Filibi 3:9 - Mɨkan wu Fi

⁹ ɨ tsi a mbúm tsum tsum bɨgɨ zɨ ə. Ka ma bə nkwiʼ ntsi aghan nɨ nchinə zɨ tse za a nɨ ɨzə, za o tsínə́ zɨ zɛrə ntsa a ndzum ndzuʼnɨ Nyɔngɔŋ lá. Tɨtsɔŋnɨ, ma tsi nɨ nchinə za bɨ ghanɨ ntsa a ndzum abeməntəm a nye Kristo, nchinə za ɨ lonə a mbó Ŋwi ndzɛʼtɨ ayi a nye abeməntəm lá.

Filibi 3:9 Referans Kwoze

2 Korɨnto 5:21

Kristo a sé nɨ ɨbvu tse a nye zɨ chyɛ, lá mbɨ́ʼ atú azɨgɨnə Ŋwi a ghɨ́ wɛrə a kɨ ntsi nɨ ɨbvu ɨwɨgɨnə, taŋ a nchyɛ̌ a mbúm bɨgɨnə bɨ wɛrə, bɨgɨnə chi kɨ be adzaŋ za Ŋwi a chinɨnɨ lá.

1 Korɨnto 1:30

Lá Ŋwi a chintɨ awən a mbúm bɨŋ bɨ Kristo Yeso, ntiʼ ngɨ a Yeso a nye zóŋ ɨwɨgɨnə ghe. Bɨgɨnə tiʼ nchinɨ ntsa a ndzum wɛrə; ntiʼ ɨbɛn bɨ Ŋwi bə fɛmnɨ ba mɨnkɨ mɨ abuʼ se awa bə nkorə.

Galesha 2:16

Lá bɨgɨnə zhi ngə́ Ŋwi a ghɨə ŋwɔn a tɛmnɨnə a ɨshi ɨmɨgɨ zɨ ntsǎ lá tsɛʼ a ndzum abeməntəm azhi a nye Yeso Kristo, ndáʼ keʼ be be adzaŋ za a ghɨnɨ ɨnu tsa Nyɔngɔŋ a lɔnə ghe. Bɨgɨ kɨ nɨŋ mɨntəm ɨmɨgɨ a nye Kristo Yeso lá taŋ á Ŋwi a ghɨ á bɨgɨ tɛmnɨ a ɨshi ɨmɨgɨ zɨ a ntsǎ a ndzum abeməntəm azɨgɨ a nye Kristo, nkeʼ be be a ntsǎ a ndzum ngɨ̌ ɨnu tsa Nyɔngɔŋ Mǒse a lɔnə ghe. Mbɨ́ʼ ngə́ ka Ŋwi a ngɨə ayi a ŋwɔn tse á ntɛ́mnə́ ayi a ɨshi ɨmɨgɨ zɨ lá a ntsǎ a ndzum ngɨ̌ ɨnu tsa Nyɔngɔŋ Mǒse a lɔnə ghe.

Roma 8:1

Tɨtsɔŋnɨ, ka ngvo ɨsáʼ tse ɨ be ayi ɨwu a mbó ŋwɔn wa a tsínə́ a mbúm bo Kristo Yeso ghe.

Roma 1:17

Mbɨ́ʼ ngə́ nkən wu shiʼnɨ ɨ kyɛʼə adzaŋ za Ŋwi a ghɨnə ɨbɛn chinɨnə a ɨshi ɨmɨgɨ zɨ; ɨ zɛ́ʼtə́ lá a nye abeməntəm a mbiʼnə ɨ ghɛn fu a ndwitə ghe. Aŋwaʼnɨ a Ŋwi soŋ ngə́, ‘‘Ŋwɔn wa a chinɨnɨ a ɨshi ɨmɨgɨ Ŋwi ntsa a ndzum abeməntəm a mɨ tsi ntɨŋ ə.’’

Tɨ́tósɨ 3:5

wɛrə a lóŋ awɨgɨnə ghe. A sé bé lá mbɨ́ʼ ngɨnɨ mɨnu mə shiʼnɨ mə tse ma bɨgɨnə mboŋ ghɨ́nɨ́, lá a bé lá mbɨ́ʼ akômɨlɨŋnɨ azhi mbáʼ a lóŋnɨ́ awɨgɨnə, ntsa a ndzum Azhwi zə Fɛmnɨ za a sugɨnə awɨgɨnə, bɨ tiʼə njwiə awɨgɨnə a nye ɨbɛn bə fi ntiʼə nkə́ nchyɛ̌ nɨ ntsi ntən zɨ fi lá.

2 Timotyo 1:9

Wɛrə a lóŋ awɨgɨnə nkɨ ntsɔʼ awɨgɨnə ngə́ á bɨgɨnə be ɨbɛn ɨbyi, nkeʼ be be mbɨ́ʼ anu za bɨgɨnə ghɨnə, lá mbe be mbɨ́ʼ adzaŋ za wɛrə a lɔnə abɔʼnɨ abɔŋəntəm azhi ɛ. Wɛrə a ghá abɔŋəntəm məzen a mbó bɨgɨnə ntsa a ndzum Kristo Yeso bɔŋ á mbyi mbíʼnə́,

2 Korɨnto 5:17

Ma lan, be ŋwɔn tse a tsi a mbúm bo Kristo, a tiʼ ŋwɔn wu fi ə, tsə lvuŋ tsanə, tsə fi yiŋə.

