Ɛfɛso 4:25 - Mɨkan wu Fi

²⁵ Ma lan, á ɨchwenu keʼ ɨwu bə mbe ə! Ŋwɔn nɨ ŋwɔn a tsi nɨ ɨ zagɨ soŋ nkənu a mbó wu mɔʼɔ mbɨ́ʼ ngə́ bɨgɨnə bɨtsum lá ɨlam ɨnye táʼ mbəmnye za a nɨ Kristo lá.

Ɛfɛso 4:25 Referans Kwoze

Kolose 3:9

A nɨ keʼ nchwě ɨnu a mbó ŋwɔn nɨ ŋwɔn, mbɨ́ʼ ngə́ nɨ tsɔʼnə mbəmnye zɨ ndvuŋ za abɔʼnɨ ngɨnɨ mɨnu ɨmyi tso bɨ tsɔʼtɨ ɨtsɛʼ

Roma 12:5

Ndəŋndəŋ, bɨgɨnə baʼtɨ ngháʼ ɨ ghaʼnɨ lá, mbe táʼ mbəmnye za ɨ tsinɨ a mbúm bɨgɨnə bɨ Kristo, bɨgɨnə bɨtsum chwuʼnɨ a nye ŋwɔn nɨ ŋwɔn tso mbáʼ ɨlam ɨnye táʼ mbəmnye chwuʼnɨnɨ awa lá.

Ɛfɛso 4:15

A baŋnɨ mbe be nɨ ɨsoŋ nkənu a mu azhwi akɔŋnɨ, mbáʼ bɨgɨnə mɨ zagɨ kwi a nye mɨndóm mɨtsum ɨ kɔʼ kuʼ a nye ɨfɨʼ Kristo, zɨ wa a nɨ atú lá.

Nkyɛʼə 21:8

Lá bə kɨəngvwurɨ, bɨ tɨ tsi nɨ abeməntəm a nye Yeso, ɨbɛn ba bɨ ghɨnɨ ɨtumbəm tsa tsɨ nyaʼnɨ, ngaŋ njwítɨ́ ɨbɛn, ngaŋ ngɨ ɨnu ntɔrɨ ɨlɛbɨ, ngaŋ fu abú, ngaŋ nguʼsɨ ɨbɔ bɨ abe abɔʼnɨ ngaŋ ɨchwenu ɨtsum — adiʼ aza a nɨ sagɨrə ɨmugɨ wa ɨ tənɨ be tɨ́sə́n, mbáʼ lá nɨvwo na nɨ zɔŋtɨnɨ a nye ɨdiʼ tsi bá lá.”

Tɨ́tósɨ 1:2

ndóm məwen wa bɨgɨnə zhinɨ a Ŋwi a nɨ wɛrə wa ɨ ghɨnə bɨgɨnə tsinə nɨ ntsiŋə nɨ ntəm tsum ngə́ bɨgɨnə ghɨ tsí nɨ ntsi ntən nɨnkoŋ ə. Ŋwi, zɨ wa a se ɨnu a nchwě, a káʼ awɨgɨnə nɨ ntsi ntən məzen bɔŋ á Ŋwi a káʼ atuəshe ə.

1 Timotyo 4:2

Ɨdzaŋ ɨnu mətsen tsa bɨ diʼnə lá, a dzagɨ ngaŋ ɨchwenu tsa tsɨ lonɨ nɨ ntám, bo ba mɨntəm ɨma kfokɨnɨ tso ngə́ bɨ tɔn a mɛrə nɨ atɨŋə zə lomnɨ lá.

Nkyɛʼə 22:15

Lá abyɛn ntáʼmbagə wu wi wa, a tsi ɨbɛn ba bɨ ghɨnɨ ɨtumbəm ɨtsa tsɨ nyaʼnɨ, ngaŋ fuə abú, ngaŋ ntɔrɨ ɨlɛbɨ, ngaŋ njwítɨ́ ɨbɛn, ngaŋ ngúʼsɨ́ ɨbɔ bɨ abe abɔʼnɨ ngaŋ ɨchwenu tsa tsɨ chwɛ́nɨ́ ɨnu a nye mɨgham ɨma abɔʼnɨ ngɨnɨ mɨnu ɨma ghe.

1 Timotyo 1:10

ndzɔŋ nkwiʼtɨ ngaŋ ngɨ ɨnu ntɔrɨ ɨlɛbɨ, mbáŋnɨ́ tsa tsɨ nɔŋnə bo tsɨ mɔʼɔ, ɨbɛn ba bɨ zenɨ ɨbɛn, ngaŋ ɨchwenu abɔʼnɨ bətɛmə-ndzě bɨ ɨchwenu kə ɨbɛn ba bɨ ghɨnɨ ɨnu tsə daŋ a fasɨ mbɔm ndzɔŋ anu a Ŋwi zɨ shiʼnɨ lá.

2 Korɨnto 7:14

Be a be ngə́ ma tɛ́rɨ́ mbɨ́ʼ awən a mbó Tɨ́tósɨ, nɨ sé adɨrətú a nye me nɨŋə. Lá tsɛʼ tso mbáʼ anu atsum za bɨgɨ sóŋnɨ́ a mbó bən a bénɨ́ nkənu lá, ndəŋndəŋ, kɨtɛrɨ ɨwɨgɨ mbɨ́ʼ awən a ɨshi Tɨ́tósɨ a kɨ ndiʼ ngə́ a nɨ nkənu ə.

Tɨ́tósɨ 1:12

Táʼ ŋwɔn nɨ bo, ŋwɔn bə Kritɨ zɨmboŋ, mbe táʼ ntom Ŋwi ɨwa wu mɔʼɔ a sóŋ nkənu zen ngə́, “Nkfu tsum, bə Kritɨ bɨtsum nɨ ngaŋ ɨchwenu, mbe tso ɨnyam mɨbaʼ, nkɨ ndzɔŋ mbe ɨnarɨ tsa tsɨ nónɨ́ nɨdzɨ ə.”

1 Korɨnto 10:17

Mbɨ́ʼ ngə́ a nɨ táʼ mbɛʼ abán, bɨgɨnə bɨtsum baʼtɨ nghaʼ ɨ ghaʼnɨ lá, mbe táʼ ɨnyam ɨnye mbɨ́ʼ ngə́ bɨgɨnə yɛbtə lá ndəŋndəŋ mbɛʼ abán nkfúrə́ ghe.

Yoane 8:44

Nɨ nɨ ɨbɔ bɨ ta ɨwɨŋ Dəbɨrɨ, nɨ kə́ ndǒ ndzɔŋ ɨnu tsa ta ɨwən a lɔnə ghe. A bé ngwarɨ ŋwɔn ɨ lɔgɨnɨ a mbiʼnə, a láʼnə nkeʼ nɨ anu zə tse a ngɨə nɨ nkənu tsi, mbɨ́ʼ ngə́ ka nkənu zɨ tsɛrə ɨ tsi ayi wə ɨnye. A chwe ɨnu lá, a ghamnə lá nɨgham na nɨ tsinɨ a mu mbɔm ɨzhi, mbɨ́ʼ ngə́ a nɨ ŋwɔn ɨchwenu nkɨ mbe ta bɨ ɨchwenu ə.

Ɛfɛso 5:30

mbɨ́ʼ ngə́ bɨgɨnə lá ɨlam ɨnye mbəmnye ɨzhi ɛ.

Ɛfɛso 4:22

Ma lan, á nɨ nyɛʼ ɨlvuŋ ngɨnɨ mɨnu ɨtsən, mbáʼ tsɨ kɨ́nə́ ngɨə nɨ tsinə adzaŋ za nɨ kɨ́nə́ nchyɛ̌ lá. Ɨlvuŋ ɨnu ɨtsən tsa tsɨ kɨ́nə́ ndǒ tsɛʼ ɨnu ntámtɨ tsa tsɨ kɨ́nə́ ntsənkə awən lá.

Ɛfɛso 4:31

A nɨ nyɛʼ ɨnu tsa tsɨ tɔ́bɨ́nɨ́ mɨntəm mɨ ɨbɛn, mɨlwi abɔʼnɨ alwɛntɔŋ, ɨŋwankə a nchyɛ́ nɨ azúm kə anu abɔʼnɨ nɨgham nɨ ntsənkɨ ɨkum ŋwɔn wu shiʼnɨ nkwiʼtɨ awiʼtɨ a kɨban atsum ə.

Kolose 3:8

Lá tɨtsɔŋnɨ nɨ mɨ zagɨ nyɛʼ ɨnu mətsiŋ ɨtsum tso: alwɛntɔŋ, mɨlwi wa a faʼkɨnɨ abɔʼnɨ abɨgəntəm ə. A nɨgham nɨ ntsənkɨ ɨkum ŋwɔn wu shiʼnɨ ɨwu kə ɨtɨshwe mɨgham láʼ nkeʼ a ntsu bən fuə.

Ɛbal 12:1

Ma lan, mbáʼ bətɛmə-ndzě a ɨnɔ karɨsɨnɨ awɨgɨnə lá, á bɨgɨnə tiʼ nkɨ nyɛʼ ntasɨ tsum abɔʼnɨ ɨbvu ɨtsum wa ɨ korɨnɨ awɨgɨnə tso ŋwɔn a laʼnɨ a mu mɨndyiʼ, ntintɨ a tsɛrə ndɛn táʼ bagɨ ə. A bɨgɨnə nkɨə nɨkɨə nɨ amaŋnɨ na nɨ tsinɨ a ɨshi bɨgɨnə nɨ achigəntəm,

Jemsɨ 1:21

Ma lan, á nɨ nyɛʼ ɨbə́ŋ ɨtɨshwe mbɔm ɨtsum abɔʼnɨ ngɨnɨ mɨnu mɨ abɨgəntəm mɨtsum ə. A nɨ ndzúʼnə́ a Ŋwi nɨ ɨ shiʼtə nɨ ɨnye a ɨshe nkɨ mbem nɨgham nɨ Ŋwi na wɛrə a binɨ a mu mɨntəm ɨmən, nɛrə na nɨ chinɨ loŋ awən lá.

1 Bita 2:1

Ma lan, á nɨ kyɛntɨ ɨnu tsɨ tɔmnɨnɨ ɨtsum; nkeʼ mbɨŋə nchwě ɨnu kə mbɨŋə ngɨ̌ ɨtsi kə nkwiʼə nchyɛ̌ nɨ aghɨʼnɨ kə ngǎm mɨgham mɨ ntsənkɨ ɨkum ŋwɔn wu shiʼnɨ ə.