Filibi 1:6 - Mɨkan wu Fi

⁶ Ma lan, ma zhi ɨ shiʼnɨ ngə́ Ŋwi, zɨ wa a bíʼnɨ́nɨ́ afaʼ zə shiʼnɨ zen a mu ɨnye bən, a mɨ ghěn nɨ mbyi nɨ zɛrə ɨ kɔʼ kuʼ mbáʼ a mɨ lwitɨ a Njwi za Kristo Yeso lo bə yiŋə.

Filibi 1:6 Referans Kwoze

Filibi 2:13

Mbɨ́ʼ ngə́ Ŋwi a faʼə nkfu tsum a nye bən a ngɨə ngə́ á nɨ ndǒ nkɨ chi zuʼnɨ ayi, ɨ kə́ zɔŋnə mɨndóm ɨmyi mə shiʼnɨ ə.

Ɛfɛso 4:12

Wɛrə a ghɨ́ a məzen lá taŋ ɨ kyaŋtɨ ɨbɛn bɨ Ŋwi a faʼ ɨfaʼ Kristo, taŋ ɨ kyaŋtɨ mbəmnye Kristo za ɨ kɔʼ ntɛm ə.

1 Bita 5:10

Lá mbáʼ nɨ zɛnɨ ngɨ́ʼ a nye məkum a nkfu, Ŋwi, zɨ wa a diʼnə abɔŋəntəm azhi nkfu tsum, zɨ wa a tsɔʼnɨ awən ngə́ á nɨ kɨ ntsi a mu nɨfáŋ ɨni nə nɨnkoŋ, a mbúm bɨŋ bɨ Kristo, zɨmboŋ a mɨ ghɨ á nɨ kɔʼ ntəm ngə́ tsáŋ, ɨ kɨ ghɨ á nɨ tɛm nkeʼ nchíʼnə́, ɨ tsi nɨ adaʼ, ɨ kɨ ghɨ á mɨngaŋ ɨmɨŋ shwi a ɨshe ə.

1 Korɨnto 1:8

Ŋwi a mɨ kɨ ghɨ á nɨ tɛm ntɨŋə ɨ ghɛn kuʼ a ndwɨgɨnə, taŋ á nɨ ghɨ́ nkeʼ nɨ ɨfənu tse tsi a Njwi wa Maʼmbyí Yeso Kristo a lo bə yen lá.

2 Tesalonaika 1:11

Nə nɨ anu za bɨgɨ tsaʼtɨnə a Ŋwi mbɨ́ʼ awən nkfu tsum lá. Bɨgɨ lɔ́ntə́ a mbó Ŋwi ɨwɨgɨnə ngə́ á wɛrə a ghɨ á ntsi mbyi ɨzɨŋ kɔʼ nkuʼ ndvuŋ wa a tsɔʼnɨ awən ngə́ á nɨ tsi nɨ wɛrə ghe. A Ŋwi a ghɨ, ntsa a ndzum mɨtən ɨmyi, ngə́ á ɨnu tsɨ shiʼnɨ ɨtsum tsa nɨ lɔnɨ ngɨə á tsɨ fu, ɨ kɨ ghɨ ngə́ á ɨfaʼ ɨwən a mu abeməntəm kɔʼ nduŋə.

Ɛbal 10:35

Ma lan, á nɨ keʼ nyɛʼtɨ nkotɨ mbáŋnɨ́ mbɨ́ʼ ngə́ ɨ yiŋə nɨ mɨkyaŋnɨ mə wi ə.

Yoane 6:29

Yeso a chwɨ́gɨ́ ngə́, “Anu za Ŋwi a lɔnə ngə́ á nɨ ghɨ, a nɨ ɨ nɨŋ mɨntəm ɨmən a nye me, wa zɨə tságɨ́nə́.”

Filibi 1:10

taŋ á nɨ chi tsɔʼ a za a bɔŋnɨ ntsa atsum ə. Nɨ ghɨ tíʼ tsi tɨ afənu zə tsɛrə, ɨ kɨ tsi tɨ ɨfərɨ a njwi za Kristo a lo bə yen lá.

