Ɛbal 11:1 - Mɨkan wu Fi

¹ A nchyɛ́ nɨ abeməntəm, a nɨ nji ɨ shiʼnɨ ngə́ ɨnu tsa bɨgɨnə tsenə nɨ ntəm tsum tsɨ tsi ɨwu, ɨ keʼ nkə́ mə́ŋnə́ ngə́ tsa o so ndzě tsɨ tsi ɨwu ə.

Ɛbal 11:1 Referans Kwoze

2 Korɨnto 5:7

mbɨ́ʼ ngə́, abeməntəm nɨ anu za a ghɨnə bɨgɨnə tsi atú ntən, keʼ be be za bɨgɨnə zɛ́nə́ ghe.

2 Korɨnto 4:18

Mbɨ́ʼ ngə́ ka bɨgɨnə ntɛgə awɨgɨnə ɨtú ɨtsɨgɨnə be a nye ɨdzúm tsa ɨmɨgɨ zɛ́nə́, lá ntɛ́gɨ́ ɨtú be a nye tsa ɨmɨgɨ sě ndzě; mbɨ́ʼ ngə́ ɨdzúm tsa bɨ zɛ́nə́ chyɛ̌ tsɛʼ a nye məkum a nkfu, lá tsa ka bɨ ndzě ayi, tsɨ nɨ tsə nɨnkoŋ ə.

Ɛbal 11:7

A ndzum abeməntəm, Nua a tɛ́gɨ́ atú azhi a nye akwantɨ a Ŋwi mbɨ́ʼ ɨnu tsa tsɨ ghɨnɨ fu, ɨnu tsa a kɨ chínɨ́ keʼ ze. Wɛrə a zúʼnɨ́ a Ŋwi nkɔm abáŋ a nkyi a ndoŋ ngwəgɨ ɨzhi ɨwu ə. Adzaŋ məwen, Ŋwi a tsə́nkɨ́ atuəshe ntiʼ ngɨ Nua a kwarɨ nchinə za ɨ lǒnə be a mbó Ŋwi ntsa a ndzum abeməntəm ə.

Ɛbal 10:22

A bɨgɨnə ghɛn ɨ fatɨ a Ŋwi nɨ ntəm wu nkənu, abɔʼnɨ abeməntəm za bɨgɨnə zhinɨ ngə́ a ghɨ fú a nye anu, nɨ mɨntəm ma bɨ sugɨnɨ a mbó ngvo ɨsáʼ tsum abɔʼnɨ mbəmnye tsa tsɨ fɛ́mnə́ tsɛʼ tso ngə́ bɨ sugɨ nɨ nkyi wu fɛmnɨ ə.

Ɛbal 11:27

A ndzum abeməntəm, Mǒse a nyɛ́ʼtɨ́ Alaʼ Gyibto nkeʼ mbɔ́gə́ a mɨlwintɔŋ ɨfɔ alaʼ məza; mbɨ́ʼ ngə́ wɛrə a chígɨ́ ntəm tsɛʼ tso ngə́ wɛrə a kə́ ndzě a Ŋwi, zɨ wa bɨ se nɨ ɨmɨgɨ a ndzě lá.

Ɛbal 6:12

Ka bɨgɨ ndǒ awɨgɨ ngə́ á nɨ bəŋ ɨnarɨ ə. Lá bɨgɨ lǒ ngə́ á nɨ be tso ɨbɛn ba bɨ nɨŋnɨ mɨntəm ɨma a nye Kristo nkɨ ntsi nɨ nchigə, ma lan, məzen a ghɨ á nɨ kwarɨ a za Ŋwi a káʼnɨ́ lá.

Ɛbal 10:39

Lá ka bɨgɨnə tsi awɨgɨnə abɔʼnɨ ɨbɛn ba bɨ furɨnɨ ndzum ɨtsa a nye wɛrə, ma lan, bɨ tiʼə nkə́ ntsə́nkə́ awa lá. Bɨgɨnə baŋnɨ ntsi be abɔʼnɨ ba bɨ tsinɨ nɨ abeməntəm ntiʼ ntsi nɨ ɨloŋ ə.

1 Korɨnto 13:13

Adzaŋ za a benɨ lá, tsenə tsi tárə́ tsi ɨwu ə: abeməntəm, ntsiŋə nɨ ntəm ɨtsum abɔʼnɨ akɔŋnɨ ə; lá za a kɔʼnɨ nɔŋ atú tsɛrə ɨtsum a nɨ akɔŋnɨ ə.

Ɛbal 11:13

A ndzum abeməntəm, bə kɔ́ʼɔ́nguʼ ben bɨtsum kfókɨ́ tɨgha bo kwárɨ́ akaʼ za Ŋwi a káʼnɨ́ awa nɨ zɛrə ghe. Lá bo zɛ́n a tsɛrə nəghagɨ nkɨ ndorɨtə. Bo tíʼ mbém ngə́ bo nɨ bɨghən bɨ atuəshe nkɨ mbe bɨngyen-yenɨ bɨ atuəshe ə.

