Ɛfɛso 6:19 - Mɨkan wu Fi

¹⁹ A nɨ kə́ ntsáʼtə́ a Ŋwi mbɨ́ʼ aghan, taŋ á Ŋwi a gha nkən a mbó me a nkfu za ma tsinɨ nɨ ngamə, taŋ á ma tiʼ soŋ a wɛrə tɨ nɨbɔgɨ, ɨ kɨ kyɛʼ anu za a tsinɨ a nkubə a mu nkən wu shiʼnɨ ə.

Ɛfɛso 6:19 Referans Kwoze

Kolose 4:3

A nɨ kə́ ntsáʼtə́ a Ŋwi mbɨ́ʼ awɨgɨ, taŋ á Ŋwi a gha abárɨ́ a mbó bɨgɨ a sóŋ nkən ɨyi mbáʼ ɨ ghamnə lá mbɨ́ʼ anu a nkubə zə Kristo ghe. Mbɨ́ʼ ngə́ a nɨ mbɨ́ʼ a zɛrə mbáʼ ma tsinɨ atsáŋ tɨtsɔŋnɨ ə.

Ɨfaʼ 4:29

Tɨtsɔŋnɨ nə Maʼmbyí, ze adzaŋ za bo kyésɨ́nə́ awɨgɨ, Maʼmbyí tiʼ ngɨ awɨgɨ ngaŋ afaʼ ɨtso ngə́ á bɨgɨ soŋ nkən ɨgho nɨ mɨntəm mə fankɨnɨ ə.

2 Tesalonaika 3:1

A ndwɨgɨnə nə ɨbɔmbɨma ɨbɨgɨ, á nɨ ntsáʼtə́ a Ŋwi mbɨ́ʼ awɨgɨ, ngə́ á nkən Maʼmbyí ngěn nɨ mbyi, ngwáŋnə́ ndzagɨnə, á bɨ kɨ nkwarɨ a wɛrə nɨ nkɔʼsə atɨ́, tsɛʼ adzaŋ za a bénɨ́ a tɨtərɨ bən lá.

1 Tesalonaika 5:25

Ɨbɔmbɨma, á nɨ ntsáʼtə́ a Ŋwi mbɨ́ʼ awɨgɨ ə.

Ɛbal 13:18

A nɨ ntsaʼtə a Ŋwi atú bɨgɨ, mbɨ́ʼ ngə́ bɨgɨ zhi ɨ shiʼnɨ ngə́ ka mɨntəm ɨmɨgɨ sáʼə ayi awɨgɨ, mbɨ́ʼ ngə́ nkfu tsum bɨgɨ lǒ ngɨ ɨnu tsa tsɨ kuʼnɨnɨ ə.

Ɨfaʼ 4:31

Bo ghɨnə mɛ́tɨ́ a ntsaʼtɨ Ŋwi, adiʼ za bo tsínɨ́ ɨwu lá a nɛmə. Azhwi zə Fɛmnɨ a lwɨ́gɨ́ awa bɨtsum, bo tiʼ mbiʼnɨ nchwítɨ́ nkən Ŋwi nɨ mɨntəm mə fankɨnɨ ə.

1 Tesalonaika 2:2

Nɨ zhi adzaŋ za bɨ kwɛ́nə ndiʼ ngɨ́ʼ a mbó bɨgɨ nkɨ ndzɔm awɨgɨ a Filibi bɔŋ á bɨgɨ ntiʼə ngyiŋə a mbó bən a Tesalonaika ghe. Bɨ báʼtɨ́ nkwənkɨ awɨgɨ ɨ kwənkɨnɨ lá, Ŋwi ɨwɨgɨnə a ghɨ́ bɨgɨ kotɨ mbáŋnɨ́ ɨtsɨgɨ a sóŋə́ a mbó bən Nkən wu Shiʼnɨ wa ɨ lonə a mbó zɨ lá.

