Ɛbal 1:3 - Mɨkan wu Fi

³ Mɔn wa a lá malum wa bɨ lɔgɨnə ndzě nɨfáŋ nɨ Ŋwi ɨwu, mbe ngótɨ́ afi a Ŋwi ə. Mɨtən mɨ nɨgham ɨni byɛʼ mbyi-mbyi tsum ə. A nkfu za wɛrə a ghɨ́nə a ŋwɔn mɨsɔŋ a ntsu a fɛm a mbó mɨbvu ɨmyi lá, wɛrə a tíʼ nkɔ́ʼ ngɛ́n a fɔməbvurə, ɨ shiʼtɨ ntsi a bagɨ abó Ŋwi zə maʼə, zɨ wa a benɨ Mɨtən mɨ Akɔ́ʼɔ́ntsɨrə lá.

Ɛbal 1:3 Referans Kwoze

Nkyɛʼə 4:11

“Maʼmbyí ɨwɨgɨ nkɨ mbe Ŋwi ɨwɨgɨ! O tsi nɨ ɨlɨŋ a nkwárɨ́ nɨfáŋ, nkɔʼsə atɨ́ abɔʼnɨ mɨtən ə. Mbɨ́ʼ ngə́ o káʼ ɨdzúm ɨtsum, a ntsǎ a ndzum adzaŋ za o kɨ́nə́ ndǒ, taŋ á tsɨ tsi ɨwu nkɨ tsi nɨ ntsi ntɨŋ ə.”

Yoane 1:14

Atú a Nɨgham a bə́ŋ a ŋwɔn mɨsɔŋ a ntsu, ndon nɨ abɔŋəntəm abɔʼnɨ nkənu nkɨ ntsi a tɨtərɨ bɨgɨnə ghe. Bɨgɨ zé nɨfáŋ ɨni, nɨfáŋ na wɛrə a kwárɨ́nə́ a mbó Tarɨ tso Mɔn ɨyi ɨ nu tsɛʼ zɨzɨ ə.

2 Korɨnto 4:4

A nye ɨza nkfu ŋwi atuəshe a nɨŋ ɨfɨgɨ a nye mɨntəm mɨ bɨtɨnɨŋ ntəm a nye Kristo, taŋ ɨ kubɨnɨ awa a ndzé nkaʼ nkən wu shiʼnɨ wu nɨfáŋ nɨ Kristo, zɨ wa a nɨ afi a Ŋwi lá.

Ɛbal 12:2

ntɛgɨ ɨmɨgɨ ɨmɨgɨnə a nye Yeso, zɨ wa a biʼnɨnə abeməntəm azɨgɨnə, nkə́ nchísə́ a zɛrə a kɔʼə ntɛ́mə́ ngə́ tsáŋ lá. Zɨ wa a chígɨ́nɨ́ ntəm bɨ kwemtɨ ayi atɨ abaŋnɨ-baŋnɨ nkɨ ngwagɨnɨ adɨrətú atsum mbɨ́ʼ nɨdorɨ na nɨ kɨ́nə́ ntsiŋə ayi, a tiʼ shiʼtɨ ntsi a bagɨ abó maʼə alaŋ a nɨfɔ a Ŋwi ə.

Yoane 1:4

Atú a Nɨgham a ghá ntsi mbyi, ntsi mbyi məzen yén nɨ nkaʼ a mbó ŋwɔn mɨsɔŋ a ntsu ə.

Ɛbal 10:12

Lá mbáʼ Yeso a ghánɨ́ atuəmbəm azhi a nye mɨtsuʼnɨ mɨ atú mɨ nɨnkoŋ mə mɨbvu táʼ nkfu lá, wɛrə a tíʼ shíʼtɨ́ ntsí a bagɨ abó Ŋwi zə maʼə,

Judɨ 1:25

a mbó Ŋwi, wa a nunɨ zɨzɨ, ndoŋ ɨwɨgɨnə, ɨ tsa a ndzum Yeso Kristo Maʼmbyí ɨwɨgɨnə, á nɨfáŋ, nɨfɔ, adaʼ abɔʼnɨ mɨtən tsi wəmbo, ɨ lɔgɨnɨ bɔŋ á mbyi biʼnɨ, tɨtsɔŋnɨ, ɨ ghɛn gha nɨnkoŋ ə! A be lá.

Ɛbal 9:26

mbe be lá mə lan muŋ wɛrə a tsí nɨ ndzě ngɨ́ʼ nkfu tsə ghaʼnɨ nchwuʼnɨ nkfu za Ŋwi a káʼnɨ́ mbyi ɛ. Lá, adzaŋ za a benɨ, wɛrə a fu a ɨshe táʼ nkfu wa a ghɔŋnɨ nɨnkoŋ a nye nkfu zɨ ndwɨgɨnɨnɨ zen a sugɨ ɨbvu ntsa a ndzum nga atuəmbəm azhi tso mɨtsuʼnɨ mɨ atú ə.

