Ɛbal 10:1 - Mɨkan wu Fi

¹ Nyɔngɔŋ wa Mǒse a ghánɨ́ a mbó bə Yuda a nɨ be nɨnɨŋənɨŋə ngótɨ́ ɨdzúm tsɨ shiʼnɨ tsa tsɨ ghɨnɨ yiŋə, ka a be ayi ngótɨ́ ɨdzúm tsɨ shiʼnɨ mətsa. Bɨntumshe ghǎ ndəŋndəŋ mɨtsuʼnɨ mɨ atú nɨnkoŋ nɨ ɨlom nɨ ɨlom ə. A chi tiʼ tsa lá ɨ nə́ ngə́ Nyɔngɔŋ, a ntsǎ a ndzum mɨtsuʼnɨ mɨ atú məmen a ghɨ ɨbɛn ba bɨ yenə a mbó Ŋwi bɨ kɔʼ ntɛm ngə́ tsáŋ le?

Ɛbal 10:1 Referans Kwoze

Ɛbal 8:5

Afaʼ za bo faʼnə, a lanɨ mbe lá afi a za a tsinɨ a fɔməbvurə ghe. A be ndəŋndəŋ a mbó Mǒse ghe. A nkfu za wɛrə a tsínɨ́ nɨ ngvwu ntaŋ wa lá, Ŋwi a tɨ́gɨ́tɨ́ ayi adzaŋ za wɛrə a tsínɨ́ nɨ ngvwu wɛrə ɨ soŋ ngə́, “Zɛn ngə́ o ghɨ ɨnu ɨtsum tsɛʼ adzaŋ za ma fɨ́ʼtɨ́nɨ́ a mbó gho atú mbám za lá.”

Ɛbal 9:11

Lá Kristo a yenə tso Ntumshe wu Ngwi wu ɨnu tsɨ shiʼnɨ tsa tsɨ binə ntsi ɨghə. Ntaŋ wa wɛrə a faʼnə wə mu nɨ wu wi ngɛn nɨ mbyi nkɨ nkɔʼ ntɛm ngə́ tsáŋ ngɛn nɨ mbyi; ka a be ayi ntaŋ wa bɨ korɨnɨ nɨ mbó mɨ ŋwɔn mɨsɔŋ, lá be ngə́, ka a be ayi abagɨ atuəshe zen za bɨ káʼnɨ́ lá.

Kolose 2:17

Ɨdzúm tsiŋ ɨtsum lá tsɛʼ nɨnɨŋənɨŋə ɨdzúm tsa tsɨ ghɨnɨ fuə; ngótɨ́ anu a lá Kristo ghe.

Ɛbal 9:23

Ma lan, a kúʼnɨ́ ngə́ á bɨ sugɨ ɨfi ɨdzúm fɔməbvurə tsen á tsɨ fɛm a nye mbɔm məziŋ ə, lá ɨdzúm fɔməbvurə mətsen tsɨ lǒ mɨtsuʼnɨ mɨ atú ma mɨ tsanɨ ɨdzúm tsiŋ ə.

Ɛbal 9:25

Ntumshe wu Ngwi wu bə Yuda a kúŋə́ ngěn a mu Adiʼ zə Fɛmnɨ Ntsa Atsum nɨ ɨlom nɨ ɨlom ntíʼtə́ alɛm a mɨnyam ə. Lá Kristo a sé kon ngɛn lá a ngá atuəmbəm azhi nkfu tsə ghaʼnɨ,

Roma 8:3

Mbɨ́ʼ ngə́ Ŋwi a ghɨnə anu za Nyɔngɔŋ a kɨ chínɨ́ keʼ ghɨ mbɨ́ʼ ngə́ ɨnyam ɨnye ɨ ghɔ́gɨ́: wɛrə a tságɨ́ a Mɔn ɨyi tso ɨnyam ɨnye za ɨ tsinɨ nɨ ɨbvu ngə́ á tsənkɨ ɨbvu wa ɨ tsinɨ a mu ɨnyam ɨnye.

Ɛbal 7:11

Ŋwi a ghá bɨnyɔngɔŋ ɨbyi a mbó bə Izrai a nkfu za ɨlə̌ ndá Levi bénɨ́ bɨntumshe ə. Ɨ bə ghɛn ɨwu, a bé bé ngə́ afaʼ bɨntumshe ba bɨ bénɨ́ ɨbɛn bɨ ɨlə̌ Levi a kɔ́ʼ ntɛm ngə́ tsáŋ muŋ bɨ sé tsi nɨ ɨ bə tsagɨ abə́ŋ a ntumshe zədaŋ za a bénɨ́ tso Mɛkisɛdɛkɨ, zɨ wa a sé be ŋwɔn ɨlə̌ ndá Alon ə.

Ɛbal 10:22

A bɨgɨnə ghɛn ɨ fatɨ a Ŋwi nɨ ntəm wu nkənu, abɔʼnɨ abeməntəm za bɨgɨnə zhinɨ ngə́ a ghɨ fú a nye anu, nɨ mɨntəm ma bɨ sugɨnɨ a mbó ngvo ɨsáʼ tsum abɔʼnɨ mbəmnye tsa tsɨ fɛ́mnə́ tsɛʼ tso ngə́ bɨ sugɨ nɨ nkyi wu fɛmnɨ ə.