Filibi 4:3 - Mɨkan wu Fi

³ Gho, ŋwɔn aku ɨghan wa a faʼnə tsɛʼ nɨ táʼ ntəm, ma lǒ ngə́ o kwatɨ bəngye ben; mbɨ́ʼ ngə́ bo faʼnə bɨgɨ bo tsɛʼ nɨ adaʼ aza atsum a ndaʼ nkən wu shiʼnɨ ə. Bo faʼə bo bɨ Klɛmɛn abɔʼnɨ ngaŋ afaʼ tsə mɔʼɔ ɨtsum tsa bɨgɨ bo faʼnə abó mɔ́ʼɔ́, tsa mɨkum ɨma tsinɨ a mu aŋwaʼnɨ a ɨbɛn ba bɨ tsinɨ ntən lá.

Filibi 4:3 Referans Kwoze

Nkyɛʼə 13:8

Ɨbɛn bɨtsum atuəshe mɨ ghuʼsɨ ayi, lá ɨbɛn ba bɨ ŋwáʼnɨ́nɨ́ mɨkum ɨma bɔŋ ɨ káʼ atuəshe a mu aŋwaʼnɨ a ba bɨ tsinɨ atú ntən, aŋwaʼnɨ a Mɔn Mbyindzɨ wa bɨ zhwítɨ́nɨ́ lá, məbiŋ mɨ keʼ ayi ghuʼsə.

Nkyɛʼə 3:5

Ɨbɛn ba bɨ tokɨnɨ ntsi nɨ ayanguʼ məzen mɨ wəgɨ ɨtsɛʼ tsɨ fú adzaŋ wen, á ma kaʼ kɨ fɨgɨ mɨkum ɨma a mu aŋwaʼnɨ a ɨbɛn ba bɨ tsinɨ ntɨŋ ə. A ɨshi ɨmɨgɨ Ta ɨghan abɔʼnɨ ɨtsendá ɨchi, ma mɨ soŋ ntəm ɨghan asaŋəsaŋ ngə́ məba a nɨ ɨbɛn ɨbə.

Alukasɨ 10:20

Lá á nɨ keʼ ndórə́ be mbɨ́ʼ ngə́ ɨzhwi tsɨ tɔmnɨnɨ zúʼnə́ awɨŋ ə, nɨ ndórə́ be mbɨ́ʼ ngə́ bɨ ŋwaʼnɨnə mɨkum ɨmən a fɔməbvurə ghe.”

Filibi 1:27

Tɨtsɔŋnɨ, anu za a dɨtɨnɨ a nɨ ngə́ á ntsi mbyi ɨzɨŋ tsi ndzɔ̌ŋ adzaŋ za nkən wu shiʼnɨ wu Kristo lɔnə ghe. Adzaŋ məwen, kə ma chi yen ze awən kə ngáŋ, muŋ ma mɨ zuʼ ngə́ nɨ tɛm ntɨŋə ngə́ twə́ŋ a mu táʼ anu za nɨ lɔnə, nkɨ mbe ngə́ nɨ táʼ anu za nɨ lɔnə, nɨ tókə́ a mbúm mbɨ́ʼ abeməntəm za ɨbɛn ba bɨ nɨŋnɨ mɨntəm ɨma a nye nkən wu shiʼnɨ tsinɨ nɨ zɛrə ghe.

Nkyɛʼə 21:27

Lá ka azúm zə tse za a se fɛm a ghɨ kón a mu ntáʼmbagə wu wi wa, kə ŋwɔn tse wa a ghɨnɨ ɨnu adɨrətú, kə ŋwɔn tse wa a chwɛ́nɨ́ ɨnu ə. Ɨbɛn ba bɨ ghɨnɨ kón a mu ntáʼmbagə wu wi wa nɨ tsɛʼ ba bɨ ŋwaʼnɨnɨ mɨkum ɨma a mu aŋwaʼnɨ a Mɔn Mbyindzɨ za a tsinɨ nɨ mɨkum mɨ ɨbɛn ba bɨ ghɨnɨ tsí nɨnkoŋ lá.

Nkyɛʼə 17:8

Ɨnyam mɨbaʼ za kwɛ́ ntsi ntɨŋə, lá ka ɨ bvurɨ ntsi ayi atú ntɨŋə; ɨ tsi a ndóm a fuə a mu abɨ́ a kfúrɨ́mándzó, ɨ kɔʼ ghɛn á bɨ tsənkɨ ayi ɛ. Ɨbɛn ba bɨ tsínə́ atuəshe mbáʼ bɨ bvúrɨ́nɨ́ tɨ ŋwaʼnɨ mɨkum ɨma bɔŋ á bɨ káʼ mbyi, a mu aŋwaʼnɨ a ɨbɛn ba bɨ ghɨnɨ tsi ntən, a mɨ kɨʼnɨ awa bɨtsum adzaŋ za bo lenə ɨnyam mɨbaʼ za. Ɨ kwɛ́ ntsi ntən nkfu tsɛrə; tɨtsɔŋnɨ ka ɨ bə mbvurɨ ayi, lá ɨ ghɨ bə fu a ɨshe ə.

