Ɛfɛso 5:20 - Mɨkan wu Fi

²⁰ Nɨ ɨkum Maʼmbyí Yeso Kristo ɨwɨgɨnə, á nɨ ngǎ a mɨya mbɨ́ʼ anu atsum a mbó Ŋwi, zɨ wa a nɨ Tarɨ lá.

Ɛfɛso 5:20 Referans Kwoze

Kolose 3:17

Anu atsum za nɨ ghɨnə kə ɨ sóŋə́, nɨ tsi nɨ ngɨ zɛrə lá nɨ ɨkum Maʼmbyí Yeso, adzaŋ za nɨ ghánə́ a mɨya a mbó Ŋwi, zɨ wa nɨ Tarɨ ntsǎ a ndzum wɛrə lá.

1 Tesalonaika 5:18

ngǎ a mɨya a mbó Ŋwi mbɨ́ʼ atsum za a funɨ a nye bɨŋ ə. Nə nɨ anu za Ŋwi a lɔnə a mbó bən a mu ntsi mbyi ɨzən a mbúm bɨŋ bɨ Kristo Yeso ghe.

Ɛbal 13:15

A bɨgɨnə tiʼ lá ntsa wə ndzum mbóntə́ a Ŋwi nkfu tsum tso ɨwɨgɨnə ndóm nga mɨtsuʼnɨ mɨ atú, lá be ngə́, məzen a tsi lá tso mɨtsuʼnɨ mɨ atú ma ɨwəŋ ntsu ghánə́ a nkfu za bɨgɨnə sóŋnə́ nɨ mɨtsu ɨmɨgɨnə ngə́ wɛrə nɨ Maʼmbyí ɛ.

Filibi 4:6

A nɨ keʼ ɨnye ɨtsən a ngágə́ mbɨ́ʼ anu zə tsɛrə, lá a mu atsaʼtɨ a Ŋwi azən atsum, á nɨ bitɨ a Ŋwi nɨ azúm atsum za nɨ lɔnə ghe. Nkfu tsum za nɨ bítɨ́nə́ a wɛrə nɨ anu, á nɨ mbítə́ tsɛʼ nɨ ntəm wa ɨ lonɨ nɨ mɨya ghe.

Ɛfɛso 5:4

Kə ngə́ á ɨtɨshwe mɨgham, ɨlentɨ mɨgham abɔʼnɨ mɨgham mɨ atságɨ́ a mɨ fúə a ntsu bɨŋ ə. A nɨ mbáŋnə́ ngǎ a mɨya a mbó Ŋwi ə.

2 Tesalonaika 1:3

Ɨbɔmbɨma ɨbɨgɨ, bɨgɨ mɨ zagɨ ghanə a mɨya a mbó Ŋwi nkfu tsum mbɨ́ʼ awɨŋ ə. A kuʼnɨ a mbó bɨgɨ a ngɨə mə lan, mbɨ́ʼ ngə́ abeməntəm azən a kwiə tsɛʼ a nkan, akɔŋnɨ za ŋwɔn nɨ bɨŋ tsum a tsinɨ nɨ zɛrə a nye bə mɔʼɔ a kə́ ngháʼ ɨ ghaʼnɨ ə.

2 Tesalonaika 2:13

Ɨbɔmbɨma, bɨgɨ mɨ zagɨ ghanə a mɨya a mbó Ŋwi nkfu tsum a nkfu bən, bən ba Maʼmbyí a kɔŋnɨ lá. Mbɨ́ʼ ngə́ Ŋwi a tsɔ́ʼ awən tso bɨtsa bɨ mbyi ba bɨ lóŋnɨ́ awa ntsa lá a ndzum Azhwi zə Fɛmnɨ nkɨ ntsa a ndzum abeməntəm azən a nye nkənu taŋ ɨ ghɨ awən a nye ɨbɛn ɨbyi bə fɛmnɨ ə.

