Ɛfɛso 5:14 - Mɨkan wu Fi

¹⁴ mbɨ́ʼ ngə́ anu atsum za a fúnə́ a ɨshe asaŋəsaŋ, a nɨ nkaʼ ə. Nə nɨ anu za bɨ soŋnɨ ngə́: “O, gho wa o lyénə́, vwukɨ a fɨlye nkɨ nzhwemnɨ a mbó nɨvwo, á nkaʼ Kristo ɨ tá a nye gho ghe.”

Ɛfɛso 5:14 Referans Kwoze

1 Tesalonaika 5:6

Ma lan, á bɨgɨnə keʼ ndyě tso bə mɔʼɔ ghe; á bɨgɨnə tsi a nɨkyerə nkə́ nchwátɨ́ ɨnye ɨtsɨgɨnə ghe.

2 Korɨnto 4:6

A nɨ Ŋwi, zɨ wa a sóŋnɨ́ ngə́, “A nkaʼ fu a mu ndzumnɨ mbaŋə,” a nɨ ndəŋndəŋ Ŋwi, zɨ wa a ghɨnɨ nkaʼ ɨyi baŋ a mu mɨntəm ɨmɨgɨnə, a ngɨə á bɨgɨnə zhi nɨfáŋ nɨ Ŋwi na nɨ tánə́ ndǒ a nye Yeso Kristo lá.

Kolose 3:1

Ŋwi a zhwemnɨnə awən bɨŋ bɨ Kristo a mbó nɨvwo ə. Ma lan, á nɨ tɛgɨ mɨntəm ɨmən a nye ɨdzúm tsa tsɨ tsinɨ a fɔməbvurə, adiʼ wa Kristo a shiʼtɨnɨ ntsi atú abərɨ azhi a bagɨ abó a Ŋwi zə maʼə lá.

Roma 6:13

Nɨ keʼ bə ndɔgɨ ɨlam ɨnye ɨtsən a nye ɨdzúm afaʼ a ngɨ ɨbvu, lá nɨ baŋnɨ ngyen nɨ ɨtumbəm ɨtsən a mbó Ŋwi tso ɨbɛn ba Ŋwi a kwarɨnɨ awa a mbó nɨvwo ngɨ bɨ tsi ntən, ntiʼ ndɔgɨ ɨtumbəm ɨtsən tsə fɨgɨnɨ ngɛn nɨ tsɛrə a mbó Ŋwi tso ɨdzúm afaʼ tsə ngɨ̌ ɨnu tsɨ chinɨnɨ ə.

Yoane 9:5

Adzaŋ za ma bvurɨnɨ ntsi atuəshe lá, ma nɨ nkaʼ a mbó atuəshe.”

Yoane 8:12

Yeso a bə́ nkwiʼ ngám a mbó bə Farisao ngə́, “Ma nɨ nkaʼ wu atuəshe ə. Ŋwɔn tsum wa a zɔŋnɨ aghan, a mɨ tsi nɨ nkaʼ ntsi ntən, ɨ láʼ keʼ a mu ndzumnɨ yiŋə.”

Ɛfɛso 2:5

tsɛʼ a nkfu za bɨgɨnə kfónɨ́ mbɨ́ʼ atɨŋətú azɨgɨnə abɔʼnɨ mɨbvu ɨmɨgɨnə lá, wɛrə a ghɨ́ bɨgɨnə tsi atú ntən bɨgɨnə bɨ Kristo ghe. A ndzum abɔŋəntəm bɨ loŋnə awɨŋ ə.

1 Korɨnto 15:34

A nɨ bə́ mbən a nye ɨkwaʼtɨ ɨtsən tsə shiʼnɨ nkɨ nkyɛntɨ ngɨ̌ mɨbvu ə. Ma soŋ ntəm ɨghan a mbó bən ngə́ bən bə tsɛrə se a Ŋwi zhyɛ. Ma soŋ a məzen tso anu adɨrətú a mbó bɨŋ ə.

2 Timotyo 1:10

lá tɨtsɔŋnɨ bɨ kyɛʼnə a zɛrə a mbó bɨgɨnə, ntsa a ndzum adzaŋ za ndoŋ ɨwɨgɨnə Kristo Yeso a yénɨ́ lá. Wɛrə a lwɨgɨnɨnə mɨtən mɨ nɨvwo, a ntsǎ a ndzum nkən wu shiʼnɨ, wɛrə a kyɛʼnə ntsi ntən nɨnkoŋ a mbó bɨgɨnə ghe.

2 Timotyo 2:26

Bo mɨ tiʼ vwukɨ a fɨlye, ɨ lɛʼ ndab za Dəbɨrɨ a nyɔŋnɨ nko awa ɨwu, ngɨ bo ghɨnɨ ɨnu tsa wɛrə a lɔnə lá.

Ɨfaʼ 13:47

Mbɨ́ʼ ngə́ ntɨgə za Maʼmbyí a ghanə a mbó bɨgɨ ɨ zɛnə ngə́: ‹Ma ghɨnə awən a nye nkaʼ a mbó ba a se bə Yuda be, taŋ á bɨ chi loŋ mbyi tsum ə.› ”

Alukasɨ 1:78

Ŋwi ɨwɨgɨnə a kǒ a mɨlɨŋnɨ nkɨ ndon nɨ akɔŋnɨ ə. Wɛrə a ghɨ ghɨ ɨloŋ ɨ yen a mbó bɨgɨnə tso ɨshiʼ njwi zɨ fɛmnɨ

Alukasɨ 15:24

Mbɨ́ʼ ngə́ mɔn ɨghan wu mbáŋnɨ́ wen a kfô, lá tɨtsɔŋnɨ a bə ntsi ntɨŋ ə; a byê, lá tɨtsɔŋnɨ bɨ bənə ndzɛn ayi ɛ.› Nɨdorɨ na tíʼ mbiʼnə.

Ɛfɛso 2:1

Bən, a ghɨ́ awən nɨ tsi ntən, a nkfu za nɨ kfónɨ́ mbɨ́ʼ atɨŋətú azən abɔʼnɨ mɨbvu ɨmən