Ɛfɛso 5:25 - Mɨkan wu Fi

²⁵ Ndóm, kɔŋ a ngwe ɨgho tso mbáʼ Kristo a kɔ́ŋnɨ́ ndáŋwi, ɨ nyɛʼtɨ bɨ zhwitɨ ayi mbɨ́ʼ atú a zɛrə lá.

Ɛfɛso 5:25 Referans Kwoze

1 Bita 3:7

Ndəŋndəŋ, bɨŋ bɨlóm mɨ zagɨ tsinə bɨŋ bɨ bəngye ɨbən nɨ nji ɨ shiʼnɨ ngə́ bo bɔrɨkɨ ntsa awɨŋ ə. A nɨ ndǐʼ mbɔm zɨ shiʼnɨ a mbó bo, mbɨ́ʼ ngə́ bɨŋ bo bɨtsum ghɨ kwárɨ́ azúm zə ghanɨ zə Ŋwi mbáʼ a lá ntsi ntən lá. A nɨ ngɨə mə lan taŋ á azúm zə tsɛrə a keʼ nkɨ́ŋə́ atsaʼtɨ a Ŋwi azɨŋ ə.

Kolose 3:19

Bɨlóm, á nɨ kɔŋ bəngye ɨbən, nkeʼ a nye bo a shə́gə́ ghe.

Ɛfɛso 5:28

A mbáŋnɨ́ ɨtsum kɔŋ bəngye ɨba tso mbáʼ bo kɔŋnɨ ɨtumbəm ɨtsa lá. Ŋwɔn mbáŋnɨ́ tsum wa a kɔŋnɨ a ngwe ɨyi a kɨ nkɔŋ atuəmbəm azhi ɛ.

Ɛfɛso 5:33

Lá ɨ soŋ anu a mbó bən ngə́ ndóm tsum a tsi nɨ ɨ zagɨ kɔŋ a ngwe ɨyi tso atuəmbəm azhi, á mangye tsum a kɨ ndzagɨ ndzuʼnɨ a ndóm ɨyi ɛ.

Ɛfɛso 5:2

Akɔŋnɨ a tsi nɨ ntsɨŋnɨ ntsi mbyi ɨzən, tso mbáʼ Kristo a kɔ́ŋnɨ́ awɨgɨnə, nga ntsi mbyi ɨzhi tso mɨtsuʼnɨ mɨ atú a nkfu bɨgɨnə tso akáŋ a Ŋwi za nyúʼtɨ́nɨ́ ɨ shiʼnɨ, ngɨə ɨnye Ŋwi bɔŋənə lá.

Galesha 1:4

A fɨ́gɨ́ bɨgɨnə a mu nguʼ mbyi zɨ ntɔmnɨnɨ zɨ tɨtsɔŋnɨ zen, Kristo a ghá atuəmbəm azhi tso mɨtsuʼnɨ mɨ atú mbɨ́ʼ mɨbvu ɨmɨgɨnə, a ndzúʼnɨ́ anu za Ŋwi, zɨ wa a nɨ Ŋwingɔŋ Ta ɨwɨgɨnə a lɔnə ghe.

Nkyɛʼə 1:5

nkɨ ndo a mbó Yeso Kristo, atɛmə-ndzě wa a faʼnə tsɛʼ nɨ táʼ ntəm, zɨ wa a nɨ ntsambyi ŋwɔn á bɨ zhwemnɨ a mbó nɨvwo, zɨ wa a kɨ́nə́ nkə́ saʼə bɨfɔ bɨ atuəshe zen lá. Wɛrə a kɔŋ awɨgɨnə ghe, wɛrə a kɨnə nkɨ nkwarɨ awɨgɨnə a mbó mɨbvu ɨmɨgɨnə a ntsǎ a ndzum alɛm azhi za wɛrə a chwírɨ́nɨ́ a nkfu bɨgɨnə,

Galesha 2:20

taŋ á tiʼ mbe ngə́ ka bə mbvurɨ mbe ayi me wa ma tsinɨ ntən, lá a nɨ zɨ Kristo mbáʼ a tsinɨ ntən a mu ɨnye me ghe. Ntsi ntən za ma tsinɨ ɨwu tɨtsɔŋnɨ, ma chyɛ̌ ntsǎ lá a ndzum abeməntəm za ma tsinɨ nɨ zɛrə a nye Mɔn Ŋwi, zɨ wa a kɔ́ŋnɨ́ aghan nga ntsi ntən ɨzhi tso mɨtsuʼnɨ mɨ atú mbɨ́ʼ aghan lá.

Nkyɛʼə 5:9

Bo zɔ́bɨ́ azɔbɨ a nkyi zə fi ngə́: “O tsi nɨ ɨlɨŋ a nkwárɨ́ aŋwaʼnɨ zə karɨnɨ za ɨ kɨ ŋaʼ ɨfɛnwu ɨchi ɛ. Mbɨ́ʼ ngə́ bɨ zhwítɨ́ agho, a ntsǎ a ndzum nɨvwo nɨ mɨtsuʼnɨ mɨ atú ɨno, o zón a ngá a mbó Ŋwi ɨbɛn bɨ ɨtsé tsɨ wi ɨtsum, ɨbɛn ba bɨ ghamnɨ mɨgham mɨtsum, ɨbɛn bɨ ɨlaʼ ɨtsum abɔʼnɨ ɨbɛn bɨ ngwəgɨ mɔn ŋwɔn tsum ə.

Matyo 20:28

tsɛʼ tso mbáʼ Mɔn Ŋwɔn a sé yen be ngə́ á bɨ faʼə a mbó zɨ, lá a faʼə a mbó ɨbɛn, ɨ kɨ gha ntsi ntən ɨzhi a ndzúŋ atú a ɨbɛn bə ghaʼnə.”

Ɨfaʼ 20:28

Ma lan, á nɨ lə atú nɨ ɨtumbəm ɨtsən nkɨ ndə atú a nye ɨbɛn ba bɨ nɨŋnɨ mɨntəm ɨma a nye Kristo ba Azhwi zə Fɛmnɨ a ghanɨ ngə́ á nɨ ndə̌tú nɨ bɛrə lá. A nɨ be bɨntsiŋ mɨnyam a nye ndáŋwi za a nɨ zɨ Ŋwi, za wɛrə a ghɨ́nɨ́ a nye ɨzhi ntsa a ndzum alɛm a Mɔn ɨyi lá.

Yoane 6:51

Ma nɨ abán za a ghánɨ́ ntsi ntən za a lónɨ́ a fɔməbvurə ɨ shiʼə. Be ŋwɔn a kfurɨ abán məzen, muŋ a mɨ tsi ntən nɨnkoŋ ə. Abán za ma mɨ ghɨ gha a mbó ɨbɛn bɨ atuəshe a nɨ ɨnyam ɨnye ɨzan za ma ghánə́ taŋ atuəshe a chi tsi atú ntɨŋ ə.”

1 Timotyo 2:6

zɨ wa a ghánɨ́ atuəmbəm azhi a ndzúŋ atú a ŋwɔn mɨsɔŋ a ntsu tsum ə. Məza a bé alɨgɨ a nye nyom wa a kúʼnɨ́nɨ́ ngə́ Ŋwi a lǒ ngə́ á bɨ loŋ a ŋwɔn tsum,

Ɛfɛso 5:24

Ma lan, mangye a tsi nɨ ndzuʼnɨ ndóm ɨyi nɨ ntəm ɨyi ɨtsum tso mbáʼ ndáŋwi zúʼnɨ́nə́ a Kristo lá.