2 Korɨnto 8:7

Lá nɨ lon nkɔʼ ndzabtɨ a nye anu atsum: a mu abeməntəm, nɨgham, azhyɛ, a nye mbɛbə za nɨ bɛ́bɨ́nə́ a ngá akwatɨ abɔʼnɨ akɔŋnɨ azən a mbó bɨgɨ ə. Ma lan, bɨgɨ kə́ ntíʼə ndǒ ngə́ á nɨ kɨ ndon nkɔʼ ndzabtɨ a mu afaʼ a ngá tə́ ndə́ŋtə́ məziŋ ə.

Ɛfɛso 1:9

Ŋwi a ghɨ́ a za wɛrə a kyáŋtɨ́nɨ́, nkɨ nkyɛʼ a mbó bɨgɨnə akyaŋtɨ azhi zə nkubə za wɛrə a kwɛ́nə ntsɔʼ a mu ntəm zɨ ngə́ zɨə mɨ ghɨ á ghɛn fu a ndwitə ntsa lá a ndzum Kristo ghe.

1 Korɨnto 4:1

Ŋwɔn tsum a tsi nɨ ndɔgɨ bɨgɨnə tsɛʼ tso ngaŋ afaʼ Kristo, tsa bɨ lɛnɨ awa ngə́ á bɨ ndéntɨ́ nkənu Ŋwi za ɨ tsinɨ a nkubə ghe.

Ɨfaʼ 28:31

Wɛrə a kə́ nchwítɨ́ nkən Nɨfɔ nɨ Ŋwi nkə́ ndíʼə mbɨ́ʼ a Maʼmbyí Yeso Kristo, tɨ nɨbɔgɨ, ŋwɔn tse a keʼ ayi a nkɨ́ŋə́ ghe.

Ɨfaʼ 19:8

Atú bɨsaŋ bi bɨtárə́ Baolo a kə́ ngěn a mu ndáŋwi bə Yuda ngámə́ tɨ nɨbɔgɨ bo bɨ ɨbɛn ba, ntǎŋ anu a Ŋwi bo bo nkə́ njwə́ŋtɨ́ ngɨə á bo ze nkənu mbɨ́ʼ Nɨfɔ nɨ Ŋwi ə.

Ɨfaʼ 13:46

Lá Baolo bo Banabasɨ ghám tɨ nɨbɔgɨ ngə́: “A chi nkuʼnɨ ngə́ á bɨ fom soŋ nɨgham nɨ Ŋwi lá a mbó bɨŋ ə. Lá mbáʼ nɨ tonɨ awən a nɛrə, nkeʼ wiʼtɨ ngə́ nɨ kuʼnɨ a nkúŋə́ a mu ntsi ntən nɨnkoŋ za lá, ma lan, bɨgɨ mɨ nyɛʼtɨ awən ɨ ghɛn a mbó ba a se bə Yuda be ə.

Firɨmɔn 1:22

Kɨ nkyaŋtɨ a kwasɨ ndá a mbó me, mbɨ́ʼ ngə́ ma tsiŋə nɨ ntəm ɨghə ɨtsum ngə́ Ŋwi a mɨ chwɨgɨ atsaʼtɨ azən bɨtsum ɨ bə byigɨ aghan a mbó bɨŋ ə.

Kolose 2:2

Ma ghɨə a məzen lá taŋ á bo kotɨ mbáŋnɨ́ ɨtsa, ntiʼ nchi kɨ ghótɨ́nə a mbúm a mu akɔŋnɨ ə. Ma lan, bo mɨ tiʼ tsi nɨ ngótɨ́ ndzuʼ kɨ zhi, adzaŋ məwen á nɨbɔgɨ nə tse keʼ ɨwu bə mbe. A nye ndóm məwen, bo mɨ zhi a za Ŋwi a lɛnɨ a nkubə, mbáʼ a lá Kristo zɨmboŋ ə.

