Ɛfɛso 5:19 - Mɨkan wu Fi

¹⁹ A nɨ ngámnə́ bən nɨ bən, ndɔ́gə́ mɨgham ma mɨ funɨ a mu bɨsalmsɨ abɔʼnɨ ɨzɔbɨ nkyi nɨ ɨzɔbɨ nkyi tsɨ fɛmnɨ; ndzɔ́bə́ mɛrə nkə́ mbóntə́ a Maʼmbyí nɨ mɨntəm ɨmən mɨtsum ə.

Ɛfɛso 5:19 Referans Kwoze

Kolose 3:16

A nkən mbɨ́ʼ a Kristo ɨ tsi a mu mɨntəm ɨmən tsɛʼ ɨ shiʼnɨ ɨ shiʼnɨ ə. A nɨ ndíʼə nkə́ ntɨ́gɨ́tə́ a ŋwɔn nɨ ŋwɔn nɨ abə́ŋ a zóŋ atsum ə. A nɨ ndzɔ́bə́ ɨzɔbɨ nkyi tsa tsɨ tsinɨ a mu aŋwaʼnɨ a Ŋwi abɔʼnɨ ɨzɔbɨ nkyi azhwi nɨ ɨzɔbɨ nkyi tsɨ fɛmnɨ; á nɨ ndzɔ̌b mɨnkyi a mbó Ŋwi nɨ nga mɨya a mu mɨntəm ɨmɨŋ ə.

1 Korɨnto 14:26

Ma lánə́ sóŋə́ lá ngə́ ke le, a ɨbɔmbɨma ɨban? Be nɨ bomnkɨ a ngúʼsɨ́ Ŋwi, á táʼ ŋwɔn a chwa azɔb a nkyi, á wu mɔʼɔ a chwa anu a ndiʼ anu a Ŋwi, á wu tse a kyɛʼ nkən wa ɨ lonɨ a mbó Ŋwi, á wu mɔʼɔ a gham mɨgham mɨ ɨtóm ɨtóm, á wu mɔʼɔ a tiʼ ngwiʼtɨ fɨʼtɨ anu za mɨgham mɨ ɨtóm ɨtóm miŋ sóŋnə́ ghe. A nɨ ngɨ̌ ɨnu tsɛʼ a nye ndóm wa ɨ mɨ ghɨ á ŋwɔn tsum a nkwi ɨ kwinɨ a nye abeməntəm azhi mu ndáŋwi ə.

Ɨfaʼ 16:25

A ghɨnə mbé tso ntɨŋ ɨtfúʼ Baolo bo Sailasɨ tsaʼtɨnə a Ŋwi nkə́ ndzɔ́bɨ́ mɨkom ngúʼsə́ a Ŋwi ɨwu, ngaŋ atsáŋ tsə mɔʼɔ tsa zhwiʼtɨnə ghe.

Jemsɨ 5:13

Ŋwɔn nɨ bən wu tse a tsi a mu ngɨ́ʼ le? A ŋwɔn məwa a tsaʼtɨ a Ŋwi ə. Ŋwɔn nɨ bən wu tse a tsi a mu nɨdorɨ le? A ŋwɔn məwen a zɔbɨ ɨkom mbontɨ a Ŋwi ə.

Matyo 26:30

Bo tíʼ ndzúmtɨ́ azúmtɨ, ɨ fu nkɔʼ ngɛn atú ntáʼ Olif ə.

Matyo 15:8

‹Ŋwi a soŋ ngə́, “Ɨbɛn ben, bo kɔ́ʼsə́ aghan atɨ́ tsɛʼ nɨ ɨwəŋ ntsu ɨtsa, lá mɨntəm ɨma tsi nəghagɨ a nye me ghe.

1 Korɨnto 14:15

Ma mɨ tiʼ ghɨ lá ɨ nə́ le? Ma mɨ tsaʼtɨ a Ŋwi nɨ azhwi azan lá ma mɨ kɨ tsaʼtɨ a Ŋwi nɨ akwaʼtɨ azan wəbɔʼ ə; ma mɨ zɔbɨ nkyi a ngúʼsɨ́ Ŋwi nɨ azhwi azan lá ɨ kɨ zɔbɨ nkyi nɨ akwaʼtɨ azan wəbɔʼ ə.

Nkyɛʼə 5:9

Bo zɔ́bɨ́ azɔbɨ a nkyi zə fi ngə́: “O tsi nɨ ɨlɨŋ a nkwárɨ́ aŋwaʼnɨ zə karɨnɨ za ɨ kɨ ŋaʼ ɨfɛnwu ɨchi ɛ. Mbɨ́ʼ ngə́ bɨ zhwítɨ́ agho, a ntsǎ a ndzum nɨvwo nɨ mɨtsuʼnɨ mɨ atú ɨno, o zón a ngá a mbó Ŋwi ɨbɛn bɨ ɨtsé tsɨ wi ɨtsum, ɨbɛn ba bɨ ghamnɨ mɨgham mɨtsum, ɨbɛn bɨ ɨlaʼ ɨtsum abɔʼnɨ ɨbɛn bɨ ngwəgɨ mɔn ŋwɔn tsum ə.