Ɛbal 1:9 - Mɨkan wu Fi

⁹ O kɔŋ anu zə chinɨnɨ, mban a za a se chinə. Nə nɨ anu za a ghɨnɨ Ŋwi, zɨ Ŋwi ɨgho, a tsɔʼnə agho nkɨ nga nkɔʼsə atɨ́ za ɨ tsinɨ nɨ nɨdorɨ na nɨ ghɛnɨ nɨ mbyi ntsa nə ngaŋ aku ɨtso.”

Ɛbal 1:9 Referans Kwoze

Galesha 5:22

Lá Azhwi a Ŋwi a jwiə akɔŋnɨ, nɨdorɨ, mbɔnɨ, nchigə, nchyɛ nɨ ntəm ngɨ ɨbɔŋ, ɨbɔŋ, ɨfaʼə nɨ táʼ ntəm,

Roma 15:13

A Ŋwi, zɨ wa a ghánə́ ntsiŋə nɨ ntəm ɨtsum, a lwɨgɨ awən nɨ nɨdorɨ abɔʼnɨ mbɔnɨ, ntsa a ndzum abeməntəm azən a nye zɨ taŋ á ntsiŋə ɨzən nɨ mɨntəm ɨmən mɨtsum ngěn nɨ mbyi nkwiə a tsǎ a ndzum mɨtən mɨ Azhwi zə Fɛmnɨ ə.

Alukasɨ 4:18

“Azhwi a Maʼmbyí a tsi atú me, mbɨ́ʼ ngə́ a tsɔʼ aghan ngə́ á ma yen nɨ nkən wu shiʼnɨ a mbó ɨfúm ə. A tyigɨ aghan ngə́ á ma fɨʼtɨ a mbó ngaŋ atsáŋ ngə́ bɨ mɨ nyɛʼtɨ awa, á bɨfɨgɨ bə ndze ɨdiʼ; ɨ kɨ ghɨ á bɨ nyɛʼtɨ ɨbɛn ba bɨ zhíʼnə́ awa

1 Yoane 1:3

Za bɨgɨ zɛnə nkɨ ndzuʼ, bɨgɨ kə́ nchwítə́ a mbó bən, taŋ á nɨ chi bumnɨ bɨgɨnə a mu ndzɨnə za bɨgɨ tsinɨ nɨ zɛrə bɨgɨ bɨ Tarɨ bo Mɔn ɨyi Yeso Kristo lá.

1 Bita 1:3

A bɨgɨnə gha a mɨya a mbó Ŋwi, zɨ wa nɨ Ta bɨ Maʼmbyí ɨwɨgɨnə Yeso Kristo lá! Mbɨ́ʼ a mɨlɨŋnɨ ɨyi wu ngwi wɛrə a ghá ntsi ntən zɨ fi a mbó bɨgɨnə a ntsǎ a ndzum adzaŋ za wɛrə a zhwémnɨ́nɨ́ a Yeso Kristo a mbó nɨvwo lá. Məzen a lwɨgɨ awɨgɨnə nɨ ntsiŋə nɨ ntəm tsum za ɨ tsinɨ atú ntən,

Ɛbal 7:26

Yeso a tiʼ mbe ntumshe wu ngwi wa a ghánə́ atsum za bɨgɨnə lɔnə a mbó bɨgɨnə ghe. Wɛrə a fɛmə; nkeʼ nɨ ɨfənu tse tsi kə ɨbvu ə; bɨ tsɔʼ ayi ntɛgɨ a tsi atú zɨ nkeʼ a tɨtərɨ ngaŋ ngɨ mɨbvu tsi, bɨ chwem ayi atú abərɨ zə wi a fɔməbvurə ghe.

Filibi 2:9

Mbɨ́ʼ a məzen, Ŋwi a tsɔ́ʼ ayi nkɔʼsɨ atɨ́ atú atəntsánɨ́, nga ɨkum wəmbo wa ɨ tsanɨ mɨkum mɨtsum,

Ɛfɛso 1:3

A bɨgɨnə gha a mɨya a mbó Ŋwi, zɨ wa a kɨnɨ nkɨ mbe Ta bɨ Maʼmbyí ɨwɨgɨnə Yeso Kristo lá. Ŋwi a fɔ́gə́ awɨgɨnə nɨ abə́ŋ a ɨfɔgə azhwi atsum za a lonɨ a fɔməbvurə ntsǎ a ndzum Yeso Kristo,

1 Korɨnto 1:9

Nɨ tsi nɨ nɨŋ mɨntəm ɨmən a nye Ŋwi, zɨ wa a tsɔʼnɨ awən ngə́ á nɨ ndzɨ́nə́ bɨŋ bɨ Mɔn ɨyi Yeso Kristo, Maʼmbyí ɨwɨgɨnə ghe.

