Ɛfɛso 6:12 - Mɨkan wu Fi

¹² Mbɨ́ʼ ngə́ ka bɨgɨnə ntǒ awɨgɨnə lá ɨbɛn bɨ mɨsɔŋ a ntsu, bɨgɨnə tǒ be ɨzhwi tsɨ tən tsa tsɨ sáʼnə́ a fɔməbvurə mbe tsə abɨgəntəm lá.

Ɛfɛso 6:12 Referans Kwoze

Kolose 1:13

Wɛrə a fɨ́gɨ́ awɨgɨnə a mu mbó zɨ wa a sáʼnɨ́ ɨdiʼ ndzumnɨ, nkɨ ngyen nɨ bɨgɨnə tsɛʼ ɨ shiʼnɨ ɨ shiʼnɨ a mu nɨfɔ nɨ mɔn ɨyi wa wɛrə a kɔŋnɨ,

2 Korɨnto 4:4

A nye ɨza nkfu ŋwi atuəshe a nɨŋ ɨfɨgɨ a nye mɨntəm mɨ bɨtɨnɨŋ ntəm a nye Kristo, taŋ ɨ kubɨnɨ awa a ndzé nkaʼ nkən wu shiʼnɨ wu nɨfáŋ nɨ Kristo, zɨ wa a nɨ afi a Ŋwi lá.

Ɛfɛso 2:2

ma nɨ tsínɨ́ wə mu, ndzɔ̌ŋ ɨtɔmnɨ ɨnu tsɨ atuəshe wen, ndzɔ̌ŋ a zɨ wa a sáʼnɨ́ ɨzhwi ɨtsum a mu ɨfɛgɨ; azhwi za, tɨtsɔŋnɨ a tíʼnə́ ntsɨ́ŋnɨ́ ɨbɛn ba bɨ tənə atú a mbó Ŋwi lá.

Kolose 2:15

Atɨ abaŋnɨ-baŋnɨ wa, Kristo a kyɛ́tɨ́ mɨnkɨ mɨ abuʼ a nye zɨmboŋ nkɨ nkwarɨ adaʼ ɨzhwi tɨbɔŋ tsa tsɨ sáʼnə́ a nɨkaŋ; ngaʼ awa ghe.

Ɨfaʼ 26:18

O mɨ ŋaʼ ɨmɨgɨ ɨma, ɨ kɨ fɨgɨ awa a mu ndzumnɨ ɨ tsagɨ a mu nkaʼ, ɨ fɨgɨ awa a mu mɨtən mɨ Satan ɨ tsagɨ a mu nɨfɔ nɨ Ŋwi, taŋ a ntsǎ a ndzum abeməntəm aza za bo tsinɨ nɨ zɛrə a nye me, bɨ mɨ lɨgɨnɨ mɨbvu ɨma, ɨ tiʼ tsi nɨ adiʼ za bo tsinɨ nɨ nchyɛ nɨ zɛrə a tɨtərɨ ɨbɛn ba Ŋwi a tsɔʼnə ghe.›

Ɛfɛso 1:21

Kristo a tsi ɨwu, ɨ sáʼə ɨzhwi tsɨ tən ɨtsum tsa tsɨ sáʼnɨ́ fɔməbvurə ghe. Ɨkum ɨyi tsi atú mɨkum mɨtsum ma bɨ chwinɨ atuəshe wen abɔʼnɨ mbyi za ɨ lo bə yen lá.

Roma 8:38

Mbɨ́ʼ ngə́ ma zhi tsɛʼ ɨ shiʼnɨ ngə́ anu zə tsɛrə a chi keʼ santɨ awɨgɨnə ɨ fɨgɨ a mu akɔŋnɨ azhi ɛ: nɨvwo kə ntsi ntən, ɨtsenda Ŋwi kə bɨta bɨ ɨlaʼ bə fɔməbvurə kə bɨsáʼ bɨ ɨlaʼ ba bɨ tsinɨ a fɔməbvurə, za a tsinɨ tɨtsɔŋnɨ kə za a ghɨnɨ yen,

Ɛfɛso 3:10

taŋ a nkfu tɨtsɔŋnɨ, ntsa a ndzum ndáŋwi, bɨtsen bɨ ndá bɨ Ŋwi ba bɨ sáʼnə́ abɔʼnɨ ɨzhwi tsɨ tən tsa tsɨ sáʼnə́ a fɔməbvurə chi zhi mɨndóm mɨtsum ma zóŋ Ŋwi a tsinɨ nɨ mɛrə ghe.

Ɛfɛso 1:3

A bɨgɨnə gha a mɨya a mbó Ŋwi, zɨ wa a kɨnɨ nkɨ mbe Ta bɨ Maʼmbyí ɨwɨgɨnə Yeso Kristo lá. Ŋwi a fɔ́gə́ awɨgɨnə nɨ abə́ŋ a ɨfɔgə azhwi atsum za a lonɨ a fɔməbvurə ntsǎ a ndzum Yeso Kristo,

1 Korɨnto 15:50

Ɨbɔmbɨma ɨban, anu za ma sóŋnə́ lá a nɨ ngə́ za bɨ nyɛ́tɨ́nɨ́ nɨ ɨnyam ɨnye abɔʼnɨ alɛm a chi keʼ tsi nɨ anu a ngɨə nɨ Nɨfɔ nɨ Ŋwi ə, za a kfónə́ lá, a chi keʼ tsi nɨ za ka a nkfǒ ayi ɛ.