1 Yoane 1:7

Lá be bɨgɨnə nchyɛ̌ a mu nkaʼ — tsɛʼ tso mbáʼ wɛrə a tsinɨ a mu nkaʼ lá — lá be ngə́ bɨgɨnə ndzɨ́nə́ bɨgɨnə bɨ ŋwɔn nɨ ŋwɔn, alɛm a Mɔn ɨyi Yeso, a sugɨnə ɨfənu ɨtsɨgɨnə ɨtsum a tɨtərɨ bɨgɨnə ghe.

Ɛbal 4:14

Tso mbáʼ bɨgɨnə tsinɨ nɨ ntumshe wu ngwi, Yeso, Mɔn Ŋwi, zɨ wa a ghɛnə adiʼ wa Ŋwi a tsinɨ ɨwu lá, á bɨgɨnə chwa anu za bɨgɨnə nɨŋnɨ mɨntəm ɨmɨgɨnə ɨwu lá, ɨ shiʼnɨ ə.

1 Yoane 3:5

Nɨ zhi ngə́ Kristo a fú a ɨshe lá taŋ ɨ lɔgɨ mɨbvu ɨ ghɛn nɨ mɛrə, nkɨ nji ngə́ ka ɨbvu tse tsi ayi wə ɨnye.

2 Bita 1:16

Bɨgɨ se zɛʼtɨ awɨgɨ lá a nye njalaʼ tsɨ kɔ́ʼɔ́nguʼ a ngɨə á nɨ zhi ngə́ Maʼmbyí Yeso Kristo ɨwɨgɨnə a lo bə tɨ yiŋə, ɨ yiŋənə nɨ adaʼ ə. Nɨ ɨmɨgɨ ɨmɨgɨ, bɨgɨ zé adzaŋ a ŋwɔn wu ngwi za wɛrə nɨ wɛrə ghe.

1 Bita 3:22

zɨ wa a kɔʼnə ngɛn a fɔməbvurə, ntiʼ ntsi a bagɨ abó Ŋwi zə maʼə, ɨ sáʼə bɨtsen bɨ ndá bɨ Ŋwi bɨtsum abɔʼnɨ bɨsáʼ bɨ ɨlaʼ bə fɔməbvurə nɨ ɨdzɔŋ ɨlaʼ tsə fɔməbvurə lá.

1 Bita 1:21

A ntsǎ a ndzum wɛrə, nɨ tsi nɨ abeməntəm a nye Ŋwi, zɨ wa a zhwémnɨ́nɨ́ a wɛrə a mbó nɨvwo nkɨ nga nɨfáŋ wəmbo; ma lan, abeməntəm azən abɔʼnɨ ntsiŋə nɨ ntəm tsum ɨzɨŋ tiʼ ntsi lá a nye Ŋwi ə.

Ɛbal 8:1

Tɨtsɔŋnɨ, nkɔʼ anu za bɨgɨ sóŋnə́ lá a nɨ ngə́: bɨgɨnə tsi nɨ ntumshe wu ngwi wen wa a shiʼtɨnɨ ntsi a bagɨ abó abərɨ a Ŋwi Akɔ́ʼɔ́ntsɨrə zə maʼə a fɔməbvurə ghe.

Marɨkusɨ 16:19

Mbáʼ Maʼmbyí Yeso a mɛ́tɨ́nɨ́ a sóŋ ɨnu tsen ɨtsum a mbó bo, bɨ lɔ́gɨ́ ayi nkɔ́ʼ ngɛ́n nɨ zɨ a fɔməbvurə, a tiʼ shiʼtɨ ntsi a bagɨ abó Ŋwi zə maʼə ghe.

Nkyɛʼə 3:21

A mbó ɨbɛn ba bɨ tokɨnɨ ntsi nɨ ayanguʼ məzen, ma mɨ ghɨ á be adiʼ aza a shiʼtɨ tsi a mbyɛn me, atú abərɨ azan, tsɛʼ tso mbáʼ ma tsinə nɨ ayanguʼ, ntiʼ shiʼtɨ ntsi tɨtsɔŋnɨ a mbyɛn Ta ɨghan atú abərɨ azhi lá.

Ɛbal 7:27

Ka wɛrə a be ayi tso bɨntumshe bə wi bə mɔʼɔ, ba bɨ tsinɨ nɨ ɨ fom gha mɨtsuʼnɨ mɨ atú njwi tsum taŋ ɨ sugɨ mɨbvu ɨma zaʼnɨ bɔŋ ɨ tiʼ sugɨ mə ɨbɛn ɨba ghe. Wɛrə a ghɨ́ a məzen táʼ nkfu nɨnkoŋ a nkfu za wɛrə a ghánɨ́ atuəmbəm azhi lá.

