Filibi 2:9 - Mɨkan wu Fi

⁹ Mbɨ́ʼ a məzen, Ŋwi a tsɔ́ʼ ayi nkɔʼsɨ atɨ́ atú atəntsánɨ́, nga ɨkum wəmbo wa ɨ tsanɨ mɨkum mɨtsum,

Filibi 2:9 Referans Kwoze

Nkyɛʼə 19:16

Bɨ ŋwáʼnɨ́ a nye tɔgɨ ɨyi abɔʼnɨ nɨtuʼ ɨni ngə́, “Ɨfɔ bɨfɔ abɔʼnɨ Maʼmbyí bɨmaʼmbyí ɛ”.

Matyo 28:18

Yeso a tíʼ nkɔ́ʼtɨ́ ngɛn a mbyɛn bo ɨ soŋ ngə́, “Bɨ ghanə mɨtən mɨtsum a fɔməbvurə bo atuəshe a mbó me ghe.

1 Bita 3:22

zɨ wa a kɔʼnə ngɛn a fɔməbvurə, ntiʼ ntsi a bagɨ abó Ŋwi zə maʼə, ɨ sáʼə bɨtsen bɨ ndá bɨ Ŋwi bɨtsum abɔʼnɨ bɨsáʼ bɨ ɨlaʼ bə fɔməbvurə nɨ ɨdzɔŋ ɨlaʼ tsə fɔməbvurə lá.

Ɛbal 2:9

Lá bɨgɨnə zě a Yeso, zɨ wa bɨ ghɨ́nɨ́ a tsi a shwúrɨ́ bɨtsen bɨ ndá bɨ Ŋwi a nye məkum a nkfu; taŋ a ntsǎ a ndzum abɔŋəntəm a Ŋwi a nye ɨbɛn, á wɛrə a ze ngɨ́ʼ nkfo atú ŋwɔn tsum ə. Tɨtsɔŋnɨ, bɨgɨnə zě ayi a mu nɨfáŋ, ŋwɔn tsum a tiʼə nkɔʼsə ayi atɨ́ mbɨ́ʼ abə́ŋ a nɨvwo za wɛrə a kfónə́.

Nkyɛʼə 5:12

tíʼ ndzɔbɨ nɨ nji za ɨ kɔ́ʼnɨ́ atɨ́ ngə́: “Mɔn Mbyindzɨ wa bɨ zhwítɨ́nɨ́ lá a tsi nɨ ɨlɨŋ a nkwárɨ́ mɨtən, afuʼ, zóŋ abɔʼnɨ adaʼ, nkɔʼsə atɨ́, nɨfáŋ abɔʼnɨ mbontə ghe!”

Ɛbal 1:4

Mɔn Ŋwi a tsi atú bɨtsen bɨ ndá bɨ Ŋwi tso mbáʼ ɨkum wa Ŋwi a ghánɨ́ wəmbo ɨ tsanɨ wu bɨtsen bɨ ndá ɨbyi lá.

Ɛbal 12:2

ntɛgɨ ɨmɨgɨ ɨmɨgɨnə a nye Yeso, zɨ wa a biʼnɨnə abeməntəm azɨgɨnə, nkə́ nchísə́ a zɛrə a kɔʼə ntɛ́mə́ ngə́ tsáŋ lá. Zɨ wa a chígɨ́nɨ́ ntəm bɨ kwemtɨ ayi atɨ abaŋnɨ-baŋnɨ nkɨ ngwagɨnɨ adɨrətú atsum mbɨ́ʼ nɨdorɨ na nɨ kɨ́nə́ ntsiŋə ayi, a tiʼ shiʼtɨ ntsi a bagɨ abó maʼə alaŋ a nɨfɔ a Ŋwi ə.

Yoane 17:5

Tarɨ! Gha nɨfáŋ a mbó me a ɨshi ɨmɨgɨ gho tɨtsɔŋnɨ, ndəŋndəŋ nɨfáŋ na ma tsínɨ́ nɨ nɛrə bɔgə bɔŋ á bɨ nyɛtɨ mbyi lá.