1 Bita 3:22

zɨ wa a kɔʼnə ngɛn a fɔməbvurə, ntiʼ ntsi a bagɨ abó Ŋwi zə maʼə, ɨ sáʼə bɨtsen bɨ ndá bɨ Ŋwi bɨtsum abɔʼnɨ bɨsáʼ bɨ ɨlaʼ bə fɔməbvurə nɨ ɨdzɔŋ ɨlaʼ tsə fɔməbvurə lá.

Ɛbal 12:1

Ma lan, mbáʼ bətɛmə-ndzě a ɨnɔ karɨsɨnɨ awɨgɨnə lá, á bɨgɨnə tiʼ nkɨ nyɛʼ ntasɨ tsum abɔʼnɨ ɨbvu ɨtsum wa ɨ korɨnɨ awɨgɨnə tso ŋwɔn a laʼnɨ a mu mɨndyiʼ, ntintɨ a tsɛrə ndɛn táʼ bagɨ ə. A bɨgɨnə nkɨə nɨkɨə nɨ amaŋnɨ na nɨ tsinɨ a ɨshi bɨgɨnə nɨ achigəntəm,

Yoane 14:30

Ma chi kaʼ bə ntsi ngámnə́ bɨgɨnə a nye abaŋ zə sa, mbɨ́ʼ ngə́ nsalaʼ atuəshe a yiŋə ghe. Ka a tsi ayi nɨ mɨtən mə tsɛrə atú me,

Yoane 12:31

Tɨtsɔŋnɨ a nɨ nyom á bɨ sáʼ ɨbɛn bɨ mbyi ziŋ ə; nkfu ɨ kuʼ za bɨ mɨ gháʼ a zɨ wa a sáʼnɨ́ mbyi ziŋ ə.

Yoane 16:11

za bo kwaʼtɨnɨ mbɨ́ʼ nɨsáʼ nɨ Ŋwi ka a kuʼnɨ ayi mbɨ́ʼ ngə́ bɨ kwɛnə sáʼ a nsaʼlaʼ atuəshe wen nchɛrɨ ɨsáʼ ɨyi ngə́ a vwo ɨsáʼ ə.

Alukasɨ 22:53

Ma kɨ chyɛ nchyɛ̌ bɨgɨnə njwi tsum a Ndáŋwi zɨ Ngwi lá nɨ sé zhwəŋtɨ a nkó me ghe. Lá, nyom ɨwən a kuʼnə a ngɨ mɨnu, nkfu za mbáʼ mɨtən mɨ ndzumnɨ tíʼnə́ sáʼə ghe.”

Alukasɨ 13:24

“Kɨ́rɨ́ adaʼ azo a ntsǎ a ntsundá wu shwɛrɨkɨnɨ; mbɨ́ʼ ngə́ ɨbɛn bə ghaʼnɨ, bɨ ghɨ lonɨ ntsǎ ɨwu, lá ɨ ghuʼ kɨ́káŋ ə.

2 Timotyo 2:5

Ŋwɔn wa a kɨənə amaŋnɨ a nɨkɨə a chi keʼ dzɨ ndɔ́ŋ tɨgha a zúʼnɨ́ ntɨgə nɨkɨə məna ə.

Matyo 16:17

Yeso a chwɨ́gɨ́ ayi ngə́, “Mbɔnɨ tsi atú gho a Samɔn mɔn Yoane! Ka nkənu zen a mbó gho a kyɛʼ ayi ŋwɔn mɨsɔŋ a ntsu ə, ɨ lanɨ ndo lá a mbó Ta ɨghan mbáʼ a tsinɨ a fɔməbvurə ghe.

Ɛbal 12:4

A mu anyuʼnɨ azən bɨŋ bɨ ɨbvu, nɨ bvurɨ tɨ to nton awɨŋ ɨbvu nkɔʼ nkuʼ a nye ɨfɨʼ za bɨ mɨ chwirɨ alɛm azɨŋ ə.

Galesha 1:16

a nkyɛʼ Mɔn ɨyi a mbó me taŋ á ma chi soŋ Nkən wu Shiʼnɨ wa mbɨ́ʼ ayi a mbó ba a se bə Yuda be, ma sá ghɛn a mbó ŋwɔn tse ngə́ á tɨgɨtɨ aghə.

Marɨkusɨ 4:19

lá ɨnu atuəshe bo bɨ akɔŋnɨ aza a nye afuʼ, abɔʼnɨ ntɛgɨ ntɔŋ a nye ɨbə́ŋ ɨdzúm tsa bo lɔnə, ɨ kon njiʼ nkən wa, nkən wa keʼ mɨntam konə.

2 Korɨnto 11:14

Ka a be ayi anu zə tsanɨnə, mbɨ́ʼ ngə́ tsɛʼ Satan zɨmboŋ a kə́ ngwəgɨ ɨtsɛʼ taŋ ɨ fi tso ntsendá Ŋwi za ɨ yenə nɨ nkaʼ ə.