Filibi 1:11 - Mɨkan wu Fi

¹¹ Ntsi mbyi ɨtsɨŋ mɨ lon nɨ ngótɨ́ ngɨnɨ mɨnu mə shiʼnɨ mbáʼ mɨ lonə tsɛʼ a mbó Yeso Kristo, a ngá nɨfáŋ abɔʼnɨ mbontə a mbó Ŋwi ə.

Filibi 1:11 Referans Kwoze

Ɛbal 12:11

Tɨtsɔŋnɨ, nchisə tsum za bɨ chísɨ́nə́ awɨgɨnə nɨ zɛrə ɨ fi tso ɨ zǎŋ ɨ zaŋnɨ nkeʼ awɨgɨnə a ndɛ́tə́ ghe. A nkfu ndzum, ɨbɛn ba bɨ mərɨsɨnɨ awa nɨ nchisə məziŋ ghɨ tsí nɨ mɨkyaŋnɨ mɨ mbɔnɨ ma a nɨ nchinə a ɨshi ɨmɨgɨ Ŋwi ə.

Yoane 15:8

A nɨ a ntsǎ a ndzum mɨntam mə ghaʼnɨ ma nɨ kónɨ́nə́ mbáʼ mɨ diʼnɨ nɨfáŋ nɨ Ta ɨghan; a nye ndóm məwen nɨ tiʼ mbe bɨyɛʼ ɨbə.

Kolose 1:10

Nɨ mɨ chi tiʼə tsinə adzaŋ za Maʼmbyí a lɔnə ɨ kə́ gháʼə ghɨnɨ ɨnu tsa tsɨ ghɨnə ɨnye wɛrə bɔŋənə ghe. Ntsi mbyi ɨtsɨŋ mɨ fɨgɨ ɨbə́ŋ ngɨnɨ mɨnu mə shiʼnɨ mɨtsum ə. Nɨ mɨ kɨ kwi a mu azhyɛ a Ŋwi azɨŋ ə.

Filibi 4:17

Ka a be ayi tsɛʼ ngə́ ma lǒ nkwarɨ ɨdzúm tsə ghanɨ ə; a baŋnɨ mbe be ngə́ ma lǒ ndze ngə́ bɨ kwiʼtɨ ngɨnɨ mɨnu mə shiʼnɨ a nye ma nɨ kwɛnə ntsi nɨ mɛrə ghe.

Kolose 1:6

Nkən wu shiʼnɨ yiŋə nɨ ɨfɔgə nkə́ ndzágɨ́nə́ a mu mbyi tsum, tsɛʼ adzaŋ za ɨ dzagɨnɨnə a tɨtərɨ bən nchwuʼnɨ njwi za nɨ fómnɨ́ ndzúʼ mbɨ́ʼ abɔŋəntəm a Ŋwi, ngɨ́ nkɨ́ njí a zɛrə tsɛʼ adzaŋ za a lanɨnɨ mbe lá.

Roma 6:22

Lá tɨtsɔŋnɨ wa bɨ kyɛtɨnɨ mɨnkɨ mɨ ɨbvu a nye bən, ntiʼ mbəŋ awən a nye ɨbuʼ Ŋwi lá, abi azhi a nɨ ngə́ bɨ ghɨ nɨ fɛm, ndwitɨ ɨzhi be ntsi ntən nɨnkoŋ ə.

1 Bita 2:9

Lá nɨ nɨ ngwəgɨ ŋwɔn mɨsɔŋ za bɨ tsɔ́ʼnɨ́, bɨntumshe bə ɨfɔ, alaʼ zə fɛmnɨ, ɨbɛn bɨ Ŋwi ba bɨ tsɔʼnɨ a nchwítɨ́ nkən mbɨ́ʼ ngɨnɨ mɨnu mə shiʼnɨ be tɨ́sə́n mə Ŋwi, zɨ wa a lɔ́gɨ́nɨ́ awən a mu ndzumnɨ ɨ fu ngyen nɨ bən a mu nkaʼ ɨyi wa ɨ nɨ wu shiʼnɨ be tɨ́sə́n lá.

2 Tesalonaika 1:12

A nye ndóm məwen, Maʼmbyí ɨwɨgɨnə, Yeso mɨ kwarɨ nɨfáŋ, ndo a mbó bən, á nɨ kɨ nkwarɨ a nɛrə wəmbo, ntsa a ndzum abɔŋəntəm a Ŋwi ɨwɨgɨnə bo abɔŋəntəm a Maʼmbyí Yeso Kristo ghe.

Ɛfɛso 5:9

mbɨ́ʼ ngə́ za ŋwɔn wa a tsinɨ a mu nkaʼ a tsínə́ nɨ zɛrə nɨ abə́ŋ a ɨbɔŋ atsum, ɨnu tsɨ chinɨnɨ abɔʼnɨ nkənu ə.

Ɛfɛso 1:14

Azhwi zə Fɛmnɨ məzen a tiʼ ntsi lá tso mɨntɨ ma bɨ bɛʼnɨ mɨ diʼnə ngə́ bɨgɨnə ghɨ tsí nɨ za Ŋwi a káʼnɨ́ awɨgɨnə nɨ zɛrə, ɨ kɔʼ kuʼ njwi za bɨgɨnə ghɨnɨ tsí nɨ zɛrə ghe. A bɨgɨnə bontɨ a Ŋwi ə!

