Filibi 2:3 - Mɨkan wu Fi

³ A nɨ keʼ ghɨ anu zə tsɛrə a ntɛ́mə́ a mbyi ŋwɔn tsum taŋ á bɔŋ tsɛʼ a mbó bən kə a ndiʼ ɨnye, lá nɨ shíʼtə́ nɨ ɨnye ɨtsən a tɨshe a mbó ŋwɔn nɨ ŋwɔn, nkwáʼtə́ anu mbɨ́ʼ ɨbɛn bə mɔʼɔ a mbyi ntsa awɨŋ ə.

Filibi 2:3 Referans Kwoze

Roma 12:10

nkɔŋnɨ awən bən nɨ bən nɨ táʼ ntəm; á nɨ nkɔ́ʼsɨ́ ɨbɛn bə mɔʼɔ atɨ́ ntsa ɨtumbəm ɨtsɨŋ ə.

Galesha 5:26

Bɨgɨnə mɨ zagɨ nkeʼ ŋǔʼ ɨnye kə ɨ ghɨnə á ntɔŋ ŋwɔn nɨ ŋwɔn ndwɛ̌ kə nghɨʼnə a ŋwɔn nɨ ŋwɔn ə.

Ɛfɛso 5:21

A nɨ ndzúʼnə́ a ŋwɔn nɨ ŋwɔn mbɨ́ʼ aghuʼsɨ za nɨ tsinɨ nɨ zɛrə a mbó Kristo ghe.

Ɛfɛso 4:2

A nɨ shíʼtə́ nɨ ɨtumbəm ɨtsən a tɨshe nkfu tsum, mbɔnɨ nkɨ ntsi nɨ nchigə ghe. A nɨ ndiʼə akɔŋnɨ azən a nye adzaŋ za nɨ chigɨnɨ ntəm bən nɨ bɨŋ ə.

1 Bita 5:5

Ndəŋndəŋ, bɨŋ nkaŋ ŋwɔn mɨ zagɨ zuʼnɨnə bɨlyi ɨbɨŋ ə. Bən bɨtsum mɨ zagɨ wəgɨ ɨshíʼtə́ nɨ ɨnye a ɨshe tso ngə́ nɨ wəgɨ ɨtsɛʼ, adzaŋ za nɨ faʼnə a mbó ŋwɔn nɨ ŋwɔn; mbɨ́ʼ ngə́ aŋwaʼnɨ a Ŋwi a soŋ ngə́, “Ŋwi a furɨ ndzum ɨzhi ngǎ a mbó ɨbɛn ba bɨ ŋúʼnɨ́ ɨnye ɨtsa, lá ngǎ abɔŋəntəm a mbó ɨbɛn ba bɨ shíʼtɨ́nə́ nɨ ɨnye ɨtsa a ɨshe ə.”

Filibi 2:14

A nɨ ngɨ̌ ɨnu ɨtsum tə́ nzhwúʼnə́ kə mbítɨ́ ɨbítɨ,

Galesha 5:15

Lá be nɨ ngɨ̌ ɨnu tso ɨnyam mɨbaʼ, ndɛ́mtə́ nkə́ sɔ́btə́ a ŋwɔn nɨ ŋwɔn muŋ, be nɨ tú ɨtú ɨtsɨŋ lán muŋ, nɨ mɨ nyam tsənkɨ a ŋwɔn nɨ ŋwɔn ə.

1 Timotyo 6:4

a fugɨ nɨ ɨŋuʼ ɨnye nkeʼ anu zə tse zhyɛ. A tsi nɨ ndǒ zɨ tɨbɔŋ a ndɨʼkə, bo bɨ ndzɔŋnə mbɨ́ʼ ɨtú mɨgham ə. Məzen a yiŋənə nɨ aghɨʼnɨ, azɔŋ, ndzɔm, nkaŋə zɨ ntɔmnɨnɨ,

Alukasɨ 18:14

Yeso a sóŋ ngə́, ma sóŋə́ awɨŋ ə, ‹A nɨ nkwárɨ́ ashɛbɨ wa, nkeʼ be ŋwɔn bə Farisao wa be, mbáʼ a tɛmnɨnɨ a ɨshi ɨmɨgɨ Ŋwi a nyom wa a kwɛ́nɨ́ a ndá zɨə. Mbɨ́ʼ ngə́ ŋwɔn tsum wa a kɔ́ʼsɨ́nə́ atuəmbəm azhi, bɨ ghɨ shiʼsɨ ayi, á ŋwɔn tsum wa a shíʼsɨ́nə́ atuəmbəm azhi, bɨ ghɨ kɔ́ʼsɨ́ ayi ɛ.›”

Kolose 3:8

Lá tɨtsɔŋnɨ nɨ mɨ zagɨ nyɛʼ ɨnu mətsiŋ ɨtsum tso: alwɛntɔŋ, mɨlwi wa a faʼkɨnɨ abɔʼnɨ abɨgəntəm ə. A nɨgham nɨ ntsənkɨ ɨkum ŋwɔn wu shiʼnɨ ɨwu kə ɨtɨshwe mɨgham láʼ nkeʼ a ntsu bən fuə.

