Filibi 1:8 - Mɨkan wu Fi

⁸ Ŋwi a nɨ atɛmə-ndzě ɨghan ngə́ ma sóŋə́ lá nkənu mbáʼ be ma soŋ ngə́ akɔŋnɨ za ma tsinɨ nɨ zɛrə a nye bən bɨtsum a lǒ lá a mu ntəm Kristo Yeso zɨmboŋ ə.

Filibi 1:8 Referans Kwoze

Filibi 4:1

Ɨbɔmbɨma ɨban, ma kɔŋ awən be tɨ́sə́n nkə́ ndǒ nɨ ntəm ɨghə ɨtsum a ndzé bɨŋ ə! Nɨ ghɨə ma dorɨnə be tɨsɨŋə! Ma kə́ ŋǔʼ ɨnye ɨzan be tɨ́sə́n mbɨ́ʼ awɨŋ ə! O ɨbɔmbɨma, nə tiʼ mbe adzaŋ za nɨ tsinɨ nɨ ɨ tɛm ɨ tɨŋənə ngə́ twə́ŋ a mu ntsi mbyi ɨzən a mbúm bɨŋ bɨ Maʼmbyí ɛ.

Roma 1:9

Ŋwi a nɨ atɛmə-ndzě ɨghan ngə́ ma kwémtə́ awən nkfu tsum za ma tsaʼtɨnə a Ŋwi ə. Ŋwi, zɨ wa ma faʼnə wəmbo nɨ ntəm ɨghə ɨtsum a ntsǎ a ndzum ɨ sǒŋ Nkən wu Shiʼnɨ mbɨ́ʼ a Mɔn ɨyi lá.

2 Timotyo 1:4

Ma wáʼtɨ́ nkyi nɨzɛʼ ɨgho a nkfu wa ma kɨ́nə́ nyɛʼtə agho, nkə́ ndǒ ndzě gho tsɛʼ nɨ ntəm ɨghə ɨtsum, taŋ á nɨdorɨ lwɨgɨ ntəm ɨghə.

1 Tesalonaika 2:8

Mbɨ́ʼ akɔŋnɨ azɨgɨ a nye bən, bɨgɨ sé a njwɛ́rɨ́kə́ a ngɨə á nɨ kɨ nji Nkən wu Shiʼnɨ wa ɨ lonɨ a mbó Ŋwi lá, bɨgɨ sé nkə́ njwɛ́rɨ́kə́ a nkfó mbɨ́ʼ atú azɨŋ ə. Nɨ tsí a mu mɨntəm ɨmɨgɨ be tɨsɨŋə!

Roma 9:1

Ma sóŋə́ lá tsɛʼ nkənu tso ŋwɔn wa a tsinɨ a mbúm bo Kristo ghe, ka ma nchwě aghan lá ɨnu ə. Ntəm ɨghan wa Azhwi zə Fɛmnɨ a sáʼnə́ kɨ ndzɔŋ mbe atɛmə-ndzě ɨghan ngə́ ka ma nchwě aghan lá ɨnu

Firɨmɔn 1:12

Ma bɨŋə ntsagə ayi, zɨ wa ma kɔŋnɨ tsɛʼ nɨ ntəm ɨghə ɨtsum lá a mbó gho tɨtsɔŋnɨ ə.

Kolose 2:1

A ma soŋ awən nɨ adzaŋ za ma faʼnə nɨ adaʼ azə atsum a mbó bən, nkwiʼtɨ ɨbɛn ba bɨ tsinɨ a Laodisia nɨ ɨbɛn bə mɔʼɔ bɨtsum ba bɨ láʼnə mbvurɨ aghan me mboŋ tɨ ze.

Galesha 4:19

O ɨbɔ ɨban! Tso mabvu wa a chiʼnɨ, ma bɨŋə nkwátə́ ndzuʼ abə́ŋ a ndzáŋə́ məza mbɨ́ʼ awən ɨ kuʼ nkfu za nɨ tiʼnɨ mbe tso Kristo ghe.

Galesha 1:20

Anu za ma ŋwaʼnɨnə lá a nɨ nkənu ə. Ŋwi a zhi ngə́ ka ma nchwě aghan ɨnu ə!

