Ɛfɛso 5:4 - Mɨkan wu Fi

⁴ Kə ngə́ á ɨtɨshwe mɨgham, ɨlentɨ mɨgham abɔʼnɨ mɨgham mɨ atságɨ́ a mɨ fúə a ntsu bɨŋ ə. A nɨ mbáŋnə́ ngǎ a mɨya a mbó Ŋwi ə.

Ɛfɛso 5:4 Referans Kwoze

Kolose 3:8

Lá tɨtsɔŋnɨ nɨ mɨ zagɨ nyɛʼ ɨnu mətsiŋ ɨtsum tso: alwɛntɔŋ, mɨlwi wa a faʼkɨnɨ abɔʼnɨ abɨgəntəm ə. A nɨgham nɨ ntsənkɨ ɨkum ŋwɔn wu shiʼnɨ ɨwu kə ɨtɨshwe mɨgham láʼ nkeʼ a ntsu bən fuə.

Ɛfɛso 4:29

A nɨgham nɨ tɨbɔŋ keʼ a ntsu bən a fúə, á be tsɛʼ nɨgham na nɨ kwátɨ́nə́, abə́ŋ za a ghɨnə ŋwɔn a kwinə, nkwátə́ a fɨ́gɨ́ anu za a bɔŋnɨ, taŋ anu za nɨ sóŋnə́ á ghɨ ɨbɔŋ a mbó ɨbɛn ba bɨ zuʼnɨ awɨŋ ə.

1 Tesalonaika 5:18

ngǎ a mɨya a mbó Ŋwi mbɨ́ʼ atsum za a funɨ a nye bɨŋ ə. Nə nɨ anu za Ŋwi a lɔnə a mbó bən a mu ntsi mbyi ɨzən a mbúm bɨŋ bɨ Kristo Yeso ghe.

2 Bita 2:18

Bo ghamə nɨ nji tsɨ tən mɨgham mɨ ŋǔʼ ɨnye mə dzɨŋtɨ, nkə́ ndɔ́gɨ́ ɨnu ntɔrɨ ɨlɛbɨ tsa mbəmnye ɨ kɔŋnɨ a mbentɨ ɨ ko ɨbɛn ba bɨ bvurɨnɨ mbiʼnɨ a fu bo a tɨtərɨ ɨbɛn ba bɨ tsínə́ awa a mu afənu ə.

Ɛbal 13:15

A bɨgɨnə tiʼ lá ntsa wə ndzum mbóntə́ a Ŋwi nkfu tsum tso ɨwɨgɨnə ndóm nga mɨtsuʼnɨ mɨ atú, lá be ngə́, məzen a tsi lá tso mɨtsuʼnɨ mɨ atú ma ɨwəŋ ntsu ghánə́ a nkfu za bɨgɨnə sóŋnə́ nɨ mɨtsu ɨmɨgɨnə ngə́ wɛrə nɨ Maʼmbyí ɛ.

Filibi 4:6

A nɨ keʼ ɨnye ɨtsən a ngágə́ mbɨ́ʼ anu zə tsɛrə, lá a mu atsaʼtɨ a Ŋwi azən atsum, á nɨ bitɨ a Ŋwi nɨ azúm atsum za nɨ lɔnə ghe. Nkfu tsum za nɨ bítɨ́nə́ a wɛrə nɨ anu, á nɨ mbítə́ tsɛʼ nɨ ntəm wa ɨ lonɨ nɨ mɨya ghe.

Judɨ 1:10

Lá ɨbɛn biŋ jintə anu atsum za ka bo zuʼ nkɨ nji awa a zɛrə nɨ ndzɔm; ɨnu mətsen tsa bo zhínə́ tɨgha bo yɛʼ tso ɨnyam mɨbaʼ, tsa tsɨ tsənkɨnə awa lá.

2 Korɨnto 9:15

A bɨgɨnə gha a mɨya a mbó Ŋwi mbɨ́ʼ azúm zə ghanɨ azhi məzen za ntsu chi keʼ soŋ lá!

