Filibi 4:1 - Mɨkan wu Fi

¹ Ɨbɔmbɨma ɨban, ma kɔŋ awən be tɨ́sə́n nkə́ ndǒ nɨ ntəm ɨghə ɨtsum a ndzé bɨŋ ə! Nɨ ghɨə ma dorɨnə be tɨsɨŋə! Ma kə́ ŋǔʼ ɨnye ɨzan be tɨ́sə́n mbɨ́ʼ awɨŋ ə! O ɨbɔmbɨma, nə tiʼ mbe adzaŋ za nɨ tsinɨ nɨ ɨ tɛm ɨ tɨŋənə ngə́ twə́ŋ a mu ntsi mbyi ɨzən a mbúm bɨŋ bɨ Maʼmbyí ɛ.

Filibi 4:1 Referans Kwoze

Filibi 1:27

Tɨtsɔŋnɨ, anu za a dɨtɨnɨ a nɨ ngə́ á ntsi mbyi ɨzɨŋ tsi ndzɔ̌ŋ adzaŋ za nkən wu shiʼnɨ wu Kristo lɔnə ghe. Adzaŋ məwen, kə ma chi yen ze awən kə ngáŋ, muŋ ma mɨ zuʼ ngə́ nɨ tɛm ntɨŋə ngə́ twə́ŋ a mu táʼ anu za nɨ lɔnə, nkɨ mbe ngə́ nɨ táʼ anu za nɨ lɔnə, nɨ tókə́ a mbúm mbɨ́ʼ abeməntəm za ɨbɛn ba bɨ nɨŋnɨ mɨntəm ɨma a nye nkən wu shiʼnɨ tsinɨ nɨ zɛrə ghe.

1 Korɨnto 16:13

A nɨ ŋaʼ ɨmɨgɨ ɨmən nɨ ɨtoŋnɨ ɨtsən, ntɛm ntəntɨ a mu abeməntəm, nkántɨ́ mbáŋnɨ́, nkeʼ nkə́ nchíʼnə́ ghe.

Filibi 2:16

a sóŋ nkən ntsi ntən wa a mbó bo ghe. Be nɨ ghɨ ma lan, muŋ ma ghɨ tsi nɨ anu za ma ghɨnɨ tiʼə ŋuʼənɨ ɨnye ɨzan mbɨ́ʼ awən nɨ zɛrə a Njwi wa Kristo a lo bə yen, mbɨ́ʼ ngə́ a ghɨ diʼ ngə́ adaʼ azə atsum abɔʼnɨ afaʼ azə atsum se adaŋədaŋə tsaə.

1 Korɨnto 15:58

Ma lan nə ɨbɔmbɨma ɨban, nɨ tɛm á mɨku ɨmɨŋ təntɨ, á nɨ keʼ nchíʼnə́ ghe. A faʼnə ɨfaʼ ɨwən a mbó Maʼmbyí nkfu tsum, mbáʼ nɨ zhinɨ ngə́ ka anu zə tse za nɨ ghɨnə, a mu ɨfaʼ ɨwən a mbó Maʼmbyí a chi tsa ayi adaŋədaŋə lá.

Filibi 1:8

Ŋwi a nɨ atɛmə-ndzě ɨghan ngə́ ma sóŋə́ lá nkənu mbáʼ be ma soŋ ngə́ akɔŋnɨ za ma tsinɨ nɨ zɛrə a nye bən bɨtsum a lǒ lá a mu ntəm Kristo Yeso zɨmboŋ ə.

Ɛbal 10:23

A bɨgɨnə chwa tə nchiʼnə ntsiŋə nɨ ntəm tsum za bɨgɨnə sóŋnə́ ngə́ bɨgɨnə tsi nɨ zɛrə, mbɨ́ʼ ngə́ Ŋwi, zɨ wa a káʼnɨ́ awɨgɨnə a soŋ a mɔ́ʼɔ́ lá a nu mɔ́ʼɔ́ ghe.

Roma 2:7

Ɨbɛn ba bɨ sě nkə̌ a ngɨ ɨnu tsɨ shiʼnɨ, ɨ faʼə ndǒ nɨghaʼ, nkɔʼsə atɨ́ abɔʼnɨ ntsi ntən za bo láʼnɨ́ keʼ kfo; Ŋwi a ghɨ gha ntsi ntən nɨnkoŋ a mbó bo ghe.

Yoane 8:31

Ma lan, Yeso a tíʼ soŋ a mbó ba bɨ nɨ́ŋnɨ́ mɨntəm ɨma a nye zɨ lá ngə́, “Be nɨ ngěn nɨ mbyi ndzúʼnɨ́ ɨnu tsa ma diʼnə, muŋ, tsɛʼ a nkənu nɨ lá bɨyɛʼ ɨbə.

2 Timotyo 2:1

A mbó gho Timotyo mɔn ɨghan, tɛm ntɨŋə ngə́ twə́ŋ ntsa a ndzum abɔŋəntəm za a nɨ azɨgɨnə a mbúm bɨgɨnə bɨ Kristo Yeso lá.

Filibi 2:26

Wɛrə a lǒ tsɛʼ nɨ ntəm ɨyi ɨtsum a ndzé bən bɨtsum, a kə́ nghágə́ ayi mbɨ́ʼ ngə́ nɨ zúʼ ngə́ wɛrə a ghǒn ghe.

2 Korɨnto 1:14

adzaŋ za nɨ kwɛnə ndzúʼə nkə́ njíɛ akum zə tse lá — a ghɨ́ mbé a njwi za Yeso a lo bə yen, á nɨ ntɛ́rə́ nɨ bɨgɨ á bɨgɨ kə́ ntɛ́rə́ nɨ bɨŋ ə.

