Filibi 1:12 - Mɨkan wu Fi

¹² Ɨbɔmbɨma ɨban, ma lǒ ngə́ á nɨ zhi ngə́ ɨnu tsa tsɨ funə a nye me kwatɨ tsɛʼ ɨ shiʼnɨ a ntíntɨ́ nkən wu shiʼnɨ á ɨ ngěn nɨ mbyi ɛ.

Filibi 1:12 Referans Kwoze

2 Timotyo 2:9

Mbɨ́ʼ ngə́ ma sǒŋ Nkən wu Shiʼnɨ məwa, ma zě ngɨ́ʼ, bɨ kɨ nɨŋ bɨkɨbuʼ a mɨku me tso ŋwɔn wa a fasɨnɨ a nyɔngɔŋ ə. Lá ka bɨkɨbuʼ korɨ ayi nɨgham nɨ Ŋwi ə.

Roma 8:28

Bɨgɨnə zhi ngə́ anu atsum za a fúnə́ a nye bɨgɨnə, Ŋwi a kyáŋtə́ ngə́ á fu mbe zə shiʼnɨ a mbó bɨgɨnə ba bɨ kɔŋnɨ ayi, bɨgɨnə ba Ŋwi a tsɔʼnɨ taŋ ɨ ghɨ á anu za wɛrə a lɔnə á fuə.

Roma 8:37

Kə́ kə́, a nye ɨnu tsiŋ ɨtsum, bɨgɨnə tsi nɨ ayanguʼ ngɛn mɛtɨ a ntsǎ a ndzum zɨ wa a kɔ́ŋnɨ́ awɨgɨnə ghe.

Ɨfaʼ 8:4

Ɨbɛn ba bɨ nɨ́ŋnɨ́ mɨntəm ɨma a nye Ŋwi dzágɨ́nɨ́ ngɛn nɨ ɨdiʼ ɨtsum, ɨ sǒŋ nkən wa.

Alukasɨ 21:13

Nə ghɨ bé abárɨ́ azən a sóŋ Nkən wu Shiʼnɨ ə.

Filibi 1:5

mbɨ́ʼ ndóm wa nɨ kwátɨ́nə́ a sóŋ nkən wu shiʼnɨ nchwuʼnɨ njwi za nɨ nɨ́ŋnɨ́ mɨntəm ɨmən a nye Kristo ɨ kɔʼ kuʼ tɨtsɔŋnɨ ə.

Filibi 1:7

Nɨ tsi a mu ntəm me tsɛʼ nkfu tsum ə! Ma lan, a kuʼnɨ a mbó me a ndzúʼə a mu ɨnye me adzaŋ za ma zúʼnə́ lá mbɨ́ʼ awɨŋ ə. Mbɨ́ʼ ngə́ bən bɨtsum tsi nɨ ɨwɨŋ bagɨ abɔŋəntəm za Ŋwi a ghanɨ a mbó me ghe. Nɨ tsi nɨ zɛrə tɨtsɔŋnɨ wa ma tsinɨ atsáŋ lá abɔʼnɨ nkfu za ma bénɨ́ ŋwɔn nɨ atú azan a ngyemnkɨ nkən wu shiʼnɨ ɨ kɨ bi a wɛrə á ɨ təntɨ ɨ shiʼnɨ lá.

Filibi 2:22

Bɨŋ mboŋ nɨ zhi adzaŋ za wɛrə a diʼnə ɨlɨŋ ɨyi a mbó bən, adzaŋ za bɨgɨ zɨ, tso tarɨ bo mɔn, faʼnə a mbúm a sóŋ nkən wu shiʼnɨ ə.

Filibi 4:3

Gho, ŋwɔn aku ɨghan wa a faʼnə tsɛʼ nɨ táʼ ntəm, ma lǒ ngə́ o kwatɨ bəngye ben; mbɨ́ʼ ngə́ bo faʼnə bɨgɨ bo tsɛʼ nɨ adaʼ aza atsum a ndaʼ nkən wu shiʼnɨ ə. Bo faʼə bo bɨ Klɛmɛn abɔʼnɨ ngaŋ afaʼ tsə mɔʼɔ ɨtsum tsa bɨgɨ bo faʼnə abó mɔ́ʼɔ́, tsa mɨkum ɨma tsinɨ a mu aŋwaʼnɨ a ɨbɛn ba bɨ tsinɨ ntən lá.

Filibi 4:15

Bɨŋ bə Filibi zhi tsɛʼ ɨ shiʼnɨ ngə́ a nkfu za ma nyɛ́ʼtɨ́nɨ́ a Masedonia, a nye njwi tsə mbyi tsa ma bvúrɨ́nɨ́ mbíʼnɨ́ nchwítɨ́ Nkən wu Shiʼnɨ lá, a bé tsɛʼ bən ba nɨ bénɨ́ ndáŋwi za ɨ ghánɨ́ ɨdzúm tsə ghanɨ tsa tsɨ bénɨ́ nkáb a mbó me ghe.

1 Timotyo 2:8

Ma lǒ ngə́ adiʼ atsum za nɨ ghotɨnɨ ɨwu a ngúʼsɨ́ Ŋwi, á mbáŋnɨ́ tsaʼtɨ a Ŋwi ə. A mətsiŋ mbáŋnɨ́ be mbáŋnɨ́ tsa tsɨ tsɔʼnɨ ɨtumbəm ɨtsa ndɛn a mbó Ŋwi ə. A nkfu za bo biʼnɨ mbó ɨma atɨ́ a ntsaʼtɨ Ŋwi, bo mɨ zagɨ ghɨ mə lan tɨ alwɛntɔŋ kə akwənkɨ bo bɨ ɨbɛn bə mɔʼɔ ghe.

2 Timotyo 4:17

Lá Maʼmbyí a tsí bɨgɨ zɨ, nkɨ nga adaʼ a mbó me, adzaŋ məwen, ma tsí nɨ adaʼ a nchwítɨ́ nkən wu shiʼnɨ wa tsɛʼ ɨtsum á ba a se bə Yuda be bɨtsum zuʼə; ma lan, bɨ ghángə́ bɨ soŋə ngə́ ma vwo ɨsáʼ, bɨ tsi nɨ njwitɨ me, lá wɛrə a fɨ́gɨ́ aghan a mu məziŋ ə.