2 Korɨnto 12:20

Ma bɔ́gə́ ngə́ nyom wa ma mɨ yen a ndzé bən, nɨ mɨ tsi chwa a nye ndóm wa ma lɔnə ghe. A bagɨ bən, a ghagə tsɛrə nɨ mɨ kɨ ze aghan á ma tsi chwa ghe. Ma bɔ́gə́ ngə́, nyom wa ma yenɨ, azɔŋ, aghɨʼnɨ, alwɛntɔŋ, ɨkarɨ, nɨgham nɨ ntsənkɨ ɨkum ŋwɔn wu shiʼnɨ, fɨnkərɨ, kɨtɛrɨ abɔʼnɨ ndum mɨ tsi a tɨtərɨ bɨŋ ə.

1 Korɨnto 3:3

Mbɨ́ʼ ngə́ ɨkwaʼtɨ ɨtsɨŋ tsi lá tso tsɨ ɨbɛn bɨ atuəshe wiŋ ə. Aghɨʼnɨ abɔʼnɨ azɔŋ a tɨ bvurɨ kɔʼ a tɨtərɨ bən lá, məzen a keʼ diʼ lá ngə́ nɨ nɨ ɨbɛn bɨ atuəshe wen, nkə́ ngɨ̌ ɨnu ɨtsən ndzɔ̌ŋ mbɔm ɨbɛn bɨ atuəshe wen le?

1 Korɨnto 15:9

Mbɨ́ʼ ngə́ a tɨtərɨ ntóm Yeso ɨtsum ma lá ntsɨrɨndzum ə, ka ma kwɛ nkuʼnɨ aghan ngə́ á bɨ tɔŋ aghan nɨ ntom Yeso mbɨ́ʼ ngə́ ma kə́ ndɨgɨ ndáŋwi za a nɨ zɨ Ŋwi ə.

Roma 13:13

Bɨgɨnə tsi nɨ ɨ zagɨ ghɨnɨ ɨnu tsɛʼ adzaŋ za bɨ ghɨnɨ ɨnu, tso ɨbɛn ba bɨ tsinɨ a mu nkaʼ — nkeʼ nchyɛ̌ nɨ afágɨ́nɨ, nkeʼ nǒ mɨluʼ mbánə́, nkeʼ ntɔrɨ ɨlɛbɨ kə ngɨ̌ ɨtɨshwe ɨnu, nkeʼ ndzɔŋnə kə nghɨ́ʼnə́ ghe.

Roma 2:8

Lá a mbó ɨbɛn ba bɨ lɔnə ngə́ á bi tsɛʼ aza, nton awa a ndzúʼnɨ́ nkənu, taŋ ɨ tsi tsɛʼ a ngɨ ɨnu tsa ka tsɨ tɛmnɨ ayi; Ŋwi a ghɨ diʼ a mɨlwintɔŋ wu ntən wa a fuʼnə tso anto a nye bo ghe.

Kolose 3:12

Nɨ nɨ ɨbɛn bɨ Ŋwi ə; wɛrə a kɔ́ŋ awən, ntsɔʼ awən a nye ɨbɛn ɨbyi ɛ. Ma lan, nɨ tsi nɨ ɨ zagɨ ɨ diʼnə a mɨlɨŋnɨ, ngɨ ɨbɔŋ, ɨ shiʼtə nɨ ɨnye a ɨshe, ngɨ ɨnu nɨ mbɔnɨ abɔʼnɨ nchigə ghe.

1 Bita 3:8

A ndwɨgɨnə: bən bɨtsum mɨ zagɨ tsi nɨ táʼ mbɔm ɨ kə́ konə a mɨlɨŋnɨ a nye ŋwɔn nɨ ŋwɔn; á nɨ kɔŋnɨ ɨtumbəm ɨtsən ŋwɔn nɨ ŋwɔn, ntsi nɨ ntəm ngɨ ɨbɔŋ a nye ŋwɔn nɨ ŋwɔn, nkə́ shíʼtə́ nɨ ɨtumbəm ɨtsən a ɨshe a ɨshi ŋwɔn nɨ ŋwɔn ə.