2 Korɨnto 3:12

Ma lan, mbáʼ bɨgɨnə tsinɨ nɨ abə́ŋ a ntsiŋə nɨ ntəm tsum məzen lá, bɨgɨnə tsi tɨ nɨbɔgɨ,

1 Korɨnto 1:5

Mbɨ́ʼ ngə́ nɨ tsi a mbúm bɨŋ bɨ Kristo, nɨ tsi nɨ ɨdzúm ɨtsum a nɨ́lónɨ́ nkwiʼtɨ mbúŋ mɨgham mɨtsum a nchwítɨ́ nkən ɨyi abɔʼnɨ azhyɛ atsum a njí zɨə.

Ɨfaʼ 14:3

Ntóm Yeso tsa tsí adiʼ məwen a nye nkfu zɨ sa, ngámə́ tɨ nɨbɔgɨ mbɨ́ʼ a Maʼmbyí ɛ. Maʼmbyí a díʼ ngə́ nkən ɨwa mbɨ́ʼ abɔŋəntəm azhi bé nkənu lá a nye adzaŋ za wɛrə a ghánɨ́ mɨtən a mbó bo a ngɨ ɨnu tsɨ yerɨnɨ-yerɨnɨ abɔʼnɨ tsə tsanɨnɨ ə.

Ɨfaʼ 9:27

Lá Banabasɨ a kwátɨ́ a wɛrə ndɔgɨ a wɛrə ngɛn nɨ zɨ a mbó ntóm Yeso ghe. Wɛrə a fɨ́ʼtɨ́ a mbó bo adzaŋ za Sɔlɨ a zɛ́nɨ́ a Maʼmbyí a ndómnji abɔʼnɨ adzaŋ za Maʼmbyí a ghámnɨ́ a mbó wɛrə ghe. Wɛrə a kɨ́ ndzɔŋ fɨʼtɨ a mbó bo adzaŋ za Sɔlɨ a sóŋnɨ́ anu a Ŋwi nɨ ɨkum Yeso a Damaskusɨ nɨ ntəm wu faŋnɨ ə.

1 Timotyo 3:16

Ŋwɔn tse a chi keʼ ton ngə́ ndóm wa bɨgɨnə zhinɨ a Ŋwi, a nɨ anu a nkubə zə wi ə: Wɛrə a fú a ɨshe a nye mbě ŋwɔn mɨsɔŋ a ntsu, Azhwi a diʼ ngə́ wɛrə a kuʼnɨ, ɨtsendá Ŋwi zɛ́n a wɛrə ghe. Bɨ ghám mbɨ́ʼ ayi a mbó ba a se bə Yuda be, atuəshe atsum a nɨŋ mɨntəm ɨma wə ɨnye, Ŋwi a tsɔ́ʼ a wɛrə nkɔʼ ngɛn nɨ zɨ a fɔməbvurə ghe.

2 Korɨnto 7:4

Ma len ntəm ɨghan tsɛʼ a nkan a nye bən; ma ŋǔʼ ɨnye ɨzan tsɛʼ a nkan mbɨ́ʼ awən, ntəm ɨghə wɔŋtə aghə. A mu ngɨ́ʼ ɨzɨgɨ tsum, ma dórə́ be tɨsɨŋə.

2 Korɨnto 1:11

A nɨ ngwáʼtə́ awɨgɨ a mu atsaʼtɨ a Ŋwi azɨŋ ə. Ma lan, a ghɨ tíʼ bé ngə́ bɨ chwɨ́gɨ́ ɨtsaʼtɨ Ŋwi ɨtsən mbɨ́ʼ awɨgɨ, á Ŋwi a ghɨ fɔgɨ awɨgɨ; á bə ghaʼnɨ kɨ ntiʼ ntsaʼtɨ a Ŋwi nga a mɨya wəmbo mbɨ́ʼ atú azɨgɨ ə.

1 Korɨnto 2:7

Lá zóŋ wa bɨgɨ chwítɨ́nə́ a nɨ zóŋ Ŋwi wa a tsinɨ a nkubə, zóŋ wa wɛrə a kwɛ́nə ndɛn bɔŋ ɨ káʼ atuəshe a ngá nɨfáŋ ɨnɨgɨnə a mbó bɨgɨnə ghe.

