Ɛfɛso 6:6 - Mɨkan wu Fi

⁶ A nɨ keʼ ngɨə a məzen tsɛʼ mbáʼ bo tɛmnɨ ɨwu ndzě awən mbɨ́ʼ ngə́ nɨ lǒ ngə́ á bo bemtɨ awən; lá á nɨ ngɨ̌ ɨnu ɨtsum tsa Ŋwi a lɔnə nɨ táʼ ntəm, tso ɨbuʼ Kristo ghe.

Ɛfɛso 6:6 Referans Kwoze

1 Tesalonaika 2:4

Lá, bɨgɨ baŋnə ngámə́ tsɛʼ adzaŋ za Ŋwi a lɔnə, mbɨ́ʼ ngə́ a ləŋtɨnə awɨgɨ bɨgɨ kuʼnɨ á bɨ nɨŋ Nkən wu Shiʼnɨ a mu mbó bɨgɨ ə. Ka bɨgɨ ndɔ́btə́ awɨgɨ lá a ngɨə á ɨnye ɨbɛn mbɔ́ŋə́, bɨgɨ lɔ́btə́ be ngɨə á mbɔ́ŋə́ a mbó Ŋwi, zɨ wa a zhwə́ŋtɨ́nɨ́ ɨkwaʼtɨ ɨtsɨgɨ lá.

Galesha 1:10

Məzen a diʼ lá tsɛʼ tso ngə́ ma lɔ́btə́ ngə́ á ŋwɔn mɨsɔŋ a ntsu a bemtɨ aghan le? Kə́ kə́! Anu za ma lɔnə a nɨ ngə́ á Ŋwi a bemtɨ aghə. Ma lɔ́btə́ lá ngə́ á ɨbɛn zhinɨ aghan le? A be be ngə́ ma bvurə ndɔ́btə́ lá ngɨə mə lan, muŋ ma sa be ngaŋ afaʼ Kristo ghe.

Ɛfɛso 5:17

Ma lan, á nɨ keʼ ɨbərɨ be, nɨ baŋnɨ njwəŋtɨ a ntsɔ́ʼ aku a njí anu za Maʼmbyí a lɔnə ngə́ á nɨ ngɨə ghe.

1 Bita 4:2

Ma lan, ɨ lɔgɨnɨ tɨtsɔŋnɨ ɨ ghenə nɨ mbyi, nɨ mɨ zagɨ tsinɨ abvuʼ a ntsi mbyi azən atuəshe wen a nye ndóm wa Ŋwi a lɔnə, nkeʼ be be a nye wa mbəmnye lɔnə ghe.

Filibi 2:12

Ma lan nə bɨson ɨban ba ma kɔŋnɨ tsɛʼ a nkan, adzaŋ za nɨ kɨ chinə ndzúʼnə́ aghan nkfu tsum mbáʼ ma tsínɨ́ bɨgɨnə lá, anu za a təntɨnɨ tɨtsɔŋnɨ a nɨ ngə́ á nɨ ndzúʼnə́ aghan ngɛn nɨ mbyi mbáʼ ma sa bɨgɨnə bə mbvurɨ ntsi lá. A nɨ ngěn nɨ mbyi ɨ faʼə nɨ nɨbɔgɨ abɔʼnɨ mbɨŋnə a ɨshi ɨmɨgɨ Ŋwi taŋ ɨ dzɨ ɨloŋ ə.

Matyo 12:50

Ŋwɔn tsum wa a ghɨnə anu za Ta ɨghan a fɔməbvurə a lɔnə ngə́ á ghɨ, a nɨ mɨma ɨghan wu mbáŋnɨ́ kə mɨma ɨghan wu mangye kə nɨmi ɨghə.”

Ɛbal 13:21

á Ŋwi a gha awən nɨ azúm atsum zə shiʼnɨ za a kuʼnɨnɨ a ngɨ za wɛrə a lɔnə ghe. A wɛrə, a ntsǎ a ndzum Yeso Kristo a ghɨ a nye bɨgɨnə a za a bɔŋnə ayi; á nɨfáŋ tsi a mbó Kristo nɨnkoŋ ə. A be lá.

Ɛbal 10:36

Nɨ tsi nɨ nchyɛ nɨ achigəntəm taŋ ɨ chi ghɨ anu za Ŋwi a lɔnə, ɨ tiʼ kwarɨ a za wɛrə a káʼnɨ́ awən ɨwu ə.

