Ɛfɛso 6:18 - Mɨkan wu Fi

¹⁸ A nɨ ngɨə a məzen a mu atsaʼtɨ a Ŋwi, mbítə́ akwatɨ a Ŋwi ə. A nɨ ntsáʼtə́ a Ŋwi nkfu tsum adzaŋ za Azhwi a tsɨŋnɨnə awɨŋ ə. Mbɨ́ʼ a məzen, nɨ lə̌tú ɨtsən, nkə́ nchigɨ ntəm a nye ɨnu ɨtsum; ntsaʼtə a Ŋwi nkfu tsum mbɨ́ʼ ɨbɛn bɨ Ŋwi bɨtsum ə.

Ɛfɛso 6:18 Referans Kwoze

1 Tesalonaika 5:17

ntsáʼtə́ a Ŋwi tsɛʼ nkfu tsum,

Kolose 4:2

A nɨ ntsáʼtə́ a Ŋwi tə nkyɛ́ntə́, ndáʼ nkeʼ ɨnye ɨtsən a ndɨ́gɨ́nə́, nkə́ ngǎ a mɨya a mbó Ŋwi ə.

Filibi 4:6

A nɨ keʼ ɨnye ɨtsən a ngágə́ mbɨ́ʼ anu zə tsɛrə, lá a mu atsaʼtɨ a Ŋwi azən atsum, á nɨ bitɨ a Ŋwi nɨ azúm atsum za nɨ lɔnə ghe. Nkfu tsum za nɨ bítɨ́nə́ a wɛrə nɨ anu, á nɨ mbítə́ tsɛʼ nɨ ntəm wa ɨ lonɨ nɨ mɨya ghe.

1 Timotyo 2:1

A mbiʼnə, ma tiʼə nyíʼtə́ ngə́, alɔntɨ nɨ ntəm ɨtsum, atsaʼtɨ a Ŋwi, atsaʼtɨ a Ŋwi mbɨ́ʼ ɨbɛn bədaŋ abɔʼnɨ nga mɨya, á bɨ ngǎ a mətsen a mbó Ŋwi atú ɨbɛn bɨtsum;

Judɨ 1:20

Lá bən nə bɨson ɨban, á nɨ nkwi ɨ kwinɨ a mu abeməntəm azən za a fɛmnɨ ntsa atsum lá. A nɨ ntsáʼtə́ a Ŋwi adzaŋ za Azhwi zə Fɛmnɨ a tsɨŋnɨnə awən,

Marɨkusɨ 14:38

Wɛrə a tíʼ sóŋ a mbó bo ngə́, “A nɨ nkyérə́ nkə́ ntsáʼtə́ a Ŋwi mbɨ́ʼ nɨ ghɨ ngvo a mu akwaʼnɨ ə. Tsɛʼ a nkənu, azhwi a lǒ ghe, lá ɨnyam ɨnye ghɔgə.”

Alukasɨ 21:36

A nɨ lə atú a zɨŋ ə, ntsáʼtə́ a Ŋwi nkfu tsum ngə́ nɨ chi tsi nɨ adaʼ ɨ tsa shiʼnɨ a mu ɨnu tsiŋ ɨtsum tsa tsɨ ghɨnɨ fú lá ɨ tiʼ tɛm a ɨshi Mɔn Ŋwɔn ə.”

Matyo 26:41

A nkyerɨnə nkə́ ntsaʼtɨnə a Ŋwi mbɨ́ʼ nɨ vwo a mu akwaʼnɨ ə. Azhwi a lǒ ghe, lá ɨnyam ɨnye ɨ ghɔgə.”

Ɛfɛso 1:16

ka ma nkyɛ́ntə́ aghan a ngá mɨya a mbó Ŋwi mbɨ́ʼ awən, nkwémtə́ awən a mu atsaʼtɨ azan,

Roma 12:12

A ntsiŋə ɨzən nɨ ntəm ɨwɨŋ ɨtsum gha nɨdorɨ a mbó bɨŋ ə, á nɨ tsi nɨ nchigə a mu ngɨ́ʼ, nkə́ ntsáʼtə́ a Ŋwi tsɛʼ nkfu tsum ə.

