11:19

Mɔn Ŋwɔn a ghɨnə ngyén, ndzɨ mɨdzɨ nkɨ no mɨluʼ, nɨ soŋ ngə́, ‹Zɛnə a mba wiŋ ə! A nɨ ndánɨdzɨ nkɨ mbe abarə a mɨluʼ, mbe ɨson bɨ bɨkwárɨ́ bɨ ashɛbɨ bo ngaŋ ngɨ mɨbvu bə mɔʼɔ ghe!› Lá bɨ zhyɛ̌ a zóŋ Ŋwi lá a nye ɨnu tsɨ kuʼnɨnɨ tsa ɨbɛn ghɨnə ghe.”

Yoane 9:40

Bə Farisao bə tse ba bɨ tsínɨ́ ɨwu zúʼ a məzen, ntiʼ mbitɨ ayi ngə́, “Bɨgɨ kwaʼtɨ ngə́ o so sóŋə́ lá ngə́ bɨgɨ kɨ mbe bɨfɨgɨ ə, kə ndé?”

Yoane 10:20

Bo bə ghaʼnɨ kə́ sóŋə́ ngə́, “A tsi nɨ dzɨŋ ə! A banə! Nɨ zhwíʼtə́ wəmbo lá ngə́ ke le?”

1 Bita 2:23

A nkfu za bɨ zɔ́mnɨ́ ayi, wɛrə a sé chwɨgɨ nɨ ndzɔm ə; a nkfu za wɛrə a kɨ́nə́ ndzě ngɨ́ʼ lá, wɛrə a sé kyesɨ ɨbɛn ngə́ bo mɨ kɨ ze ngɨ́ʼ ə. Lá wɛrə a lén ntsiŋə nɨ ntəm ɨzhi tsum a nye Ŋwi, zɨ wa nɨ Tabyɛn wa a sáʼnə́ tɨ nkobɨ lá.