Ɛbal 12:2

ntɛgɨ ɨmɨgɨ ɨmɨgɨnə a nye Yeso, zɨ wa a biʼnɨnə abeməntəm azɨgɨnə, nkə́ nchísə́ a zɛrə a kɔʼə ntɛ́mə́ ngə́ tsáŋ lá. Zɨ wa a chígɨ́nɨ́ ntəm bɨ kwemtɨ ayi atɨ abaŋnɨ-baŋnɨ nkɨ ngwagɨnɨ adɨrətú atsum mbɨ́ʼ nɨdorɨ na nɨ kɨ́nə́ ntsiŋə ayi, a tiʼ shiʼtɨ ntsi a bagɨ abó maʼə alaŋ a nɨfɔ a Ŋwi ə.

1 Tesalonaika 1:3

Bɨgɨ wáʼtə́ a ɨshi Ŋwi ɨwɨgɨnə, zɨ wa nɨ Tarɨ, adzaŋ za abeməntəm azən a ghɨnə nɨ faʼnə, adzaŋ za akɔŋnɨ azən a ghɨ́nɨ́ nɨ faʼnə nɨ adaʼ azɨŋ atsum, abɔʼnɨ adzaŋ za ntsiŋə nɨ ntəm tsum ɨzɨŋ ɨ tɛmnɨ ntɨŋə ngə́ twə́ŋ a nye Maʼmbyí ɨwɨgɨnə Yeso Kristo ghe.

Firɨmɔn 1:21

Ma zhi tsɛʼ ɨ shiʼnɨ ngə́ mbáʼ ma ŋwaʼnɨnə a zen lá, o mɨ ghɨ a za ma bitɨnə — tsɛʼ a nkənu, ma zhi ngə́ o mɨ ghɨ ɨ tsa lá.

Filibi 1:29

Mbɨ́ʼ ngə́ Ŋwi a ghanə abárɨ́ a mbó bən ngə́ á nɨ faʼ a mbó Kristo, nkeʼ be tsɛʼ a nɨ́ŋ ntəm wə ɨnye, lá nkɨ mbe a ndzé ngɨ́ʼ mbɨ́ʼ ayi ɛ.

2 Tesalonaika 3:4

Maʼmbyí a ghɨə bɨgɨ zɛʼtɨnə a nye bən, nkɨ nji ɨ shiʼnɨ ngə́ nɨ ghɨə, ɨ ghɨ kə́ ghěn nɨ mbyi a ngɨ tsa bɨgɨ soŋnɨ a mbó bɨŋ ə.

Kolose 2:12

Mbɨ́ʼ ngə́ a nkfu za nɨ kwárɨ́nɨ́ nkyi lá, bɨ twə́ŋ awən bɨŋ bɨ Kristo ghe. A nkwárɨ́ nkyi məwen, Ŋwi a kɨ́ nzhwémnɨ́ awən bɨŋ bɨ Kristo ntsa a ndzum abeməntəm azən a nye mɨtən mɨ Ŋwi ma mɨ faʼnə ghe. Ŋwi a zhwémnɨ́ ayi a mbó nɨvwo ə.

2 Korɨnto 7:16

Nɨdorɨ tsi a ntəm me be tɨ́sə́n, mbɨ́ʼ ngə́ ma chi zɛʼtɨ ɨnye ɨzə tsum a nye bɨŋ ə.

Ɨfaʼ 11:18

Bo ghɨnə ndzúʼ a məzen lá, nkeʼ nɨ anu zə soŋnɨ bə ntsi, ntiʼ mbontɨ a Ŋwi ɨ sóŋə́ ngə́, “Lá be ngə́ Ŋwi a kɨnə nkɨ nga abárɨ́ a mbó ba a se bə Yuda be á bo bəŋ mɨntəm ɨma a nye mɨbvu ɨma ntiʼ ntsi nɨ ntsi ntɨŋ ə!”

