Ɛbal 1:1 - Mɨkan wu Fi

¹ A bé a mbyi lá, Ŋwi a ghamnə nkfu tsɨ ghaʼnɨ a nye mɨndóm mə ghaʼnɨ a mbó bɨta ɨbɨgɨnə bə kɔ́ʼɔ́nguʼ ntsǎ lá a ndzum ntóm Ŋwi ə.

Ɛbal 1:1 Referans Kwoze

Alukasɨ 24:27

Yeso a tíʼ ngɛn mbiʼnɨ ntwiʼtɨ ɨnu mbɨ́ʼ ayi a mu aŋwaʼnɨ a Ŋwi ndɔgɨnɨ a nye ɨŋwaʼnɨ Mǒse ntiʼ ndzɔŋtɨ nɨ ɨŋwaʼnɨ ntóm Ŋwi ɨtsum ə.

Ɨfaʼ 2:30

Wɛrə a bé ntom Ŋwi, nkɨ nji anu za Ŋwi a káʼnɨ́ ayi nɨ zɛrə ghe: Ŋwi a kán ngə́ zɨə láʼ ghɨ a táʼ ŋwɔn ɨlə̌ ɨyi a nye ɨfɔ, tso mbáʼ zɨ Devidɨ a bénɨ́ lá.

Alukasɨ 1:55

Wɛrə a waʼtɨ ndiʼ a mɨlɨŋnɨ ɨyi a mbó Abraʼm abɔʼnɨ ɨlə̌ ndá ɨyi nɨnkoŋ ə!”

Ɨfaʼ 13:32

Bɨgɨ tsi ɨghan lá a ngyiŋə nɨ nkən wu shiʼnɨ a mbó bən ngə́ anu za Ŋwi a káʼnɨ́ bɨta ɨbɨgɨnə bə kɔ́ʼɔ́nguʼ,

Ɛbal 2:2

Nkən wa bɨtsen bɨ ndá bɨ Ŋwi ghánɨ́ a mbó bɨta ɨbɨgɨnə bə kɔ́ʼɔ́nguʼ ɨ bé nkənu, ɨbɛn bɨtsum ba bɨ sé zɔŋ nkɨ ndzuʼnɨ anu za nkən wa ɨ sóŋnɨ́ kwárɨ́ ɨnɨŋ ngɨ́ʼ za ɨ bénɨ́ ɨza ghe.

Alukasɨ 1:72

Ɨ kɨ diʼ a mbó bɨgɨnə abɔŋəntəm za wɛrə a káʼnɨ́ bɨta ɨbɨgɨnə bə kɔ́ʼɔ́nguʼ, ɨ kɨ lɛn akan azhi zə fɛmnɨ ə.

Ɨfaʼ 28:23

Ma lan, bo kyáŋtɨ́ njwi bo bɨ Baolo ghe. Njwi za ghɨnə nkúʼ, bo bə ghaʼnɨ yen adiʼ wa Baolo a kɨ́nə́ nchyɛ̌ lá. Ɨ biʼnɨ a tənjwi ɨ kɔʼ kuʼ nɨ ɨtfúʼ, wɛrə a fɨ́ʼtɨ́ nkən ɨyi mbɨ́ʼ Anu a Nɨfɔ nɨ Ŋwi a mbó bo ghe. Wɛrə a kɨ́ njwə́ŋtɨ́ a ngɨə á bo ze nkənu za ɨ tsínɨ́ ɨwu mbɨ́ʼ a Yeso, a nye mɨndóm ma wɛrə a kɨ́nə́ fɨ́gɨ́ ɨnu a mu Nyɔngɔŋ Mǒse abɔʼnɨ ɨnu tsa ntóm Ŋwi ŋwáʼnɨ́nɨ́ ɨ fɨ́ʼtə́ a mbó bo ghe.

Yoane 9:29

Bɨgɨ zhi ngə́ Ŋwi a ghám a mbó Mǒse ghe; lá mbɨ́ʼ a wiŋ ŋwɔn, ka bɨgɨ bi nji awɨgɨ adiʼ za a lonɨ ɨwu ə!”

Yoane 7:22

Mǒse a yén sóŋ ngə́ á nɨ ntsə̌ŋ ɨlagɨ ɨbɔ ɨbən bə mbáŋnɨ́ (a báʼtɨ́ nkeʼ wɛrə be, a bé bé bɨta ɨbən bə kɔ́ʼɔ́nguʼ ba bɨ bíʼnɨ́nɨ́ a zɛrə ghe), ma lan nɨ tsə̌ŋ alagɨ a mɔn mbáŋnɨ́ a Njwi Alaʼ Ŋwi ə.

Alukasɨ 24:44

A tíʼ sóŋ a mbó bo ngə́, “Nə nɨ ɨnu tsa ma sóŋnɨ́ a mbó bən mbáʼ ma bvúrɨ́nɨ́ ntsi bɨgɨnə lá: anu atsum za bɨ ŋwáʼnɨ́nɨ́ a mu Nyɔngɔŋ Mǒse, ɨnu tsa ntóm Ŋwi ŋwáʼnɨ́nɨ́ ndzɔŋ nkwiʼtɨ a tsa bɨ ŋwáʼnɨ́nɨ́ a mu bɨsalms lá, ɨ ghɨ́ ntsí nɨ ɨ fuə a nye anu ə.”