1 Korɨnto 10:31

Ma lan, kə o dzɨ mɨdzɨ kə ɨ no mɨluʼ, ghɨ anu atsum a ngá nɨfáŋ a mbó Ŋwi ə.

Matyo 5:16

Ndəŋndəŋ, nkaʼ ɨgho tsi nɨ ɨ zagɨ baŋ a ɨshi ɨbɛn, taŋ á bɨ ndzě ɨfaʼ ɨtso tsə shiʼnɨ, ntíʼə mbóntə́ a Ta ɨgho wa a tsinɨ a fɔməbvurə ghe.”

1 Bita 4:14

Nɨdorɨ tsi a mbó bən mbáʼ be bɨ ndzɔ́mə́ awən mbɨ́ʼ ngə́ nɨ nɨ ɨbɛn ba bɨ zɔŋnə a Kristo ghe; məzen a diʼ lá ngə́ Azhwi a nɨfáŋ za, mbe Azhwi a Ŋwi a tsi a nye bɨŋ ə.

1 Bita 2:12

Mbɔm ɨzən a tɨtərɨ ba a se bə Yuda be tsi nɨ mbɔŋə be tɨ́sə́n a nye ndóm wa a nkfu za bɨ kaŋnɨ awən ngə́ nɨ nɨ ngaŋ ngɨ ɨnu tsɨ tɔmnɨnɨ, bɨ mɨ ze ngɨnɨ mɨnu ɨmən mə shiʼnɨ, ma lan, ɨ bontɨ a Ŋwi a Njwi wa wɛrə a lo bə yen lá.

1 Bita 2:5

Yenə tso ngɔʼ tsa tsɨ ghánɨ́ ntsi ntən, ɨ nyɛʼtɨ ɨtumbəm ɨtsən á bɨ lɔgɨ a tsɛrə ngvwu nɨshwim nɨ azhwi na ɨwu, mbe adiʼ za nɨ mɨ faʼnə ɨwu tso bɨntumshe bə fɛmnɨ a ngá mɨtsuʼnɨ mɨ atú mɨ azhwi ma bɨ bemnɨ a mbó Ŋwi ntsa a ndzum Yeso Kristo ghe.

Ɛfɛso 2:10

Mbɨ́ʼ ngə́ bɨgɨnə nɨ abó afaʼ azhi mbáʼ wɛrə a káʼnɨ́ ntsa a ndzum Kristo Yeso ngə́ á bɨgɨnə ngɨə tsɛʼ ɨnu tsɨ shiʼnɨ tsa Ŋwi a kwɛ́nə nkyaŋtɨ ngə́ á bɨgɨnə ngɨə tsɛʼ a tsɛrə lá.

Ɛfɛso 1:12

Bɨgɨnə ba bɨ tsánɨ́ mbyi ntsi nɨ ntsiŋə nɨ ntəm tsum a nye Kristo, bɨ tiʼ ntsɔʼ awɨgɨnə ngə́ á ntsi mbyi ɨzɨgɨnə ɨ tsi a mbontɨ nɨfáŋ ɨni ɛ.

2 Korɨnto 9:10

Ŋwi, zɨ wa a ghánɨ́ ngwəgɨ ɨdzúm abɔʼnɨ mɨdzɨ mə dzɨnɨ, a mɨ kɨ gha ngwəgɨ ɨdzúm tsa nɨ lɔnə, ɨ kɨ ghɨ á tsɨ tom nkwi nga nɨfuʼ nə wi, ndo a mu adzaŋ za nɨ ghánə́ tə́ ndə́ŋtə́ ghe.

Yoane 15:16

Nɨ sé aghan zarɨ; ma zárɨ́ awən nkɨ ntsɔ́ʼ awən ngə́ á nɨ ghɛn nkónɨ́ mɨntam mə ghaʼnɨ, ɨbə́ŋ mɨntam ma mɨ ghɔ́ŋnə́ nɨnkoŋ ə. Ma lan, Tarɨ a mɨ gha azúm atsum za nɨ bitɨnɨ wəmbo nɨ ɨkum ɨghə.

Yoane 15:2

Wɛrə a bɛ́ʼtɨ́ abó atɨ atsum za ka a nkónə́ ayi mɨntam nkə́ nyɛ́tɨ́ abó atsum za a kónɨ́nɨ́ mɨntam, taŋ á atɨ za a fɛm nkɨ nkonɨ mɨntam mə ghaʼnə.

Roma 15:28

Ma ghɨ mɛtɨ afaʼ məzen nkɨ nɨŋ nkáb məzen a mu mbó bo, ma mɨ tsa zhwiʼnɨ bɨgɨnə, ɨ bɔŋ tiʼ ghɛn a nɨghán a Sɨben ə.

Tɨ́tósɨ 3:14

Ɨbɛn ɨbɨgɨnə tsi nɨ ɨ zagɨ yɛʼ a ngɨ ɨbɔŋ, taŋ ɨ chi ghanə akwatɨ za bɨ fárɨ́sɨ́nə́ ndǒ, ɨ kɨ tsi nɨ ntsi mbyi za ɨ tsinɨ nɨ ɨlɨŋ ə.