Filibi 1:10 - Mɨkan wu Fi

¹⁰ taŋ á nɨ chi tsɔʼ a za a bɔŋnɨ ntsa atsum ə. Nɨ ghɨ tíʼ tsi tɨ afənu zə tsɛrə, ɨ kɨ tsi tɨ ɨfərɨ a njwi za Kristo a lo bə yen lá.

Filibi 1:10 Referans Kwoze

Roma 12:2

Njimbɨʼ nɨ zɔŋnɨ ngɨnɨ mɨnu mɨ ɨbɛn bɨ atuəshe wiŋ ə, lá nɨ nyɛʼtɨ á Ŋwi a bənkɨ mɨntəm ɨmən taŋ á nɨ kwebtɨ mbɔm ɨtsɨŋ ə. Adzaŋ məwen, nɨ mɨ tiʼ zhi anu za Ŋwi a lɔnə — anu za a bɔŋnɨ, nkɔʼ ntɛm ngə́ tsáŋ nkə́ ngɨə ɨnye Ŋwi bɔŋənə ghe.

1 Tesalonaika 3:13

A nye ndóm məwen, wɛrə a mɨ tiʼ shintɨ mɨntəm ɨmən, a nkfu wa Maʼmbyí ɨwɨgɨnə Yeso a yenɨ bo bɨ ɨbɛn bɨtsum ba bo nɨ ɨbyi, á nɨ tiʼ nkɨ nkɔʼ ntɛm ngə́ tsáŋ nkɨ fɛm a ɨshi ɨmɨgɨ Ŋwi ɨwɨgɨnə, zɨ wa nɨ Tarɨ lá.

1 Tesalonaika 5:23

A Ŋwi, zɨ wa a ghánɨ́ mbɔnɨ a mbó bɨgɨnə a ghɨ awən á nɨ fɛm a mu azhwi, gharɨ abɔʼnɨ mbəmnye a nye mɨndóm mɨtsum nkɨ ntsi tɨ ɨfərɨ a nkfu za Maʼmbyí Yeso Kristo ɨwɨgɨnə a ghɨnɨ yen lá.

Roma 2:18

o zhi ɨnu tsa Ŋwi a lɔnə ngə́ o ngɨə, o kɨnə nkɨ ngyɛʼ a mbó Nyɔngɔŋ, nji ntsɔ́ʼ za a kuʼnɨnɨ;

Ɛfɛso 5:10

A nɨ zagɨ ndzɛn ngə́ nɨ yɛʼ ɨnu tsa tsɨ ghɨnə Maʼmbyí a dorɨtɨnə ghe.

1 Yoane 4:1

O bɨson ɨban, á nɨ keʼ nɨŋ mɨntəm ɨmən a nye ɨbɛn bɨtsum ba bɨ kaŋnə ngə́ bo tsi nɨ Azhwi za, lá á nɨ zhwəŋtɨ awa a ndzé ngə́ a lə azhwi za bo tsinɨ nɨ zɛrə a lo a mbó Ŋwi kə ngáŋ ə. Mbɨ́ʼ ngə́ ntóm Ŋwi ɨchwenu ghɛnə nɨ ɨdiʼ ɨtsum ə.

Filibi 1:6

Ma lan, ma zhi ɨ shiʼnɨ ngə́ Ŋwi, zɨ wa a bíʼnɨ́nɨ́ afaʼ zə shiʼnɨ zen a mu ɨnye bən, a mɨ ghěn nɨ mbyi nɨ zɛrə ɨ kɔʼ kuʼ mbáʼ a mɨ lwitɨ a Njwi za Kristo Yeso lo bə yiŋə.

1 Tesalonaika 5:21

A nɨ njwə́ŋtɨ́ ɨnu ɨtsum; ndě a za a bɔŋnɨ

1 Korɨnto 1:8

Ŋwi a mɨ kɨ ghɨ á nɨ tɛm ntɨŋə ɨ ghɛn kuʼ a ndwɨgɨnə, taŋ á nɨ ghɨ́ nkeʼ nɨ ɨfənu tse tsi a Njwi wa Maʼmbyí Yeso Kristo a lo bə yen lá.

Nkyɛʼə 2:2

Ma zhi anu za nɨ ghɨnə ghe; ma zhi adzaŋ za nɨ faʼnə nɨ adaʼ azən atsum abɔʼnɨ nchigə za nɨ tsinə nɨ zɛrə ghe. Ma zhi ngə́ nɨ chi keʼ bemtɨ bɨntɔmnɨnɨ ə. Ma kɨ nji ngə́ nɨ zhwəŋtɨnə ɨbɛn ba bɨ soŋnɨ ngə́ bo nɨ ntóm Yeso tɨ be tsɛrə lá, ntiʼ nji ngə́ bo nɨ ngaŋ ɨchwenu ə.