Kolose 1:9

Mbɨ́ʼ a məzen, bɨgɨ tsaʼtə a Ŋwi nkfu tsum mbɨ́ʼ awən nchwuʼnɨ mbáʼ bɨgɨ zúʼnɨ́ a məzen mbɨ́ʼ awɨŋ ə. Bɨgɨ lɔ́ntə́ a mbó Ŋwi ngə́ á wɛrə a lwɨgɨ awən nɨ azhyɛ ɨnu tsa zɨə lɔnə, ndwɨgɨ awən nɨ zóŋ nkɨ ndwɨgɨ awən nɨ ndzuʼ kɨ zhi za Azhwi zə Fɛmnɨ a ghánə́ ghe.

Matyo 7:21

“Ka ŋwɔn tsum wa a tɔ́ŋnə́ aghan ngə́ ‹Maʼmbyí, Maʼmbyí› a ghɨ kón a mu Nɨfɔ nɨ fɔməbvurə ghe, a ghɨ kón tsɛʼ ɨbɛn ba bɨ ghɨnə anu za Ta ɨghan a fɔməbvurə a lɔnə ghe.

1 Yoane 2:17

Atuəshe abɔʼnɨ azúm atsum za a tsinɨ ɨwu za ɨbɛn lɔnə a tsǎ ngěn ghe; lá ɨbɛn ba bɨ ghɨnɨ anu za Ŋwi a lɔnə chyɛ̌ nɨnkoŋ ə.

Roma 6:17

Lá mɨya a mbó Ŋwi, ngə́ a yén mbe a nkfu tse lá nɨ be ɨbuʼ tsə ngɨ ɨbvu, lá tɨtsɔŋnɨ nɨ zuʼnɨnə nɨ mɨntəm ɨmən mɨtsum nkənu tsum za ɨ tsinɨ a mu anu za bɨ diʼnə awən ɨwu lá.

Kolose 4:12

Ebafrasɨ a kə́ ntɔ́ŋtə́ awɨŋ ə. Wɛrə nɨ táʼ ŋwɔn a mu ngǒtə ɨzən nkɨ mbe ngaŋ afaʼ Kristo Yeso ghe. Wɛrə a tsaʼtə a Ŋwi tsɛʼ nɨ ntəm ɨyi ɨtsum nkfu tsum mbɨ́ʼ awən, ndɔ́ntə́ a mbó Ŋwi ngə́ á wɛrə a ghɨ á nɨ tɛm ntɨŋə ngə́ twə́ŋ, nkwi, nkeʼ nɨ aməŋnɨ zə tsɛrə nyam ntsi mbɨ́ʼ ɨnɨŋ mɨntəm ɨzɨgɨnə a nye Kristo, nkɨ ntsi a mu ndzuʼnə a nɨ́lónɨ́ anu za Ŋwi a lɔnə ghe.

1 Bita 2:15

Ŋwi a lǒ ngə́ á nɨ chwubtɨ mɨntsu mɨ ɨdzɨŋtɨ ɨbɛn ba bɨ ghamnɨ ɨnu tsa bo se zhi, a ntsǎ a ndzum ɨnu tsɨ shiʼnɨ tsa nɨ ghɨnə ghe.

1 Tesalonaika 4:3

Ŋwi a lǒ ngə́ á nɨ fɛm nkeʼ kɨ mbyi nyám ntsi nɨ anu zə tse a ngɨə nɨ ɨnu ntɔrɨ ɨlɛbɨ ə.

Marɨkusɨ 3:35

Ŋwɔn tsum wa a ghɨnə anu za Ŋwi a lɔnə, a nɨ mɨma ɨghan wu mbáŋnɨ́, wu mangye abɔʼnɨ nɨmi ɨghə.”

1 Korɨnto 7:22

Mbɨ́ʼ ngə́ abuʼ za Maʼmbyí a tsɔʼnɨ, Maʼmbyí a kyɛtɨnə mɨnkɨ mɨ abuʼ ɨmyi, ntiʼ ndɔgɨ ayi ɛ; ndəŋndəŋ ŋwɔn tsum wa a se abuʼ be, wa Maʼmbyí a tsɔʼnɨ ayi, a tiʼ abuʼ a mbó Maʼmbyí ɛ.