Ɛfɛso 5:21 - Mɨkan wu Fi

²¹ A nɨ ndzúʼnə́ a ŋwɔn nɨ ŋwɔn mbɨ́ʼ aghuʼsɨ za nɨ tsinɨ nɨ zɛrə a mbó Kristo ghe.

Ɛfɛso 5:21 Referans Kwoze

Filibi 2:3

A nɨ keʼ ghɨ anu zə tsɛrə a ntɛ́mə́ a mbyi ŋwɔn tsum taŋ á bɔŋ tsɛʼ a mbó bən kə a ndiʼ ɨnye, lá nɨ shíʼtə́ nɨ ɨnye ɨtsən a tɨshe a mbó ŋwɔn nɨ ŋwɔn, nkwáʼtə́ anu mbɨ́ʼ ɨbɛn bə mɔʼɔ a mbyi ntsa awɨŋ ə.

Ɛfɛso 5:24

Ma lan, mangye a tsi nɨ ndzuʼnɨ ndóm ɨyi nɨ ntəm ɨyi ɨtsum tso mbáʼ ndáŋwi zúʼnɨ́nə́ a Kristo lá.

Ɛfɛso 5:22

Mangye zuʼnɨ a ndóm ɨgho, tso ngə́ o ghɨə mə lan lá a mbó Maʼmbyí ɛ.

1 Bita 5:5

Ndəŋndəŋ, bɨŋ nkaŋ ŋwɔn mɨ zagɨ zuʼnɨnə bɨlyi ɨbɨŋ ə. Bən bɨtsum mɨ zagɨ wəgɨ ɨshíʼtə́ nɨ ɨnye a ɨshe tso ngə́ nɨ wəgɨ ɨtsɛʼ, adzaŋ za nɨ faʼnə a mbó ŋwɔn nɨ ŋwɔn; mbɨ́ʼ ngə́ aŋwaʼnɨ a Ŋwi a soŋ ngə́, “Ŋwi a furɨ ndzum ɨzhi ngǎ a mbó ɨbɛn ba bɨ ŋúʼnɨ́ ɨnye ɨtsa, lá ngǎ abɔŋəntəm a mbó ɨbɛn ba bɨ shíʼtɨ́nə́ nɨ ɨnye ɨtsa a ɨshe ə.”

Ɛbal 13:17

A nɨ ndzúʼnɨ́ ɨbɛn ba bɨ tsagɨnɨnə a ngɨ ɨnu tsa bo sóŋnə́ ngə́ á nɨ ngɨə; mbɨ́ʼ ngə́ bo lə̌tu nɨ bɨgharɨ ɨbən tso ɨbɛn ba bo ghɨnɨ fɨʼtɨ a mbó Ŋwi adzaŋ za bo fáʼnɨ́ ɨfaʼ ɨwa ghe. Be nɨ ndzúʼnə́ awa muŋ bo mɨ faʼnɨ ɨfaʼ ɨwa nɨ nɨdorɨ; ntú lá be muŋ bo mɨ faʼnə nɨ adzə́ŋnɨ, á məzen a keʼ nɨ akwatɨ zə tsɛrə a mbó bən chyɛ.

1 Bita 2:17

A nɨ nkɔ́ʼsə́ a ŋwɔn tsum atɨ́, nkɔŋ a ŋwɔn tsum wa bɨŋ bo nɨŋnɨ mɨntəm ɨmɨŋ bo a nye Kristo, mbɔ́gɨ́tə́ a Ŋwi, nkə́ ndǐʼ mbɔm zɨ shiʼnɨ a mbó Kaisa ghe.

1 Timotyo 3:4

a tsi nɨ ɨ zagɨ chi sáʼ ngwəgɨ ɨzhi ɨ shiʼnɨ, ɨ ghɨ á ɨbɔ ɨbyi ndzúʼnə́ ayi nɨ ndiʼ mbɔm zɨ shiʼnɨ a nye mɨndóm mɨtsum ə.

Galesha 5:13

A mbó bən nə ɨbɔmbɨma ɨban, Ŋwi tsɔ́ʼ awən lá ngə́ á nɨ tiʼ mbe ɨbɛn nkeʼ ɨbuʼ bə mbe ə. Lá á nɨ keʼ nyɛʼtɨ á nchyɛ nɨ atú azən məziŋ be anu za a mɨ ghɨ á ɨnu tsa mbəmnye lɔnə tiʼə ntsɨŋnə awɨŋ ə. A nɨ baŋnɨ nyɛʼtɨ á akɔŋnɨ a be azúm za a mɨ ghɨ á nɨ faʼə a mbó ŋwɔn nɨ ŋwɔn ə.

1 Timotyo 2:11

A bəngye ngyɛ́ʼə́ a mu nchyɛ̌ tə ngámə́ abɔʼnɨ nchyɛ̌ a mu ɨshiʼtə nɨ ɨnye ɨtsa a ɨshe ɨtsum ə.

1 Korɨnto 16:16

ngə́ á nɨ ndzúʼnɨ́ ɨbə́ŋ ɨbɛn tso mətsen, nkə́ ndzúʼnə́ a ŋwɔn tsum wa a faʼnə tso bo ghe.

1 Bita 2:13

Mbɨ́ʼ atú a Maʼmbyí, á nɨ ndzúʼnɨ́ bɨsáʼ bɨ atuəshe bɨtsum: kə a be be Kaisa, zɨ wa ɨmyi mɨtən tsinɨ atú atəntsánɨ́,

2 Korɨnto 7:1

Mbáʼ bɨ ghɨnə ɨkaʼ tsen ɨtsum a mbó bɨgɨnə lá, nə bɨbɔŋ bɨson ɨban, á bɨgɨnə sugɨ ɨtumbəm ɨtsɨgɨnə a nye ɨnu ɨtsum tsa tsɨ ghɨnə mbəmnye nɨ azhwi keʼ fɛ́mə́, ngɨə á nɨfɛm kɔʼ ndon a mu mbɔgɨtɨ Ŋwi ə.

2 Korɨnto 5:11

Ma lan, mbáʼ bɨgɨ zhinɨ anu za a diʼnɨ a mbɔ́gɨ́tɨ́ Maʼmbyí lá, bɨgɨ zhwə́ŋtə́ a ngamə a mbó ɨbɛn bə mɔʼɔ á bo yen a mbó wɛrə ghe. Ŋwi a zhi awɨgɨnə ngɛn ndwitə, ma kə́ ntsiŋə nɨ ntəm ɨghə ɨtsum ngə́ á nɨ kɨ nji aghə ɨ shiʼnɨ a mu mɨntəm ɨmɨŋ ə.