Filibi 1:1 - Mɨkan wu Fi

¹ Aŋwaʼnɨ zen a lo a mbó me Baolo abɔʼnɨ Timotyo, ngaŋ afaʼ Kristo Yeso ghe. A ghěn a mbó bɨŋ ɨbɛn bɨ Ŋwi bɨtsum a Filibi ba bɨ tsinɨ a mbúm bo bɨ Kristo Yeso, nkwiʼtɨ bɨntsagɨnɨ bɨ ndáŋwi abɔʼnɨ ngaŋ nga akwatɨ ə:

Filibi 1:1 Referans Kwoze

2 Korɨnto 1:1

Aŋwaʼnɨ zen a lo a mbó Baolo wa a benɨ ntom Yeso zɨ Kristo Yeso ndzɔ̌ŋ adzaŋ za Ŋwi a lɔnə ghe. Ma ŋwaʼnə a zɛrə lá ntsi bɨgɨ Timotyo mɨma ɨwɨgɨnə ghe. A ghěn a mbó ndáŋwi za ɨ tsinɨ a Korɨnto, abɔʼnɨ ɨbɛn bɨ Ŋwi bɨtsum a mu Mbuʼ Akaiya tsum ə.

Roma 1:1

Aŋwaʼnɨ zen a lo a mbó me, Baolo ŋwɔn afaʼ Kristo Yeso ghe. Ma nɨ ntom Yeso za Ŋwi a tsɔʼnɨ ntyigɨ a sóŋ Nkən wu Shiʼnɨ ə.

Tɨ́tósɨ 1:1

Aŋwaʼnɨ zen a lo a mbó me Baolo wa ma benɨ ngaŋ afaʼ Ŋwi, nkɨ mbe ntom Yeso zɨ Yeso Kristo lá. Bɨ tsɔ́ʼ aghan ntsagɨ ngə́ á ma kwatɨ ntintɨ abeməntəm a ɨbɛn bɨ Ŋwi ba bɨ tsɔ́ʼnɨ́, á ngěn nɨ mbyi, ɨ kɨ tsagɨnɨ awa á bo ghɛn nkon a mu nkənu za ndóm wa bɨgɨnə zhinɨ a Ŋwi ɨ diʼnə,

1 Timotyo 3:8

Ɨbɛn ba bɨ kwátɨ́nə́ a ndáŋwi tsi nɨ ɨ zagɨ tsi nɨ mbɔm zɨ shiʼnɨ, ɨ kə́ soŋnɨ nkənu; ka bo tsi awa nɨ ɨ no mɨluʼ tɨ́sə́n kə ɨ be bɨ amiɛnɨngám a nye ɨnu nkáb;

2 Tesalonaika 1:1

Aŋwaʼnɨ zen a ŋwaʼnɨ me Baolo, nkwiʼtɨ a Sailasɨ nɨ Timotyo ghe. A ghěn a mbó ndáŋwi za ɨ tsinɨ a Tesalonaika, bo ba bo tsinɨ a mbó Ŋwingɔŋ Ta ɨwɨgɨnə bo Maʼmbyí Yeso Kristo lá.

1 Tesalonaika 1:1

Aŋwaʼnɨ zen a lo a mbó me Baolo ghe. Ma ŋwaʼnə a zɛrə lá ntsi bɨgɨ Sailasɨ abɔʼnɨ Timotyo ghe. A ghěn a mbó bɨŋ ndáŋwi za ɨ tsinɨ a Tesalonaika, bən ba nɨ tsinɨ a mbó Ŋwingɔŋ Tarɨ nkɨ ntsi a mbó Maʼmbyí Yeso Kristo lá: A abɔŋəntəm a Ŋwi abɔʼnɨ mbɔnɨ tsi a mbó bɨŋ ə.

Ɛfɛso 1:1

Aŋwaʼnɨ zen a lo a mbó me, Baolo wa ma benɨ ntom Yeso zɨ Kristo Yeso adzaŋ za Ŋwi a lɔnə ghe. Ma ŋwaʼnə a zɛrə a mbó bɨŋ ɨbɛn bɨ Ŋwi a Ɛfɛso ba bɨ faʼnɨ ɨfaʼ ɨwa a mbó Kristo Yeso nɨ táʼ ntəm lá.