Ɛfɛso 5:27

taŋ ɨ tsɔʼ ndáŋwi tɛgɨ a mbó atuəmbəm azhi a mu nɨbɔŋ ɨni nɨtsum ə. A ndáŋwi məzen ɨ fɛm nkɨ ntsi tɨ ɨfərɨ tse, tɨ adiʼ zə tse za a nyaʼnɨnɨ kə ɨŋabɨrɨ kə nkeʼ kɨ nkɔʼ ntɛm ngə́ tsáŋ ə.

Yoane 1:47

Mbáʼ Yeso a zɛ́nɨ́ Nataniɛ a yiŋənə a mbó zɨ lá, wɛrə a ghám mbɨ́ʼ ayi ngə́, “Nə nɨ ngótɨ́ ŋwɔn bə Izrai a wɛnə ghe; ɨbankɨ ɨnu se wə ɨnye chyɛ!”

Matyo 16:23

Lá Yeso a bə́ŋ ayi ɨ soŋ a mbó Bita ngə́, “Bɨŋ agho a ndzum me ghe, a Satan! O kɨ̌ŋ ndómnji ɨghə, mbɨ́ʼ ngə́ ɨnu tsa o kwaʼtɨnə se a mbó Ŋwi lo, tsɨ lo be a mbó ɨkwaʼtɨ ŋwɔn mɨsɔŋ a ntsu ə.”

2 Korɨnto 1:12

Bɨgɨ tɛrə mbɨ́ʼ ngə́ mɨntəm ɨmɨgɨ sóŋə́ a mbó bɨgɨ ngə́ ntsi ɨzɨgɨ atuəshe wen, tɨ́sə́n tɨ́sə́n nchwuʼnɨ ɨzɨgɨnə a tsɨŋnɨ nɨfɛm na Ŋwi a ghánə́ abɔʼnɨ nkənu za Ŋwi a ghánə́, ka a ntsɨŋnə ayi zóŋ ŋwɔn mɨsɔŋ a ntsu ntsɨŋnə a zɛrə ghe, a nɨ be ntsɨŋnə za ɨ lonə a mbó abɔŋəntəm a Ŋwi ə.

Roma 12:9

A akɔŋnɨ a lo a mu ntəm ə. A nɨ bə̂ ngɨ ɨnu tsɨ tɔmnɨnɨ, ngɔŋ bɨŋ mbɔm zɨ shiʼnɨ ə;

Roma 8:7

Ma lan, ɨbɛn ba bɨ tɛ́gɨ́nɨ́ ɨtú ɨtsa a nye ɨdzúm ɨnyam ɨnye, bɨ bán a Ŋwi ə; bo chi keʼ zuʼnɨ anu za nyɔngɔŋ Ŋwi a sóŋnə́ ghe, tsɛʼ a nkənu a chi keʼ adzaŋ məwa fuə;

Matyo 26:33

Bita a ghám, ɨ soŋ a mbó Yeso ngə́, “Be bɨtsum kwɛ nkɨəkɨ nyɛʼ agho, muŋ ma láʼ kaʼ agho nyɛʼtə!”

Filibi 1:16

Məbiŋ faʼə lanə lá a mu akɔŋnɨ mbɨ́ʼ ngə́ bo zhi ngə́ Ŋwi a gha aghan nɨ afaʼ a ndiʼə ngə́ nkən wu shiʼnɨ nɨ anu za a kuʼnɨnɨ ə.

Ɛfɛso 6:24

A abɔŋəntəm a Ŋwi a tsi a mbó ba bɨ kɔŋnɨ a Maʼmbyí Yeso Kristo ɨwɨgɨnə nɨ akɔŋnɨ za a láʼ keʼ miə.

Ɛfɛso 4:15

A baŋnɨ mbe be nɨ ɨsoŋ nkənu a mu azhwi akɔŋnɨ, mbáʼ bɨgɨnə mɨ zagɨ kwi a nye mɨndóm mɨtsum ɨ kɔʼ kuʼ a nye ɨfɨʼ Kristo, zɨ wa a nɨ atú lá.

