Ɛfɛso 6:5 - Mɨkan wu Fi

⁵ Ɨbuʼ, á nɨ ndzúʼnɨ́ bɨtabuʼ ɨbən ba a nɨ bə atuəshe wen lá nɨ nɨbɔgɨ abɔʼnɨ mbɨŋnə, ɨ faʼə nɨ táʼ ntəm tso ngə́ nɨ faʼə be a mbó Kristo ghe.

Ɛfɛso 6:5 Referans Kwoze

Ɛfɛso 5:22

Mangye zuʼnɨ a ndóm ɨgho, tso ngə́ o ghɨə mə lan lá a mbó Maʼmbyí ɛ.

1 Bita 3:2

mbɨ́ʼ ngə́ bo mɨ ze adzaŋ za mbɔm ɨzɨŋ ɨ lánɨ́ nkɨ ntsi nɨ nkɔʼsə atɨ́ ə.

Firɨmɔn 1:16

Tɨtsɔŋnɨ ka a bvurɨ mbe ayi lá tsɛʼ abuʼ, a lanɨ ntsa abuʼ be tɨ́sə́n: a nɨ mbɔŋ mɨma a ndzum Kristo ghe. Wɛrə nɨ təkɔʼ bɨ anu a mbó me ghe! Wɛrə mɨ kɨ be təkɔʼ bɨ anu a mbó gho ɨ bə tsa adzaŋ za a benɨ a mbó me, tso abuʼ abɔʼnɨ mɨma a ndzum Maʼmbyí ɛ!

Filibi 2:12

Ma lan nə bɨson ɨban ba ma kɔŋnɨ tsɛʼ a nkan, adzaŋ za nɨ kɨ chinə ndzúʼnə́ aghan nkfu tsum mbáʼ ma tsínɨ́ bɨgɨnə lá, anu za a təntɨnɨ tɨtsɔŋnɨ a nɨ ngə́ á nɨ ndzúʼnə́ aghan ngɛn nɨ mbyi mbáʼ ma sa bɨgɨnə bə mbvurɨ ntsi lá. A nɨ ngěn nɨ mbyi ɨ faʼə nɨ nɨbɔgɨ abɔʼnɨ mbɨŋnə a ɨshi ɨmɨgɨ Ŋwi taŋ ɨ dzɨ ɨloŋ ə.

2 Korɨnto 1:12

Bɨgɨ tɛrə mbɨ́ʼ ngə́ mɨntəm ɨmɨgɨ sóŋə́ a mbó bɨgɨ ngə́ ntsi ɨzɨgɨ atuəshe wen, tɨ́sə́n tɨ́sə́n nchwuʼnɨ ɨzɨgɨnə a tsɨŋnɨ nɨfɛm na Ŋwi a ghánə́ abɔʼnɨ nkənu za Ŋwi a ghánə́, ka a ntsɨŋnə ayi zóŋ ŋwɔn mɨsɔŋ a ntsu ntsɨŋnə a zɛrə ghe, a nɨ be ntsɨŋnə za ɨ lonə a mbó abɔŋəntəm a Ŋwi ə.

1 Korɨnto 7:22

Mbɨ́ʼ ngə́ abuʼ za Maʼmbyí a tsɔʼnɨ, Maʼmbyí a kyɛtɨnə mɨnkɨ mɨ abuʼ ɨmyi, ntiʼ ndɔgɨ ayi ɛ; ndəŋndəŋ ŋwɔn tsum wa a se abuʼ be, wa Maʼmbyí a tsɔʼnɨ ayi, a tiʼ abuʼ a mbó Maʼmbyí ɛ.

Matyo 8:9

Me mboŋ, ma kɨ mbe ŋwɔn wa ma tsinɨ nɨ ɨtú tsa tsɨ sáʼnə́ aghan nkɨ ntsi nɨ bɨgwe ba ma sáʼnə́ awa ghe. Ma soŋ a mbó gwe wa wu tse ngə́, ‹Ghen!› a ghen; ma soŋ a mbó wu mɔʼɔ ngə́, ‹Yiŋə!› a yiŋə; ma soŋ a mbó abuʼ azan ngə́, ‹Ghɨ lə!› a kɨ ngɨ tsɛʼ mə lá.”

Matyo 6:24

“Ka ŋwɔn tse a chi faʼ ayi a mbó bɨta bɨ afaʼ bi bɨbá ghe; a mɨ ban a táʼ, ɨ baŋnɨ kɔŋ a wu mɔʼɔ kə a shíʼtɨ́nə a ɨshe a ɨshi táʼ, ɨ baŋnə tságɨ́nə a wu mɔʼɔ ghe. O chi koʼ faʼə a mbó Ŋwi nkɨ mbe abuʼ a mbó afuʼ ə.

Ɛfɛso 6:24

A abɔŋəntəm a Ŋwi a tsi a mbó ba bɨ kɔŋnɨ a Maʼmbyí Yeso Kristo ɨwɨgɨnə nɨ akɔŋnɨ za a láʼ keʼ miə.

2 Korɨnto 7:15

Ma lan, akɔŋnɨ azhi mbɨ́ʼ awən a kwi ɨ kwinɨ, mbáʼ a wáʼtɨ́nə́ adzaŋ za nɨ kɨ́nə́ mbɛ́bə́ a ngɨ ɨnu tsa a kɨ́nə́ ndǒ ngə́ á nɨ ghɨ, adzaŋ za nɨ kwárɨ́nɨ́ ayi nɨ nɨbɔgɨ abɔʼnɨ mbɨŋnə a ɨshi ɨmɨgɨ Ŋwi lá.

1 Korɨnto 2:3

Ma lan, mbáʼ ma yénɨ́ nkwátɨ́ awən lá, ɨnye ɨzə kə́ mbɔ́rɨ́kə́ nkə́ mbɨ́ŋnə́ nɨ nɨbɔgɨ nə wi,

Ɨfaʼ 2:46

Nɨ njwi nɨ njwi bo kə́ ngótə́ a mu Ndáŋwi zɨ Ngwi ə. Bo kə́ ndzɨ́ə táʼ adiʼ nɨ njwuʼ ɨtsa a mu nɨdorɨ abɔʼnɨ ɨshiʼtə nɨ ɨnye a ɨshe,

Matyo 6:22

“Ɨmɨgɨ lá nkaʼ mbəmnye ɨzo ghe. Ma lan, be ɨmɨgɨ ɨmo tsi ɨ shiʼnɨ, mbəmnye ɨzo tsum mɨ tsi nɨ nkaʼ ə;

Roma 9:3

A be nu nɨ nkfu ɨzan muŋ ma nyɛʼtɨ ngə́ á Ŋwi a lɔʼ aghan nkɨ sobɨ aku a nɨyen azan a ndzum Kristo mbɨ́ʼ atú a ɨbɛn ɨban məben ba a nɨ ngaŋ atsé ɨtsan lá.