Roma 1:7

Ma tiʼə ŋwaʼnə a mbó bən bɨtsum alaʼ Roma ghe. Ŋwi a kɔŋ awən nkɨ ntsɔʼ awən ngə́ á nɨ be ɨbɛn ɨbyi: A Ŋwi, zɨ wa a nɨ Ta ɨwɨgɨnə abɔʼnɨ Maʼmbyí Yeso Kristo gha abɔŋəntəm abɔʼnɨ mbɔnɨ a mbó bɨŋ ə.

2 Bita 1:1

Aŋwaʼnɨ zen a lo a mbó me Samɔn Bita, me wa ma nɨ ngaŋ afaʼ nkɨ mbe ntom Yeso zɨ Yeso Kristo — Ngěn a mbó ɨbɛn ba bɨ ghanə abeməntəm za a tsinɨ nɨ ɨlɨŋ tso azɨgɨ a mbó bo, ntsa a ndzum adzaŋ za Ŋwi ɨwɨgɨnə abɔʼnɨ Ndoŋ ɨwɨgɨnə Yeso Kristo chinɨnɨ:

Jemsɨ 1:1

Aŋwaʼnɨ zen a lo a mbó me Jemsɨ wa ma benɨ ngaŋ afaʼ Ŋwi bo zɨ Maʼmbyí Yeso Kristo ghe: Ma tsagə atɔ́ŋtɨ a mbó ɨbɛn bɨ Ŋwi bɨtsum ba bɨ dzagɨnɨnɨ a mu mbyi tsum ə.

1 Timotyo 1:2

A ghěn a mbó gho Timotyo, nkasɨ mɔn ɨghan wu mbáŋnɨ́ a mu abeməntəm ə: A Ŋwi, zɨ wa nɨ Tarɨ bo Kristo Yeso Maʼmbyí ɨwɨgɨnə gha agho nɨ abɔŋəntəm, akômɨlɨŋnɨ abɔʼnɨ mbɔnɨ ə.

Ɨfaʼ 20:28

Ma lan, á nɨ lə atú nɨ ɨtumbəm ɨtsən nkɨ ndə atú a nye ɨbɛn ba bɨ nɨŋnɨ mɨntəm ɨma a nye Kristo ba Azhwi zə Fɛmnɨ a ghanɨ ngə́ á nɨ ndə̌tú nɨ bɛrə lá. A nɨ be bɨntsiŋ mɨnyam a nye ndáŋwi za a nɨ zɨ Ŋwi, za wɛrə a ghɨ́nɨ́ a nye ɨzhi ntsa a ndzum alɛm a Mɔn ɨyi lá.

Nkyɛʼə 1:1

Aŋwaʼnɨ zen a lá aŋwaʼnɨ za bɨ ŋwaʼnɨnɨ ɨnu tsa Yeso Kristo a Kyɛ́ʼnɨ́ wə mu ə. Ŋwi a ghá nkyɛʼə məzen wəmbo lá taŋ ɨ kyɛʼ a mbó ɨbɛn ba bɨ zɔŋnə ayi ɨnu tsa tsɨ mɨ zagɨ fu mbáʼ abaŋ a se bə satə. Kristo a fɨ́ʼtɨ́ ɨnu mətsen a mbó ngaŋ afaʼ ɨzhi Yoane ntsa lá a ndzum ntsagɨ ntsendá ɨzhi a mbó zɨ,

Judɨ 1:1

Aŋwaʼnɨ zen a lo a mbó me Judɨ, ngaŋ afaʼ Yeso Kristo, wa a kɨnɨ nkɨ mbe mɨma Jemsɨ ə. A ghěn a mbó ba Ŋwi a tsɔʼnə awa, bo ba bɨ tsínə́ a mu akɔŋnɨ a Ŋwingɔŋ Tarɨ, bɨ kə ndě awa a mbó Yeso Kristo:

1 Bita 2:25

Nɨ bé lá tso mbyindzɨ tsa tsɨ fánɨ́ ndómnji ɨwa, lá bɨ bənə ndɔgɨ awən ngyen nɨ bən ngə́ á nɨ ndzɔ́ŋə́ a Ntsiŋ mɨnyam, nkɨ mbe ŋwɔn wa a kɨnkɨnɨ bɨgharɨ ɨbən lá.