Ɨfaʼ 2:33

Ŋwi, Ta ɨyi, a tsɔ́ʼ ayi nkɔʼ ngɛn nɨ zɨ a bagɨ abó zɨ zə maʼə ghe. Yeso a kɨnə nkɨ nkwarɨ Azhwi zə Fɛmnɨ a mbó Tarɨ, adzaŋ za wɛrə a káʼnə́. Za nɨ zɛ́nə́ tɨtsɔŋnɨ nkə́ ndzúʼə lá, a nɨ azúm zə ghanɨ zə Yeso za a ghanɨ a mbó bɨgɨ ə.

Yoane 1:29

Njwi zɨ mɔʼɔ bənə ndan, Yoane a zɛn a Yeso a yiŋənə a mbó zɨ, ntiʼ soŋ ngə́, “Mɔn Mbyindzɨ Ŋwi a yirɨ, zɨ wa a sugɨnə atuəshe a mbó mɨbvu ɨmyi ɛ!

Kolose 3:1

Ŋwi a zhwemnɨnə awən bɨŋ bɨ Kristo a mbó nɨvwo ə. Ma lan, á nɨ tɛgɨ mɨntəm ɨmən a nye ɨdzúm tsa tsɨ tsinɨ a fɔməbvurə, adiʼ wa Kristo a shiʼtɨnɨ ntsi atú abərɨ azhi a bagɨ abó a Ŋwi zə maʼə lá.

Roma 8:34

Ɨwa mɨ soŋ ngə́ bo vwo ɨsáʼ wu tsɛrə le? Nkeʼ Kristo Yeso be, zɨ wa a kfónɨ́, wa bɨ zhwémnɨ́nɨ́ a mbó nɨvwo, wa a tɛmnɨ a bagɨ abó Ŋwi zə maʼə mbúʼtɨ́ mbó a mbó Ŋwi a nkfu bɨgɨnə lá!

Ɨfaʼ 7:56

Wɛrə a sóŋ ngə́, “Zɛnə! Ma zě fɔməbvurə ŋaʼnɨ abɔʼnɨ Mɔn Ŋwɔn a tɛm a bagɨ abó Ŋwi zə maʼə ghe!”

Roma 1:16

Ka ma ndɨrə aghə atú a nye nkən wu shiʼnɨ ə; ɨ lá mɨtən mɨ Ŋwi a ndoŋ ŋwɔn tsum wa a nɨŋnɨ ntəm ɨyi a nye zɨ, a ntsambyi, bə Yuda, ntiʼ ndzɔŋtɨ nɨ ba a se bə Yuda be ə.

Ɛbal 9:16

Tɨtsɔŋnɨ, be anu mbɨ́ʼ ntɨgə nɨvwo a tsi ɨwu muŋ ŋwɔn wa a tɨ́gɨ́nɨ́ a kfonə ghe.

Matyo 22:24

ngə́, “Ndiʼ Aŋwaʼnɨ, Mǒse a sóŋ ngə́, ‹Be ŋwɔn a kfo tə atú, mɨma ɨyi wu mbáŋnɨ́ a mɨ zagɨ zɔ́ʼ a nkfugɨ wa, taŋ ɨ jwi ɨbɔ ba bɨ mɨ lɔgɨ a bɛrə tso ɨbɔ bɨ mɨma ɨyi wa.›

Tɨ́tósɨ 2:14

Wɛrə a ghá atuəmbəm azhi mbɨ́ʼ awɨgɨnə, a fɨ́gɨ́ bɨgɨnə a mbó abɨgəntəm atsum, ɨ kɨ ghɨ awɨgɨnə á bɨgɨnə be ɨbɛn ba bɨ lánɨ́ ba bɨ tsinɨ tsɛʼ a mbó zɨzɨ, nkə́ mbɛ́bə́ a ngɨ ɨbɔŋ ə.

Ɛbal 1:13

Ŋwi a láʼ nkeʼ sóŋ a mbó ntsendá Ŋwi zɨ tse ngə́: “Shiʼtɨ ntsi ɨghan, a bagɨ abó me zə maʼə ɨ kuʼ nkfu za ma ghɨ ghɨ o nyəŋtɨ ngaŋ kɨban ɨtso nɨ mɨku ɨmo.”

2 Bita 1:17

Bɨgɨ tsí ɨwu a nyom wa Ŋwi, zɨ wa a nɨ Tarɨ a kɔ́ʼsɨ́nɨ́ ayi atɨ́ nkɨ nga nɨfáŋ wəmbo, mbáʼ nji za ɨ lónɨ́ a mbó Ŋwi, zɨ wa nɨ Nkaʼ wu Wi wa ɨ fúgɨ́nə́ ngə́ bú, ɨ yénɨ́ wəmbo ɨ sóŋə́ ngə́, “Nə nɨ mbɔŋ Mɔn ɨghan wu Mbáŋnɨ́ a wen wa ɨnye zə bɔŋnə wə ɨnye!”