Galesha 5:11

Lá a mbó me nə ɨbɔmbɨma ɨban, be ma mbvúrə́ ngěn nɨ mbyi ɨ sóŋə́ ngə́ bɨ tsi nɨ ntsəŋ alagɨ, bɨ bɨŋə nkwiʼə ndɨ́gə́ aghan lá ngə́ ke le? A be be ngə́ məzen a lá nkənu muŋ anu za ma sóŋnə́ mbɨ́ʼ adzaŋ za Kristo a kfónɨ́ atɨ abaŋnɨ-baŋnɨ se mbɨŋə ngǎ ngɨ́ʼ zɨ tsɛrə ghe.

2 Korɨnto 8:8

Ka ma soŋə aghə a məzen lá tso ntɨgə zɨ tse ghe. Lá a ndiʼə adzaŋ za ɨbɛn bə mɔʼɔ bɛ́bɨ́nə́ a ngá akwatɨ, ma zhwə́ŋtə́ lá a ntsɔ́ʼnɨ́ aku ɨ zhi ɨfɨʼ za akɔŋnɨ azən a nɨ ngótɨ́ zɛrə ghe.

2 Korɨnto 6:3

Ka bɨgɨ ntásə́ awɨgɨ ndómnji ŋwɔn tse, taŋ á ŋwɔn tse a keʼ tsənkɨ ɨfaʼ ɨwɨgɨ ə.

2 Korɨnto 2:17

Mbɨ́ʼ ngə́ ka bɨgɨ be awɨgɨ lá tso bə mɔʼɔ bə ghaʼnɨ, ba bɨ lɔgɨnə anu a Ŋwi ntáŋə́ a mɨtan ɨwu; lá mbɨ́ʼ ngə́ Ŋwi a tsagɨ awɨgɨ, bɨgɨ ghǎm nkənu nɨ mɨntəm ɨmɨgɨ mɨtsum wə ɨshi, tso ngaŋ afaʼ Kristo ghe.

1 Korɨnto 10:32

A ntsi mbyi ɨzo ɨ tsi a nye ndóm wa ka ɨ ngǎ ayi ngɨ́ʼ a mbó bə Yuda kə ba a se bə Yuda be kə a mbó ndáŋwi za a nɨ zɨ Ŋwi ə.

1 Korɨnto 8:13

Lá be ngə́, be mɨdzɨ ma bɨ ghanɨ a mbó mɔn abe ghɨ ngə́ á mɨma ɨghan a ndzum Kristo a ghɨ ɨbvu, ma láʼ kaʼ ɨnyam kfurɨ taŋ ɨ kaʼ ghɨ á mɨma ɨghan a ndzum Kristo a ghɨ ɨbvu ə.

Roma 16:17

Ma nyíʼtə́ awɨŋ ə, ɨbɔmbɨma ɨban ngə́ á nɨ keʼ nɨ anu zə tse tsi bɨŋ bɨ ɨbɛn ba bɨ bvugɨnɨ ndum nkə́ ngyíŋə́ nɨ ngɨ́ʼ a nye abeməntəm azən nkə́ ngɨə nɨ furɨnɨ ndzum ɨtsən a mbó ɨnu tsa bɨ diʼnə awən nɨ tsɛrə lá. A nɨ baʼtɨ awa a nye mɨndóm mɨtsum ə.

Roma 7:22

A mu ɨsɔŋ me, ma tsi nɨ nɨdorɨ mbɨ́ʼ a nyɔngɔŋ Ŋwi ə.

Roma 7:16

Tɨtsɔŋnɨ, be ma ngɨ̌ ɨnu tsa ma sa kɔŋ, a be ngə́ ma bem ngə́ nyɔngɔŋ a kuʼnə.

Ɨfaʼ 24:16

Ma lan, ma lə̌tú azan ngə́ ntəm ɨghə lán a ɨshi Ŋwi nkwiʼtɨ a ŋwɔn mɨsɔŋ a ntsu ə.

Yoane 3:20

Ŋwɔn tsum wa a ghɨnɨ ɨnu tsɨ tɔmnɨnɨ a bə̂ nkaʼ, ɨ keʼ kɨ ngyen a mu nkaʼ, mbɨ́ʼ ngə́ ka bo ndǒ awa ngə́ á ɨnu tsɨ tɔmnɨnɨ nɔŋ asaŋəsaŋ ə.

Filibi 2:16

a sóŋ nkən ntsi ntən wa a mbó bo ghe. Be nɨ ghɨ ma lan, muŋ ma ghɨ tsi nɨ anu za ma ghɨnɨ tiʼə ŋuʼənɨ ɨnye ɨzan mbɨ́ʼ awən nɨ zɛrə a Njwi wa Kristo a lo bə yen, mbɨ́ʼ ngə́ a ghɨ diʼ ngə́ adaʼ azə atsum abɔʼnɨ afaʼ azə atsum se adaŋədaŋə tsaə.