Tɨ́tósɨ 1:7

Mbɨ́ʼ ngə́, mbáʼ atú a ndáŋwi tso məza a lánə́ atú a nye afaʼ a Ŋwi lá, a tsi nɨ nchyɛ tɨ ɨfərɨ ə. A tsi nɨ ɨ zagɨ tsi tɨ atságɨ́ kə ɨ keʼ a ngwáŋnə́ ndwi ntɔŋ, kə ɨ be abarə mɨluʼ kə ɨ be ŋwɔn wa a bvugɨnɨ ndum kə amiɛnɨngám a nye ɨnu nkáb ə.

Ɛbal 13:23

A nɨ zhi ngə́ Timotyo mɨma ɨwɨgɨnə a funə atsáŋ ə. Be a waŋnɨ ngyen, bɨgɨ zɨ yen ndzɛn awɨŋ ə.

2 Tesalonaika 1:10

a nkfu za a yenɨ a Njwi wa a nkwárɨ́ nɨfáŋ a mbó ɨbɛn ɨbyi bɨtsum abɔʼnɨ nkɔʼsə atɨ́ a mbó ɨbɛn bɨtsum ba bɨ nɨŋnɨ mɨntəm ɨma a nye Ŋwi ə. Nɨ ghɨ kɨ tsi a ngɔ́n bɨŋ bo, mbɨ́ʼ ngə́ nɨ kɨ nɨŋnə mɨntəm ɨmən a nye nkən wa bɨgɨ sóŋnɨ́ a mbó bən lá.

1 Tesalonaika 2:2

Nɨ zhi adzaŋ za bɨ kwɛ́nə ndiʼ ngɨ́ʼ a mbó bɨgɨ nkɨ ndzɔm awɨgɨ a Filibi bɔŋ á bɨgɨ ntiʼə ngyiŋə a mbó bən a Tesalonaika ghe. Bɨ báʼtɨ́ nkwənkɨ awɨgɨ ɨ kwənkɨnɨ lá, Ŋwi ɨwɨgɨnə a ghɨ́ bɨgɨ kotɨ mbáŋnɨ́ ɨtsɨgɨ a sóŋə́ a mbó bən Nkən wu Shiʼnɨ wa ɨ lonə a mbó zɨ lá.

Ɛfɛso 1:15

Mbɨ́ʼ a məzen, mbáʼ ma zuʼnə mbɨ́ʼ abeməntəm azən a nye Maʼmbyí Yeso abɔʼnɨ akɔŋnɨ za nɨ tsinɨ nɨ zɛrə a nye ɨbɛn bɨ Ŋwi bɨtsum lá,

1 Korɨnto 16:10

Be Timotyo a yen a mbó bən, á nɨ zɛn ngə́ a tsi ɨ shiʼnɨ a tɨtərɨ bən, mbɨ́ʼ ngə́ wɛrə a faʼə a mbó Maʼmbyí tsɛʼ adzaŋ za ma faʼnə ghe.

Nkyɛʼə 19:10

Ma vwó a mɨku zɨ a ngúʼsɨ́ zɨ, lá a sóŋ a mbó me ngə́, “Koʼ məla ghɨə! Ma kɨ mbe ngaŋ afaʼ tso gho nkwiʼtɨ ɨbɛn ba bɨ nɨŋnɨ mɨntəm ɨma a nye Ŋwi, ɨbɛn bɨtsum ba bɨ chwanɨ nkənu za Yeso a kyɛ́ʼnə́. Ghuʼsɨ be a Ŋwi ə!” Mbɨ́ʼ ngə́ nkənu za Yeso a kyɛ́ʼnɨ́ bǐtɨ̌ ɨbɛn a nchwítɨ́ nkən Ŋwi ə.