Marɨkusɨ 13:33

A nɨ lə ɨtú tsɨŋ ə, á nkyérɨ́nə, mbɨ́ʼ ngə́ ka nɨ zhi awən nkfu za nkfu zɨ wu ghɨ kuʼə.

1 Bita 4:7

Ndwitɨ ɨnu ɨtsum tiʼ tsɛʼ abó ə. Nɨ mɨ zagɨ chwatɨnɨ ɨnye ɨtsən, ɨ kɨ ŋaʼ ɨtoŋnɨ ɨtsən taŋ ɨ chi tsaʼtɨ a Ŋwi ə.

Ɨfaʼ 1:14

Bo bɨtsum, nɨ táʼ ntəm, kə́ ngótə́ nɨ nkfu nɨ nkfu a ntsaʼtɨ Ŋwi bo bɨ bəngye ba abɔʼnɨ Mɛrɨ nɨmo bɨ Yeso abɔʼnɨ ɨbɔmbɨma bɨ Yeso bə mbáŋnɨ́ ə.

Alukasɨ 22:46

A bítɨ́ awa ngə́, “Nɨ lyě lá ake le?’ Lonə atɨ́ ntsaʼtɨnə a Ŋwi mbɨ́ʼ akwaʼnɨ a ghɨ ngaʼ awɨŋ ə.”

Ɛbal 5:7

A nkfu za Yeso a tsínɨ́ atuəshe, a tsáʼtɨ́ a Ŋwi, ndɔntɨ wəmbo nɨ nji nɨzɛʼ zɨ ntən bo nkyi a ɨmɨgɨ a mbó Ŋwi, zɨ wa a chínɨ́ kwarɨ ayi a mbó nɨvwo ə. Ŋwi a zúʼ nji ɨzhi mbɨ́ʼ ngə́ wɛrə a tsí nɨ abɔgɨtɨ a nye Ŋwi nkə́ faʼə nɨ mɨku bo bɨ mbó ə.

2 Timotyo 1:3

Ma ghǎ a mɨya a mbó Ŋwi, zɨ wa ma faʼnə wəmbo nɨ ntəm wa ɨ lánɨ́, adzaŋ za bɨta ɨban bə kɔ́ʼɔ́nguʼ kɨ́nə́ ngɨə lá. Ma ghǎ a mɨya a mbó wɛrə nkfu tsum za ma kwémtɨ́nə́ agho a mu atsaʼtɨ a Ŋwi azan nɨ ɨtfúʼ nɨ njwi ɛ.

Filibi 1:4

nkfu tsum za ma tsaʼtɨnə a Ŋwi mbɨ́ʼ awən bɨtsum, ma tsaʼtə a Ŋwi nɨ nɨdorɨ

Ɛfɛso 6:19

A nɨ kə́ ntsáʼtə́ a Ŋwi mbɨ́ʼ aghan, taŋ á Ŋwi a gha nkən a mbó me a nkfu za ma tsinɨ nɨ ngamə, taŋ á ma tiʼ soŋ a wɛrə tɨ nɨbɔgɨ, ɨ kɨ kyɛʼ anu za a tsinɨ a nkubə a mu nkən wu shiʼnɨ ə.

Ɨfaʼ 12:5

Ma lan, bɨ lɛ́n a Bita atsáŋ, lá ndáŋwi ghɨ́ atsaʼtɨ a Ŋwi zə tən a mbó Ŋwi mbɨ́ʼ ayi ɛ.

Firɨmɔn 1:5

Mbɨ́ʼ ngə́ ma zúʼə mbɨ́ʼ akɔŋnɨ azo a nye ɨbɛn bɨ Ŋwi bɨtsum, nkə́ ndzúʼə mbɨ́ʼ abeməntəm azo a nye Maʼmbyí Yeso ghe.

Ɨfaʼ 10:2

Wɛrə a bé ŋwɔn wa a tɛ́gɨ́nɨ́ atú azhi a nye Ŋwi tsɛʼ nkə; wɛrə nɨ ngwəgɨ ɨzhi kə́ ngúʼsə́ a Ŋwi ə. Wɛrə a ghɨ́ ɨnu tsɨ ghaʼnɨ a nkwátɨ́ ngaŋ afúm tsə bə Yuda nkə́ ntsáʼtə́ Ŋwi nkfu tsum ə.

