Ɛbal 10:12 - Mɨkan wu Fi

¹² Lá mbáʼ Yeso a ghánɨ́ atuəmbəm azhi a nye mɨtsuʼnɨ mɨ atú mɨ nɨnkoŋ mə mɨbvu táʼ nkfu lá, wɛrə a tíʼ shíʼtɨ́ ntsí a bagɨ abó Ŋwi zə maʼə,

Ɛbal 10:12 Referans Kwoze

Ɛbal 1:3

Mɔn wa a lá malum wa bɨ lɔgɨnə ndzě nɨfáŋ nɨ Ŋwi ɨwu, mbe ngótɨ́ afi a Ŋwi ə. Mɨtən mɨ nɨgham ɨni byɛʼ mbyi-mbyi tsum ə. A nkfu za wɛrə a ghɨ́nə a ŋwɔn mɨsɔŋ a ntsu a fɛm a mbó mɨbvu ɨmyi lá, wɛrə a tíʼ nkɔ́ʼ ngɛ́n a fɔməbvurə, ɨ shiʼtɨ ntsi a bagɨ abó Ŋwi zə maʼə, zɨ wa a benɨ Mɨtən mɨ Akɔ́ʼɔ́ntsɨrə lá.

Kolose 3:1

Ŋwi a zhwemnɨnə awən bɨŋ bɨ Kristo a mbó nɨvwo ə. Ma lan, á nɨ tɛgɨ mɨntəm ɨmən a nye ɨdzúm tsa tsɨ tsinɨ a fɔməbvurə, adiʼ wa Kristo a shiʼtɨnɨ ntsi atú abərɨ azhi a bagɨ abó a Ŋwi zə maʼə lá.

Roma 8:34

Ɨwa mɨ soŋ ngə́ bo vwo ɨsáʼ wu tsɛrə le? Nkeʼ Kristo Yeso be, zɨ wa a kfónɨ́, wa bɨ zhwémnɨ́nɨ́ a mbó nɨvwo, wa a tɛmnɨ a bagɨ abó Ŋwi zə maʼə mbúʼtɨ́ mbó a mbó Ŋwi a nkfu bɨgɨnə lá!

Ɛbal 9:12

A nkfu za Kristo a tsánɨ́ a mu ntaŋ wa nkon a mu Adiʼ zə Fɛmnɨ Ntsa Atsum məzen táʼ nkfu wa a ghɔŋnɨ nɨnkoŋ lá, a sé alɛm a mbyi abɔʼnɨ zə bɨnkɔ́ʼɔ́ndzum lɔgɨ nkon nɨ zɛrə a ngá tso mɨtsuʼnɨ mɨ atú; wɛrə a báŋnɨ́ ndɔgɨ azhi alɛm ndzuŋ ɨtú ɨtsɨgɨnə ɨwu táʼ nkfu wa a nunɨ nɨnkoŋ ə.

Ɛbal 8:1

Tɨtsɔŋnɨ, nkɔʼ anu za bɨgɨ sóŋnə́ lá a nɨ ngə́: bɨgɨnə tsi nɨ ntumshe wu ngwi wen wa a shiʼtɨnɨ ntsi a bagɨ abó abərɨ a Ŋwi Akɔ́ʼɔ́ntsɨrə zə maʼə a fɔməbvurə ghe.

Marɨkusɨ 16:19

Mbáʼ Maʼmbyí Yeso a mɛ́tɨ́nɨ́ a sóŋ ɨnu tsen ɨtsum a mbó bo, bɨ lɔ́gɨ́ ayi nkɔ́ʼ ngɛ́n nɨ zɨ a fɔməbvurə, a tiʼ shiʼtɨ ntsi a bagɨ abó Ŋwi zə maʼə ghe.

Ɛfɛso 5:2

Akɔŋnɨ a tsi nɨ ntsɨŋnɨ ntsi mbyi ɨzən, tso mbáʼ Kristo a kɔ́ŋnɨ́ awɨgɨnə, nga ntsi mbyi ɨzhi tso mɨtsuʼnɨ mɨ atú a nkfu bɨgɨnə tso akáŋ a Ŋwi za nyúʼtɨ́nɨ́ ɨ shiʼnɨ, ngɨə ɨnye Ŋwi bɔŋənə lá.

Ɛbal 5:1

A tsɔ́ʼə Ŋwi ntsɔʼə a ntumshe wu ngwi tsum a tɨtərɨ ɨbɛn ɨbyi ngə́ á faʼə a mbó Ŋwi nɨ ɨkum ɨwa a ngá mɨtsuʼnɨ mɨ atú abɔʼnɨ akáŋ a Ŋwi mbɨ́ʼ mɨbvu ɨma ghe.

Ɛbal 5:3

Mbɨ́ʼ ngə́ wɛrə zɨmboŋ a bɔrɨ a nye mbě ɨzhi tso ŋwɔn mɨsɔŋ a ntsu, ka wɛrə a ngǎ ayi mɨtsuʼnɨ mɨ atú ma lá tsɛʼ a sugɨ mɨbvu mɨ ɨbɛn ɨbyi, a kɨ mbe mbɨ́ʼ ɨmyi mɨbvu ə.

Ɛbal 7:27

Ka wɛrə a be ayi tso bɨntumshe bə wi bə mɔʼɔ, ba bɨ tsinɨ nɨ ɨ fom gha mɨtsuʼnɨ mɨ atú njwi tsum taŋ ɨ sugɨ mɨbvu ɨma zaʼnɨ bɔŋ ɨ tiʼ sugɨ mə ɨbɛn ɨba ghe. Wɛrə a ghɨ́ a məzen táʼ nkfu nɨnkoŋ a nkfu za wɛrə a ghánɨ́ atuəmbəm azhi lá.

Ɛbal 9:14

Mbáʼ məzen a nɨ nkənu lá, a ghɨ tíʼ be ɨ lə́ a mbó alɛm a Kristo le? A ntsǎ a ndzum Azhwi a nɨnkoŋ, wɛrə a ghá atuəmbəm azhi tso mɨtsuʼnɨ mɨ atú ma mɨ tsinɨ tɨ alɔʼ a mbó Ŋwi ə. Alɛm a wɛrə a mɨ sugɨ mɨntəm ɨmɨgɨnə a nye mbɔm alaʼ tsa tsɨ se nɨ ɨlɨŋ tse tsi, taŋ á bɨgɨnə faʼə a mbó Ŋwi, zɨ wa a tsinɨ atú ntən lá.

Ɛbal 10:10

Mbɨ́ʼ ngə́ Yeso Kristo a ghɨ́ a za Ŋwi a kɨ́nə́ ndǒ, bɨ sugɨ awɨgɨnə bɨgɨnə fɛm a nye mɨbvu ɨmɨgɨnə ntsa a ndzum mbəmnye ɨzhi za wɛrə a ghánɨ́ táʼ nkfu nɨnkoŋ tso akáŋ a Ŋwi lá.

Ɛbal 10:14

Mbɨ́ʼ ngə́, nɨ táʼ mɨtsuʼnɨ mɨ atú a ghɨ ɨbɛn ba Ŋwi a ghɨnɨ bo fɛm bo kɔʼ ntɛm ngə́ tsáŋ nɨnkoŋ ə.