Ɨfaʼ 9:13

Anania a chwɨ́gɨ́ ngə́, “Maʼmbyí, ɨbɛn bə ghaʼnɨ ghamnə a mbó me mbɨ́ʼ a ŋwɔn wen abɔʼnɨ ɨnu tsɨ tɔmnɨnɨ tsa a ghɨnə a nye ɨbɛn ɨbo a Yerosalɛm ə.

Yoane 12:26

Ŋwɔn tsum wa a faʼnə a mbó me a tsi nɨ ɨ zagɨ zɔŋ aghan, taŋ á ŋwɔn afaʼ ɨghan a tsi bɨgɨ zɨ adiʼ wa ma tsinɨ ɨwu ə. Ta ɨghan a mɨ kɔʼsɨ a ŋwɔn tsum wa a faʼnə a mbó me atɨ́ ə.”

Marɨkusɨ 13:34

A ghɨ bé lá tso ngə́ ŋwɔn a nyɛʼtɨ njwuʼ ɨzhi ngɛn a nɨghan ə. A tɨnə tɨ fuə lá, ɨ nyɛʼtɨ ɨnu ɨtsum a mbó ngaŋ afaʼ ɨchi, ŋwɔn tsum a tsi nɨ azhi atú afaʼ, a tiʼ nkɨ soŋ a mbó ntsiŋ ntsundá ngə́ á nkyérə tsɛʼ kyerɨnə.

Nkyɛʼə 22:9

Lá wɛrə a sóŋ a mbó me ngə́, “Koʼ mə lá ghɨə! Bɔgə bɨtsum tɨ nɨ ngaŋ afaʼ nkwiʼtɨ ɨbɔmbɨma ɨbo ntóm Ŋwi abɔʼnɨ ɨbɛn bɨtsum ba bɨ zúʼnɨ́nɨ́ mɨgham men a mu aŋwaʼnɨ ziŋ ə. Ghuʼsɨ be a Ŋwi ə!”

Nkyɛʼə 2:12

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Bɛgamum ngə́: Nə nɨ nkən wa ɨ lonɨ a mbó zɨ wa a tsinɨ nɨ lumban ndzum ɨtsum wu ntsɛgɨnɨ ə.

Nkyɛʼə 2:8

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Smaina ngə́: Nə nɨ nkən wa ɨ lonɨ a mbó zɨ wa a nɨ ntsambyi ŋwɔn nkɨ mbe ntsɨrɨndzum ŋwɔn, zɨ wa a kfónɨ́ mbə́ mbən ntsi ntən wədiʼ lá.

Nkyɛʼə 1:20

Anu a nkubə za mɨndzɔŋ men mi samba ma o zɛ́nə́ a mu abó azan zə maʼə abɔʼnɨ ɨtɛkɨ nkaʼ tsen tsi samba tsa bɨ nyɛtɨnɨ nɨ ŋwaʼŋwaʼ a diʼnɨ, a nɨ ngə́: mɨndzɔŋ men mi samba be lá ɨtsendá ndáŋwi tsa tsi samba, ɨtɛkɨ nkaʼ tsen tsi samba be ndáŋwi tsa tsi samba ghe.”

Ɨfaʼ 1:20

Bita a ghɛ́n nɨ mbyi ɨ soŋ ngə́, “Bɨ ŋwaʼnɨ a mu aŋwaʼnɨ a bɨsalmsɨ ngə́: ‹A ndá ɨzhi tɛm zɨ ndzobɨnɨ, á ŋwɔn tse a keʼ wə mu chyɛ.› Bɨ kɨ ŋwaʼnɨ ngə́: ‹A ŋwɔn adaŋ a lɔgɨ adiʼ afaʼ azhi ɛ.›

Galesha 1:10

Məzen a diʼ lá tsɛʼ tso ngə́ ma lɔ́btə́ ngə́ á ŋwɔn mɨsɔŋ a ntsu a bemtɨ aghan le? Kə́ kə́! Anu za ma lɔnə a nɨ ngə́ á Ŋwi a bemtɨ aghə. Ma lɔ́btə́ lá ngə́ á ɨbɛn zhinɨ aghan le? A be be ngə́ ma bvurə ndɔ́btə́ lá ngɨə mə lan, muŋ ma sa be ngaŋ afaʼ Kristo ghe.

