Filibi 3:8 - Mɨkan wu Fi

⁸ Ka a be ayi tsɛʼ ɨdzúm mətsa; ma tiʼə nkwǎʼ azúm atsum tso byé wa a ghɛnɨ ndwitɨ mbɨ́ʼ atú anu za a tsinɨ nɨ ɨlɨŋ ngɛn nɨ mbyi, mbe lá azhyɛ a Kristo Yeso Maʼmbyí ɨghə. Mbɨ́ʼ atú azhi ma nyɛʼnə azúm atsum; ma tiʼə ndə́ŋtə́ a tsɛrə ɨtsum tso ntsaʼ, taŋ á abi azə a be ngə́ ma tiʼ ŋwɔn Kristo

Filibi 3:8 Referans Kwoze

Roma 8:18

Ma zhi ɨ shiʼnɨ ngə́ ngɨ́ʼ za bɨgɨnə zɛ́nə́ tɨtsɔŋnɨ bɨ chi keʼ fɨʼnɨ a zɛrə bo nɨfáŋ na Ŋwi a ghɨnɨ kyɛʼ a mbó bɨgɨnə ghe.

Ɨfaʼ 20:24

Lá, a mbó me, ma lɔgɨ ntsi mbyi ɨzan a nye azúm adaŋədaŋə; ma lǒ tsɛʼ ɨ mɛtɨ za ma funɨ abyɛn a faʼə ɨ kɨ mɛtɨ afaʼ za Maʼmbyí Yeso a ghánɨ́ a mbó me a faʼə ghe. Afaʼ məzen a tsi lá a sóŋ ntəm mbɨ́ʼ Nkən wu Shiʼnɨ mbɨ́ʼ abɔŋəntəm a Ŋwi ə.

Filibi 3:7

Lá ɨdzúm ɨtsum tsa ma chinɨ kwaʼ tso nɨsə́ŋ, ma tiʼ ndɔgɨ a tsɛrə tso byé, mbɨ́ʼ atú a Kristo ghe.

Yoane 17:3

Ɨ tiʼ tsi ntən nɨnkoŋ ɨ nɨ ngə́ á bo zhi agho, Ŋwi ɨ nu zɨzɨ tɨ wə daŋ, abɔʼnɨ nji Yeso Kristo wa o tságɨ́nə́.

Filibi 3:10

Atsum atsum za ma lɔnə, a nɨ nji Kristo ɨ kɨ zhwiʼtɨ ɨ zɛn mɨtən ma mɨ tsínɨ́ wə ɨnye a nkfu za wɛrə zhwémnɨ́nɨ́ a mbó nɨvwo, ɨ kɨ ze ngɨ́ʼ tso wɛrə, ɨ tiʼ kɨ kfo tso zɨ,

2 Bita 1:3

Mɨtən mɨ Ŋwi mə fɔməbvurə ghanə atsum za bɨgɨnə lɔnə a nchyɛ́ tso ɨbɛn ba bɨ zhinɨ a Ŋwi ntsa a ndzum nji zɨ wa a tsɔ́ʼnɨ́ awɨgɨnə ngə́ á bɨgɨnə kɨ ntsi a mu nɨfáŋ ɨni abɔʼnɨ ɨbɔŋ ɨyi lá.

1 Korɨnto 2:2

Mbɨ́ʼ ngə́ a nye nkfu za ma tsínɨ́ bɨgɨnə lá, ma nɨ́ŋ a mu ntəm me ngə́ ma mɨ lɨgɨnɨ anu atsum ɨ tiʼə wiʼtɨnə tsɛʼ Yeso Kristo, tɨ́sə́n tɨ́sə́n nɨvwo ɨni atɨ abaŋnɨ-baŋnɨ ə.

1 Yoane 5:20

Bɨgɨnə zhi ngə́ Mɔn Ŋwi a yenə, nkɨ nga ndzuʼə kɨ zhi a mbó bɨgɨnə, taŋ á bɨgɨnə zhi a Ŋwi, zɨ wa nkənu lonə wəmbo lá. Bɨgɨnə chyɛ̌ lá a mbúm bɨgɨnə bɨ Ŋwi, zɨ wa nkənu lonə wəmbo lá — a mbúm bɨgɨnə bɨ Mɔn ɨyi Yeso Kristo ghe. Nə nɨ Ŋwi, zɨ wa nkənu lonə wəmbo, nə kɨ mbe ntsi ntən nɨnkoŋ za.

Yoane 17:8

Ma ghá nkən wa o ghánɨ́ a mbó me a mbó bo, bo kɨ nkwarɨ a wɛrə; bo zhi ngə́ a nɨ nkənu ngə́ ma ló lá a mbó gho, bo kɨ nɨŋ mɨntəm ɨma ɨwu ngə́ o tságɨ́ aghə.