Ɨfaʼ 16:14

Táʼ ŋwɔn wa a zúʼnɨ́ anu azɨgɨ a bé Litia wa a lónɨ́ a Tatira, wa a kɨ́nə́ fǐŋ atsɛʼ atɨŋndvuŋ za a kɨ́nə́ mbaŋə ghe. Wɛrə a bé mangye wa a kɨ́nə́ ngúʼsə́ a Ŋwi, Maʼmbyí a ŋáʼ ntəm ɨyi ngə́ á tɛgɨ atú azhi a nye anu za Baolo a kɨ́nə́ sóŋə́ ghe.

Galesha 5:10

Lá ma bvurɨ nɨŋ ntəm ɨghan a nye bɨŋ ə. Ntsi mbyi ɨzɨgɨnə a mbúm bɨgɨnə bɨ Maʼmbyí ghɨə ma nɨŋ ntəm ɨghan a nye bən ngə́ nɨ mɨ keʼ anu zədaŋ bə nkwaʼtə. Ŋwɔn wen wa a ghánɨ́ ngɨ́ʼ nɨ bən lan, kə a be ɨwa kə mbe ɨwa muŋ, Ŋwi a mɨ nɨŋ ngɨ́ʼ wə ɨnye ə.

2 Bita 3:10

Lá Njwi Maʼmbyí ghɨ yen tso ndzɛrə ghe. A Njwi məwa, fɔməbvurə ghɨ byékɨ́ nɨ nji zɨ ntən, á bɨ tsənkɨ ɨdzúm fɔməbvurə nɨ ɨmugɨ, atuəshe bo ɨdzúm ɨtsum wə mu ghɨ byékə́.

2 Korɨnto 9:4

Lá, be ɨbɛn bə tse lo a Masedonia ngyen bɨgɨ bo ndzɛn ngə́ nɨ bvurɨ akwatɨ azən tɨ kyaŋtɨ, adɨrətú zə wi a mɨ chwa awɨgɨ, mbɨ́ʼ ngə́ bɨgɨ len mɨntəm ɨmɨgɨ a nye bən be tɨsɨŋə — azɨŋ adɨrətú a mɨ tsa mbó ə!

2 Korɨnto 2:3

Ma ŋwáʼnɨ́ adzaŋ za ma ŋwáʼnɨ́nɨ́ lá, taŋ ma ghɨ ngyen ɨbɛn ba bɨ benɨ gha nɨdorɨ a mbó me keʼ baŋnɨ nga adzə́ŋnɨ a mbó me ghe. Ka ma mə́ŋnə́ aghan ngə́ be ma tsi nɨ nɨdorɨ, muŋ bən bɨtsum mɨ kɨ tsi nɨ nɨdorɨ ə.

2 Korɨnto 1:15

Mbɨ́ʼ ngə́ ma zhí a məzen tsɛʼ ɨ shiʼnɨ, ma kə́ ndǒ ɨ fom yen a mbyɛn bən taŋ á bɨ fɔgɨ awən nkfu tsi bá ghe.

Filibi 2:12

Ma lan nə bɨson ɨban ba ma kɔŋnɨ tsɛʼ a nkan, adzaŋ za nɨ kɨ chinə ndzúʼnə́ aghan nkfu tsum mbáʼ ma tsínɨ́ bɨgɨnə lá, anu za a təntɨnɨ tɨtsɔŋnɨ a nɨ ngə́ á nɨ ndzúʼnə́ aghan ngɛn nɨ mbyi mbáʼ ma sa bɨgɨnə bə mbvurɨ ntsi lá. A nɨ ngěn nɨ mbyi ɨ faʼə nɨ nɨbɔgɨ abɔʼnɨ mbɨŋnə a ɨshi ɨmɨgɨ Ŋwi taŋ ɨ dzɨ ɨloŋ ə.

Filibi 2:16

a sóŋ nkən ntsi ntən wa a mbó bo ghe. Be nɨ ghɨ ma lan, muŋ ma ghɨ tsi nɨ anu za ma ghɨnɨ tiʼə ŋuʼənɨ ɨnye ɨzan mbɨ́ʼ awən nɨ zɛrə a Njwi wa Kristo a lo bə yen, mbɨ́ʼ ngə́ a ghɨ diʼ ngə́ adaʼ azə atsum abɔʼnɨ afaʼ azə atsum se adaŋədaŋə tsaə.