Ɛfɛso 5:23 - Mɨkan wu Fi

²³ Mbɨ́ʼ ngə́ ndóm a tsi nɨ mɨtən atú ngwe ɨyi tso mbáʼ Kristo a tsinɨ nɨ mɨtən atú ndáŋwi lá; Kristo zɨmboŋ nɨ ndoŋ ndáŋwi za nɨ mbəmnye ɨzhi lá.

Ɛfɛso 5:23 Referans Kwoze

Kolose 1:18

Wɛrə nɨ atú a mbəmnye ɨzhi, mbe lá ndáŋwi; ntsi ntɨŋ mbəmnye za lǒ lá a mbó wɛrə ghe. Wɛrə nɨ ntsambyi Mɔn, wa Ŋwi a zhwémnɨ́nɨ́ a mbó nɨvwo, taŋ á be tsɛʼ zɨzɨ wa a chinɨ tsi nɨ ntsambyi adiʼ a nye ɨnu ɨtsum ə.

Ɛfɛso 4:15

A baŋnɨ mbe be nɨ ɨsoŋ nkənu a mu azhwi akɔŋnɨ, mbáʼ bɨgɨnə mɨ zagɨ kwi a nye mɨndóm mɨtsum ɨ kɔʼ kuʼ a nye ɨfɨʼ Kristo, zɨ wa a nɨ atú lá.

1 Tesalonaika 1:10

Bo kɨ́ soŋ ngə́ nɨ tsiŋə ngə́ á Mɔn ɨyi a lo a fɔməbvurə ngyen, Mɔn ɨyi Yeso, zɨ wa wɛrə a zhwémnɨ́nɨ́ a mbó nɨvwo lá. A nɨ Mɔn ɨyi məwen wa a kwárɨ́nə́ awɨgɨnə a mbó mɨlwi Ŋwi wa a yenə ghe.

Nkyɛʼə 5:9

Bo zɔ́bɨ́ azɔbɨ a nkyi zə fi ngə́: “O tsi nɨ ɨlɨŋ a nkwárɨ́ aŋwaʼnɨ zə karɨnɨ za ɨ kɨ ŋaʼ ɨfɛnwu ɨchi ɛ. Mbɨ́ʼ ngə́ bɨ zhwítɨ́ agho, a ntsǎ a ndzum nɨvwo nɨ mɨtsuʼnɨ mɨ atú ɨno, o zón a ngá a mbó Ŋwi ɨbɛn bɨ ɨtsé tsɨ wi ɨtsum, ɨbɛn ba bɨ ghamnɨ mɨgham mɨtsum, ɨbɛn bɨ ɨlaʼ ɨtsum abɔʼnɨ ɨbɛn bɨ ngwəgɨ mɔn ŋwɔn tsum ə.

1 Korɨnto 6:13

Wu mɔʼɔ ŋwɔn a mɨ soŋ ngə́, “Mɨdzɨ tsi lá a mbó mɨto, mɨto kɨ ntsi a mbó mɨdzɨ ə.” E; lá Ŋwi a ghɨ tsənkɨ mɨdzɨ abɔʼnɨ mɨto ə. Ka o tsi agho nɨ ndɔgɨ atuəmbəm azo a nye azúm a ntɔrɨ ɨlɛbɨ ə, a mbaŋnə faʼə nɨ zɛrə a mbó Maʼmbyí ɛ. Ɨdzúm ɨtsum tsa mbəmnye lɔnə, Maʼmbyí a ghǎ a tsɛrə ghe.

Ɨfaʼ 20:28

Ma lan, á nɨ lə atú nɨ ɨtumbəm ɨtsən nkɨ ndə atú a nye ɨbɛn ba bɨ nɨŋnɨ mɨntəm ɨma a nye Kristo ba Azhwi zə Fɛmnɨ a ghanɨ ngə́ á nɨ ndə̌tú nɨ bɛrə lá. A nɨ be bɨntsiŋ mɨnyam a nye ndáŋwi za a nɨ zɨ Ŋwi, za wɛrə a ghɨ́nɨ́ a nye ɨzhi ntsa a ndzum alɛm a Mɔn ɨyi lá.

Ɛfɛso 5:24

Ma lan, mangye a tsi nɨ ndzuʼnɨ ndóm ɨyi nɨ ntəm ɨyi ɨtsum tso mbáʼ ndáŋwi zúʼnɨ́nə́ a Kristo lá.

Nkyɛʼə 19:7

A bɨgɨnə dorɨkɨ nkɨ saŋnɨ; á bɨgɨnə gha nɨfáŋ a mbó wɛrə ghe! Mbɨ́ʼ ngə́ nkfu nɨzɔ́ʼ nɨ Mɔn Mbyindzɨ wa ɨ kuʼnə, mɨngən ɨyi a kɨ nkyaŋtɨ ɨnye ɨzhi mbɨ́ʼ a nɛrə ghe.