Galesha 3:26

Nɨ nɨ ɨbɔ bɨ Ŋwi bɨtsum ba bɨ tsinɨ a mbúm bo bɨ Yeso Kristo ntsa lá a ndzum abeməntəm ə.

Galesha 3:28

Adzaŋ məwen, ka líʼ a tsi ayi ɨwu a tɨtərɨ bə Yuda bo bɨ ba a se bə Yuda be, a tɨtərɨ ɨbuʼ bo bɨ ɨbɛn ba a se ɨbuʼ be, a tɨtərɨ mbáŋnɨ́ bo bɨ bəngye; bən bɨtsum nɨ táʼ azúm mbɨ́ʼ ngə́ nɨ tsi a mbúm bɨŋ bɨ Yeso Kristo ghe.

Ɛfɛso 6:24

A abɔŋəntəm a Ŋwi a tsi a mbó ba bɨ kɔŋnɨ a Maʼmbyí Yeso Kristo ɨwɨgɨnə nɨ akɔŋnɨ za a láʼ keʼ miə.

Filibi 2:5

A mbɔm ɨzɨŋ be za Kristo Yeso a tsínɨ́ nɨ zɛrə ghe:

Filibi 2:19

Be a be adzaŋ za Maʼmbyí a lɔnə, ma tsiŋə nɨ ntəm ɨghə ɨtsum ngə́ aghagɨ a mɨ keʼ bə sagɨ mbáʼ ma mɨ tsagɨ a Timotyo a mbó bən, taŋ wɛrə a bə́ mbən ngyen nkwatɨ aghan, nkən mbɨ́ʼ awɨŋ chi wɔŋtɨ aghə.

Filibi 3:3

A nɨ bɨgɨnə, nkeʼ bo be ba bɨ kwarɨnə ngótɨ́ ntsəŋ alagɨ, mbɨ́ʼ ngə́ bɨgɨnə ghúʼsə́ a Ŋwi ntsǎ lá a ndzum Azhwi azhi nkə́ ndórɨ́kə́ a mu ntsi mbyi ɨzɨgɨnə a mbúm bɨgɨnə bɨ Kristo Yeso ghe. Ka bɨgɨnə nɨŋ awɨgɨnə mɨntəm ɨmɨgɨnə a nye ɨnu tsa bɨgɨnə ghɨnə a nye mbəmnye ɨtsɨgɨnə ghe.

Filibi 3:8

Ka a be ayi tsɛʼ ɨdzúm mətsa; ma tiʼə nkwǎʼ azúm atsum tso byé wa a ghɛnɨ ndwitɨ mbɨ́ʼ atú anu za a tsinɨ nɨ ɨlɨŋ ngɛn nɨ mbyi, mbe lá azhyɛ a Kristo Yeso Maʼmbyí ɨghə. Mbɨ́ʼ atú azhi ma nyɛʼnə azúm atsum; ma tiʼə ndə́ŋtə́ a tsɛrə ɨtsum tso ntsaʼ, taŋ á abi azə a be ngə́ ma tiʼ ŋwɔn Kristo

Filibi 3:12

Ka ma nkaŋə aghan lá ngə́ ma byinə ngɨ atsum za ma tsínɨ́ nɨ ngɨə kə ngə́ ma byinə nkɔʼ ntɛm ngə́ tsáŋ ə. Ma nyuʼnə tsɛʼ nkfu tsum a nchyɛ́ nɨ mɨkyaŋnɨ ma ə. Kristo Yeso a dzɨ́ aghan mbyigɨ a bagɨ zɨ lá taŋ á ma tsi nɨ mɨkyaŋnɨ məmiŋ ə.

Firɨmɔn 1:1

Aŋwaʼnɨ zen a lo a mbó me, Baolo wa ma benɨ ngaŋ atsáŋ mbɨ́ʼ atú a Kristo Yeso ghe. Ma ŋwaʼnə a zɛrə lá ntsi bɨgɨ Timotyo mɨma ɨwɨgɨnə ghe. A ghěn a mbó gho Firɨmɔn, mbɔŋ ɨson ɨwɨgɨnə wa bɨgɨ bo faʼnə abó mɔ́ʼɔ́,