Ɛbal 10:5 - Mɨkan wu Fi

⁵ Adzaŋ məwen, Kristo a yén a mu mbyi lá ɨ soŋ ngə́, “Ka o ndǒ agho mɨtsuʼnɨ mɨ atú abɔʼnɨ ɨkáŋ Ŋwi, lá O kyaŋtɨ mbəmnye a mbó me ghe;

Ɛbal 10:5 Referans Kwoze

1 Bita 2:24

Kristo zɨmboŋ a byɛ́ʼ mɨbvu ɨmɨgɨnə a mu ɨnye zɨ ngɛn nɨ mɛrə atɨ abaŋnɨ-baŋnɨ, taŋ á bɨgɨnə chi be tso ɨbɛn ba bɨ kfokɨnɨ mbáʼ be bɨ ngámə́ lá mbɨ́ʼ ɨbvu, ɨ kə́ tsinə taŋ ɨ ghɨnɨ ɨnu tsa tsɨ chinɨnɨ ə. Bɨ tsuʼnə awən ntsa lá a ndzum ɨlagɨ ɨchi ɛ.

Ɛbal 1:6

Lá a nkfu za Ŋwi a tsínɨ́ nɨ ntsagɨ ntsambyi Mɔn ɨyi atuəshe lá; wɛrə a sóŋ ngə́: “Bɨtsen bɨ ndá ba a nɨ bə Ŋwi bɨtsum tsi nɨ ɨ zagɨ ghuʼsɨ a wɛrə ghe.”

Ɛbal 10:7

Ma tíʼ sóŋ ngə́, ‹O Ŋwi, ma wen a ngɨ anu za o lɔnə, adzaŋ za bɨ ŋwaʼnɨnɨ mbɨ́ʼ aghan a mu aŋwaʼnɨ a Ŋwi lá.›”

Ɛbal 2:14

Mbáʼ ɨbɛn ba a tɔ́ŋnə́ nɨ ɨbɔ ɨbyi, a nɨ tsɛʼ ɨbɛn bɨ mɨsɔŋ a ntsu lá, nə nɨ anu za wɛrə kɨ́nɨ́ nkɨ́ mbe ŋwɔn mɨsɔŋ taŋ ɨ tsa a ndzum nɨvwo ɨ zhwi adaʼ a ŋwɔn wa a ghɨnə ɨbɛn kfonə, mbe lá Dəbɨrɨ ə.

Ɛbal 10:10

Mbɨ́ʼ ngə́ Yeso Kristo a ghɨ́ a za Ŋwi a kɨ́nə́ ndǒ, bɨ sugɨ awɨgɨnə bɨgɨnə fɛm a nye mɨbvu ɨmɨgɨnə ntsa a ndzum mbəmnye ɨzhi za wɛrə a ghánɨ́ táʼ nkfu nɨnkoŋ tso akáŋ a Ŋwi lá.

Galesha 4:4

Lá ngótɨ́ nkfu ghɨnə ngyén, Ŋwi a tsagɨ a Mɔn ɨyi ɛ. A jwí mangye njwi ayi, wɛrə nkɨ nkwi a shwúrɨ́ Nyɔngɔŋ bə Yuda,

2 Yoane 1:7

Bɨntamtɨ bə ghaʼnɨ ghɛnə a mu mbyi tsum, ɨbɛn ba bɨ se bem ngə́ Yeso Kristo a yén tso ŋwɔn mɨsɔŋ a ntsu lá. Abə́ŋ a ŋwɔn məza a nɨ ntamtɨ nkɨ mbe Ŋwɔn Kɨban Kristo ghe.

Ɛbal 8:3

Bɨ tsɔʼə a Ntumshe wu Ngwi tsum lá ngə́ á ngǎ akáŋ a Ŋwi abɔʼnɨ mɨtsuʼnɨ mɨ atú ma a nɨ mɨnyam a mbó Ŋwi; ma lan, Ntumshe wu Ngwi ɨwɨgɨnə mɨ kɨ zagɨ tsi nɨ azúm zə ghanə.