2 Korɨnto 7:15

Ma lan, akɔŋnɨ azhi mbɨ́ʼ awən a kwi ɨ kwinɨ, mbáʼ a wáʼtɨ́nə́ adzaŋ za nɨ kɨ́nə́ mbɛ́bə́ a ngɨ ɨnu tsa a kɨ́nə́ ndǒ ngə́ á nɨ ghɨ, adzaŋ za nɨ kwárɨ́nɨ́ ayi nɨ nɨbɔgɨ abɔʼnɨ mbɨŋnə a ɨshi ɨmɨgɨ Ŋwi lá.

2 Korɨnto 6:12

Bɨgɨ kɔŋ awən tsɛʼ a nkə. Ka bɨgɨ tsi awɨgɨ nɨ nɨbɔgɨ nə tsɛrə a sóŋə́ ngə́ bɨgɨ kɔŋ awɨŋ ə.

Alukasɨ 1:78

Ŋwi ɨwɨgɨnə a kǒ a mɨlɨŋnɨ nkɨ ndon nɨ akɔŋnɨ ə. Wɛrə a ghɨ ghɨ ɨloŋ ɨ yen a mbó bɨgɨnə tso ɨshiʼ njwi zɨ fɛmnɨ

1 Yoane 3:17

Be ŋwɔn afuʼ zə wi a ze a mɨma ɨyi a ndǒ azúm zə tsɛrə, lá a ton ayi a nkwátɨ́ mɨma ɨyi wa, wɛrə a chi keʼ kaŋ ngə́ zɨə kɔŋ a Ŋwi ə.

Firɨmɔn 1:20

Ma lan nə mɨma ɨghan, ma buʼ mbó, ghɨ a mɨbɔŋ wen a mbó me mbɨ́ʼ atú a Maʼmbyí ɛ; tso mɨma a ndzum Kristo, ghɨ á ntəm ɨghə saŋnə!

1 Tesalonaika 2:5

Nɨ zhi ɨ shiʼnɨ ngə́ bɨgɨ sé yen a mbó bən lá nɨ mɨgham mə shiʼnɨ a ntámtɨ́ bən, kə ɨ lɔgɨ mɨgham ɨ kɨŋtɨ ɨnu amiɛnɨngám nɨ mɛrə — Ŋwi a nɨ atɛmə-ndzě ɨwɨgɨ a nye məziŋ ə!

Kolose 3:12

Nɨ nɨ ɨbɛn bɨ Ŋwi ə; wɛrə a kɔ́ŋ awən, ntsɔʼ awən a nye ɨbɛn ɨbyi ɛ. Ma lan, nɨ tsi nɨ ɨ zagɨ ɨ diʼnə a mɨlɨŋnɨ, ngɨ ɨbɔŋ, ɨ shiʼtə nɨ ɨnye a ɨshe, ngɨ ɨnu nɨ mbɔnɨ abɔʼnɨ nchigə ghe.

Filibi 2:26

Wɛrə a lǒ tsɛʼ nɨ ntəm ɨyi ɨtsum a ndzé bən bɨtsum, a kə́ nghágə́ ayi mbɨ́ʼ ngə́ nɨ zúʼ ngə́ wɛrə a ghǒn ghe.

Filibi 2:1

Ntsi mbyi ɨzən a mbúm bɨŋ bɨ Kristo ɨ ghɨə nɨ tən, akɔŋnɨ azhi a kə́ ndɛ́tə́ awɨŋ ə. Nɨ dzɨ́nə́ bɨŋ bɨ Azhwi, nkɨ ntsi nɨ ngɨ ɨbɔŋ abɔʼnɨ mɨlɨŋnɨ a nye ŋwɔn nɨ ŋwɔn ə.

2 Korɨnto 13:9

Bɨgɨ dórə́ mbáʼ be bɨgɨ ghɔgɨ lá nɨ baŋnɨ ntɨŋə. Bɨgɨ tsaʼtə a Ŋwi ngə́ nɨ ghɨ kɔ́ʼ tɛm ngə́ tsáŋ ə.

Galesha 3:26

Nɨ nɨ ɨbɔ bɨ Ŋwi bɨtsum ba bɨ tsinɨ a mbúm bo bɨ Yeso Kristo ntsa lá a ndzum abeməntəm ə.