Ɛbal 1:6 - Mɨkan wu Fi

⁶ Lá a nkfu za Ŋwi a tsínɨ́ nɨ ntsagɨ ntsambyi Mɔn ɨyi atuəshe lá; wɛrə a sóŋ ngə́: “Bɨtsen bɨ ndá ba a nɨ bə Ŋwi bɨtsum tsi nɨ ɨ zagɨ ghuʼsɨ a wɛrə ghe.”

Ɛbal 1:6 Referans Kwoze

Kolose 1:18

Wɛrə nɨ atú a mbəmnye ɨzhi, mbe lá ndáŋwi; ntsi ntɨŋ mbəmnye za lǒ lá a mbó wɛrə ghe. Wɛrə nɨ ntsambyi Mɔn, wa Ŋwi a zhwémnɨ́nɨ́ a mbó nɨvwo, taŋ á be tsɛʼ zɨzɨ wa a chinɨ tsi nɨ ntsambyi adiʼ a nye ɨnu ɨtsum ə.

Kolose 1:15

Kristo nɨ afi a Ŋwi za bɨ zɛ́nə́, Ŋwi, zɨ wa ka bɨ ndzě ayi ayi lá. Kristo nɨ ntsambyi Mɔn Mbáŋnɨ́, wa a tsinɨ atú ɨdzúm ɨtsum tsa Ŋwi a káʼnə́.

1 Bita 3:22

zɨ wa a kɔʼnə ngɛn a fɔməbvurə, ntiʼ ntsi a bagɨ abó Ŋwi zə maʼə, ɨ sáʼə bɨtsen bɨ ndá bɨ Ŋwi bɨtsum abɔʼnɨ bɨsáʼ bɨ ɨlaʼ bə fɔməbvurə nɨ ɨdzɔŋ ɨlaʼ tsə fɔməbvurə lá.

Yoane 1:14

Atú a Nɨgham a bə́ŋ a ŋwɔn mɨsɔŋ a ntsu, ndon nɨ abɔŋəntəm abɔʼnɨ nkənu nkɨ ntsi a tɨtərɨ bɨgɨnə ghe. Bɨgɨ zé nɨfáŋ ɨni, nɨfáŋ na wɛrə a kwárɨ́nə́ a mbó Tarɨ tso Mɔn ɨyi ɨ nu tsɛʼ zɨzɨ ə.

Nkyɛʼə 1:5

nkɨ ndo a mbó Yeso Kristo, atɛmə-ndzě wa a faʼnə tsɛʼ nɨ táʼ ntəm, zɨ wa a nɨ ntsambyi ŋwɔn á bɨ zhwemnɨ a mbó nɨvwo, zɨ wa a kɨ́nə́ nkə́ saʼə bɨfɔ bɨ atuəshe zen lá. Wɛrə a kɔŋ awɨgɨnə ghe, wɛrə a kɨnə nkɨ nkwarɨ awɨgɨnə a mbó mɨbvu ɨmɨgɨnə a ntsǎ a ndzum alɛm azhi za wɛrə a chwírɨ́nɨ́ a nkfu bɨgɨnə,

Roma 8:29

Ɨbɛn ba Ŋwi a kwɛ́nə ntsɔʼ lá, wɛrə a kɨ́ ntíntɨ́ awa ntɛgɨ táʼ bagɨ ngə́ á bo be tso Mɔn ɨyi, taŋ á Mɔn ɨyi məwen a tiʼ ntsi a mbó bo tso asándóm a mu ngwəgɨ zɨ ngwi ə.

1 Yoane 4:9

Ŋwi a díʼ akɔŋnɨ azhi a mbó bɨgɨnə lá a nye adzaŋ za wɛrə a tságɨ́nɨ́ a Mɔn ɨyi wa a núnɨ́ zɨzɨ a mu mbyi, taŋ á bɨgɨnə chi tsi nɨ ntsi ntən ntsa a ndzum wɛrə ghe.

Yoane 1:18

Ŋwɔn tse a láʼnə mbvurɨ tɨ zɛn a Ŋwi ə. Mɔn ɨyi wen zɨzɨ, wa a benɨ ndəŋndəŋ tso Ŋwi nkɨ mbə ntsi wə bagɨ abó, wɛrə a ghɨ bɨ zhi a Ŋwi ə.

Ɛbal 10:5

Adzaŋ məwen, Kristo a yén a mu mbyi lá ɨ soŋ ngə́, “Ka o ndǒ agho mɨtsuʼnɨ mɨ atú abɔʼnɨ ɨkáŋ Ŋwi, lá O kyaŋtɨ mbəmnye a mbó me ghe;

Yoane 3:16

Mbɨ́ʼ ngə́ Ŋwi a kɔ́ŋ atuəshe be tɨ́sə́n, wɛrə a tíʼ ngá a Mɔn ɨyi wu Mbáŋnɨ́ wa a núnɨ́ zɨzɨ, taŋ ŋwɔn tsum wa a nɨŋnɨ ntəm ɨyi a ɨnye zɨ, a mɨ keʼ kfo, lá ɨ tsi nɨ ntsi ntən nɨnkoŋ ə.

Ɛbal 1:5

Mbɨ́ʼ ngə́ Ŋwi a láʼnə nkeʼ soŋ a mbó ntsendá Ŋwi ɨzhi zɨ tse ngə́: “O nɨ Mɔn ɨghə; sɨŋə ma tiʼ Ta ɨgho ghe.” Kə Ŋwi a láʼnə nkeʼ soŋ mbɨ́ʼ ntsendá Ŋwi ɨzhi zɨ tse ngə́, “Ma ghɨ bé Ta ɨyi, á wɛrə kɨ mbe Mɔn ɨghə.”

Matyo 24:14

Nkən wu Shiʼnɨ wen mbɨ́ʼ nɨfɔ nɨ fɔməbvurə, bɨ ghɨ tiʼ soŋ a wɛrə a mbó mbyi tsum, á ɨ be tso atɛmə-ndzě a mbó ɨlaʼ ɨtsum; a nyom məwa, ndwitə mɨ byi tiʼ yiŋə.”