Yoane 20:17

Yeso a sóŋ wəmbo ngə́, “Njimbɨʼ o mɔmtɨ aghə, mbɨ́ʼ ngə́ ma bvurɨ tɨ bə nkɔʼ ngɛn nkon a mbó Tarɨ ə. Lá ghɛn soŋ a mbó ɨbɔmbɨma ɨban ngə́ ma tiʼnə mbɨŋə ngěn a mbó zɨ wa a nɨ Ta ɨghan nkɨ mbe Ta ɨwa, Ŋwi ɨghan nkɨ mbe Ŋwi ɨwa lá.”

Yoane 1:41

A byí ntsɔ́ʼ aku a mɨma ɨyi Samɔn, ɨ soŋ wəmbo ngə́, “Bɨgɨ zɛnə a Wa bɨ Zɔ́ʼnɨ́ wa” (Atú a nɨgham məzen a diʼ lá ngə́ “Kristo” ghe.)

Nkyɛʼə 2:15

Ndəŋndəŋ ɨbɛn tsi ɨwu a tɨtərɨ bən ba bɨ zɔŋnɨ ɨnu tsa bə Naikolaitan diʼnə ghe.

2 Korɨnto 11:31

Ŋwi Ta bɨ Maʼmbyí Yeso a zhi ngə́ ka ma nchwě aghə ɨnu ə. A bɨgɨnə bontɨ ɨkum ɨyi nɨnkoŋ ə.

Roma 12:9

A akɔŋnɨ a lo a mu ntəm ə. A nɨ bə̂ ngɨ ɨnu tsɨ tɔmnɨnɨ, ngɔŋ bɨŋ mbɔm zɨ shiʼnɨ ə;

Ɨfaʼ 10:38

Nɨ zhi anu mbɨ́ʼ a Yeso wu Nazarɛ abɔʼnɨ adzaŋ za Ŋwi a zɔ́ʼnɨ́ ayi nɨ Azhwi zə Fɛmnɨ abɔʼnɨ mɨtən lá. Wɛrə a ghɛ́n a nye ɨdiʼ ɨtsum, ngɨ̌ ɨnu tsɨ shiʼnɨ ɨwu nkə́ ntsǔʼ ɨbɛn bɨtsum ba bɨ tsínɨ́ a shwúrɨ́ adaʼ a Dəbɨrɨ, mbɨ́ʼ ngə́ Ŋwi a tsí bo zɨə.

Ɨfaʼ 4:27

Mbɨ́ʼ ngə́ tsɛʼ a nkənu, Ɛrɔd bo Bonto Branto bómnkɨ́ a mu ntáʼmbagə wu wi wen bo bɨ ba a se bə Yuda be nkwiʼtɨ bə Izrai, ntáŋ a mɨnaŋ atú Yeso, ngaŋ afaʼ ɨzo zɨ fɛmnɨ za o ghɨ́nɨ́ a nye Wa bɨ Zɔ́ʼnɨ́ wa.

Yoane 3:34

Ŋwɔn wa Ŋwi a tsagɨnɨ lá, a ghamə lá mɨgham mɨ Ŋwi ə; mbɨ́ʼ ngə́ Ŋwi a ghǎ Azhwi azhi wəmbo tɨ ɨfɨʼ ə.

Ɛbal 2:11

Wɛrə a sugɨ ɨbɛn a nye mɨbvu ɨma ghe. Wɛrə abɔʼnɨ ɨbɛn ba bɨ sugɨnə awa tsi nɨ táʼ Tarɨ ə. Nə nɨ anu za a ghɨnɨ Yeso a keʼ ndɨ́rə́ atú a ntɔ́ŋ bo nɨ ɨbɔmbɨma ɨbyi,

Yoane 10:17

Tarɨ a kɔŋ aghan mbɨ́ʼ ngə́ ma bem nɨvwo, taŋ ɨ bə kwarɨ ntsi ntən ɨzan wədiʼ ə.

Ɨfaʼ 4:26

Bɨfɔ bɨ atuəshe wiŋ kyáŋtɨ́ ɨnye ɨtsa, bɨsáʼ bɨ alaʼ ghótɨ́ a ntó Maʼmbyí bo ɨyi Wa bɨ Zɔ́ʼnɨ́ wa.›

Ɛbal 2:9

Lá bɨgɨnə zě a Yeso, zɨ wa bɨ ghɨ́nɨ́ a tsi a shwúrɨ́ bɨtsen bɨ ndá bɨ Ŋwi a nye məkum a nkfu; taŋ a ntsǎ a ndzum abɔŋəntəm a Ŋwi a nye ɨbɛn, á wɛrə a ze ngɨ́ʼ nkfo atú ŋwɔn tsum ə. Tɨtsɔŋnɨ, bɨgɨnə zě ayi a mu nɨfáŋ, ŋwɔn tsum a tiʼə nkɔʼsə ayi atɨ́ mbɨ́ʼ abə́ŋ a nɨvwo za wɛrə a kfónə́.