Yoane 16:13

Lá a nkfu za Azhwi a ghɨnɨ yen, zɨ wa a kyɛʼnɨ nkənu mbɨ́ʼ a Ŋwi, a mɨ tsagɨnɨ awən a mu nkənu tsum ə. A ghɨ keʼ sóŋə́ lá a za a funɨ a mu akwaʼtɨ azhi, lá a ghɨ ghamnə ɨnu tsa zɨə zuʼnɨ, ɨ kɨ tiʼ soŋ awən nɨ ɨnu tsa tsɨ ghɨnɨ yiŋə.

Ɨfaʼ 3:21

A tsi nɨ ɨ zagɨ ghɔŋ a fɔməbvurə ɨ kuʼnɨ nkfu za bɨ ghɨnɨ ghɨ á ɨnu ɨtsum tiʼ tsɨ fi, adzaŋ za Ŋwi a chwítɨ́nɨ́ ntsa a ndzum ntóm Ŋwi tsɨ fɛmnɨ ɨchi, tsa tsɨ tsínɨ́ atuəshe nchwuʼnɨ a lɔ́ʼkwam lá.

Ɛbal 2:3

Nɨ kwaʼtɨ ngə́ bɨgɨnə ghɨ lɛʼ ɨnɨŋ ngɨ́ʼ məzen lá ɨ nə́ mbáʼ be bɨgɨnə tú tɛgɨ ɨtú ɨtsɨgɨnə a nye ɨloŋ wu wi məwen le? Nkən mbɨ́ʼ ɨloŋ məwen a fóm nchwítɨ́ Maʼmbyí Yeso zɨmboŋ, ɨbɛn ba bɨ zúʼnɨ́ ɨnu tsa wɛrə a sóŋnɨ́ tíʼ ndiʼ a mbó bɨgɨ ngə́ ɨ nɨ nkənu ə.

Ɛbal 3:5

Mǒse a kə́ faʼə a mbó ɨbɛn bɨ Ŋwi bɨtsum nɨ táʼ ntəm tso ŋwɔn afaʼ ə. Wɛrə a ghám mbɨ́ʼ ɨnu tsa Ŋwi a ghɨnɨ sóŋ a nkfu ndzum ə.

Ɛbal 4:8

A be be ngə́ Yoshua a lɔ́gɨ́ bə Yuda ngɛn nɨ bo adiʼ za Ŋwi a káʼnɨ́ azhwitɨ za lá muŋ, ka Ŋwi a bə nkwiʼ soŋ ayi a ndzum mbɨ́ʼ njwi zə daŋ ə.

Ɛbal 5:5

Ndəŋndəŋ, Kristo a sé kɔʼsɨ atuəmbəm azhi atɨ́ a mbé ntumshe wu ngwi ə. A báŋnɨ́ mbé Ŋwi, zɨ wa a tsɔ́ʼnɨ́ ayi ɨ soŋ wəmbo ngə́: “O nɨ Mɔn ɨghan; ɨ sɨŋə ma tiʼ Ta ɨgho ghe.”

Ɛbal 9:19

Mbɨ́ʼ ngə́ a nkfu za Mǒse a tɔ́ŋnɨ́ ntɨgə ɨtsum a mu nyɔngɔŋ wa a mbó ɨbɛn bɨtsum, wɛrə a lɔ́gɨ́ alɛm a mɔn nkɔ́ʼɔ́ndzum abɔʼnɨ zə mbyi ɨ nyamtɨ nɨ nkyi, ntiʼ myigɨtɨ atú aŋwaʼnɨ za abɔʼnɨ ɨbɛn bɨtsum ə. Wɛrə a ghɨ́ a məzen nɨ abagɨ atsɛʼ zə baŋnɨ za a fɨgɨnɨ nkorɨ a nye abó abə́ŋ atɨ zə tse za bɨ tɔ́ŋnə́ ngə́ aisɔbɨ ə.

Ɛbal 11:2

A bé mbɨ́ʼ abeməntəm mbáʼ Ŋwi a bémtɨ́nɨ́ bə kɔ́ʼɔ́nguʼ ə.

Ɛbal 11:18

Ŋwi a ghám a mbó zɨ ɨ soŋ ngə́, “A ntsǎ a ndzum Isak, o ghɨ tsi nɨ ɨbɔ bɨ ɨlə̌ ɨbo ba ma káʼnɨ́ agho nɨ bɛrə lá.”

Ɛbal 12:25

A nɨ zɛn ngə́ nɨ se a zɨ wa a ghamnə lá tuŋə. Mbɨ́ʼ ngə́, be a be ngə́ bo sé lɛʼ a zɨ wa a kwántɨ́nɨ́ awa atuəshe, bɨgɨnə ghɨ keʼ byi njwəŋtɨ a ndɛ́ʼ zɨ wa a kwantɨnə awɨgɨnə a fɔməbvurə ghe.