Nkyɛʼə 3:21

A mbó ɨbɛn ba bɨ tokɨnɨ ntsi nɨ ayanguʼ məzen, ma mɨ ghɨ á be adiʼ aza a shiʼtɨ tsi a mbyɛn me, atú abərɨ azan, tsɛʼ tso mbáʼ ma tsinə nɨ ayanguʼ, ntiʼ shiʼtɨ ntsi tɨtsɔŋnɨ a mbyɛn Ta ɨghan atú abərɨ azhi lá.

Alukasɨ 10:22

Ta ɨghan a ghanə ɨdzúm ɨtsum a mbó me ghe. Ka ŋwɔn tse a zhi ayi a ŋwɔn wa a nɨ Mɔn ntsa a Tarɨ, ŋwɔn tse a keʼ kɨ nji a ŋwɔn wa a nɨ Tarɨ ntsa a Mɔn, nkwiʼtɨ ɨbɛn ba Mɔn a zarɨnɨ ngə́ á bɨ zhi a Tarɨ ə.”

Nkyɛʼə 11:15

Ntsendá Ŋwi za ɨ zɔ́ŋtɨ́nɨ́ a nye ɨdiʼ tsi samba ɨ tɔ́ŋ ɨzhi ntaŋ ə. Nji tsə kɔʼnɨ atɨ́ tsə tsɛrə ló a fɔməbvurə ɨ sóŋə́ ngə́, “Mɨtən mɨ sáʼ atuəshe tsi tɨtsɔŋnɨ lá a mbó Maʼmbyí ɨwɨgɨnə abɔʼnɨ Wa bɨ Zɔ́ʼnɨ́ ɨyi ɛ. Wɛrə a mɨ sáʼ nɨnkoŋ nɨnkoŋ ə!”

Nkyɛʼə 1:5

nkɨ ndo a mbó Yeso Kristo, atɛmə-ndzě wa a faʼnə tsɛʼ nɨ táʼ ntəm, zɨ wa a nɨ ntsambyi ŋwɔn á bɨ zhwemnɨ a mbó nɨvwo, zɨ wa a kɨ́nə́ nkə́ saʼə bɨfɔ bɨ atuəshe zen lá. Wɛrə a kɔŋ awɨgɨnə ghe, wɛrə a kɨnə nkɨ nkwarɨ awɨgɨnə a mbó mɨbvu ɨmɨgɨnə a ntsǎ a ndzum alɛm azhi za wɛrə a chwírɨ́nɨ́ a nkfu bɨgɨnə,

2 Bita 1:17

Bɨgɨ tsí ɨwu a nyom wa Ŋwi, zɨ wa a nɨ Tarɨ a kɔ́ʼsɨ́nɨ́ ayi atɨ́ nkɨ nga nɨfáŋ wəmbo, mbáʼ nji za ɨ lónɨ́ a mbó Ŋwi, zɨ wa nɨ Nkaʼ wu Wi wa ɨ fúgɨ́nə́ ngə́ bú, ɨ yénɨ́ wəmbo ɨ sóŋə́ ngə́, “Nə nɨ mbɔŋ Mɔn ɨghan wu Mbáŋnɨ́ a wen wa ɨnye zə bɔŋnə wə ɨnye!”

Kolose 1:18

Wɛrə nɨ atú a mbəmnye ɨzhi, mbe lá ndáŋwi; ntsi ntɨŋ mbəmnye za lǒ lá a mbó wɛrə ghe. Wɛrə nɨ ntsambyi Mɔn, wa Ŋwi a zhwémnɨ́nɨ́ a mbó nɨvwo, taŋ á be tsɛʼ zɨzɨ wa a chinɨ tsi nɨ ntsambyi adiʼ a nye ɨnu ɨtsum ə.