Filibi 4:2

Yudia bo Sintichɨ, ma buʼ mbó a mbó bɨŋ ə, á nɨ zhwəŋtɨ a mbémnə́ tso ɨbɔmbɨma bə bəngye ba bɨ shíʼtɨ́nə́ nɨ ɨtumbəm ɨtsa a ɨshe a ɨshi Maʼmbyí ɛ.

Roma 16:12

A nɨ tɔŋtɨ a Trɨfina abɔʼnɨ Trɨfosa, bo ba bɨ faʼnə a mbó Maʼmbyí lá. A nɨ tsaʼtɨ a Bəsisɨ mbɔŋ ɨson ɨghan wa a faʼnə nɨ adaʼ azhi atsum a mbó Maʼmbyí lá.

Roma 16:9

A nɨ tɔŋtɨ a Urɨbano, ŋwɔn wa bɨgɨnə bo faʼnə a mbó Kristo abɔʼnɨ Stakisɨ mbɔŋ ɨson ɨghə.

Roma 12:1

Ma lan, ma tiʼə mbǔʼ mbó a mbó bən nə ɨbɔmbɨma ɨban, mbɨ́ʼ a mɨlɨŋnɨ wu ngwi wa Ŋwi a tsinɨ nɨ wɛrə a nye bɨgɨnə, ngə́ nɨ gha ɨtumbəm ɨtsən a mbó Ŋwi tso mɨtsuʼnɨ mɨ atú ma mɨ tsinɨ ntən, ɨ fɛm nkə́ ngɨə ɨnye Ŋwi bɔŋənə ghe. Nə nɨ ngótɨ́ aghuʼsɨ za nɨ tsinɨ nɨ nga a mbó Ŋwi ə.

Nkyɛʼə 20:12

Ma kwíʼ ndzɛ́n adzaŋ za bɨkfú bə wi abɔʼnɨ bə kɨʼnɨ tɛ́mnɨ́ a ɨshi abərɨ za. Bɨ ŋáʼ ɨŋwaʼnɨ, ntiʼ nkwiʼ ŋaʼ aŋwaʼnɨ zə mɔʼɔ mbáʼ a lá aŋwaʼnɨ za bɨ ŋwaʼnɨnɨ mɨkum mɨ ɨbɛn ba bɨ mɨ ntsi ntən nɨnkoŋ bo bɨ Ŋwi lá. Bɨ sáʼ bɨkfú ndzɔ̌ŋ ɨnu tsa bo ghɨ́nɨ́, adzaŋ za bɨ ŋwáʼnɨ́nɨ́ a mu ɨŋwaʼnɨ tsa lá.

Kolose 1:7

Nɨ zúʼ mbɨ́ʼ abɔŋəntəm a Ŋwi lá a mbó Ebafrasɨ, ngaŋ afaʼ za bɨgɨ bo faʼnə za bɨgɨ kɔŋnɨ lá. Wɛrə nɨ ngaŋ afaʼ Kristo za ɨ faʼnə tsɛʼ nɨ táʼ ntəm za ɨ faʼnə a nkfu bɨgɨ ə.

Nkyɛʼə 20:15

Ŋwɔn tsum wa ɨkum ɨyi sé tsi a mu aŋwaʼnɨ za bɨ ŋwaʼnɨnɨ mɨkum mɨ ɨbɛn ba bɨ mɨ ntsi ntən nɨnkoŋ bo bɨ Ŋwi bɨ máʼ ayi a mu sagɨrə ɨmugɨ wa.

Filibi 1:5

mbɨ́ʼ ndóm wa nɨ kwátɨ́nə́ a sóŋ nkən wu shiʼnɨ nchwuʼnɨ njwi za nɨ nɨ́ŋnɨ́ mɨntəm ɨmən a nye Kristo ɨ kɔʼ kuʼ tɨtsɔŋnɨ ə.

Filibi 1:7

Nɨ tsi a mu ntəm me tsɛʼ nkfu tsum ə! Ma lan, a kuʼnɨ a mbó me a ndzúʼə a mu ɨnye me adzaŋ za ma zúʼnə́ lá mbɨ́ʼ awɨŋ ə. Mbɨ́ʼ ngə́ bən bɨtsum tsi nɨ ɨwɨŋ bagɨ abɔŋəntəm za Ŋwi a ghanɨ a mbó me ghe. Nɨ tsi nɨ zɛrə tɨtsɔŋnɨ wa ma tsinɨ atsáŋ lá abɔʼnɨ nkfu za ma bénɨ́ ŋwɔn nɨ atú azan a ngyemnkɨ nkən wu shiʼnɨ ɨ kɨ bi a wɛrə á ɨ təntɨ ɨ shiʼnɨ lá.

Filibi 1:12

Ɨbɔmbɨma ɨban, ma lǒ ngə́ á nɨ zhi ngə́ ɨnu tsa tsɨ funə a nye me kwatɨ tsɛʼ ɨ shiʼnɨ a ntíntɨ́ nkən wu shiʼnɨ á ɨ ngěn nɨ mbyi ɛ.

Filibi 1:16

Məbiŋ faʼə lanə lá a mu akɔŋnɨ mbɨ́ʼ ngə́ bo zhi ngə́ Ŋwi a gha aghan nɨ afaʼ a ndiʼə ngə́ nkən wu shiʼnɨ nɨ anu za a kuʼnɨnɨ ə.