Ɨfaʼ 6:4

Mbáʼ bo mɨ kyáŋtɨ́nə anu a mɨdzɨ zen lá, bɨgɨ mboŋ mɨ tiʼ kɨ lɛn nkfu ɨzɨgɨ tsum a ntsaʼtɨ Ŋwi abɔʼnɨ ɨ soŋ anu a Ŋwi ə.”

Ɛfɛso 3:18

taŋ á bən abɔʼnɨ ɨbɛn bɨ Ŋwi bɨtsum chi tsi nɨ adaʼ a ndzúʼə ɨ kɨ zhi adzaŋ za akɔŋnɨ a Kristo a ghaʼnɨ titi ndwitə ɨzhi ɨ keʼ ɨwu be ə.

Ɛfɛso 3:8

Ka ma kuʼ aghan ndwɨgɨnɨ ndzum ŋwɔn a tɨtərɨ ɨbɛn bɨ Ŋwi ə. Lá a mu abɔŋəntəm a Ŋwi, wɛrə a ghá abárɨ́ a mbó me a ndɔgɨ Nkən wu Shiʼnɨ ɨ ghɛn nɨ wɛrə a mbó ɨbɛn ba bɨ se bə Yuda be ə. Nkən məwiŋ be lá mbɨ́ʼ afuʼ a tɨmi za a tsinɨ a nye Kristo ghe.

Roma 8:15

Mbɨ́ʼ ngə́ Azhwi za Ŋwi a ghanɨ a mbó bən ka a ghɨ ayi awən a nye ɨbuʼ, nkeʼ kə́ ngɨə ngə́ á nɨ tsi nɨ nɨbɔgɨ ə; Azhwi məzen a baŋnə ngɨə awən a nye ɨbɔ bɨ Ŋwi, a mu mɨtən mɨ Azhwi məzen, bɨgɨnə chi tiʼ bugɨ ɨ tɔŋ a Ŋwi ngə́, “Tarɨ! Ta ɨghan!”

Ɛfɛso 2:22

A mbúm bɨŋ bɨ Kristo, bɨ kə́ mbɔ́mə́ awən abɔʼnɨ bə mɔʼɔ bɨtsum, á nɨ tiʼ mbe adiʼ za Ŋwi a tsínə́ ɨwu ntsa a ndzum Azhwi azhi ɛ.

Alukasɨ 3:37

mbáʼ a bénɨ́ mɔn Metusela, mbáʼ a bénɨ́ mɔn Ɛnɔkɨ, mbáʼ a bénɨ́ mɔn Yarɛdɨ, mbáʼ a bénɨ́ mɔn Maʼlali, mbáʼ a bénɨ́ mɔn Kainan,

Kolose 1:4

Mbɨ́ʼ ngə́ bɨgɨ zuʼnə mbɨ́ʼ abeməntəm azən a nye Kristo Yeso abɔʼnɨ akɔŋnɨ azən a nye ɨbɛn bɨ Ŋwi bɨtsum ə.

Galesha 4:6

A ndiʼə ngə́ nɨ nɨ ɨbɔ bɨ Ŋwi, Ŋwi a tságɨ́ azhwi a Mɔn ɨyi a mu mɨntəm ɨmɨgɨnə, Azhwi za a búgɨ́nə́ nɨ nji zɨ ntən ngə́, “Tarɨ, Ta ɨghan” lá.

Alukasɨ 3:26

mbáʼ a bénɨ́ mɔn Matɨ, mbáʼ a bénɨ́ mɔn Matatiasɨ, mbáʼ a bénɨ́ mɔn Semenɨ, mbáʼ a bénɨ́ mɔn Yosɛchɨ, mbáʼ a bénɨ́ mɔn Yoda,

Kolose 1:3

Bɨgɨ ghǎ a mɨya nkfu tsum a mbó Ŋwi, zɨ wa nɨ Ta bɨ Maʼmbyí Yeso Kristo ɨwɨgɨnə a nkfu za bɨgɨ tsaʼtɨnə a Ŋwi mbɨ́ʼ awɨŋ ə.

Matyo 17:21