Roma 15:30

Ma tiʼə nyiʼtə awɨŋ ɨbɔmbɨma ɨban ngə́ a ntsǎ a ndzum Maʼmbyí Yeso Kristo ɨwɨgɨnə abɔʼnɨ akɔŋnɨ za Azhwi a ghánə́, á nɨ twɛmtɨ aghan á bɨgɨnə tsaʼtɨ a Ŋwi nɨ mɨntəm ɨmɨgɨnə mɨtsum mbɨ́ʼ atú azə.

Ɨfaʼ 18:26

Wɛrə a bíʼnɨ́ ngamə tɨ nɨbɔgɨ a mu ndáŋwi bə Yuda ghe. Mbáʼ Brɨsɨla bo Akwila zúʼnɨ́ ɨnu tsa tsɨ fúnɨ́ wə ntsu, bo lɔ́gɨ́ ayi bo bo kwɛn ngɛn a ntsu ndá bo, ntiʼ fɨʼtɨ Ndómnji Ŋwi wəmbo a nye ndómnji wa ɨ kuʼnɨnɨ ɨ shiʼnɨ ə.

Ɨfaʼ 4:13

A kɨ́ʼnɨ́ Ngaŋ Sáʼ Abyɛn tsa adzaŋ za Bita bo Yoane tsínɨ́ nɨ mɨntəm mə fankɨnɨ, nkwiʼtɨ ngə́ bo bé tsɛʼ ɨbɛn a njwankɨ nkeʼ aŋwaʼnɨ zə dɨtɨnɨ zə tse yɛʼə. Bo tíʼ njí a nyom məwa ngə́ bo kwɛ́ mbé ngaŋ aku Yeso ghe.

Ɨfaʼ 2:4

Bo tíʼ ndón nɨ Azhwi zə Fɛmnɨ, ntiʼ mbiʼnɨ ngǎm mɨgham mɨ ɨtóm tsɨ daŋ adzaŋ za Azhwi zə Fɛmnɨ za a ghɨ́nɨ́ ngə́ á bo ghamə.

Ɨfaʼ 9:29

Wɛrə a kɨ́ ngam nkwənkɨ bo bə Yuda ba bɨ kɨ́nə́ ngǎm nɨgham nɨ bə Grikɨ, lá bo zhwəŋtɨ a njwitɨ zɨə.

Roma 16:25

A bɨgɨnə gha nɨfáŋ a mbó Ŋwi ə! Wɛrə a chi ghɨ o tɛm tə́ nchíʼnə́ a mu abeməntəm azo, ndzɔ̌ŋ Nkən wu Shiʼnɨ wa ma sóŋnə́ mbɨ́ʼ a Yeso Kristo, ndzɔ̌ŋ nkənu za ɨ tsinɨ a nkubə za bɨ tiʼnɨ ndɛn be asaŋəsaŋ lá. Bɨ lwɛ́ʼ anu a nkubə məzen nchwuʼnɨ a ngúʼə ngúʼə ghe.

2 Korɨnto 6:11

O ɨbɔmbɨma bə Korɨnto! Bɨgɨ soŋ lá tsɛʼ nkənu a mbó bɨŋ ə; bɨgɨ ŋaʼ mɨntəm ɨmɨgɨ a mbó bən tsɛʼ ɨ shiʼnɨ ə.

Ɛfɛso 3:9

Ŋwi a kɨ́ ngá abárɨ́ a mbó me ngə́ á ma ghɨ ngə́ á ŋwɔn tsum a zɛn adzaŋ za akwaʼtɨ zə nkubə zə Ŋwi a chinɨ ghɨ be anu ə. Ŋwi, zɨ wa a kaʼnɨ ɨdzúm ɨtsum, a lwɛ́ʼ akwaʼtɨ azhi zə nkubə nchwuʼnɨ a lɔ́ʼkwam,