1 Timotyo 3:16

Ŋwɔn tse a chi keʼ ton ngə́ ndóm wa bɨgɨnə zhinɨ a Ŋwi, a nɨ anu a nkubə zə wi ə: Wɛrə a fú a ɨshe a nye mbě ŋwɔn mɨsɔŋ a ntsu, Azhwi a diʼ ngə́ wɛrə a kuʼnɨ, ɨtsendá Ŋwi zɛ́n a wɛrə ghe. Bɨ ghám mbɨ́ʼ ayi a mbó ba a se bə Yuda be, atuəshe atsum a nɨŋ mɨntəm ɨma wə ɨnye, Ŋwi a tsɔ́ʼ a wɛrə nkɔʼ ngɛn nɨ zɨ a fɔməbvurə ghe.

Yoane 1:14

Atú a Nɨgham a bə́ŋ a ŋwɔn mɨsɔŋ a ntsu, ndon nɨ abɔŋəntəm abɔʼnɨ nkənu nkɨ ntsi a tɨtərɨ bɨgɨnə ghe. Bɨgɨ zé nɨfáŋ ɨni, nɨfáŋ na wɛrə a kwárɨ́nə́ a mbó Tarɨ tso Mɔn ɨyi ɨ nu tsɛʼ zɨzɨ ə.

Alukasɨ 1:35

Ntsendá Ŋwi za chwɨ́gɨ́ ngə́, “Azhwi zə Fɛmnɨ a mɨ shiʼ ɨ tsi atú gho, á mɨtən mɨ Ŋwi Akɔ́ʼɔ́ntsɨrə tsi atú gho ghe. Mbɨ́ʼ a məzen, mɔn wa o mɨ jwi lá, a mɨ be wu fɛmnɨ, á bɨ ntɔŋə ayi ngə́ Mɔn Ŋwi ə.

Matyo 11:3

Bo yén mbítɨ́ a mbó Yeso ngə́, “Soŋ awɨgɨ ə, lá nɨ gho wa Yoane a sóŋnɨ́ ngə́ a ghɨ yen lá kə bɨgɨ ntsiŋə a ŋwɔn adaŋ le?”

Alukasɨ 7:19

ntsagɨ a mbó Maʼmbyí á bɨ bitɨ ayi ngə́, “Lá nɨ gho wa Yoane a kɨ́nə́ sóŋə́ ngə́ a ghɨ yen lá, kə bɨgɨ ntsiŋə a wə daŋ le?”

Ɛbal 5:7

A nkfu za Yeso a tsínɨ́ atuəshe, a tsáʼtɨ́ a Ŋwi, ndɔntɨ wəmbo nɨ nji nɨzɛʼ zɨ ntən bo nkyi a ɨmɨgɨ a mbó Ŋwi, zɨ wa a chínɨ́ kwarɨ ayi a mbó nɨvwo ə. Ŋwi a zúʼ nji ɨzhi mbɨ́ʼ ngə́ wɛrə a tsí nɨ abɔgɨtɨ a nye Ŋwi nkə́ faʼə nɨ mɨku bo bɨ mbó ə.

Ɛbal 10:8

A ntsambyi wɛrə a sóŋ ngə́, “Ka o ndǒ agho, ɨnye ɨzo keʼ nkə́ mbɔ́ŋə́ a nye mɨtsuʼnɨ mɨ atú abɔʼnɨ ɨkáŋ Ŋwi kə a nye mɨnyam ma bɨ tɔnɨ atú atú a mɨkuʼ abɔʼnɨ mɨtsuʼnɨ mɨ atú mɨ sugɨ mɨbvu ə.” (bɨ kə́ ngǎ mɨtsuʼnɨ mɨ atú məmen abɔʼnɨ ɨkáŋ Ŋwi ndzɔŋə lá a Nyɔngɔŋ Mǒse ghe.)