Ɛfɛso 4:7 - Mɨkan wu Fi

⁷ Lá Kristo a díʼ abɔŋəntəm azhi a mbó ŋwɔn nɨ bɨgɨnə tsum, ɨfaŋə za azúm zə ghanɨ məzen a faŋnɨ, a diʼ adzaŋ za wɛrə a ghánə́ abó ə.

Ɛfɛso 4:7 Referans Kwoze

Roma 12:3

Mbɨ́ʼ ngə́, a ntsǎ a ndzum abɔŋəntəm a Ŋwi za a ghanɨ a mbó me, ma sóŋə́ a mbó ŋwɔn nɨ bɨŋ tsum ngə́ á ŋwɔn tse a tɨtərɨ bən a keʼ nkwáʼtə́ ngə́ zɨə nɨ ŋwɔn wu ngwi ntsa adzaŋ za a benə. A mbáŋnə́ shíʼtə́ nɨ atuəmbəm azhi a tɨshe, ɨ fɨ́ʼə atuəmbəm azhi ndzɔ̌ŋ ndvuŋ abeməntəm wa Ŋwi a ghanɨ wəmbo ndzɔ̌ŋ adzaŋ za zɨmboŋ a zɛ́nə́ atuəmbəm azhi ɛ.

1 Bita 4:10

Adzaŋ za ŋwɔn tsum ɨ mɔ́ʼɔ́ mɔ́ʼɔ́ a kwarɨnɨ azúm zə ghanɨ a mbó Ŋwi lá, á nɨ faʼə nɨ zɛrə a mbó ŋwɔn nɨ ŋwɔn, tso ngaŋ afaʼ tsə shiʼnɨ tsə abɔŋəntəm a Ŋwi za a tsinɨ a mbúŋə́ mbón lá:

Ɛfɛso 3:2

Ma kwaʼtɨ ngə́ nɨ zagɨnə ndzuʼ ngə́ Ŋwi, a mu abɔŋəntəm azhi, a ghanə afaʼ zen a mbó me mbɨ́ʼ ɨbɔŋ ɨwɨŋ ə.

Ɛfɛso 3:8

Ka ma kuʼ aghan ndwɨgɨnɨ ndzum ŋwɔn a tɨtərɨ ɨbɛn bɨ Ŋwi ə. Lá a mu abɔŋəntəm a Ŋwi, wɛrə a ghá abárɨ́ a mbó me a ndɔgɨ Nkən wu Shiʼnɨ ɨ ghɛn nɨ wɛrə a mbó ɨbɛn ba bɨ se bə Yuda be ə. Nkən məwiŋ be lá mbɨ́ʼ afuʼ a tɨmi za a tsinɨ a nye Kristo ghe.

Matyo 25:15

A mbó táʼ wɛrə a ghá aban a nkáb, a mbó wu mɔʼɔ nkáb nchwuʼ mɨghúm mi nɨkwa, a mbó wu mɔʼɔ nkáb nchwuʼ tsi nɨghúm ə. Wɛrə a yɛ́btɨ́ nkáb za a mbó bo ndzɔ̌ŋ ndvuŋ adaʼ wa ŋwɔn nɨbo tsum a tsínɨ́ nɨ wɛrə, ntiʼ ɨ fu ayi ɛ.

Yoane 3:34

Ŋwɔn wa Ŋwi a tsagɨnɨ lá, a ghamə lá mɨgham mɨ Ŋwi ə; mbɨ́ʼ ngə́ Ŋwi a ghǎ Azhwi azhi wəmbo tɨ ɨfɨʼ ə.

2 Korɨnto 6:1

Ma lan, mbáʼ bɨgɨ faʼnə abó mɔ́ʼɔ́ bɨgɨ bɨ Ŋwi lá, bɨgɨ bǔʼ mbó a mbó bən ba nɨ kwarɨnə abɔŋəntəm a Ŋwi ngə́ á nɨ keʼ a zɛrə atú adaŋədaŋə kwarə.

Ɛbal 2:4

Ŋwi a kɨ́ ndiʼ ngə́ nkən məwen ɨ bé nkənu a nye adzaŋ za wɛrə a díʼnɨ́ ɨlɨgɨ abɔʼnɨ ɨnu tsɨ tsanɨnɨ nɨ ɨnu tsɨ yerɨnɨ-yerɨnɨ tsə ghaʼnɨ ə. Wɛrə a kɨ́ mbe atɛmə-ndzě a ntsǎ a ndzum ɨdzúm tsə ghanɨ tsə Azhwi zə Fɛmnɨ tsa wɛrə a ghánɨ́ a mbó bo a nkɔŋ zɨə.