1 Bita 2:5

Yenə tso ngɔʼ tsa tsɨ ghánɨ́ ntsi ntən, ɨ nyɛʼtɨ ɨtumbəm ɨtsən á bɨ lɔgɨ a tsɛrə ngvwu nɨshwim nɨ azhwi na ɨwu, mbe adiʼ za nɨ mɨ faʼnə ɨwu tso bɨntumshe bə fɛmnɨ a ngá mɨtsuʼnɨ mɨ atú mɨ azhwi ma bɨ bemnɨ a mbó Ŋwi ntsa a ndzum Yeso Kristo ghe.

1 Korɨnto 1:4

Ma ghǎ a mɨya a mbó Ŋwi nkfu tsum mbɨ́ʼ awən mbɨ́ʼ abɔŋəntəm azhi za a ghanɨ a mbó bən ntsa a ndzum Kristo Yeso ghe.

Yoane 15:16

Nɨ sé aghan zarɨ; ma zárɨ́ awən nkɨ ntsɔ́ʼ awən ngə́ á nɨ ghɛn nkónɨ́ mɨntam mə ghaʼnɨ, ɨbə́ŋ mɨntam ma mɨ ghɔ́ŋnə́ nɨnkoŋ ə. Ma lan, Tarɨ a mɨ gha azúm atsum za nɨ bitɨnɨ wəmbo nɨ ɨkum ɨghə.

1 Bita 4:11

ŋwɔn tsum wa a tsinɨ nɨ anu zə soŋnɨ, a mɨ zagɨ soŋ a zɛrə lá tso nkən wa ɨ lonɨ a mbó Ŋwi; ŋwɔn tsum wa a faʼnə, a tsi nɨ faʼə nɨ adaʼ za Ŋwi a ghanɨ wəmbo, taŋ a nye ɨnu ɨtsum, bɨ chi bontɨ a Ŋwi ɨ tsa a ndzum Yeso Kristo, zɨ wa nɨfáŋ tsinɨ wəmbo abɔʼnɨ mɨtən nɨnkoŋ lá. A be lá.

Filibi 1:3

Ma ghǎ a mɨya a mbó Ŋwi ɨghan mbɨ́ʼ awən nkfu tsum za ma wiʼtɨnɨ awɨŋ ə;

Ɨfaʼ 5:41

Adzaŋ za ntóm Yeso lónɨ́ a ɨshi Ngaŋ Sáʼ Abyɛn lá, bo dórɨ́ mbɨ́ʼ ngə́ Ŋwi a zɛ́n ngə́ bo kúʼnɨ́ a nkwárɨ́ adɨrətú mbɨ́ʼ atú a Yeso ghe.

1 Tesalonaika 3:9

Tɨtsɔŋnɨ bɨgɨ chi gha a mɨya a mbó Ŋwi ɨwɨgɨ mbɨ́ʼ awɨŋ ə. Bɨgɨ ghǎ a mɨya wəmbo mbɨ́ʼ nɨdorɨ na bɨgɨ tsinɨ nɨ nɛrə wə ɨshi, mbɨ́ʼ awɨŋ ə.

Roma 1:8

A mbyigɨ mbyi, ma gha a mɨya a mbó Ŋwi ɨghan mbɨ́ʼ awən bɨtsum ntsa a ndzum Yeso Kristo, mbɨ́ʼ ngə́ mbyi tsum ɨ zǔʼ nkərɨ mbɨ́ʼ abeməntəm azən a nye Yeso ghe.

1 Korɨnto 15:24

Ndwitɨ atuəshe mɨ tiʼ yiŋə; Kristo a mɨ ghɔʼ ɨzhwi tsɨ tən ɨtsum tsa tsɨ sáʼnə́ a nɨkaŋ, ɨ tiʼ gha Nɨfɔ na a mbó Ŋwi, zɨ wa a nɨ Tarɨ lá.