Ɨfaʼ 5:31

Ŋwi a tsɔ́ʼ ayi nkɔʼ ntɛgɨ a bagɨ abó zɨ zə maʼə tso Ntsagɨnɨ abɔʼnɨ Ndoŋ, ngə́ á gha abárɨ́ a mbó bə Izrai a mbəŋ mɨntəm ɨma a nye mɨbvu ɨma, á Ŋwi a lɨgɨnɨ mɨbvu ɨma ghe.

Yoane 13:3

Yeso a zhí ngə́ Ta ɨyi a kwɛ́nə nga mɨtən mɨtsum a mbó zɨ; wɛrə a zhí ngə́ zɨə ló a mbó Ŋwi nkə́ mbɨ́ŋə́ ngěn a mbó Ŋwi ə.

Matyo 11:27

Ta ɨghan a ghanə ɨdzúm ɨtsum a mbó me ghe. Ka ŋwɔn tse a zhi ayi a Mɔn ntsa a Tarɨ, ŋwɔn tse a keʼ kɨ nji a Tarɨ ntsa a Mɔn abɔʼnɨ ba Mɔn a zarɨnɨ taŋ ɨ kyɛʼ a ta ɨyi a mbó bo ghe.

Yoane 17:11

Tɨtsɔŋnɨ ma yiŋə a nkwátɨ́ gho; ma mɨ kaʼ ɨghan atuəshe bə ntsi, lá bo bvurɨ ɨwu ə. Tarɨ wu Fɛmnɨ! Yemnkɨ awa ntsa a ndzum adaʼ za a tsinɨ a nye ɨkum ɨgho, ɨkum wa o ghánɨ́ a mbó me, taŋ á bo tsi ntsu mɔ́ʼɔ́ tsɛʼ adzaŋ za gho nɨ me tsinɨ ntsu mɔ́ʼɔ́ lá.

Yoane 17:12

Nkfu za ma tsínɨ́ bɨgɨ bo, ma yémnkɨ́ awa bo tsi ɨ shiʼnɨ nɨ adaʼ za a tsinɨ a nye ɨkum ɨgho, ɨkum wa o ghánɨ́ a mbó me lá. Ma yémnkɨ́ awa, kə́ tsɛʼ táʼ a keʼ byé, ntsatɨ a wa a tsínɨ́ ɨ láʼ byé — taŋ á kɔʼ mbomnkɨ bo za aŋwaʼnɨ a Ŋwi a kwɛ́nə soŋə.

Ɛfɛso 1:10

Akyaŋtɨ zen za Ŋwi a ghɨ ghɨ á ghɛn fu a ndwitə a nye nkfu za ɨ ghɨnɨ kuʼ lá, a be lá mbosɨ ɨdzúm ɨtsum tsa zɨə a káʼnɨ́ táʼ adiʼ; ɨdzúm fɔməbvurə abɔʼnɨ ɨdzúm atuəshe, á Kristo a tsi a mbyi tsɛrə ɨtsum ə.

2 Tesalonaika 1:12

A nye ndóm məwen, Maʼmbyí ɨwɨgɨnə, Yeso mɨ kwarɨ nɨfáŋ, ndo a mbó bən, á nɨ kɨ nkwarɨ a nɛrə wəmbo, ntsa a ndzum abɔŋəntəm a Ŋwi ɨwɨgɨnə bo abɔŋəntəm a Maʼmbyí Yeso Kristo ghe.

Ɛbal 1:9

O kɔŋ anu zə chinɨnɨ, mban a za a se chinə. Nə nɨ anu za a ghɨnɨ Ŋwi, zɨ Ŋwi ɨgho, a tsɔʼnə agho nkɨ nga nkɔʼsə atɨ́ za ɨ tsinɨ nɨ nɨdorɨ na nɨ ghɛnɨ nɨ mbyi ntsa nə ngaŋ aku ɨtso.”

3 Yoane 1:7

Mbɨ́ʼ ngə́ bo fúə abyɛn a mu nɨyen ɨna a faʼə a mbó Kristo tə́ mbémə́ akwatɨ zə tsɛrə za a lonɨ a mbó bɨtɨnɨŋ ntəm a nye Kristo ghe.