Ɛfɛso 6:14 - Mɨkan wu Fi

¹⁴ Ma lan, á nɨ kyaŋtɨ ɨnye ɨtsɨŋ ə. A nkənu tsi tso ɨkɔbɨ wa ɨ sɨtɨnɨ atɨŋnɨ azən, á nchinə tsi tso ngobɨ ntso nɨgo,

Ɛfɛso 6:14 Referans Kwoze

1 Tesalonaika 5:8

Lá bɨgɨnə tsi lá a mbó nəzhwɨgɨnɨ ə, á bɨgɨnə chwátɨ́ ɨnye ɨtsɨgɨnə ghe. Bɨgɨnə tsi nɨ ɨ zagɨ tsi nɨ abeməntəm ɨ kə́ diʼnə akɔŋnɨ tso ngə́ bɨgɨnə wəgɨ ngobɨ ntso nɨgo, ɨ kɨ tsi nɨ ntsiŋə nɨ ntəm tsum a ndzɨ́ ɨloŋ tso akáŋə́tú ə.

Alukasɨ 12:35

“Kyaŋtɨnə ɨnye ɨtsən a nkwárɨ́ atsum za a yenə, ngwə́gɨ́ mbáŋnɨ́ ɨtsən nkɨ nchwuʼ mɨnkaʼ ɨmən,

1 Bita 1:13

Ma lan, á nɨ kyaŋtɨ ɨnye ɨtsən a ngɨ anu ə. A nɨ lə ɨtú ɨtsən, nkɨ nden ntsiŋə nɨ ntəm tsum ɨzən tsɛʼ a nye abɔŋəntəm za bɨ ghɨnɨ gha a mbó bən a nkfu za bɨ ghɨnɨ kyɛʼ a Yeso Kristo lá.

2 Korɨnto 6:7

Nkən wa bɨgɨ sóŋnə́ nɨ nkən wu nkənu, nkə́ ndɔ́gə́ lá mɨtən mɨ Ŋwi ɨ sóŋə́ a wɛrə ɨwu ə. Mbɨ́ʼ ngə́ anu za bɨgɨ ghɨnə nɨ anu zə chinɨnɨ, ka ŋwɔn tse a tsi ayi nɨ anu a tɨbɔŋ zə tsɛrə a sóŋə́ mbɨ́ʼ ɨfaʼ ɨwɨgɨ ə.

Ɛfɛso 5:9

mbɨ́ʼ ngə́ za ŋwɔn wa a tsinɨ a mu nkaʼ a tsínə́ nɨ zɛrə nɨ abə́ŋ a ɨbɔŋ atsum, ɨnu tsɨ chinɨnɨ abɔʼnɨ nkənu ə.

Nkyɛʼə 9:17

A mu ndzɛm nəzhwɨgɨnɨ za ɨ lyénɨ́ aghan lá ma zɛ́n ɨnyamənkárə́ tsa abɔʼnɨ ɨbɛn ba bɨ kɔ́ʼnɨ́ a tsɛrə ghe. Bo tsí nɨ ngobɨ ntso nɨgǒ tsa tsɨ kɨ́nə́ mbaŋə tso ɨmugɨ, ɨ fɨ́ŋə́ tso ngɔʼ zɨ fɨŋnɨ zɨ tse bɨ tɔŋə ngə́ safaya nkə́ mbaŋə tso azúm zə tse bɨ tɔŋə ngə́ sɔlfɔ ghe. Ɨtú ɨnyamənkárə́ tsa fí ɨtú ɨfon ə. Ɨmugɨ, fɨndyiʼ abɔʼnɨ sɔlfɔ kə́ fúə a mu mɨntsu ɨma ghe.

Nkyɛʼə 9:9

Bɨ kɨ́ŋtɨ́ mɨgǒ ɨma nɨ ɨdzúm tsa tsɨ fínɨ́ ngobɨ ntso mɨgǒ ɨtɨŋə ghe. Nji za ɨ kɨ́nə́ fúə a nye mɨbabɨnɨ ɨma fí nji za ɨnyamənkárə́ tsɨ ghaʼnɨ shwuŋnə ɨbáŋ nkɨə ngěn nɨ tsɛrə a ntso ghe.

Roma 13:12

A tsi lá tso ngə́ ɨtfúʼ tiʼnə nkyɛ́nə́, njwi tiʼə ndə̌ ngyiŋə ghe. Bɨgɨnə mɨ zagɨ kyɛntɨ ngɨ ɨnu ndzumnɨ, ɨ baŋnɨ tiʼtɨ ɨdzúm ntso tsa bɨ tónə́ nɨ tsɛrə nəzhwɨgɨnɨ ə.

Ɛfɛso 6:13

Ma lan, tɨtsɔŋnɨ, á nɨ wəgɨ ɨdzúm ntso tsa Ŋwi a ghanɨ a mbó bɨŋ ə! Adzaŋ məwen, a nkfu za ɨ nɨ zɨ ntɔmnɨnɨ ghɨnɨ yen, nɨ ghɨ tɛm ɨ tɨŋə ngə́ twə́ŋ a nkfu za ngaŋ kɨban ɨtsɨŋ tǒnə́ awɨŋ ə. A nkfu za fɨto minə, nɨ mɨ zɛn ngə́ nɨ bvurɨ ntɛm ntɨ́ŋə́ ngə́ twə́ŋ ə.