Ɛfɛso 6:10 - Mɨkan wu Fi

¹⁰ A ndwɨgɨnə, á nɨ tɛm ntɨ́ŋə́ a nye ntsi ɨzən bɨŋ bɨ Maʼmbyí, ntsǎ a ndzum adaʼ azhi za ka a tsi ayi nɨ ɨfɨʼ lá.

Ɛfɛso 6:10 Referans Kwoze

Filibi 4:13

Ma chi ghɨ ɨnu ɨtsum a ntsǎ a ndzum Kristo, zɨ wa a ghánɨ́ adaʼ a mbó me ghe.

1 Korɨnto 16:13

A nɨ ŋaʼ ɨmɨgɨ ɨmən nɨ ɨtoŋnɨ ɨtsən, ntɛm ntəntɨ a mu abeməntəm, nkántɨ́ mbáŋnɨ́, nkeʼ nkə́ nchíʼnə́ ghe.

1 Bita 5:10

Lá mbáʼ nɨ zɛnɨ ngɨ́ʼ a nye məkum a nkfu, Ŋwi, zɨ wa a diʼnə abɔŋəntəm azhi nkfu tsum, zɨ wa a tsɔʼnɨ awən ngə́ á nɨ kɨ ntsi a mu nɨfáŋ ɨni nə nɨnkoŋ, a mbúm bɨŋ bɨ Kristo, zɨmboŋ a mɨ ghɨ á nɨ kɔʼ ntəm ngə́ tsáŋ, ɨ kɨ ghɨ á nɨ tɛm nkeʼ nchíʼnə́, ɨ tsi nɨ adaʼ, ɨ kɨ ghɨ á mɨngaŋ ɨmɨŋ shwi a ɨshe ə.

Kolose 1:11

A Ŋwi a ghɨ á nɨ ntɨ́ŋə́ nɨ adaʼ za a lonɨ a mbó mɨtən ma a nɨ mə nɨfáŋ ɨni, taŋ á nɨ chi chigɨ ntəm a nye ɨnu ɨtsum nɨ nchigə abɔʼnɨ nɨdorɨ ə.

Ɛfɛso 1:19

Nɨ mɨ kɨ zhi adzaŋ za mɨtən ɨmyi ma bɨ chinɨ keʼ fɨʼnɨ, a mɨ faʼnə a mu ɨnye bɨgɨnə ba bɨ nɨŋnɨ mɨntəm ɨmɨgɨnə a nye zɨ lá. Mɨtən məmen ma mɨ faʼnə a mu ɨnye bɨgɨnə tsi ndəŋndəŋ bo mɨtən mə wi ma

Ɛfɛso 3:16

Ma lɔ́ntə́ a mbó Ŋwi ngə́ á wɛrə a ghɛn a mu nɨfáŋ ɨni na nɨ ghaʼnɨ nga awən nɨ adaʼ ntsa a ndzum Azhwi azhi ngə́ á nɨ ntɨ́ŋə́ a mu azhwi azɨŋ ə.

2 Timotyo 4:17

Lá Maʼmbyí a tsí bɨgɨ zɨ, nkɨ nga adaʼ a mbó me, adzaŋ məwen, ma tsí nɨ adaʼ a nchwítɨ́ nkən wu shiʼnɨ wa tsɛʼ ɨtsum á ba a se bə Yuda be bɨtsum zuʼə; ma lan, bɨ ghángə́ bɨ soŋə ngə́ ma vwo ɨsáʼ, bɨ tsi nɨ njwitɨ me, lá wɛrə a fɨ́gɨ́ aghan a mu məziŋ ə.

2 Timotyo 2:1

A mbó gho Timotyo mɔn ɨghan, tɛm ntɨŋə ngə́ twə́ŋ ntsa a ndzum abɔŋəntəm za a nɨ azɨgɨnə a mbúm bɨgɨnə bɨ Kristo Yeso lá.

Filibi 4:8

A ndwɨgɨnə nə ɨbɔmbɨma ɨban, á nɨ lwɨgɨ ɨtú ɨtsən nɨ ɨnu tsə shiʼnɨ, ɨnu tsa tsɨ tsinɨ ngə́ á bɨ bontɨ a tsɛrə ghe. Ɨnu tsen lá ɨnu tsa a nɨ tsə nkənu, tsa tsɨ yenə nɨ nkɔʼsə atɨ́, tsə kuʼnɨnɨ, tsə fɛmnɨ, tsa bɨ kɔŋnɨ abɔʼnɨ tsa tsɨ bɔŋnɨ ɨbɛn ə.

2 Korɨnto 13:11

A ndwɨgɨnə nə ɨbɔmbɨma ɨban, fɨlye ɨfɨŋ ə. A nɨ ntǒkə́ ɨ kɔʼ tɛm ngə́ tsáŋ; á nɨ tɛgɨ ɨtú ɨtsən a nye ɨnu tsa ma buʼnɨ mbó a mbó bən mbɨ́ʼ a tsɛrə; á nɨ mbémnə́ bɨŋ bɨ ŋwɔn nɨ ŋwɔn; á nɨ nchyɛ̌ nɨ mbɔnɨ ə. Ŋwi, zɨ wa a ghánə́ akɔŋnɨ abɔʼnɨ mbɔnɨ a mɨ tsi bɨŋ bo ghe.

1 Bita 3:8

A ndwɨgɨnə: bən bɨtsum mɨ zagɨ tsi nɨ táʼ mbɔm ɨ kə́ konə a mɨlɨŋnɨ a nye ŋwɔn nɨ ŋwɔn; á nɨ kɔŋnɨ ɨtumbəm ɨtsən ŋwɔn nɨ ŋwɔn, ntsi nɨ ntəm ngɨ ɨbɔŋ a nye ŋwɔn nɨ ŋwɔn, nkə́ shíʼtə́ nɨ ɨtumbəm ɨtsən a ɨshe a ɨshi ŋwɔn nɨ ŋwɔn ə.

Filibi 3:1

A ndwɨgɨnə nə ɨbɔmbɨma ɨban, á nɨ ndórɨ́kə́ a nye adzaŋ za nɨ tsinɨ a mbúm bɨŋ bɨ Maʼmbyí ɛ. Ka a be ayi anu zə tsɛrə a mbó me ɨ bə kwiʼ ŋwaʼnɨ anu za ma kwɛnə ŋwaʼnɨ a mbó bɨŋ ə. A kɨ mbe zə shiʼnɨ a mbó bən mbáʼ be ma ghɨ adzaŋ məwiŋ ə.

1 Bita 4:11

ŋwɔn tsum wa a tsinɨ nɨ anu zə soŋnɨ, a mɨ zagɨ soŋ a zɛrə lá tso nkən wa ɨ lonɨ a mbó Ŋwi; ŋwɔn tsum wa a faʼnə, a tsi nɨ faʼə nɨ adaʼ za Ŋwi a ghanɨ wəmbo, taŋ a nye ɨnu ɨtsum, bɨ chi bontɨ a Ŋwi ɨ tsa a ndzum Yeso Kristo, zɨ wa nɨfáŋ tsinɨ wəmbo abɔʼnɨ mɨtən nɨnkoŋ lá. A be lá.

1 Yoane 2:14

Ma ŋwaʼnə a mbó bən, nə ɨbɔ ɨban mbɨ́ʼ ngə́ nɨ zhi a Tarɨ ə. Ma ŋwaʼnə a mbó bən, nə bɨtarɨ, mbɨ́ʼ ngə́ nɨ zhi a wɛrə wa a kwɛ́nə ntsi ɨ lɔgɨnɨ a mbiʼnə ghe. Ma ŋwaʼnə a mbó bən, nə nkaŋ ŋwɔn, mbɨ́ʼ ngə́ nɨ tən; nɨgham nɨ Ŋwi tsinə a mu ɨnye bən, nɨ kɨnə nkɨ ngháʼ a Wu Ntɔmnɨnɨ wa.