Filibi 2:5 - Mɨkan wu Fi

⁵ A mbɔm ɨzɨŋ be za Kristo Yeso a tsínɨ́ nɨ zɛrə ghe:

Filibi 2:5 Referans Kwoze

1 Yoane 2:6

ɨbɛn ba bɨ soŋnɨ ngə́ bo ghɔŋ a mbúm bo bɨ Ŋwi, tsi nɨ ntsi ntsi mbyi ɨza tsɛʼ adzaŋ za Kristo a tsínɨ́ ɨzhi lá.

Matyo 11:29

A nɨ kwarɨ ɨnu tsa ma diʼnə, ngyɛʼ anu a mbó me, mbɨ́ʼ ngə́ ma bɔnɨ nkaʼ nkə́ ntsɛ́gɨ́nɨ́ ntəm; nɨ mɨ tiʼ tsi nɨ ashwetɨ a ntəm ə.

1 Bita 2:21

Ŋwi a tsɔ́ʼ awən lá mbɨ́ʼ a məziŋ ə. Mbɨ́ʼ ngə́ Kristo zɨmboŋ a zé ngɨ́ʼ lá mbɨ́ʼ awən, ntiʼ nkɨ nyɛʼtɨ alisɨ a mbó bən, taŋ á nɨ ndzɔ̌ŋ ɨbuʼ mɨku ɨchi ɛ.

1 Bita 4:1

Ma lan, mbáʼ Kristo a zɛ́nɨ́ ngɨ́ʼ a nye mbəmnye ɨzhi lá, nɨ mɨ kɨ kyaŋtɨ ɨnye ɨtsən nɨ ndəŋndəŋ akwaʼtɨ za wɛrə a tsínɨ́ nɨ zɛrə; mbɨ́ʼ ngə́ ŋwɔn tsum kə a be ɨwa kə mbe ɨwa, wa a zɛ́nɨ́ ngɨ́ʼ a nye mbəmnye, a se bə mbvurɨ ntsi nɨ anu zə tsɛrə a ngɨə bo ɨbvu ə.

1 Korɨnto 10:33

A nɨ nyámə́ ngɨ̌ ɨnu tsɛʼ adzaŋ za ma ghɨnə ghe; ma zhwə́ŋtɨ́ ngɨ ɨnu ɨtsə ɨtsum a nye ndóm wa tsɨ mɨ bɔŋ a ŋwɔn tsum, nkeʼ tsɛʼ aghan bɔŋ lá ɨ bɔŋ a ŋwɔn tsum taŋ á Ŋwi a chi loŋ awa ghe.

Ɛfɛso 5:2

Akɔŋnɨ a tsi nɨ ntsɨŋnɨ ntsi mbyi ɨzən, tso mbáʼ Kristo a kɔ́ŋnɨ́ awɨgɨnə, nga ntsi mbyi ɨzhi tso mɨtsuʼnɨ mɨ atú a nkfu bɨgɨnə tso akáŋ a Ŋwi za nyúʼtɨ́nɨ́ ɨ shiʼnɨ, ngɨə ɨnye Ŋwi bɔŋənə lá.

Roma 15:5

A Ŋwi, zɨ wa a ghánə́ achigəntəm abɔʼnɨ ngwɔŋtə a kwatɨ awən a ntsi ntsu mɔ́ʼɔ́ ndzɔŋə alisɨ a Kristo Yeso ghe.

Ɨfaʼ 20:35

Ma diʼnə a mbó bən a nye mɨndóm mɨtsum ngə́ a faʼə nɨ ntəm ɨtsum a nye ndóm wen, bɨgɨnə tsi nɨ ɨ zagɨ kwatɨ a ba bɨ ghɔnə, ɨ kə́ waʼtɨnə mɨgham ma Maʼmbyí Yeso zɨmboŋ a sóŋnɨ́ ngə́, ‹Ɨfɔgə wu wi tsi ɨwu a ngá ntsa a nkwárə́ ghe.› ”

Roma 15:3

Mbɨ́ʼ ngə́ Kristo a sé ngɨə lá ɨnu tsa tsɨ kɨ́nə́ mbɔŋə atuəmbəm azhi ɛ; tso mbáʼ aŋwaʼnɨ a Ŋwi a baŋnɨ soŋ ngə́, “Ndzɔm tsa ɨbɛn zɔmnə awən ɨwu, tsɨ shiʼə atú me ghe.”

Alukasɨ 22:27

A nɨ ɨwa wa a tsanɨ a wu mɔʼɔ, a lá wa a shíʼtɨ́nə́ nchyɛ̌ ndzɨ̌ mɨdzɨ kə wa a yenə ntɛ́kɨ́ mɨdzɨ le? A se wa a shíʼtɨ́nə́ nchyɛ̌ bɨ yiŋə ntɛ́kɨ́ mɨdzɨ ɨmyi lá be le? Lá ma baŋnɨ ntsi a tɨtərɨ bən be tso wa a yenə ntɛ́kɨ́ mɨdzɨ ə.

Roma 14:15

Be a be ngə́ o ghɨ mɨma a zuʼ ndzaŋə mbɨ́ʼ azúm za o dzɨ́nə́, lá be ngə́ ka o kɔŋ agho ayi ɛ. Koʼ nyɛʼtɨ á mɨdzɨ ma o dzɨ́nə́ tsənkɨ a ŋwɔn wa Kristo a kfónɨ́ mbɨ́ʼ atú azhi ɛ!

Ɨfaʼ 10:38

Nɨ zhi anu mbɨ́ʼ a Yeso wu Nazarɛ abɔʼnɨ adzaŋ za Ŋwi a zɔ́ʼnɨ́ ayi nɨ Azhwi zə Fɛmnɨ abɔʼnɨ mɨtən lá. Wɛrə a ghɛ́n a nye ɨdiʼ ɨtsum, ngɨ̌ ɨnu tsɨ shiʼnɨ ɨwu nkə́ ntsǔʼ ɨbɛn bɨtsum ba bɨ tsínɨ́ a shwúrɨ́ adaʼ a Dəbɨrɨ, mbɨ́ʼ ngə́ Ŋwi a tsí bo zɨə.

Filibi 1:1

Aŋwaʼnɨ zen a lo a mbó me Baolo abɔʼnɨ Timotyo, ngaŋ afaʼ Kristo Yeso ghe. A ghěn a mbó bɨŋ ɨbɛn bɨ Ŋwi bɨtsum a Filibi ba bɨ tsinɨ a mbúm bo bɨ Kristo Yeso, nkwiʼtɨ bɨntsagɨnɨ bɨ ndáŋwi abɔʼnɨ ngaŋ nga akwatɨ ə: