Ɛfɛso 4:29 - Mɨkan wu Fi

²⁹ A nɨgham nɨ tɨbɔŋ keʼ a ntsu bən a fúə, á be tsɛʼ nɨgham na nɨ kwátɨ́nə́, abə́ŋ za a ghɨnə ŋwɔn a kwinə, nkwátə́ a fɨ́gɨ́ anu za a bɔŋnɨ, taŋ anu za nɨ sóŋnə́ á ghɨ ɨbɔŋ a mbó ɨbɛn ba bɨ zuʼnɨ awɨŋ ə.

Ɛfɛso 4:29 Referans Kwoze

Kolose 4:6

A nɨ ngǎm mɨgham ma mɨ bɔŋnə ɨbɛn nkə́ ngɨə ɨnye ɨtsa shánə, á nɨ kɨ nji adzaŋ a ngá achwɨgə za a kuʼnɨnɨ a mbó ŋwɔn tsum ə.

1 Tesalonaika 5:11

Ma lan, á nɨ ngwɔ́ŋtə́ a ŋwɔn nɨ ŋwɔn nkə́ nkwátə́ a ŋwɔn nɨ ŋwɔn, tsɛʼ tso mbáʼ nɨ ghɨnə tɨtsɔŋnɨ lá.

Matyo 5:16

Ndəŋndəŋ, nkaʼ ɨgho tsi nɨ ɨ zagɨ baŋ a ɨshi ɨbɛn, taŋ á bɨ ndzě ɨfaʼ ɨtso tsə shiʼnɨ, ntíʼə mbóntə́ a Ta ɨgho wa a tsinɨ a fɔməbvurə ghe.”

1 Bita 2:12

Mbɔm ɨzən a tɨtərɨ ba a se bə Yuda be tsi nɨ mbɔŋə be tɨ́sə́n a nye ndóm wa a nkfu za bɨ kaŋnɨ awən ngə́ nɨ nɨ ngaŋ ngɨ ɨnu tsɨ tɔmnɨnɨ, bɨ mɨ ze ngɨnɨ mɨnu ɨmən mə shiʼnɨ, ma lan, ɨ bontɨ a Ŋwi a Njwi wa wɛrə a lo bə yen lá.

Alukasɨ 4:22

Ŋwɔn tsum a bémtɨ́ a wɛrə, a kə ntiʼə nkɨ́ʼnə́ awa adzaŋ za ntsu ɨyi chínə́ ntsǎ a nye ɨnu tsa a kɨ́nə́ sóŋə́ ghe. Bo tíʼ mbitɨ ngə́, “A se mɔn Yosɛb a wen be le?”

1 Bita 3:1

Ndəŋndəŋ, bɨŋ bəngye mɨ zagɨ zuʼnɨnə bɨlóm ɨbən, taŋ be a be ngə́ ŋwɔn nɨ bo wu tse a se nɨŋ ntəm ɨyi a nye nɨgham nɨ Ŋwi, muŋ mbɔm ɨzɨŋ mɨ ghɨ á bo bəŋ mɨntəm ɨma ɨ nɨŋ a mɛrə a nye Kristo ghe. Nɨ mɨ keʼ bə ntsi nɨ ngam nɨgham nə tsɛrə,

Ɛfɛso 4:16

Tso mbáʼ wɛrə a nɨ atú lá, Kristo a ghɨ̌ ɨlam ɨnye tsa ɨtsum bosɨnə adiʼ ziə mɔ́ʼɔ́, mɨkyebɨnɨ ma mɨ tsinɨ a mu mbəmnye za mɨ tiʼə nchíntɨ́ mbəmnye tsum táʼ adiʼ ə. Be a be ngə́ alam a ɨnye atsum a faʼə afaʼ azhi adzaŋ za a benɨ faʼ, mbəmnye tsum mɨ kwi ɨ tən, ɨ tsa a ndzum akɔŋnɨ ə.

Ɛfɛso 4:12

Wɛrə a ghɨ́ a məzen lá taŋ ɨ kyaŋtɨ ɨbɛn bɨ Ŋwi a faʼ ɨfaʼ Kristo, taŋ ɨ kyaŋtɨ mbəmnye Kristo za ɨ kɔʼ ntɛm ə.

2 Bita 2:18

Bo ghamə nɨ nji tsɨ tən mɨgham mɨ ŋǔʼ ɨnye mə dzɨŋtɨ, nkə́ ndɔ́gɨ́ ɨnu ntɔrɨ ɨlɛbɨ tsa mbəmnye ɨ kɔŋnɨ a mbentɨ ɨ ko ɨbɛn ba bɨ bvurɨnɨ mbiʼnɨ a fu bo a tɨtərɨ ɨbɛn ba bɨ tsínə́ awa a mu afənu ə.

1 Korɨnto 14:19

Lá be ma tsi a ndáŋwi a nkfu nguʼsɨ Ŋwi, a bɔŋ ngə́ á ma gham tsɛʼ mbum mɨgham tso mi mɨntə̧̂ mbáʼ bɨ chinɨ zuʼ, taŋ ɨ diʼ ɨbɛn bə mɔʼɔ, ntsa a ngǎm ɨnu a nye nchwuʼ ɨchi a nye mɨgham mɨ ɨtóm ɨtom ə.

Roma 14:19

Ma lan, bɨgɨnə mɨ zagɨ ghɛn nɨ mbyi a ngɨ ɨnu tsa tsɨ yenə nɨ mbɔnɨ abɔʼnɨ tsa tsɨ kwátɨ́nə́ a shintɨ ŋwɔn nɨ ŋwɔn ə.

Roma 15:2

Bɨgɨnə baŋnɨ ngɨ á ɨnye ɨbɔmbɨma ɨbɨgɨnə mbɔ́ŋə́ taŋ ɨ kwatɨ ɨ ghɨ á abeməntəm aza a ntɨ́ŋə́ ghe.

Yoane 1:37

Bɨyɛʼ ɨbyi ba bi bɨbá zúʼ adzaŋ za a sóŋnɨ́ a məzen, ntiʼ ndzɔŋ a Yeso ghe.