Yoane 14:20

Njwi za ghɨ nkúʼ, nɨ mɨ zhi ngə́ ma tsi a mu ɨnye Ta ɨghan, ɨ kɨ zhi ngə́ nɨ tsi a mu ɨnye me, tsɛʼ tso mbáʼ ma tsinɨ a mu ɨnye bən lá.

Ɛbal 3:14

Bɨgɨnə mɨ be táʼ azúm bɨgɨnə bɨ Kristo mbáʼ be bɨgɨnə chwa ɨ shiʼnɨ ɨnɨŋ ntəm za bɨgɨnə tsínɨ́ nɨ zɛrə a mbiʼnə, ɨ kɔʼ kuʼ a ndwitə ghe.

2 Korɨnto 4:6

A nɨ Ŋwi, zɨ wa a sóŋnɨ́ ngə́, “A nkaʼ fu a mu ndzumnɨ mbaŋə,” a nɨ ndəŋndəŋ Ŋwi, zɨ wa a ghɨnɨ nkaʼ ɨyi baŋ a mu mɨntəm ɨmɨgɨnə, a ngɨə á bɨgɨnə zhi nɨfáŋ nɨ Ŋwi na nɨ tánə́ ndǒ a nye Yeso Kristo lá.

Yoane 14:7

Tɨtsɔŋnɨ mbáʼ nɨ zhinə aghan lá, nɨ ghɨ zhi a Ta ɨghə. Ɨ lɔgɨnɨ tɨtsɔŋnɨ ɨ ghěn nɨ mbyi nɨ zhinə ayi, nɨ kɨnə nkɨ ndzɛn ayi ɛ.”

Ɛfɛso 4:13

Ma lan, bɨgɨnə bɨtsum ghɨ tíʼ yen bomnkɨ ɨ tsi a mbúm, ɨ be táʼ azúm a nye abeməntəm abɔʼnɨ adzaŋ za bɨgɨnə zhinɨ a Mɔn Ŋwi ə; bɨgɨnə ghɨ tíʼ be nchíkɨ́ ɨbɛn tso Kristo, ɨ kɨ be tso zɨ a nye mɨndóm mɨtsum,

2 Bita 3:18

Lá á nɨ ngěn nɨ mbyi nkwiə a mu abɔŋəntəm abɔʼnɨ nji Maʼmbyí, Ndoŋ ɨwɨgɨnə Yeso Kristo ghe. A nɨfáŋ tsi wəmbo tɨtsɔŋnɨ, nkɨ ntsi wəmbo nɨnkoŋ ə! A be lá.

1 Yoane 1:3

Za bɨgɨ zɛnə nkɨ ndzuʼ, bɨgɨ kə́ nchwítə́ a mbó bən, taŋ á nɨ chi bumnɨ bɨgɨnə a mu ndzɨnə za bɨgɨ tsinɨ nɨ zɛrə bɨgɨ bɨ Tarɨ bo Mɔn ɨyi Yeso Kristo lá.

2 Timotyo 4:6

A mbó me, nkfu ɨ kuʼnə á bɨ lɔgɨ aghan tso mɨtsuʼnɨ mɨ atú; nkfu za ma mɨ nyɛʼtɨ atuəshe ziŋ ə.

Yoane 20:28

Tɔməshi a chwɨ́gɨ́ ngə́, “O nɨ Maʼmbyí ɨghan nkɨ mbe Ŋwi ɨghə!”

Yoane 16:3

Ɨbɛn ghɨ ghɨ ɨnu tsen a nye bən mbɨ́ʼ ngə́ ka bo zhi awa a Tarɨ kə aghə.

1 Yoane 2:19

Ɨbɛn biŋ sé tsi a mu adzɨnɨ azɨgɨnə ghe, nə nɨ anu za bo nyɛ́ʼtɨ́nɨ́ awɨgɨnə; bo bé lanɨ be lá bagɨ adzɨnɨ azɨgɨnə, muŋ bo ghɔ́ŋ bɨgɨnə bo ghe. Lá bo nyɛ́ʼtɨ́ awɨgɨnə lá taŋ á lán ngə́ kə́ tsɛʼ táʼ ŋwɔn nɨ bo a sé lanɨ ntsi bɨgɨnə bo ghe.

1 Bita 2:7

Ɨlɨŋ ngɔʼ məziŋ ghaʼ be tɨ́sə́n a mbó bən ba nɨ nɨŋnɨ mɨntəm ɨmən a nye Kristo; lá a mbó ba bɨ se nɨŋ mɨntəm ɨma a nye Kristo, ɨ be lá tso: “Ngɔʼ za ngaŋ ngvwu ndá nyɛ́ʼnɨ́ ngə́ ɨ nɨ azúm adaŋədaŋə, ɨ tíʼ mbəŋ mbe ngɔʼ nɨbú nɨ ndá ə.”

