Ɛfɛso 6:21 - Mɨkan wu Fi

²¹ Taichikusɨ, mbɔŋ mɨma ɨwɨgɨnə wa a faʼnə a mbó Maʼmbyí nɨ ntəm ɨyi ɨtsum a mɨ soŋ ɨnu ɨtsum mbɨ́ʼ aghan taŋ á nɨ zhi adzaŋ za ma benə.

Ɛfɛso 6:21 Referans Kwoze

Ɨfaʼ 20:4

Wɛrə a ghɛ́n bo Sobeta wa a lónɨ́ a Bəria mbe mɔn Bairusɨ wu mbáŋnɨ́; nkwiʼtɨ Aristakusɨ bo Sekundusɨ ba bɨ lónɨ́ a Tesalonaika; abɔʼnɨ Gayosɨ wa a lónɨ́ a Dərɨbe; nɨ Taichikusɨ bo Trɔfimɔsɨ ba bɨ lónɨ́ a mbuʼ Esha; nkɨ ndzɔŋ nkwiʼtɨ a Timotyo ghe.

2 Timotyo 4:12

Ma tsagɨ a Taichikusɨ a Ɛfɛso ghe.

Tɨ́tósɨ 3:12

Be ma tsagɨ Atɛmasɨ kə a Taichikusɨ a mbó gho, ghɨ atsum a mu adaʼ azo ɨ yen kwatɨ aghan a Naikobolisɨ, mbɨ́ʼ ngə́ ma tsɔʼnə a mu ntəm me a nchyɛ́ ɨwu a nye nkfu ɨfɛgɨ wu tən za.

2 Bita 3:15

A nɨ ze nchigə Maʼmbyí tso abárɨ́ za wɛrə a ghánə́ a mbó bən, á bɨ loŋ awən, tsɛʼ tso mbáʼ mbɔŋ mɨma ɨwɨgɨnə Baolo a ŋwáʼnɨ́nɨ́ a mbó bən, ɨ faʼə nɨ zóŋ wa Ŋwi a ghánɨ́ a mbó zɨ lá.

1 Bita 5:12

Ma ŋwaʼnɨ a məkum aŋwaʼnɨ wen lá nɨ akwatɨ za a lonɨ a mbó Sɨrɨbano, zɨ wa ma lɔgɨnɨ tso mɨma wa a zɔŋnə Kristo bɨgɨ zɨ tsɛʼ nɨ táʼ ntəm lá. Ma lǒ ngwɔŋtɨ bən, nkə́ sóŋə́ a za ma zhinɨ ngə́ məzen a nɨ abɔŋəntəm a Ŋwi tsɛʼ a nkənu ə. A nɨ tɛm ntɨŋə ngə́ twə́ŋ wə mu ə.

Firɨmɔn 1:16

Tɨtsɔŋnɨ ka a bvurɨ mbe ayi lá tsɛʼ abuʼ, a lanɨ ntsa abuʼ be tɨ́sə́n: a nɨ mbɔŋ mɨma a ndzum Kristo ghe. Wɛrə nɨ təkɔʼ bɨ anu a mbó me ghe! Wɛrə mɨ kɨ be təkɔʼ bɨ anu a mbó gho ɨ bə tsa adzaŋ za a benɨ a mbó me, tso abuʼ abɔʼnɨ mɨma a ndzum Maʼmbyí ɛ!

1 Timotyo 4:6

Be o gha ntɨgə tsen a mbó ɨbɛn ba bɨ nɨŋnɨ mɨntəm ɨma a nye Ŋwi, o mɨ be ngaŋ afaʼ Kristo Yeso zɨ shiʼnɨ, adzaŋ za o dzɨ́gɨ́nə́ azhwi azo nɨ mɨgham ma mɨ ghɨnə abeməntəm a tən abɔʼnɨ ɨnu nkənu tsa bɨ diʼnə agho ɨwu, o kə́ ndzɔŋə a tsɛrə lá.

Kolose 1:7

Nɨ zúʼ mbɨ́ʼ abɔŋəntəm a Ŋwi lá a mbó Ebafrasɨ, ngaŋ afaʼ za bɨgɨ bo faʼnə za bɨgɨ kɔŋnɨ lá. Wɛrə nɨ ngaŋ afaʼ Kristo za ɨ faʼnə tsɛʼ nɨ táʼ ntəm za ɨ faʼnə a nkfu bɨgɨ ə.

1 Korɨnto 4:17

Ma lan, ma tságɨ́ a Timotyo a mbó bən, zɨ wa a nɨ mbɔŋ mɔn ɨghan wa a faʼnə nɨ táʼ ntəm a nye ntsi mbyi ɨzhi a mbúm bo Maʼmbyí ɛ. A mɨ waʼtɨ awən mbɨ́ʼ ngɨnɨ mɨnu ɨman a mbúm bɨgɨ Kristo Yeso nkɨ mbe tsɛrə tsa ma diʼnə a ndáŋwi tsum ɨdiʼ ɨtsum tsa ma ghɛnə ɨwu ə.

Filibi 1:12

Ɨbɔmbɨma ɨban, ma lǒ ngə́ á nɨ zhi ngə́ ɨnu tsa tsɨ funə a nye me kwatɨ tsɛʼ ɨ shiʼnɨ a ntíntɨ́ nkən wu shiʼnɨ á ɨ ngěn nɨ mbyi ɛ.