Ɨfaʼ 11:23

Wɛrə a ghɨnə ngyén nkón, ndzɛ́n adzaŋ za Ŋwi a fɔ́gɨ́nɨ́ ɨbɛn ba, ndorɨ tsɛʼ nkə. Wɛrə a tíʼ ngwɔŋtɨ awa ngə́ á bo fáʼə nɨ táʼ ntəm a mbó Maʼmbyi nkə́ sóŋə́ tsɛʼ nkənu nkfu tsum ə.

Ɨfaʼ 2:42

Bo tíʼ nde nkfu ɨza tsum a ngyɛ́ʼ a mbó ntóm Yeso, mbómnkə́ táʼ adiʼ, ndzɨ́ə mɨdzɨ ɨma táʼ adiʼ nkə́ ntsáʼtə́ a Ŋwi ə.

2 Bita 3:17

Lá bən, nə bɨson ɨban, nɨ kwɛnə nji a məziŋ ə. A nɨ tiʼ ndə̌ ɨtú ɨtsən, taŋ á ɨbɛn ba bɨ se a nyɔngɔŋ a ndě keʼ awən shwuŋ nkon nɨ bən a mu ɨfənu ɨtsa, á nɨ vwo ɨ fu a mu adiʼ azən za a tsinɨ tɨ ngɨ́ʼ ə.

Ɛbal 4:14

Tso mbáʼ bɨgɨnə tsinɨ nɨ ntumshe wu ngwi, Yeso, Mɔn Ŋwi, zɨ wa a ghɛnə adiʼ wa Ŋwi a tsinɨ ɨwu lá, á bɨgɨnə chwa anu za bɨgɨnə nɨŋnɨ mɨntəm ɨmɨgɨnə ɨwu lá, ɨ shiʼnɨ ə.

Ɛbal 3:14

Bɨgɨnə mɨ be táʼ azúm bɨgɨnə bɨ Kristo mbáʼ be bɨgɨnə chwa ɨ shiʼnɨ ɨnɨŋ ntəm za bɨgɨnə tsínɨ́ nɨ zɛrə a mbiʼnə, ɨ kɔʼ kuʼ a ndwitə ghe.

2 Tesalonaika 2:15

Ma lan nə ɨbɔmbɨma ɨbɨgɨ, á nɨ tɛm ntɨŋə ngə́ twə́ŋ, nkɨ ntiʼtɨ nkənu za bɨgɨ díʼnɨ́ awən nɨ zɛrə a mu anu a Ŋwi za bɨgɨ sóŋnɨ́ a mbó bən abɔʼnɨ aŋwaʼnɨ za bɨgɨ ŋwáʼnɨ́nɨ́ a mbó bən lá.

Kolose 4:12

Ebafrasɨ a kə́ ntɔ́ŋtə́ awɨŋ ə. Wɛrə nɨ táʼ ŋwɔn a mu ngǒtə ɨzən nkɨ mbe ngaŋ afaʼ Kristo Yeso ghe. Wɛrə a tsaʼtə a Ŋwi tsɛʼ nɨ ntəm ɨyi ɨtsum nkfu tsum mbɨ́ʼ awən, ndɔ́ntə́ a mbó Ŋwi ngə́ á wɛrə a ghɨ á nɨ tɛm ntɨŋə ngə́ twə́ŋ, nkwi, nkeʼ nɨ aməŋnɨ zə tsɛrə nyam ntsi mbɨ́ʼ ɨnɨŋ mɨntəm ɨzɨgɨnə a nye Kristo, nkɨ ntsi a mu ndzuʼnə a nɨ́lónɨ́ anu za Ŋwi a lɔnə ghe.

Galesha 5:1

Nchyɛ̌ nɨ atú azɨgɨnə nɨ azúm za bɨgɨnə tsinɨ nɨ zɛrə ghe. Kristo a kyɛtɨnə mɨnkɨ mɨ abuʼ a nye bɨgɨnə ghe! Tɛmnə, nchikɨnə tso ɨbɛn nɨ atú aza, nkeʼ bə nkwiʼ nyɛʼtɨ ɨtumbəm ɨtsən a nye ɨbuʼ ə.

Ɨfaʼ 14:22

Bo nɨ́ŋ mɨntəm mɨ ɨbɛn ba bɨ nɨ́ŋnɨ́ mɨntəm ɨma a nye Kristo nkɨ ngwɔŋtɨ awa ngə́ á bo keʼ chiʼnɨ a mu abeməntəm aza ghe. Bo díʼ awa ngə́, “Bɨgɨnə mɨ zagɨ ze ngɨ́ʼ zɨ ngwi bɔŋ ɨ kon a mu Nɨfɔ nɨ Ŋwi ə.”

1 Tesalonaika 3:13

A nye ndóm məwen, wɛrə a mɨ tiʼ shintɨ mɨntəm ɨmən, a nkfu wa Maʼmbyí ɨwɨgɨnə Yeso a yenɨ bo bɨ ɨbɛn bɨtsum ba bo nɨ ɨbyi, á nɨ tiʼ nkɨ nkɔʼ ntɛm ngə́ tsáŋ nkɨ fɛm a ɨshi ɨmɨgɨ Ŋwi ɨwɨgɨnə, zɨ wa nɨ Tarɨ lá.

Matyo 10:22

Ŋwɔn tsum a ghɨ ban awən mbɨ́ʼ atú azə. Lá ŋwɔn tsum wa a chigɨnɨ ntəm ɨ ghɛn kuʼ a ndwitə, bɨ ghɨ loŋ ayi ɛ.