Ɛbal 3:14

Bɨgɨnə mɨ be táʼ azúm bɨgɨnə bɨ Kristo mbáʼ be bɨgɨnə chwa ɨ shiʼnɨ ɨnɨŋ ntəm za bɨgɨnə tsínɨ́ nɨ zɛrə a mbiʼnə, ɨ kɔʼ kuʼ a ndwitə ghe.

Galesha 5:6

Mbɨ́ʼ ngə́, mbáʼ bɨgɨ tsinɨ a mbúm bɨgɨ bɨ Kristo Yeso lá, ka líʼ a tsi ayi ɨwu mbáʼ be o tsəŋ alagɨ azo kə o koʼ tsəŋə; anu za a tsinɨ nɨ ɨlɨŋ a nɨ ngə́ á nɨ ndǐʼ abeməntəm azən ntsa a ndzum nkɔŋ ŋwɔn nɨ ŋwɔn ə.

2 Korɨnto 5:17

Ma lan, be ŋwɔn tse a tsi a mbúm bo Kristo, a tiʼ ŋwɔn wu fi ə, tsə lvuŋ tsanə, tsə fi yiŋə.

2 Bita 1:1

Aŋwaʼnɨ zen a lo a mbó me Samɔn Bita, me wa ma nɨ ngaŋ afaʼ nkɨ mbe ntom Yeso zɨ Yeso Kristo — Ngěn a mbó ɨbɛn ba bɨ ghanə abeməntəm za a tsinɨ nɨ ɨlɨŋ tso azɨgɨ a mbó bo, ntsa a ndzum adzaŋ za Ŋwi ɨwɨgɨnə abɔʼnɨ Ndoŋ ɨwɨgɨnə Yeso Kristo chinɨnɨ:

Ɨfaʼ 20:21

A mbó bə Yuda abɔʼnɨ ba a se bə Yuda be, bo bɨtsum ma kwántɨ́ awa be tɨ́sə́n ngə́ á bo bəŋ mɨntəm ɨma a nye mɨbvu ɨma ntsi a bagɨ Ŋwi nkɨ nɨŋ mɨntəm ɨma a nye Maʼmbyí Yeso ɨwɨgɨnə ghe.

Tɨ́tósɨ 1:1

Aŋwaʼnɨ zen a lo a mbó me Baolo wa ma benɨ ngaŋ afaʼ Ŋwi, nkɨ mbe ntom Yeso zɨ Yeso Kristo lá. Bɨ tsɔ́ʼ aghan ntsagɨ ngə́ á ma kwatɨ ntintɨ abeməntəm a ɨbɛn bɨ Ŋwi ba bɨ tsɔ́ʼnɨ́, á ngěn nɨ mbyi, ɨ kɨ tsagɨnɨ awa á bo ghɛn nkon a mu nkənu za ndóm wa bɨgɨnə zhinɨ a Ŋwi ɨ diʼnə,

Ɛbal 2:3

Nɨ kwaʼtɨ ngə́ bɨgɨnə ghɨ lɛʼ ɨnɨŋ ngɨ́ʼ məzen lá ɨ nə́ mbáʼ be bɨgɨnə tú tɛgɨ ɨtú ɨtsɨgɨnə a nye ɨloŋ wu wi məwen le? Nkən mbɨ́ʼ ɨloŋ məwen a fóm nchwítɨ́ Maʼmbyí Yeso zɨmboŋ, ɨbɛn ba bɨ zúʼnɨ́ ɨnu tsa wɛrə a sóŋnɨ́ tíʼ ndiʼ a mbó bɨgɨ ngə́ ɨ nɨ nkənu ə.

2 Korɨnto 11:17

Tsɛʼ a nkənu, anu za ma sóŋnə́ tɨtsɔŋnɨ lá, Maʼmbyí a mɨ keʼ kɔŋ ngə́ á ma soŋ a zɛrə ghe; a mu anu a kɨtɛrɨ zen, ma lánə́ ngámə́ lá tso abərɨ ə.

2 Korɨnto 9:4

Lá, be ɨbɛn bə tse lo a Masedonia ngyen bɨgɨ bo ndzɛn ngə́ nɨ bvurɨ akwatɨ azən tɨ kyaŋtɨ, adɨrətú zə wi a mɨ chwa awɨgɨ, mbɨ́ʼ ngə́ bɨgɨ len mɨntəm ɨmɨgɨ a nye bən be tɨsɨŋə — azɨŋ adɨrətú a mɨ tsa mbó ə!

Ɛbal 3:6

Lá Kristo a faʼə nɨ táʼ ntəm a mbó ɨbɛn bɨ Ŋwi bɨtsum tso mɔn mbáŋnɨ́ ə. Bɨgɨnə nɨ ɨbɛn bɨ Ŋwi mbáʼ be bɨgɨnə ngěn nɨ mbyi nɨ nkotɨ mbáŋnɨ́ abɔʼnɨ nchyɛ̌ tɨ nɨbɔgɨ a nye ntsiŋə nɨ ntəm tsum za bɨgɨnə tsinɨ nɨ zɛrə lá.