Filibi 3:6

nkɨ ntən wə mu tɨ́sə́n adzaŋ za ma kɨ́nə́ ndɨ́gɨ́ ndáŋwi ə. Be bɨ ghangə bɨ ghamə lá anu ngə́ ŋwɔn a chi chinɨ a ntsǎ a ndzum ndzuʼnɨ Nyɔngɔŋ, muŋ ma sá nɨ ɨfərɨ chyɛ.

Roma 10:10

Mbɨ́ʼ ngə́ a nɨ a ntsǎ a ndzum abeməntəm mbáʼ Ŋwi a bémnə́ ngə́ bɨgɨnə tɛmnɨ a ɨshi ɨmɨgɨ zɨ; bɨ kə́ ndóŋə́ awɨgɨnə ntsǎ lá a ndzum ɨ soŋə nɨ ntsu ngə́ bɨgɨnə ghɨ mɨbvu ə.

Roma 8:3

Mbɨ́ʼ ngə́ Ŋwi a ghɨnə anu za Nyɔngɔŋ a kɨ chínɨ́ keʼ ghɨ mbɨ́ʼ ngə́ ɨnyam ɨnye ɨ ghɔ́gɨ́: wɛrə a tságɨ́ a Mɔn ɨyi tso ɨnyam ɨnye za ɨ tsinɨ nɨ ɨbvu ngə́ á tsənkɨ ɨbvu wa ɨ tsinɨ a mu ɨnyam ɨnye.

Matyo 9:13

Nɨgham nɨ Ŋwi na nɨ soŋnɨ ngə́, ‹Ma lǒ lá a mɨlɨŋnɨ keʼ be mɨtsuʼnɨ mɨ atú be,› lá, á nɨ ghɛn ntsɔʼ aku anu za a nɨ diʼnə. Ka ma yen aghan lá a ntɔ́ŋ ɨbɛn ba bɨ chinɨnə, ma yen be a ntɔ́ŋ ngaŋ ngɨ mɨbvu ə.”

1 Yoane 3:4

Ŋwɔn tsum wa a ghɨnɨ mɨbvu a vwo ɨsáʼ ngə́ zɨə fasɨ a nyɔngɔŋ Ŋwi, mbɨ́ʼ ngə́ ɨbvu lá ɨ fasɨ nyɔngɔŋ ə.

2 Bita 1:1

Aŋwaʼnɨ zen a lo a mbó me Samɔn Bita, me wa ma nɨ ngaŋ afaʼ nkɨ mbe ntom Yeso zɨ Yeso Kristo — Ngěn a mbó ɨbɛn ba bɨ ghanə abeməntəm za a tsinɨ nɨ ɨlɨŋ tso azɨgɨ a mbó bo, ntsa a ndzum adzaŋ za Ŋwi ɨwɨgɨnə abɔʼnɨ Ndoŋ ɨwɨgɨnə Yeso Kristo chinɨnɨ:

Jemsɨ 3:2

Bɨgɨnə bɨtsum ghɨ̌ ɨfənu ə. Lá, be a be ngə́ ka ŋwɔn tse a ndáʼə fə̌ ayi ntsu nɨgham ɨyi, muŋ a kɔʼ ntɛm ngə́ tsáŋ nkɨ chi tsɨŋnɨ atuəmbəm azhi atsum ə.

Ɛbal 6:18

Ɨnu tsenə tsi bá tiʼ ntsi ɨwu tsa tsɨ chinɨ keʼ kwebtɨ, Ŋwi a chi keʼ kɨ chwe ɨnu mbɨ́ʼ a tsɛrə ghe. Ma lan, bɨgɨnə ba bɨ kɨənɨ ngɛn a shwúrɨ́ Ŋwi taŋ á wɛrə a kɨnkɨ awɨgɨnə lá, bɨ wɔŋtə awɨgɨnə be tɨ́sə́n ngə́ á bɨgɨnə chwa ntsiŋə nɨ ntəm tsum ngə́ za wɛrə a káʼnɨ́ lá a ghɨ fuə.

Roma 16:7

A nɨ tɔŋtɨ a Andɨrɨnɨkusɨ bo Yunaya bo ba a nɨ bə Yuda tso me, ba bɨ tsínɨ́ atsáŋ bɨgɨ bo lá; bɨ zhi awa tsɛʼ ɨ shiʼnɨ a tɨtərɨ ntóm Yeso ghe. Bo fóm nɨ́ŋ mɨntəm ɨma a nye Kristo tɨ me ghe.

Roma 5:21

Ma lan, tso mbáʼ ɨbvu kɨ́nə́ sáʼ mbyi ntsa a ndzum nɨvwo lá, ndəŋndəŋ, abɔŋəntəm a Ŋwi a sáʼ mbyi ntsa a ndzum nchinə, ntságɨ́nə́ awɨgɨnə a mu ntsi ntən nɨnkoŋ ntsa a ndzum Yeso Kristo Maʼmbyí ɨwɨgɨnə ghe.