Ɛfɛso 6:11 - Mɨkan wu Fi

¹¹ A nɨ wəgɨ ɨdzúm ntso ɨtsum tsa Ŋwi a ghanɨ a mbó bən, taŋ á nɨ chi to a mɨnaŋ tsum wa Dəbɨrɨ a kórɨ́nə́ ghe.

Ɛfɛso 6:11 Referans Kwoze

2 Korɨnto 10:4

Ɨdzúm ntso tsa bɨgɨ tónɨ́ ntso ɨwu se be lá tsə atuəshe wen, tsɨ nɨ ɨdzúm ntso tsə tən tsə Ŋwi tsa bɨgɨ faʼnə nɨ tsɛrə a ntsənkɨ ɨdiʼ tsɨ tɨŋə. Bɨgɨ tsənkɨ mɨgham mə kwənkɨnɨ,

Roma 13:12

A tsi lá tso ngə́ ɨtfúʼ tiʼnə nkyɛ́nə́, njwi tiʼə ndə̌ ngyiŋə ghe. Bɨgɨnə mɨ zagɨ kyɛntɨ ngɨ ɨnu ndzumnɨ, ɨ baŋnɨ tiʼtɨ ɨdzúm ntso tsa bɨ tónə́ nɨ tsɛrə nəzhwɨgɨnɨ ə.

1 Tesalonaika 5:8

Lá bɨgɨnə tsi lá a mbó nəzhwɨgɨnɨ ə, á bɨgɨnə chwátɨ́ ɨnye ɨtsɨgɨnə ghe. Bɨgɨnə tsi nɨ ɨ zagɨ tsi nɨ abeməntəm ɨ kə́ diʼnə akɔŋnɨ tso ngə́ bɨgɨnə wəgɨ ngobɨ ntso nɨgo, ɨ kɨ tsi nɨ ntsiŋə nɨ ntəm tsum a ndzɨ́ ɨloŋ tso akáŋə́tú ə.

Ɛfɛso 6:13

Ma lan, tɨtsɔŋnɨ, á nɨ wəgɨ ɨdzúm ntso tsa Ŋwi a ghanɨ a mbó bɨŋ ə! Adzaŋ məwen, a nkfu za ɨ nɨ zɨ ntɔmnɨnɨ ghɨnɨ yen, nɨ ghɨ tɛm ɨ tɨŋə ngə́ twə́ŋ a nkfu za ngaŋ kɨban ɨtsɨŋ tǒnə́ awɨŋ ə. A nkfu za fɨto minə, nɨ mɨ zɛn ngə́ nɨ bvurɨ ntɛm ntɨ́ŋə́ ngə́ twə́ŋ ə.

1 Bita 5:8

A nɨ ŋaʼ ɨtoŋnɨ ɨtsən nkɨ ntsi a nɨkyerɨ ə! Ngaŋ kɨban ɨzən, Dəbɨrɨ, a númə́ nkárə́, ɨ múʼə tso afon ndǒ a ŋwɔn wa wɛrə a mɨ kfurə.

2 Korɨnto 2:11

Bɨgɨnə ghɨə a məzen lá taŋ á Satan a keʼ awɨgɨnə tsa fəŋ ə; mbɨ́ʼ ngə́ bɨgɨnə zhi anu za a tsinɨ a mu ntəm zɨə.

Ɛfɛso 4:14

taŋ á bɨgɨnə keʼ bə mbvurɨ mbe tso ɨbɔ bə bɔrɨ ba bɨ bémnɨ́ ɨnu ɨtsum tsa bɨ diʼnə awa nɨ tsɛrə tə ntɔ́ʼnə́ lá. A ntám za ngaŋ ɨchwenu diʼnə keʼ shwuŋ awən nkwebtɨ ɨdiʼ nɨ bən tso kɨfɛrɨ ə. Ngaŋ ndiʼ ɨchwenu mətsiŋ tíntɨ́ ɨbɛn bɨ vwonə atám nɨ atú nɨ nkob za bo báʼnə́ ghe.

Kolose 3:10

ntiʼ ngwəgɨ mbəmnye zɨ fi za. Nə nɨ mbəmnye zɨ fi za Ŋwi, zɨ wa a káʼnɨ́ a zɛrə, a kwébtɨ́nɨ́ nkfu tsum á ɨ tiʼ zɨ fi a nye afi azhi, taŋ ɨ ghɨ á nɨ tsi nɨ azhyɛ mbɨ́ʼ ayi a nɨ́lónɨ́ ə.

Roma 13:14

Lá, á nɨ tsi nɨ mbɔm Maʼmbyí Yeso Kristo, nkeʼ ɨtú ɨtsən tɛgɨ a nye ɨdzúm tsa mbəmnye lɔnə taŋ ɨ ghɨ ɨnu tsa mbəmnye lɔnə lá.

2 Korɨnto 11:3

Tso mbáʼ ɨnyo za ɨ támtɨ́nɨ́ a Ifa nɨ ɨchwenu ɨchi tsa tsɨ yígɨ́nɨ́nɨ́ lá, ma bɔ́gə́ ngə́ bɨ chi ghɨ twɛfɨ ɨkwaʼtɨ ɨtsən, á nɨ kyɛntɨ ngwíʼtə́ mbɨ́ʼ a Kristo a nye ndóm wa ɨ kuʼnɨnɨ nkɨ mbe wu nkənu lá.

2 Korɨnto 6:7

Nkən wa bɨgɨ sóŋnə́ nɨ nkən wu nkənu, nkə́ ndɔ́gə́ lá mɨtən mɨ Ŋwi ɨ sóŋə́ a wɛrə ɨwu ə. Mbɨ́ʼ ngə́ anu za bɨgɨ ghɨnə nɨ anu zə chinɨnɨ, ka ŋwɔn tse a tsi ayi nɨ anu a tɨbɔŋ zə tsɛrə a sóŋə́ mbɨ́ʼ ɨfaʼ ɨwɨgɨ ə.

