Filibi 1:5 - Mɨkan wu Fi

⁵ mbɨ́ʼ ndóm wa nɨ kwátɨ́nə́ a sóŋ nkən wu shiʼnɨ nchwuʼnɨ njwi za nɨ nɨ́ŋnɨ́ mɨntəm ɨmən a nye Kristo ɨ kɔʼ kuʼ tɨtsɔŋnɨ ə.

Filibi 1:5 Referans Kwoze

Ɛbal 3:14

Bɨgɨnə mɨ be táʼ azúm bɨgɨnə bɨ Kristo mbáʼ be bɨgɨnə chwa ɨ shiʼnɨ ɨnɨŋ ntəm za bɨgɨnə tsínɨ́ nɨ zɛrə a mbiʼnə, ɨ kɔʼ kuʼ a ndwitə ghe.

Firɨmɔn 1:17

Ma lan, be o kwaʼtɨ ngə́ ma nɨ ŋwɔn aku ɨgho, kwarɨ ayi wədiʼ tsɛʼ adzaŋ za o lonɨ be kwarɨ aghə.

Filibi 1:7

Nɨ tsi a mu ntəm me tsɛʼ nkfu tsum ə! Ma lan, a kuʼnɨ a mbó me a ndzúʼə a mu ɨnye me adzaŋ za ma zúʼnə́ lá mbɨ́ʼ awɨŋ ə. Mbɨ́ʼ ngə́ bən bɨtsum tsi nɨ ɨwɨŋ bagɨ abɔŋəntəm za Ŋwi a ghanɨ a mbó me ghe. Nɨ tsi nɨ zɛrə tɨtsɔŋnɨ wa ma tsinɨ atsáŋ lá abɔʼnɨ nkfu za ma bénɨ́ ŋwɔn nɨ atú azan a ngyemnkɨ nkən wu shiʼnɨ ɨ kɨ bi a wɛrə á ɨ təntɨ ɨ shiʼnɨ lá.

1 Yoane 1:3

Za bɨgɨ zɛnə nkɨ ndzuʼ, bɨgɨ kə́ nchwítə́ a mbó bən, taŋ á nɨ chi bumnɨ bɨgɨnə a mu ndzɨnə za bɨgɨ tsinɨ nɨ zɛrə bɨgɨ bɨ Tarɨ bo Mɔn ɨyi Yeso Kristo lá.

Ɛfɛso 3:6

Anu za bɨ lwɛ́ʼnɨ́ lá a nɨ ngə́, a ntsǎ a ndzum Nkən wu Shiʼnɨ, ɨbɛn ba bo se bə Yuda be chintɨ bə Yuda a nkwárɨ́ ɨfɔgə Ŋwi ə. Bo tiʼ mbe ɨlam ɨnye táʼ mbəmnye za, nkɨ ntiʼ ntsi a mu akaʼ za Ŋwi a káʼnɨ́, ntsa a ndzum Kristo Yeso ghe.

2 Korɨnto 8:1

Ɨbɔmbɨma ɨbɨgɨ, bɨgɨ lǒ ɨ fɨʼtə á nɨ zhi anu za abɔŋəntəm a Ŋwi a ghɨnə a mu ndáŋwi tsa tsɨ tsinɨ a Masedonia lá.

Roma 15:26

Mbɨ́ʼ ngə́ ndáŋwi tsa tsɨ tsinɨ a Mbuʼ Masedonia abɔʼnɨ Mbuʼ Akaiya bɨ ghǒtɨ akwatɨ nɨ nɨdorɨ a ngá a mbó ngaŋ afúm tsa tsɨ tsinɨ a tɨtərɨ ɨbɛn bɨ Ŋwi a Yerosalɛm ə.

1 Yoane 1:7

Lá be bɨgɨnə nchyɛ̌ a mu nkaʼ — tsɛʼ tso mbáʼ wɛrə a tsinɨ a mu nkaʼ lá — lá be ngə́ bɨgɨnə ndzɨ́nə́ bɨgɨnə bɨ ŋwɔn nɨ ŋwɔn, alɛm a Mɔn ɨyi Yeso, a sugɨnə ɨfənu ɨtsɨgɨnə ɨtsum a tɨtərɨ bɨgɨnə ghe.

2 Bita 1:1

Aŋwaʼnɨ zen a lo a mbó me Samɔn Bita, me wa ma nɨ ngaŋ afaʼ nkɨ mbe ntom Yeso zɨ Yeso Kristo — Ngěn a mbó ɨbɛn ba bɨ ghanə abeməntəm za a tsinɨ nɨ ɨlɨŋ tso azɨgɨ a mbó bo, ntsa a ndzum adzaŋ za Ŋwi ɨwɨgɨnə abɔʼnɨ Ndoŋ ɨwɨgɨnə Yeso Kristo chinɨnɨ:

Filibi 2:12

Ma lan nə bɨson ɨban ba ma kɔŋnɨ tsɛʼ a nkan, adzaŋ za nɨ kɨ chinə ndzúʼnə́ aghan nkfu tsum mbáʼ ma tsínɨ́ bɨgɨnə lá, anu za a təntɨnɨ tɨtsɔŋnɨ a nɨ ngə́ á nɨ ndzúʼnə́ aghan ngɛn nɨ mbyi mbáʼ ma sa bɨgɨnə bə mbvurɨ ntsi lá. A nɨ ngěn nɨ mbyi ɨ faʼə nɨ nɨbɔgɨ abɔʼnɨ mbɨŋnə a ɨshi ɨmɨgɨ Ŋwi taŋ ɨ dzɨ ɨloŋ ə.