Marɨkusɨ 7:22

achwurɨ, mbe amiɛnɨngám, abɨgəntəm, ntám, nɨshwe, aghɨʼnɨ, nɨgham nɨ ntsənkɨ ɨkum ŋwɔn wu shiʼnɨ, ɨŋuʼ ɨnye abɔʼnɨ ngɨ ɨnu atərɨ ə.

Judɨ 1:13

Bo be lá tso nkyiɛ yiŋənɛmə wu tən a mu sagɨrə wu ngwi, nɨ ɨnu adɨrətú ɨtsa tsa tsɨ kɔ́ʼnə́ tso mɨfuʼ ə. Bo be lá tso mɨndzɔŋ ma mɨ ghə́nkɨ́nə́, bo məba, ba Ŋwi a lɛnə adiʼ a mbó bo nɨnkoŋ a mu adiʼ a ndzumnɨ za ɨ fɨ́ŋnə́ ntsa mbó lá.

2 Korɨnto 1:11

A nɨ ngwáʼtə́ awɨgɨ a mu atsaʼtɨ a Ŋwi azɨŋ ə. Ma lan, a ghɨ tíʼ bé ngə́ bɨ chwɨ́gɨ́ ɨtsaʼtɨ Ŋwi ɨtsən mbɨ́ʼ awɨgɨ, á Ŋwi a ghɨ fɔgɨ awɨgɨ; á bə ghaʼnɨ kɨ ntiʼ ntsaʼtɨ a Ŋwi nga a mɨya wəmbo mbɨ́ʼ atú azɨgɨ ə.

Roma 1:28

Tso mbáʼ ɨbɛn məba tonɨ awa a nɨ́ŋ ɨnu nkənu tsa bo tsinɨ nɨ njiɛ mbɨ́ʼ a Ŋwi a mu ɨtú ɨtsa lá, wɛrə a nyɛʼtɨ awa a mbó ɨkwaʼtɨ nkobɨ ɨtsa ngə́ á bo tiʼə ngɨ̌ ɨnu tsa bo benɨ keʼ ngɨə ghe.

2 Bita 2:7

Wɛrə a fɨ́gɨ́ a Lɔtərə a mu ngɨ́ʼ, zɨ wa a bénɨ́ ŋwɔn wu shiʼnɨ, wa a kɨ́nə́ ndzə́ŋnə́ mbɨ́ʼ ɨtɨshwe ngɨnɨ mɨnu mɨ ɨbɛn bɨtɨlɛn a nyɔngɔŋ ə.

Firɨmɔn 1:8

Mbɨ́ʼ akɔŋnɨ azo məzen, ntəm ɨghə chi faŋ tsɛʼ nkan tso mɨma ɨgho a ndzum Kristo a sóŋə́ nɨ mɨtən ngə́ o ghɨ a za bɨ tsinɨ nɨ ngɨə ghe.

1 Tesalonaika 3:9

Tɨtsɔŋnɨ bɨgɨ chi gha a mɨya a mbó Ŋwi ɨwɨgɨ mbɨ́ʼ awɨŋ ə. Bɨgɨ ghǎ a mɨya wəmbo mbɨ́ʼ nɨdorɨ na bɨgɨ tsinɨ nɨ nɛrə wə ɨshi, mbɨ́ʼ awɨŋ ə.

Ɛfɛso 1:16

ka ma nkyɛ́ntə́ aghan a ngá mɨya a mbó Ŋwi mbɨ́ʼ awən, nkwémtə́ awən a mu atsaʼtɨ azan,

Yoane 6:23

Ɨbáŋ nkyi tsə mɔʼɔ ló a Tibɛria ngyen a ngə́rɨ́ sagɨrə wa, a kɨʼ adiʼ za ɨnɔ wa ɨ kfúrɨ́nɨ́ abán za Maʼmbyí a tsáʼtɨ́nɨ́ a Ŋwi ɨwu atú lá.