Galesha 1:16

a nkyɛʼ Mɔn ɨyi a mbó me taŋ á ma chi soŋ Nkən wu Shiʼnɨ wa mbɨ́ʼ ayi a mbó ba a se bə Yuda be, ma sá ghɛn a mbó ŋwɔn tse ngə́ á tɨgɨtɨ aghə.

2 Korɨnto 4:4

A nye ɨza nkfu ŋwi atuəshe a nɨŋ ɨfɨgɨ a nye mɨntəm mɨ bɨtɨnɨŋ ntəm a nye Kristo, taŋ ɨ kubɨnɨ awa a ndzé nkaʼ nkən wu shiʼnɨ wu nɨfáŋ nɨ Kristo, zɨ wa a nɨ afi a Ŋwi lá.

1 Korɨnto 9:10

A sé ngámə́ lá mbɨ́ʼ awɨgɨnə le? Tsɛʼ a nkənu, bɨ ŋwáʼnɨ́ a məzen lá a mbó bɨgɨnə ghe. Mbɨ́ʼ ngə́ ŋwɔn wa a líʼnɨ́ ɨshwom abɔʼnɨ wa a fuʼnə tsi nɨ ɨ faʼə lá nɨ ntsiŋə nɨ ntəm tsum ngə́ bɨ ghɨ yɛbtɨ ɨ gha ɨma mɨdzɨ ə.

Yoane 20:13

Bo bítɨ́ ayi ngə́, “Mangye, o búgə́ lá ake le?” Wɛrə a chwɨ́gɨ́ ngə́, “Bɨ lɔgɨ a Maʼmbyí ɨghan ndo nɨ wɛrə, ma kaʼ zhi adiʼ za bɨ lɛnɨ ayi ɨwu ə!”

Alukasɨ 11:20

Ngáŋ, a baŋnɨ mbe be nɨ mɨtən mɨ Ŋwi mbáʼ ma fígɨ́nɨ́ bɨdzɨŋ, ma lan, a tiʼ ndiʼ ngə́ nɨfɔ nɨ Ŋwi yenə a mbó bɨŋ ə.

Alukasɨ 1:43

A tsa lá ɨ nə́ təkɔʼ bɨ anu tso wen a fu a nye me, ngə́ nɨmo bɨ Maʼmbyí ɨghan a yen ngantɨ aghan le?

Roma 8:39

kə mbyi za ɨ tsinɨ atɨ́, kə mbyi za ɨ tsinɨ a mbyishe — ka azúm zə tsɛrə za bɨ káʼnɨ́ a tsi ayi ɨwu za a chinɨ santɨ ɨ fɨgɨ awɨgɨnə a mu akɔŋnɨ a Ŋwi ə; akɔŋnɨ za a nɨ azɨgɨnə ntsa a ndzum Kristo Yeso Maʼmbyí ɨwɨgɨnə lá.

Filibi 1:1

Aŋwaʼnɨ zen a lo a mbó me Baolo abɔʼnɨ Timotyo, ngaŋ afaʼ Kristo Yeso ghe. A ghěn a mbó bɨŋ ɨbɛn bɨ Ŋwi bɨtsum a Filibi ba bɨ tsinɨ a mbúm bo bɨ Kristo Yeso, nkwiʼtɨ bɨntsagɨnɨ bɨ ndáŋwi abɔʼnɨ ngaŋ nga akwatɨ ə:

Filibi 3:12

Ka ma nkaŋə aghan lá ngə́ ma byinə ngɨ atsum za ma tsínɨ́ nɨ ngɨə kə ngə́ ma byinə nkɔʼ ntɛm ngə́ tsáŋ ə. Ma nyuʼnə tsɛʼ nkfu tsum a nchyɛ́ nɨ mɨkyaŋnɨ ma ə. Kristo Yeso a dzɨ́ aghan mbyigɨ a bagɨ zɨ lá taŋ á ma tsi nɨ mɨkyaŋnɨ məmiŋ ə.

2 Bita 1:2

A abɔŋəntəm abɔʼnɨ mbɔnɨ be ɨtsən a nɨ́lónɨ́ ntsa a ndzum adzaŋ za nɨ zhinɨ a Ŋwi bo Yeso Maʼmbyí ɨwɨgɨnə ghe.

2 Bita 1:8

Nə nɨ ɨbə́ŋ ɨnu tsa nɨ lɔnə a mu ntsi mbyi ɨtsɨŋ ə. Be nɨ kɨ ntsi nɨ tsɛrə tsɨ ghaʼ tsɛʼ nkan muŋ tsɨ mɨ ghɨ á nɨ ngɨ̌ mɨnu, ɨ kə́ ghɨnə a mɛrə ɨ shiʼnɨ a nye adzaŋ za nɨ zhinɨ a Maʼmbyí Yeso Kristo ɨwɨgɨnə lá.