1 Korɨnto 1:9

Nɨ tsi nɨ nɨŋ mɨntəm ɨmən a nye Ŋwi, zɨ wa a tsɔʼnɨ awən ngə́ á nɨ ndzɨ́nə́ bɨŋ bɨ Mɔn ɨyi Yeso Kristo, Maʼmbyí ɨwɨgɨnə ghe.

Roma 11:17

Bɨ chwántɨ́ mbó mɨ atɨ a olif za bɨ binɨ mə mɔʼɔ, ntiʼ nchwuʼsɨ abó atɨ a olif wu ɨmu mɨbaʼ ɨwu ə. Bɨŋ ba a se bə Yuda be fi abó atɨ a olif zə ɨmu mɨbaʼ za, tɨtsɔŋnɨ nɨ tiʼə nchyɛ̌ nɨ nkyi a nye mɨngaŋ mɨ atɨ a olif za bɨ bínɨ́ lá.

Ɨfaʼ 2:42

Bo tíʼ nde nkfu ɨza tsum a ngyɛ́ʼ a mbó ntóm Yeso, mbómnkə́ táʼ adiʼ, ndzɨ́ə mɨdzɨ ɨma táʼ adiʼ nkə́ ntsáʼtə́ a Ŋwi ə.

Roma 12:13

A nɨ ngyɛ́btɨ́ ɨdzúm ɨtsən bɨŋ bɨ ɨbɔmbɨma ɨbən a ndzum Kristo ba bɨ boŋnɨ, nkə́ nkwárɨ́ bɨghən nɨ njwuʼ ɨtsɨŋ ə.

Filibi 1:12

Ɨbɔmbɨma ɨban, ma lǒ ngə́ á nɨ zhi ngə́ ɨnu tsa tsɨ funə a nye me kwatɨ tsɛʼ ɨ shiʼnɨ a ntíntɨ́ nkən wu shiʼnɨ á ɨ ngěn nɨ mbyi ɛ.

Filibi 1:16

Məbiŋ faʼə lanə lá a mu akɔŋnɨ mbɨ́ʼ ngə́ bo zhi ngə́ Ŋwi a gha aghan nɨ afaʼ a ndiʼə ngə́ nkən wu shiʼnɨ nɨ anu za a kuʼnɨnɨ ə.

Filibi 1:27

Tɨtsɔŋnɨ, anu za a dɨtɨnɨ a nɨ ngə́ á ntsi mbyi ɨzɨŋ tsi ndzɔ̌ŋ adzaŋ za nkən wu shiʼnɨ wu Kristo lɔnə ghe. Adzaŋ məwen, kə ma chi yen ze awən kə ngáŋ, muŋ ma mɨ zuʼ ngə́ nɨ tɛm ntɨŋə ngə́ twə́ŋ a mu táʼ anu za nɨ lɔnə, nkɨ mbe ngə́ nɨ táʼ anu za nɨ lɔnə, nɨ tókə́ a mbúm mbɨ́ʼ abeməntəm za ɨbɛn ba bɨ nɨŋnɨ mɨntəm ɨma a nye nkən wu shiʼnɨ tsinɨ nɨ zɛrə ghe.

Filibi 2:22

Bɨŋ mboŋ nɨ zhi adzaŋ za wɛrə a diʼnə ɨlɨŋ ɨyi a mbó bən, adzaŋ za bɨgɨ zɨ, tso tarɨ bo mɔn, faʼnə a mbúm a sóŋ nkən wu shiʼnɨ ə.

Filibi 4:3

Gho, ŋwɔn aku ɨghan wa a faʼnə tsɛʼ nɨ táʼ ntəm, ma lǒ ngə́ o kwatɨ bəngye ben; mbɨ́ʼ ngə́ bo faʼnə bɨgɨ bo tsɛʼ nɨ adaʼ aza atsum a ndaʼ nkən wu shiʼnɨ ə. Bo faʼə bo bɨ Klɛmɛn abɔʼnɨ ngaŋ afaʼ tsə mɔʼɔ ɨtsum tsa bɨgɨ bo faʼnə abó mɔ́ʼɔ́, tsa mɨkum ɨma tsinɨ a mu aŋwaʼnɨ a ɨbɛn ba bɨ tsinɨ ntən lá.