Nkyɛʼə 2:24

Lá abvuʼ azən za nɨ tsinɨ a Tiatira, nɨ ton awən ɨnu abɨgəntəm tsen tsa bɨ diʼnə lá: nɨ se yɛʼ ɨnu tsa bə mɔʼɔ tɔ́ŋnə́ ngə́, ‹ɨnu nkubə tsə Satan tsə shwinə›. Ma soŋ a mbó bən ngə́ ma mɨ kaʼ bə ntɛgɨ abyɛʼ zə mɔʼɔ atú bɨŋ ə.

Ɛfɛso 4:24

ɨ kɨ be ɨbɛn bə fi ba bɨ káʼnɨ́ awa a nye ɨfi Ŋwi ə. Ɨbɛn bə fi məben, bɨ zě awa lá a nye ntsi mbyi ɨza za ɨ tɛmnɨnɨ nkɨ fɛmə.

Ɛbal 7:25

Ma lan, wɛrə a tsi nɨ mɨtən a ndoŋ ɨbɛn ba bɨ yenə a mbó Ŋwi ntsa a ndzum zɨ, tɨtsɔŋnɨ abɔʼnɨ nkfu tsum, mbɨ́ʼ ngə́ a tsi ntən nɨnkoŋ lá a mbúʼtɨ́ mbó a mbó Ŋwi a nkfu bo ghe.

Judɨ 1:24

A mbó Ŋwi, zɨ wa a chinɨ kɨnkɨ awən á nɨ keʼ vwo a mu ɨbvu, ɨ kɨ yen nɨ bən tɨ afənu a mu nɨdorɨ a ɨshi nɨfáŋ ɨni —

2 Korɨnto 4:4

A nye ɨza nkfu ŋwi atuəshe a nɨŋ ɨfɨgɨ a nye mɨntəm mɨ bɨtɨnɨŋ ntəm a nye Kristo, taŋ ɨ kubɨnɨ awa a ndzé nkaʼ nkən wu shiʼnɨ wu nɨfáŋ nɨ Kristo, zɨ wa a nɨ afi a Ŋwi lá.

1 Korɨnto 10:13

Ka njwəŋtə zɨ tse ɨ tsi ayi ɨwu za ɨ zhwə́ŋtɨ́nə́ agho za ka ɨ be ayi njwəŋtə za ɨ zhwə́ŋtɨ́nə́ a ŋwɔn mɨsɔŋ a ntsu ə. Ŋwi a sóŋə́ tsɛʼ nkənu ə. Wɛrə a mɨ keʼ nyɛʼtɨ á bɨ zhwəŋtɨ agho a nye ndóm wa o chinɨ koʼ chigɨ a zɛrə ghe; a nkfu za bɨ zhwə́ŋtɨ́nə́ agho, wɛrə a mɨ gha adaʼ za o mɨ chigɨ njwəŋtə məzen ɨwu, ɨ kɨ gha ndóm wa o mɨ baʼtɨ a zɛrə ɨwu ə.

Marɨkusɨ 13:22

Bɨ Wa bɨ Zɔ́ʼnɨ́ bɨ ɨchwenu abɔʼnɨ ntóm Ŋwi ɨchwenu ghɨ fú a ɨshe ə. Bo ghɨ ghɨ ɨnu tsɨ yerɨnɨ-yerɨnɨ abɔʼnɨ ɨnu tsɨ tsanɨnɨ a ntámtɨ́ ɨbɛn, ɨ ghɛn kuʼ a nye ɨbɛn ba Ŋwi a tsɔ́ʼnɨ́ mbáʼ be a chi be mə lá.

Nkyɛʼə 12:9

Bɨ tyíŋ a tə́fəm dragɔn wa ɨ maʼ a ntáʼə — ɨnyo bənguʼ za bɨ tɔ́ŋnə́ ngə́ Dəbɨrɨ, kə Satan, mbáʼ ɨ támtɨ́nɨ́ atuəshe atsum lá. Bɨ máʼ ayi a shiʼ ngyen atuəshe, ndzɔŋ nkwiʼtɨ ɨtsendá Ŋwi ɨchi ɨtsum ə.

Nkyɛʼə 19:20

Bɨ chwá ɨnyam mɨbaʼ za abɔʼnɨ ntom Ŋwi ɨchwenu za ɨ ghɨ́nɨ́ ɨnu tsɨ yerɨnɨ-yerɨnɨ a ɨshi ɨnyam mɨbaʼ za lá a nye ngaŋ atsáŋ ə. (Bɨ tsá lá a ndzum ɨnu tsɨ yerɨnɨ-yerɨnɨ tsa wɛrə a támtɨ́nɨ́ ɨbɛn ba bɨ tsínɨ́ nɨ alyigɨ a ɨnyam mɨbaʼ za abɔʼnɨ ba bɨ ghúʼsɨ́nə a mɔn abe ɨnyam mɨbaʼ wa lá.) Bɨ máʼ ɨnyam mɨbaʼ za abɔʼnɨ ntom Ŋwi ɨchwenu za atú ntən a mu sagɨrə ɨmugɨ wa ka ɨ ndáʼə mbyɛ́nə́ ayi lá.

Jemsɨ 4:7

Ma lan, á nɨ ndzúʼnə́ a Ŋwi ə. A nɨ ton awən a Dəbɨrɨ, wɛrə a mɨ kɨ kɨə ayi awɨŋ ə.